Bentley ត្រៀមបោះលុយជាង ៣ ពាន់លានដុល្លារ ផលិតរថយន្តអគ្គិសនីពេញលេញដំបូងរបស់ខ្លួននៅឆ្នាំ ២០២៥

ឧកញ៉ាសាមញ្ញ — Thu, 27 Jan 2022 05:05:23 +0000

ក្រុមហ៊ុនផលិតថយន្តដ៏ប្រណីតបំផុតរបស់អង់គ្លេស Bentley បាននិយាយកាលពីថ្ងៃពុធថា ខ្លួននឹងចាប់ផ្តើមផលិតរថយន្តអគ្គិសនីពេញលេញជាលើកដំបូង នៅក្នុងឆ្នាំ ២០២៥ ស្របពេល Volkswagen AG ដែលជាក្រុមហ៊ុនបុត្រសម្ព័ន្ធវិញ ក៏នឹងចាប់ផ្តើមផលិតរថយន្តអគ្គិសនីពេញលេញរបស់ខ្លួន នៅក្នុងឆ្នាំ ២០៣០ ផងដែរ ។

ជាក់ស្តែងក្រុមហ៊ុន Bentley ក៏បានធ្វើការបេ្តជ្ញាចិត្ត ក្នុងការវិនិយោគជាមួយទំហំទឹកប្រាក់ប្រមាណ ២,៥ ពាន់លានផោន ឬ ៣,៤ ពាន់លានដុល្លារអាមេរិក ក្នុងការបោះជំហានទៅលើវិស័យអាជីវកម្មថ្មី ដែលកំពុងតែមានភាពរីកចម្រើនខ្លាំងមួយនេះ ។

មិនតែប៉ុណ្ណោះ ក្រុមហ៊ុនផលិតរថយន្តខាងលើ បាននិយាយទៀតថា ខ្លួននឹងកំណត់រចនាសម្ព័ន្ធរោងចក្ររបស់ខ្លួន នៅទីក្រុង Crewe ក្នុងប្រទេសអង់គ្លេស ដើម្បីផលិតរថយន្តប្រភេទថ្មីនេះ ។ ប៉ុន្តែយ៉ាងណាក្រុមហ៊ុន មិនបានផ្តល់ព័ត៌មានលម្អិតបន្ថែម ចំពោះរូបរាងនៃរថយន្តអគ្គិសនីដំបូងបំផុត របស់ពួកគេនៅឡើយនោះទេ ។

គួរឱ្យដឹងផងដែរថា នៅទូទាំងឧស្សាហកម្មរថយន្តទាំងមូល ក្រុមហ៊ុនផលិតរថយន្តធំៗជាច្រើន បាននឹងកំពុងតែដាក់ចេញនូវផែនការ ដើម្បីងាកមកចាប់យកការផលិតរថយន្តអគ្គិសនីវិញ បន្ទាប់ពីរថយន្តដែលប្រើប្រាស់ប្រេងឥន្ធន:នឹងត្រូវបានការហាមឃាត់នាពេលអនាគត ដូច្នេះហើយទើបបានជាជំរុញឱ្យពួកគេ ត្រូវធ្វើការវិនិយោគដ៏ធំ ទៅលើបច្ចេកវិទ្យាថ្មី ។

សូមបញ្ជាក់ផងដែរថា កាលពីដើមខែនេះ Bentley បាននិយាយថា ខ្លួនបានឈានដល់កំណត់ត្រាមួយផ្សេងទៀត នៅឆ្នាំ ២០២១ ដោយសារតែការលក់រថយន្តរបស់ខ្លួន នៅទូទាំងពិភពលោក បានកើនឡើងដល់ ៣១% ចំពេលកំពុងមានតម្រូវការខ្លាំង សម្រាប់ប្រភេទរថយន្តប្រណីតៗ ៕

ប្រភព: CNA

The post Bentley ត្រៀមបោះលុយជាង ៣ ពាន់លានដុល្លារ ផលិតរថយន្តអគ្គិសនីពេញលេញដំបូងរបស់ខ្លួននៅឆ្នាំ ២០២៥ appeared first on .

ដាក់ឲ្យដេញថ្លៃរថយន្តប្រណិតម្ចាស់ក្សត្រី Elizabeth ចាប់ពីតម្លៃ ២៥ ម៉ឺនឡើងទៅ

ឧកញ៉ាសំពៅ — Tue, 20 Jul 2021 04:00:11 +0000

មានលេចលឺដំណឹងមកថា រថយន្តទំនើបម៉ាក Bentley Mulsanne ពណ៌បៃតងក្រមៅដែលជាកម្មសិទ្ធិរបស់ម្ចាស់ក្សត្រី Elizabeth នឹងមានវត្តមានលើទីផ្សារដាក់ដេញថ្លៃ ដែលតម្លៃចាប់ផ្ដើមគឺប្រមាណ ២៥ ម៉ឺនដុល្លារ។

បើតាមរបាយការណ៍ពី The Sun បានឲ្យដឹងថា រថយន្តមួយគ្រឿងនេះ ត្រូវបានប្រើប្រាស់ជាមធ្យោបាយធ្វើដំណើររបស់ម្ចាស់ក្សត្រីចន្លោះពីឆ្នាំ ២០១៣ ដល់ ២០១៥ ហើយចាប់តាំងពីពេលនោះមក រថយន្តមួយនេះក៏ទុកចោលឈប់ប្រើប្រាស់ ខណៈវារត់បានត្រឹមតែ ៣២១៨ គ.មប៉ុណ្ណោះ។

ដោយឡែកបើតាមការប្រកាសរបស់សារព័ត៌មាន The New York Post បានលើកឡើងថា៖ “វាគឺជាកិត្តិយសខ្លាំងណាស់ ដែលពួកយើងអាចមានឱកាសបង្ហាញគ្រប់គ្នាអំពីវត្ថុមានតម្លៃមួយគឺ Bentley Mulsanne ដែលយានយន្តមួយគ្រឿងនេះគឺជាកម្មសិទ្ធិរបស់ម្ចាស់ក្សត្រី Elizabeth II និងត្រូវដាក់ឲ្យប្រើប្រាស់សម្រាប់ខ្សែរាជវង្សចន្លោះពីឆ្នាំ ២០១៣ ដល់ ២០១៥ ហើយមានមុខងារតែមួយគត់គឺ ប្រើសម្រាប់តែជាមធ្យោបាយធ្វើដំណើររបស់ទ្រង់ផ្ដាច់មុខតែម្ដង”។

យ៉ាងណាមិញ គ្រាន់តែដាក់ប្រកាសលក់ភ្លាម មិនទាន់បានប៉ុន្មានថ្ងៃផង រថយន្តផលិតនៅក្នុងឆ្នាំ ២០១៣ មួយនេះ ក៏រកបានម្ចាស់ថ្មីភ្លាម បើទោះជាតម្លៃរបស់វាហាក់រាងថ្លៃជាងបន្តិច បើធៀបនឹងម៉ូដែលដូចគ្នាដែលផលិតក្នុងឆ្នាំតែមួយ៕

ប្រភព: therichest

The post ដាក់ឲ្យដេញថ្លៃរថយន្តប្រណិតម្ចាស់ក្សត្រី Elizabeth ចាប់ពីតម្លៃ ២៥ ម៉ឺនឡើងទៅ appeared first on .

Bentley

Bentley ត្រៀមបោះលុយជាង ៣ ពាន់លានដុល្លារ ផលិតរថយន្តអគ្គិសនីពេញលេញដំបូងរបស់ខ្លួននៅឆ្នាំ ២០២៥

ដាក់​ឲ្យ​ដេញថ្លៃ​រថយន្ត​ប្រណិត​​ម្ចាស់ក្សត្រី Elizabeth ​ចាប់​ពី​តម្លៃ ២៥ ម៉ឺន​ឡើង​ទៅ

ដាក់ឲ្យដេញថ្លៃរថយន្តប្រណិតម្ចាស់ក្សត្រី Elizabeth ចាប់ពីតម្លៃ ២៥ ម៉ឺនឡើងទៅ