មហាសេដ្ឋីរ៉ែអ៊ីស្រាអែលម្នាក់ កំពុងរង់ចាំការសម្រេចរបស់តុលាការក្រិក លើដីកាចាប់ខ្លួនផ្លូវការ

ឧកញ៉ាសាមញ្ញ — Wed, 16 Oct 2024 06:55:00 +0000

យោងតាមក្រុមមន្ត្រីប៉ូលីស និងប្រភពផ្លូវច្បាប់ជាច្រើន បាននិយាយកាលពីថ្ងៃចន្ទ ដើមសប្តាហ៍នេះ ថា មហាសេដ្ឋីរុករករ៉ែជនជាតិអ៊ីស្រាអែល លោក Beny Steinmetz ត្រូវបានដោះលែងឲ្យនៅក្រៅឃុំ នៅក្នុងប្រទេសក្រិក ប៉ុន្តែត្រូវបានហាមឃាត់មិនឲ្យចាកចេញពីប្រទេសនេះឡើយ ខណ:រូបលោក កំពុងរង់ចាំការសម្រេចចុងក្រោយរបស់តុលាការ លើដីកាចាប់ខ្លួនដែលស្នើឡើងដោយប្រទេសរ៉ូម៉ានី។ នេះបើតាមការចុះផ្សាយពីសារព័ត៌មាន Reuters។

ប្រភពដដែលនេះ បាននិយាយទៀតថា លោក Steinmetz ត្រូវបានក្រុមប៉ូលីសរបស់ប្រទេសក្រិក ចាប់ឃាត់ខ្លួន ពោលគឺនៅត្រឹមប៉ុន្មានម៉ោងប៉ុណ្ណោះ បន្ទាប់ពីលោកបានមកដល់អាកាសយានដ្ឋានអន្តរជាតិ Athens ពីទីក្រុង Tel Aviv កាលពីល្ងាចថ្ងៃអាទិត្យ។

មន្ត្រីប៉ូលិសក្រិកម្នាក់ បាននិយាយក្នុងលក្ខខណ្ឌមិនបញ្ចេញឈ្មោះថា ដីកាចាប់ខ្លួនមួយត្រូវបានដាក់ចេញនៅទូទាំងអឺរ៉ុបប្រឆាំងទៅនឹងលោក Steinmetz តាមរយ:រដ្ឋាភិបាលរ៉ូម៉ានី ជុំវិញការចោទប្រកាន់លើមហាសេដ្ឋីរូបនេះ ពីបទចូលរួមក្នុងគម្រោងអំពើពុករលួយដ៏ធំមួយ នៅក្នុងប្រទេសរ៉ូម៉ានី។

ក្រោយការចាប់ខ្លួន បុរសវ័យ ៦៨ឆ្នាំរូបនេះ បានបង្ហាញខ្លួននៅចំពោះមុខព្រះរាជអាជ្ញាដែលបានសម្រេចថាលោក Steinmetz គួរតែត្រូវដោះលែងឲ្យនៅក្រៅឃុំ ប៉ុន្តែត្រូវហាមឃាត់មិនឲ្យធ្វើដំណើរចាកចេញពីប្រទេសនោះឡើយ ខណៈពេលដែលកំពុងរង់ចាំការសម្រេចចិត្តចុងក្រោយរបស់ក្រុមប្រឹក្សាតុលាការក្រិក លើការចាប់ខ្លួនជាផ្លូវការ និងធ្វើបត្យាប័នបន្ត។

ជម្រាបជូនថា កាលពីឆ្នាំមុន អាជ្ញាធររ៉ូម៉ានីបានចោទប្រកាន់លោក Steinmetz ពីបទបង្កើតក្រុមឧក្រិដ្ឋជនដែលបានរៀបចំ និងធ្វើការលាងលុយកខ្វក់ នៅក្នុងករណីជាច្រើន ដែលធ្វើឲ្យរដ្ឋាភិបាលក្រុង Bucharest ខាតបង់ទឹកប្រាក់សរុបចំនួន ១៤៥លានដុល្លារ។ ហើយបើយោងតាមទស្សនាវដ្តី Forbes បានបង្ហាញឲ្យដឹងថា លោក Steinmetz មានទ្រព្យសម្បត្តិសរុបប្រមាណជាង ១ពាន់លានដុល្លារ៕

The post មហាសេដ្ឋីរ៉ែអ៊ីស្រាអែលម្នាក់ កំពុងរង់ចាំការសម្រេចរបស់តុលាការក្រិក លើដីកាចាប់ខ្លួនផ្លូវការ appeared first on .

ក្រុមហ៊ុន Vale SA ប្រកាសដកពាក្យប្ដឹងមហាសេដ្ឋី Beny Steinmetz ជាមួយសំណង ១,២ ពាន់លានដុល្លារ

ឧកញ៉ាសំពៅ — Tue, 15 Feb 2022 08:12:26 +0000

យោងទៅតាមការចុះផ្សាយពីសារព័ត៌មានខ្នាតយក្ស Israeli បានឲ្យដឹងថា ក្រុមហ៊ុន Vale SA បានដកពាក្យបណ្ដឹងចំពោះលោក Beny Steinmetz នៅតុលាការទីក្រុង London ជាមួយនឹងបុគ្គល ៥ រូបទៀត ខណៈដំណើរការកាត់ក្ដីទើបនឹងចាប់ផ្ដើមមិនទាន់បានពាក់កណ្ដាលការគ្រោងទុក ១១ សប្ដាហ៍ផង។

រំលឹកបន្តិចថា ក្រុមហ៊ុនជីករ៉ែធំបំផុតនៅប្រេស៊ីលមួយនេះបានធ្វើការចោទប្រកាន់ទៅកាន់មហាសេដ្ឋីខាងលើថា បានជាប់ពាក់ព័ន្ធនឹងការស៊ីសំណូកសូកប៉ាន់ និងបានទាមទារប្រាក់សំណង ១,២ ពាន់លានដុល្លារកាលពីពេលកន្លងទៅ។

យ៉ាងណា ក្រោយដាក់ពាក្យបណ្ដឹងមិនបានប៉ុន្មាន ខាងដើមចោទបានដកពាក្យបណ្ដឹងមកវិញ ក្រោមហេតុផល ពេលវេលាមិនសក្ដិសម និងបានរំសាយចោលនូវការបង្កកការបញ្ជាទិញដែលធ្វើឲ្យប៉ះពាល់ដល់ជំនួញរបស់ Steinmetz ទាំងអស់។ នេះបើតាមការឲ្យដឹងពីលោក Bobby Morse មេធាវីការពារក្ដីរបស់មហាសេដ្ឋីជនជាតិអ៊ីស្រាអែល។

បញ្ជាក់ដែរថា ក្រុមហ៊ុន Vale បានធ្វើការប្ដឹងផ្ដល់ជាមួយគោលបំណងទារថ្លៃជំងឺចិត្ត ១,២ ពាន់លានដុល្លារ បន្ទាប់ពីចោទប្រកាន់ Steinmetz និងដៃគូជំនួញរបស់លោក ថាបានឃុបឃិតលួចកែប្រែកិច្ចសន្យាជីកអណ្ដូងរ៉ែនៅប្រទេសហ្គីណេដែលមានតម្លៃរាប់ពាន់លានដុល្លារ។

រឿងក្ដីមួយនេះទៀតសោត គឺត្រូវបានគេចាត់ទុកថាជាជម្លោះដ្រាម៉ារវាងក្រុមហ៊ុនរ៉ែ និងមហាសេដ្ឋីវែងឆ្ងាយបំផុតមួយ ដោយសារតែមានការស៊ើបអង្កេតឆ្លងដល់ ២ ប្រទេសគឺ សហរដ្ឋអាមេរិក និងប្រទេសស្វីស៕

ប្រភព: bnnbloomberg

The post ក្រុមហ៊ុន Vale SA ប្រកាសដកពាក្យប្ដឹងមហាសេដ្ឋី Beny Steinmetz ជាមួយសំណង ១,២ ពាន់លានដុល្លារ appeared first on .

Beny Steinmetz

មហាសេដ្ឋី​រ៉ែ​អ៊ីស្រាអែលម្នាក់ កំពុងរង់ចាំ​ការ​សម្រេច​របស់​តុលាការ​ក្រិក​ លើ​ដីកា​ចាប់​ខ្លួនផ្លូវការ

ក្រុមហ៊ុន Vale SA ប្រកាស​ដក​ពាក្យ​ប្ដឹង​មហាសេដ្ឋី Beny Steinmetz ជាមួយ​សំណង ១,២ ពាន់​លាន​ដុល្លារ

មហាសេដ្ឋីរ៉ែអ៊ីស្រាអែលម្នាក់ កំពុងរង់ចាំការសម្រេចរបស់តុលាការក្រិក លើដីកាចាប់ខ្លួនផ្លូវការ

ក្រុមហ៊ុន Vale SA ប្រកាសដកពាក្យប្ដឹងមហាសេដ្ឋី Beny Steinmetz ជាមួយសំណង ១,២ ពាន់លានដុល្លារ