ផ្សារទំនើប Big C ពន្យារពេលលក់ភាគហ៊ុនសាធារណៈ តម្លៃ ១ពាន់លានដុល្លារ

ឧកញ៉ាសំពៅ — Thu, 31 Aug 2023 05:55:00 +0000

ក្រុមហ៊ុនផ្សារទំនើប Big C Retail Corporation របស់មហាសេដ្ឋីថៃ Charoen Sirivadhanabhakdi បានសម្រេចចិត្តផ្អាកគម្រោង ដាក់លក់ភាគហ៊ុនជាសាធារណៈ (IPO) ដែលធ្លាប់ត្រូវគេព្យាករណ៍ថា អាចប្រមូលលុយបានរហូតដល់ ១ពាន់លានដុល្លារ នាត្រីមាសទី៤ នៃឆ្នាំ២០២៣។

យោងតាមការចុះផ្សាយពីសារព័ត៌មាន Reuters បានបង្ហាញថា មូលហេតុដែលធ្វើឲ្យ Big C សម្រេចចិត្តផ្អាកផែនការមួយនេះ ដោយសារពួកគេបានមើលឃើញស្ថានភាពទីផ្សារបច្ចុប្បន្ន នៅមិនទាន់មានស្ថិរភាពនៅឡើយ។

មួយវិញទៀត ក្រុមហ៊ុនមេ Berli Jucker ក៏បានបង្ហាញដែរថា Big C មានគម្រោងលក់ភាគហ៊ុនទាំងនៅក្នុងស្រុក និងលើទីផ្សារអន្តរជាតិ ប៉ុន្តែដោយសារសេដ្ឋកិច្ចសកលកំពុងមានស្ថានភាពមិនសូវស្រួល ទើបគម្រោងការណ៍មួយនេះត្រូវពន្យារពេលបណ្ដោះអាសន្នសិន។

គួររំលឹកដែរថា ក្រៅពីក្រុមហ៊ុន Big C ក៏នៅមានក្រុមហ៊ុនខ្នាតយក្សប្រចាំប្រទេសដូចជា ក្រុមហ៊ុនឧស្សាហកម្មធំបំផុតនៅថៃ Siam Cement ក៏ផ្អាកផែនការលក់ភាគហ៊ុនសាធារណៈក្នុងស្រុក របស់ក្រុមហ៊ុនបុត្រសម្ព័ន្ធ SCG Chemicals ក្រោមហេតុផលស្ថានភាពទីផ្សារមិនមានស្ថិរភាពដូចគ្នា៕

The post ផ្សារទំនើប Big C ពន្យារពេលលក់ភាគហ៊ុនសាធារណៈ តម្លៃ ១ពាន់លានដុល្លារ appeared first on .

ផ្សារទំនើប Big C ចុះកិច្ចព្រមព្រៀងគ្រប់គ្រង Kiwi Mart ១៨ សាខានៅកម្ពុជា

ឧកញ៉ាសំពៅ — Sat, 28 May 2022 05:44:51 +0000

កាលពីពេលថ្មីៗនេះ Big C Supercenter Plc ដែលជាក្រុមហ៊ុនលក់ទំនិញរាយនាំមុខនៅប្រទេសថៃ បានចុះកិច្ចព្រមព្រៀងទិញយក Kiwi Mart ដែលជាក្រុមហ៊ុនលក់ទំនិញរាយនៅប្រទេសកម្ពុជា ដើម្បីពង្រីកវិសាលភាពអាជីវកម្មនៅក្នុងប្រទេសយើង។

យោងតាម Gary Hardy ដែលជាទីប្រឹក្សានៃ Big C Supercenter និង Big C Supercenter នៅកម្ពុជាបានបង្ហើបឲ្យដឹងថា ក្រុមហ៊ុនបានចុះកិច្ចព្រមព្រៀងទិញយក Kiwi Mart នៅកម្ពុជាកាលពីសប្ដាហ៍មុន ស្របពេលតម្លៃនៃកិច្ចព្រមព្រៀងមួយនេះមិនបានទម្លាយឲ្យដឹងឡើយ។

“កិច្ចព្រមព្រៀង Kiwi Mart គឺជាកូនសោសំខាន់សម្រាប់ Big C និងក្រុមហ៊ុនមេ Berli Jucker Plc សម្រាប់ពង្រីកអាជីវកម្មនៅអាស៊ាន រួមទាំងកម្ពុជាផងដែរ”។ នេះបើតាមសម្ដីរបស់លោក Gary បាននិយាយ។

បញ្ជាក់ដែរថា កិច្ចព្រមព្រៀងខាងលើគឺអនុញ្ញាតឲ្យ Big C គ្រប់គ្រង Kiwi Mart ទាំង ១៨ សាខានៅកម្ពុជា ដែល ១៧ សាខាមានទីតាំងនៅរាជធានីភ្នំពេញ និងមួយទៀតនៅខេត្តកំពត។

Kiwi Mart គឺមានវត្តមានតំបូងនៅកម្ពុជានៅឆ្នាំ២០១៧ ដែលជាម៉ាតសម្រាប់លក់ទំនិញ ២៤ ម៉ោង មានផលិតផលជាច្រើនមុខ រាប់តាំងពីផលិតផលក្នុងស្រុក និងបរទេសដូចជា បារាំង ថៃជាដើម ក្នុងគោលបំណងបំពេញតម្រូវការអតិថិជនទាំងក្នុងស្រុក និងបរទេស៕

ប្រភព: Bangkokpost

The post ផ្សារទំនើប Big C ចុះកិច្ចព្រមព្រៀងគ្រប់គ្រង Kiwi Mart ១៨ សាខានៅកម្ពុជា appeared first on .

Big C

ផ្សារទំនើប Big C ពន្យារពេលលក់ភាគហ៊ុនសាធារណៈ តម្លៃ ១ពាន់លានដុល្លារ

ផ្សារ​ទំនើប Big C ចុះ​កិច្ច​ព្រមព្រៀង​គ្រប់គ្រង Kiwi Mart ១៨ ​សាខា​នៅ​កម្ពុជា

ផ្សារទំនើប Big C ចុះកិច្ចព្រមព្រៀងគ្រប់គ្រង Kiwi Mart ១៨ សាខានៅកម្ពុជា