នៅក្នុងលិខិតនោះ លោក Buffett បានសរសេរថា ៖” ខ្ញុំមានការភ្ញាក់ផ្អើលចំពោះសុខភាពរបស់ខ្ញុំនៅតែមានភាពល្អប្រសើរ។ ទោះបីជាខ្ញុំដើរយឺតជាងមុន ហើយការអានរបស់ខ្ញុំកាន់តែពិបាកក៏ដោយ ប៉ុន្តែខ្ញុំនៅតែអាចទោការិយាល័យ ៥ថ្ងៃក្នុងមួយសប្តាហ៍ ហើយធ្វើការជាមួយមនុស្សល្អៗ”។

គួរឲ្យដឹងថា មហាសេដ្ឋីលំដាប់កំពូលរបស់អាមេរិករូបនេះ តែងតែបន្តចែករំលែកអំពីស្ថានភាពសុខភាព អាយុ និងដំណើរការរយៈពេល ៦ ទសវត្សរបស់លោក ដែលបានដឹកនាំក្រុមហ៊ុន Berkshire ចាប់តាំងពីជាក្រុមហ៊ុនវាយនភណ្ឌតូចមួយ​ ឲ្យក្លាយទៅជាក្រុមហ៊ុនវិនិយោគចម្រុះដែលមានតម្លៃទីផ្សារដល់ទៅជាង ១ទ្រីលានដុល្លារ។

លោក Buffett បាននិយាយទៀតថា លោកនៅតែចង់បន្តរួមចំណែកជាគំនិតមានប្រយោជន៍ដល់ក្រុមហ៊ុន នៅក្នុងវ័យ ៩៥ឆ្នាំនេះ ដោយជឿថាលោកនៅតែអាចនាំមកនូវកិច្ចព្រមព្រៀងដែលមានមនុស្សតិចតួចណាស់អាចធ្វើវាបានសម្រាប់ក្រុមហ៊ុន។

ជម្រាបជូនផងដែរថា បើតាមការចុះផ្សាយពី Forbes បច្ចុប្បន្ន លោក Buffett មានទ្រព្យសម្បត្តិសរុបជាង ១៤៨ពាន់លានដុល្លារ ដោយភាគច្រើនទទួលបានពីការកាន់កាប់ភាគហ៊ុនច្រើនជាងគេ នៅក្នុងក្រុមហ៊ុន Berkshire៕​

The post ទោះឈានដល់វ័យ ៩៥ឆ្នាំ តែបិតាវិនិយោគ Warren Buffett នៅបន្តធ្វើការ ៥ថ្ងៃក្នុងមួយសប្តាហ៍ appeared first on .

បើតាមក្រុមហ៊ុនសេវាកម្មអចលនទ្រព្យ Savills Vietnam បានបង្ហាញឲ្យដឹងថា ក្រុមហ៊ុន Marmon Fastener ដែលជាក្រុមហ៊ុនបុត្រសម្ព័ន្ធមួយរបស់ Marmon Holding និងត្រូវបានគ្រប់គ្រងទាំងស្រុងដោយក្រុមហ៊ុនមេ Berkshire Hathaway នឹងជួលរោងចក្រ ក្នុងខេត្ត Dong Nai ប្រទេសវៀតណាម ដើម្បីផលិតវីស សម្រាប់ផ្គត់ផ្គង់ទីផ្សារអាមេរិកខាងជើងបន្ថែមទៀត។

យ៉ាងណាមិញ ជុំវិញការវិនិយោគដំបូងបំផុតរបស់ក្រុមហ៊ុន Marmon Holdings នៅក្នុងប្រទេសវៀតណាមនេះ បានកើតឡើង បន្ទាប់ពីមានការសិក្សាអស់រយៈពេលពីរឆ្នាំ ដើម្បីស្វែងរកទីតាំងដ៏ល្អបំផុត សម្រាប់ទីតាំងផលិតរបស់ខ្លួន។

ទន្ទឹមនឹងនេះ​ បើតាមប្រធានក្រុមហ៊ុន លោក Steve Semmler បាននិយាយថា ការជួលរោងចក្រដំបូងនៅក្នុងប្រទេសវៀតណាមនេះ នឹងអនុញ្ញាតឲ្យក្រុមហ៊ុន របស់លោក អាចប្រើប្រាស់កម្លាំងពលកម្មជំនាញរបស់វៀតណាម ក៏ដូចជាទទួលបានបរិយាកាសវិនិយោគមានស្ថិរភាព និងតម្លៃប្រកួតប្រជែង ផងដែរ។

លោក Steve Semmler បានបន្ថែមទៀតថា វាក៏ពង្រឹងសមត្ថភាពផលិតកម្មសកលរបស់ Marmon Holdings និងធ្វើពិពិធកម្មខ្សែសង្វាក់ផ្គត់ផ្គង់របស់ខ្លួន នៅខាងក្រៅអាមេរិកខាងជើងផងដែរ។ Marmon Holdings គឺជាក្រុមហ៊ុនឧស្សាហកម្មចម្រុះដែលមានក្រុមហ៊ុនសមាជិកជាង ១០០ នៅក្នុងវិស័យជាច្រើន រួមទាំងការផលិតឧបករណ៍ឧស្សាហកម្ម គ្រឿងបន្លាស់ ការដឹកជញ្ជូន ម្ហូបអាហារ និងហេដ្ឋារចនាសម្ព័ន្ធ ជាដើម៕​

The post ក្រុមហ៊ុនបិតាវិនិយោគ Warren Buffett គ្រោងជួលរោងចក្រធំមួយ នៅក្នុងប្រទេសវៀតណាម appeared first on .

ជុំវិញការលក់នៃអង្គភាព OxyChem ដែលជាក្រុមហ៊ុនផ្គត់ផ្គង់ផលិតផលប្រើប្រាស់នៅក្នុងវិស័យថែទាំវេជ្ជសាស្រ្ត សន្តិសុខស្បៀង និងសំណង់នេះ នឹងក្លាយជាការលក់ចេញអាជីវកម្មជាបន្តបន្ទាប់ របស់ក្រុមហ៊ុនមេ Occidental ក្នុងរយៈពេលប៉ុន្មានឆ្នាំៗថ្មីៗនេះ ដើម្បីជាការប្រមូលថវិការៀបចំរចនាសម្ព័ន្ធឡើងវិញ។

ប្រភពខាងលើបន្ថែមឲ្យដឹងទៀតថា កិច្ចព្រមព្រៀងទិញលក់នេះអាចនឹងកើតឡើង ក្នុងរយៈពេលប៉ុន្មានថ្ងៃទៀត។ Berkshire គឺជាម្ចាស់ភាគហ៊ុនធំជាងគេរបស់ Occidental រួចស្រាប់ទៅហើយ ជាមួយភាគហ៊ុនកាន់កាប់សរុប ២៧%។

ជម្រាបជូនផងដែរថា ប្រសិនបើការទិញរបស់ Berkshire ទៅលើ OxyChem អាចបិទបញ្ចប់ទៅបានមែន នោះវានឹងក្លាយជាកិច្ចព្រមព្រៀងដ៏ធំបំផុតសម្រាប់ក្រុមហ៊ុនរបស់បិតាវិនិយោគ Warren Buffett រាប់ចាប់តាំងពីការទិញយកក្រុមហ៊ុន Alleghany ក្នុងតម្លៃប្រមាណជាង ១១ពាន់លានដុល្លារ ក្នុងឆ្នាំ២០២២ មក៕

The post Warren Buffett គ្រោងចាយលុយ ១០ពាន់លានដុល្លារ ទិញយកក្រុមហ៊ុនកំពូលអាមេរិក OxyChem appeared first on .

នៅក្នុងរបាយការណ៍ហិរញ្ញវត្ថូត្រីមាសទី១ របស់ក្រុមហ៊ុន Berkshire Hathaway Energy ដែលជាបុត្រសម្ព័ន្ធរបស់ Berkshire ដែលជាអ្នកកាន់កាប់ភាគហ៊ុននៅក្នុងក្រុមហ៊ុន BYD នោះ បង្ហាញឲ្យដឹងថា ការវិនិយោគរបស់ពួកគេគិតត្រឹមថ្ងៃទី៣១ ខែមីនា នៅក្នុងក្រុមហ៊ុនចិន គឺស្មើ០។ អ្នកនាំពាក្យរបស់ Berkshire ក៏បានបញ្ជាក់ទៀតផងដែរថា ក្រុមហ៊ុនបុត្រសម្ព័ន្ធរបស់ខ្លួននេះក៏បានដ៏ខ្លួនចេញពី BYD ទាំងស្រុងផងដែរ។

គួរឲ្យដឹងផងដែរថា Berkshire បានបណ្តាក់ទុនវិនិយោគក្នុងក្រុមហ៊ុន BYD ចាប់តាំងពីឆ្នាំ២០០៨ មកម្លេះ តាមការស្នើសុំរបស់លោក Charlie Munger ដែលជាអតីតអនុប្រធានក្រុមហ៊ុន Berkshire Hathaway ។

នៅពេលនោះក្រុមហ៊ុនបានបង់ប្រាក់ចំនួន ២៣០លានដុល្លារ ដើម្បីទិញភាគហ៊ុនចំនួន ២២៥លានហ៊ុន ឬស្មើទៅនឹង ១០% នៃភាគហ៊ុនសរុបរបស់ក្រុមហ៊ុន។

តែទោះជាយ៉ាងណាក៏ដោយចាប់ពីឆ្២០២២ ក្រុមហ៊ុនរបស់មហាសេដ្ឋី Buffett បានចាប់ផ្តើមលក់ភាគហ៊ុនជាបន្តបន្ទាប់ ក្រោយពីភាគហ៊ុន BYD បានកើនឡើងច្រើនជាង ២០ដង។ គិតត្រឹមខែមិថុនាឆ្នាំមុន ពួកគេបានលក់ភាគហ៊ុនជិត ៧៦% នៃការកាន់កាប់របស់ពួកគេ ដោយទុកឱ្យ Berkshire មានភាគហ៊ុនតិចជាង ៥% ប៉ុណ្ណោះ។ យ៉ាងណាក៏ដោយ មហាសេដ្ឋី Warren Buffett មិនដែលពន្យល់លម្អិតពីមូលហេតុដែលក្រុមហ៊ុនរបស់លោក សម្រេចលក់ភាគហ៊ុន BYD នោះឡើយ៕​

The post ក្រុមហ៊ុនបិតាវិនិយោគ Warren Buffett ប្រកាសលក់ភាគហ៊ុនក្នុងក្រុមហ៊ុន BYD ចេញទាំងអស់ appeared first on .

យោងតាមឯកសារផ្លូវការមួយ បានបង្ហាញឲ្យដឹងកាលពីថ្ងៃទី១៤ ខែសីហា ថា ក្រុមហ៊ុន Berkshire បានទិញយកភាគហ៊ុននៅក្នុងចំនួន ៥ លានហ៊ុន នៅក្នុង UnitedHealth ជាមួយតម្លៃសរុប ១,៦ពាន់លានដុល្លារ។ ក្រោយការទិញយកនេះ បានធ្វើឲ្យតម្លៃភាកហ៊ុនរបស់ក្រុមហ៊ុនធានារ៉ាប់រង អាមេរិក ហក់ឡើងដល់កម្រិតខ្ពស់បំផុតមួយ នៅក្នុងការជួញដូរចុងក្រោយ។

គួរឲ្យដឹងផងដែរថា ជុំវិញការវិនិយោគរបស់មហាសេដ្ឋី Buffett នៅក្នុង UnitedHealth នេះ បានកើតឡើងនៅពេលដែលក្រុមហ៊ុនផ្តល់សេវាថែទាំសុខភាពប្រឈមមុខទៅនឹងវិបត្តិជាច្រើន។ UnitedHealth រួមជាមួយនឹងក្រុមហ៊ុនធានារ៉ាប់រងសុខភាពផ្សេងទៀតរបស់សហរដ្ឋអាមេរិក ក៏បានប្រឈមមុខនឹងការកើនឡើងថ្លៃព្យាបាល ដែលមិននឹកស្មានដល់ផងដែរ។

ជម្រាបជូនផងដែរថា ទន្ទឹមនឹងនេះទិញភាគហ៊ុន នៅក្នុង UnitedHealth ក្រុមហ៊ុនរបស់មហាសេដ្ឋី Buffett ក៏បានលក់ភាគហ៊ុនចំនួន ២០ លានហ៊ុន នៅក្រុមហ៊ុន Apple Inc. ក្នុងអំឡុងពេលនេះផងដែរ។ ប៉ុន្តែយ៉ាងណាក៏ដោយ Berkshire នៅតែជាអ្នកកាន់ភាគហ៊ុនច្រើនបំផុតនៅក្នុង Apple គិតមកទល់ពេលនេះ៕​

The post មហាសេដ្ឋី Warren Buffett ទិញភាគហ៊ុនតម្លៃ ១,៦ពាន់លានដុល្លារ ក្នុងក្រុមហ៊ុនធានារ៉ាប់រងអាមេរិក appeared first on .

ជុំវិញព័ត៌មាននេះ ត្រូវបានប្រកាសដោយក្រុមហ៊ុន Berkshire នៅក្នុងរបាយការណ៍ហិរញ្ញវត្ថុ សម្រាប់ត្រីមាសទី២ របស់ខ្លួន ដែលបិទបញ្ចប់កាលពីថ្ងៃទី២ ខែសីហាកន្លងទៅ។

យោងតាមរបាយការណ៍ចុងក្រោយនេះ ក្រុមហ៊ុន Berkshire បច្ចុប្បន្នកាន់កាប់ភាគហ៊ុន ២៧,៤% នៅក្នុង Kraft Heinz ជាមួយនឹងតម្លៃភាគហ៊ុន បានធ្លាក់ចុះអស់ ៣,៧៦ពាន់លានដុល្លារ។ ពីមុនមកក្រុមហ៊ុនចំណីអាហារដ៏ល្បីល្បាញនេះ ធ្លាប់បានប្រកាសពីស្ថានភាពលំបាករបស់ខ្លួន និងពិចារណារកដំណោះស្រាយជាយុទ្ធសាស្ត្រ រួមទាំងការបំបែកក្រុមហ៊ុន ផងដែរ។

ជម្រាបជូនថា កាលពី ១០ឆ្នាំមុន Berkshire បានទិញយក Kraft Foods ដោយបញ្ចូលវាជាមួយ HJ Heinz ដើម្បីបង្កើតជាក្រុមហ៊ុន Kraft Heinz ។ នៅឆ្នាំ២០១៩ ក្រុមហ៊ុនបានកត់ត្រាការខាតបង់លើកដំបូងរបស់ខ្លួនចំនួន ៣ពាន់លានដុល្លារពីការវិនិយោគលើក្រុមហ៊ុននេះ។ នៅពេលនោះ លោក Buffett បានសារភាពថា ការវិនិយោគលើក្រុមហ៊ុនអាហារនេះ គឺជាកំហុសធំបំផុតមួយ ក្នុងចំណោមការវិនិយោគជាច្រើនរាប់មិនអាស់ទៀតរបស់លោក៕​

The post ក្រុមហ៊ុនបិតាវិនិយោគ​ Warren Buffett ខាតលុយអស់ជិត ៤ពាន់លានដុល្លារ ក្នុងអាជីវកម្មចំណីអាហារ appeared first on .

ប៉ុន្តែទោះជាយ៉ាងណា យោងតាមសារព័ត៌មាន CNBC បានបង្ហាញឲ្យដឹងថា ក្នុងអំឡុងកិច្ចប្រជុំចុងក្រោយនេះ ក្រុមប្រឹក្សាភិបាលនៃក្រុមហ៊ុន Berkshire Hathaway បានសម្រេចបោះឆ្នោតផ្តល់សេចក្តីទុកចិត្ត ជ្រើសរើសអនុប្រធានក្រុមហ៊ុន លោក Greg Abel ឲ្យកាន់តំណែងជានាយកប្រតិបត្តិបន្ត ចាប់ពីថ្ងៃទី១ ខែមករា ឆ្នាំ២០២៦។ ហើយទន្ទឹមនឹងនេះ លោក Warren Buffett នឹងនៅតែបន្តធ្វើជាប្រធានរបស់ក្រុមហ៊ុន Berkshire Hathaway ដដែល។

រំឭកផងដែរថា នៅក្នុងកិច្ចប្រជុំប្រចាំឆ្នាំកាលពីថ្ងៃទី៣ ខែឧសភា នៅទីក្រុង Omaha មហាសេដ្ឋី Warren Buffett ដែលកាន់តំណែងជាប្រធានក្រុមប្រឹក្សាភិបាល និងជានាយកប្រតិបត្តិនៃក្រុមហ៊ុន Berkshire Hathaway បានប្រកាសទៅកាន់ម្ចាស់ភាគហ៊ុនរាប់ម៉ឺននាក់ថា លោកនឹងលាលែងពីតំណែងជានាយកប្រតិបត្តិរបស់ក្រុមហ៊ុន ចាប់ពីចុងឆ្នាំ២០២៥ នេះ។ នៅ​ពេលប្រកាស​នោះ លោក​មិន​បាន​និយាយ​បន្ថែម​អំពី​លទ្ធភាព​បន្ត​កាន់​តំណែង​ជា​ប្រធាន ឬ​ក៏​អត់​នោះ​ទេ ដោយគ្រាន់តែចែករំលែកថាលោកនៅតែអាចបន្តគាំទ្រ Berkshire Hathaway ក្នុងករណីខ្លះ ប៉ុន្តែការសម្រេចចិត្តចុងក្រោយ គឺនឹងត្រូវធ្លាក់លើលោក Abel ទាំងស្រុង។

ជម្រាបជូនថា លោក​ Abel នឹងកាន់កាប់ Berkshire បន្ត បន្ទាប់ពីលោក Buffett បានគ្រប់គ្រងអស់រយ:ពេល ៦០ឆ្នាំកន្លងកមកនេះ ដោយបានកសាងវាពីក្រុមហ៊ុនវាយនភណ្ឌដែលបរាជ័យមួយ ទៅជាក្រុមហ៊ុនវិនិយោគ ដែលមានតម្លៃមូលធនទីផ្សារដល់ទៅជាង ១,១ទ្រីលានដុល្លារ ជាមួយនឹងការកាន់កាប់អាជីវកម្មជាច្រើន នៅទូទាំងសហរដ្ឋអាមេរិក៕

The post ចូលនិវត្តន៍ពី CEO ក្រុមហ៊ុន Berkshire តែបិតាវិនិយោគ Warren Buffett បន្តកាន់តំណែងធំមួយនេះ appeared first on .

លោក Warren Buffett បច្ចុប្បន្នវ័យ ៩៤ឆ្នាំ ដែលជាវិនិយោគិនដ៏ល្បីល្បាញបំផុតរបស់ពិភពលោក បាននិយាយនៅក្នុងកិច្ចប្រជុំប្រចាំឆ្នាំរបស់ Berkshire កាលពីថ្ងៃសៅរ៍កន្លងទៅថា លោកនឹងប្រគល់តំណែងជា CEO ក្រុមហ៊ុនទៅឲ្យអនុប្រធាន លោក Greg Abel ជំនួសវិញ នៅចុងឆ្នាំនេះ។

យ៉ាងណាមិញ ក្រោយការប្រកាសនេះ ភាគហ៊ុន Class B របស់ Berkshire បានធ្លាក់ចុះភ្លាមៗ មកនៅត្រឹម ៥២៥,៩៦ដុល្លារ ក្នុងមួយហ៊ុនប៉ុណ្ណោះ ដែលអាចបណ្តាលឲ្យក្រុមហ៊ុនបាត់បង់តម្លៃទីផ្សាររាប់ពាន់លានដុល្លារ ប្រសិនបើការខាតបង់នេះ នៅតែបន្តនោះ។

គួរឲ្យដឹងផងដែរថា សេចក្តីប្រកាសរបស់លោក Buffett នេះ ហាក់បានធ្វើឲ្យមានភាពរង្គោះរង្គើ ក្នុងចំណោមម្ចាស់ភាគហ៊ុនរបស់ Berkshire ដោយសារតែការកើនឡើងនៃភាពច្បាស់លាស់នៃរបៀបដែលក្រុមហ៊ុន នឹងត្រូវប្រតិបត្តិការអាជីវកម្មជិត ២០០ របស់ខ្លួន ក៏ដូចជាការគ្រប់គ្រងទៅលើភាគហ៊ុនសរុបដែលមានតម្លៃប្រមាណ ២៦៤ពាន់លានដុល្លារ និងសាច់ប្រាក់ចំនួន ៣៤៨ពាន់លានដុល្លារ ផ្សេងទៀត បន្ទាប់ពីការចុះចេញពីតំណែងរបស់លោក Buffett ទៅនោះ។

ជម្រាបជូនផងដែរថា ក្នុងរយៈពេលកន្លះសតវត្សកន្លងមកនេះ លោក Buffett បានប្រែក្លាយក្រុមហ៊ុន Berkshire ពីក្រុមហ៊ុនវាយនភណ្ឌដែលកំពុងជួបការលំបាក ទៅជាក្រុមហ៊ុនមានតម្លៃប្រមាណ ១,១៦ទ្រីលានដុល្លារ។ ហើយបើតាម Forbes ទ្រព្យសម្បត្តិសរុបរបស់លោក Beffett បច្ចុប្បន្នមានចំនួនជាង ១៦៨ពាន់លានដុល្លារ៕

The post ភាគហ៊ុន Berkshire Hathaway ធ្លាក់ចុះខ្លាំង ក្រោយបិតាវិនិយោគ Warren Buffett ប្រកាសចូលនិវត្តន៍ appeared first on .

យោងតាមរបាយការណ៍ហិរញ្ញវត្ថុរបស់ក្រុមហ៊ុន បានបង្ហាញឲ្យដឹងថា ប្រាក់ចំណេញប្រតិបត្តិការក្នុងត្រីមាសទី៤ ឆ្នាំ២០២៤ កន្លងទៅមានចំនួនសរុប ១៤,៥ពាន់លានដុល្លារ ពោលគឺបានកើនឡើង ៧១% បើធៀបទៅនឹងរយ:ពេលដូចគ្នាក្នុងឆ្នាំ២០២៣ ។

ដោយឡែកសម្រាប់រយៈពេលពេញមួយឆ្នាំ នៃឆ្នាំ២០២៤ ប្រាក់ចំណេញប្រតិបត្តិការរបស់ Berkshire Hathaway បានឈានដល់ចំនួនសរុប ៤៧,៤ពាន់លានដុល្លារ ដែលជាចំនួនខ្ពស់បំផុតមិនធ្លាប់មាន និងជាកើនឡើងរយ:ពេលបីឆ្នាំជាប់ៗគ្នា។

យ៉ាងណាមិញ ជុំវិញលទ្ធផលវិជ្ជមាននេះ ត្រូវបានជំរុញដោយអាជីវកម្មធានារ៉ាប់រងរបស់ក្រុមហ៊ុន ដែលទទួលបានភាពប្រសើរឡើងខ្លាំង និងប្រាក់ចំណូលពីការវិនិយោគដ៏រឹងមាំ ផងដែរ។ ទន្ទឹមនឹងនេះ មហាសេដ្ឋី Warren Buffett បាននិយាយថាក្រុមហ៊ុនរបស់ខ្លួន ហាក់ដំណើរការបានល្អជាងការរំពឹងទុក បើទោះបីជា ៥៣% នៃក្រុមហ៊ុនបុត្រសម្ព័ន្ធសរុបទាំង ១៨៩ របស់ខ្លួន បានរាយការណ៍ពីការធ្លាក់ចុះនៃប្រាក់ចំណេញក៏ដោយ កាលពីឆ្នាំមុនក៏ដោយ។

ជម្រាបជូនផងដែរថា បើទោះបីជាប្រាក់ចំណេញប្រតិបត្តិការរបស់ Berkshire Hathaway មានការកើនឡើងខ្ពស់ក៏ដោយ ប៉ុន្តែប្រាក់ចំណេញនៅក្នុងក្រុមហ៊ុនបុត្រសម្ព័ន្ធរបស់ខ្លួនមួយចំនួន ហាក់មានការធ្លាក់ចុះខ្លាំង ដូចជាក្រុមហ៊ុន BNSF Railroad បានធ្លាក់ចុះ ១% កាលពីឆ្នាំមុន ខណ: Clayton Home ដែលជាអាជីវកម្មលក់​ផ្ទះ​ចល័ត​ បាន​ឃើញ​ប្រាក់​ចំណេញ​របស់​ខ្លួន​ថយចុះគួរឲ្យកត់សម្គាល់ផងដែរ៕

The post ក្រុមហ៊ុនបិតាវិនិយោគ Warren Buffett ប្រកាសកើបប្រាក់ចំណេញបំបែកកំណត់ត្រាខ្ពស់បំផុត appeared first on .

ក្រុមហ៊ុនវិនិយោគដែលមានមូលដ្ឋាននៅទីក្រុង Omaha រដ្ឋ Nebraska បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទទី២៥ ខែវិច្ឆិកានេះថា លោក Buffett នឹងបំប្លែងភាគហ៊ុនចំនួន ១ ៦០០ នៃភាគហ៊ុន Class A របស់ក្រុមហ៊ុន Berkshire ទៅជាភាគហ៊ុន Class B ដែលមានចំនួន ២,៤ លានហ៊ុនវិញ សម្រាប់ផ្តល់ជាអំណោយទៅកាន់អង្គសប្បុរសធម៌ធំៗទាំងនោះ។

ក្នុងចំណោមភាគហ៊ុនដែលលោក Beffett នឹងត្រូវបរិច្ចាគលើកនេះ មូលនិធិ Susan Thompson Buffett នឹងទទួលបានភាគហ៊ុនសរុបចំនួន ១,៥លានហ៊ុន ដែលមានតម្លៃប្រហែល ៧១៤លានដុល្លារ ស្របពេលមូលនិធិ Sherwood , Howard G. Buffett និងមូលនិធិ NoVo ក៏នឹងទទួលបានចំនួន ៣សែនហ៊ុនម្នាក់ ដោយអំណោយនីមួយៗមានតម្លៃប្រហែល ១៤៣លានដុល្លារ។

គួរឲ្យដឹងផងដែរថា លោក Buffett បានកាត់បន្ថយការកាន់កាប់ភាគហ៊ុន Class A របស់លោក នៅក្នុងក្រុមហ៊ុន Berkshire មកត្រឹមចំនួនជាង ២សែនហ៊ុនប៉ុណ្ណោះ ពោលគឺបានថយចុះ ៥៧% ចាប់តាំងពីលោកបានចាប់ផ្តើមបរិច្ចាគក្នុងឆ្នាំ២០០៦ មក។

ជម្រាបជូនផងដែរថា បច្ចុប្បន្ន លោក Buffett មានទ្រព្យសម្បត្តិសរុបចំនួន ១៥២ពាន់លានដុល្លារ ដោយបានធ្វើឲ្យលោកជាប់ចំណាត់ថ្នាក់លេខ៧ ក្នុងបញ្ជីកំពូលមហាសេដ្ឋីមានដាច់គេនៅលើពិភពលោក។ នេះបើយោងតាមសារព័ត៌មាននិយាយពីសេដ្ឋី Bloomberg៕

The post បិតាវិនិយោគ Warren Buffett គ្រោងបរិច្ចាគជាង ១ពាន់លានដុល្លារបន្ថែមទៀត ដល់អង្គការសប្បុរសធម៌ appeared first on .