ប្រធានក្រុមហ៊ុន BilderBerg Investment Group លោក ដេននីស កូកូវីច ថ្លែងក្នុងសន្និសីទសារព័ត៌មានមួយ កាលពីពេលថ្មីៗនេះបានលើកឡើងថា ខេត្តកោះកុង គឺជាខេត្តឋានសួគ៌នៃធម្មជាតិ និងមានសក្តានុពលខ្ពស់ក្នុងការអភិវឌ្ឍ។ ក្នុងគម្រោង «អនាគត» របស់លោកផ្ទាល់ គឺផ្តោតលើការអភិវឌ្ឍយ៉ាងពេញទំហឹង លើវិស័យធំបី រួមមានវិស័យទេសចរណ៍ ឧស្សាហកម្ម និងកសិកម្មជាដើម។

ជុំវិញដំណឹងនៃការអភិវឌ្ឍទីក្រុងទំនើបក្នុងតម្លៃប្រមាណជាង ៦០០ពាន់លានដុលា្លរ របស់ក្រុមហ៊ុន BilderBerg Investment Group នៅខេត្តកោះកុង ដែលល្បីល្បាញគ្រប់បណ្តាញសារព័ត៌មានក្នុងស្រុកចុះផ្សាយ នៅថ្ងៃអង្គារ៍ ទី១៥ កុម្ភៈនេះ សារព័ត៌មានឧកញ៉ាញូស៍ បានព្យាយាមទាក់ទងសុំការបំភ្លឺបន្ថែមពីអភិបាលរង និងជាអ្នកនាំពាក្យនៃសាលាខេត្តកោះកុង លោក សុខ សុទ្ធី តែលោកសូមមិនអត្ថាធិប្បាយដោយអះអាងថាជាប់រវល់ជាមួយប្រជពលរដ្ឋ។

យ៉ាងណា ក្នុងនាមអ្នកវិនិយោគសំឡឹងឃើញសក្តានុពលនៃខេត្តកោះកុងលោក ដេនីស បានស្នើឲ្យប្រជាពលរដ្ឋអ្នកខេត្តកោះកុង សូមកុំបារម្មណ៍ កុំភ័យ កុំគិតថាមានអ្នកស៊ីលើស៊ីក្រោមកេងចំណេញយកផលប្រយោជន៍ពីអ្នកណាឡើយ។ ផ្ទុយវិញ សូមសហការជាមួយក្រុមហ៊ុនរបស់លោក ដើម្បីបង្កើតគម្រោងទីក្រុងអនាគតនេះឲ្យបានជោគជ័យ នោះជីវិតអ្នកទាំងអស់គ្នានឹងទទួលបានសុភមង្គល មានជីវភាពសម្បូរសប្បាយរហូតដល់កូនចៅ ចៅទួតជំនាន់ក្រោយ។

លោក ដេ នីស បានអះអាងថា «ទីក្រុងអនាគត» នឹងក្លាយជាគម្រោងទីក្រុងទំនើបវៃឆ្លាតដ៏ធំមួយឈានមុខគេនៅអាស៊ី ដែលរួមទាំងតំបន់ហិរញ្ញវត្ថុអន្តរជាតិ តំបន់ទេសចរណ៍ផ្តាច់មុខ និងប្រណីត តំបន់ទេសចរណ៍ធម្មជាតិ និងកសិកម្ម តំបន់កសិកម្មឆ្លាតវៃ តំបន់បច្ចេកវិទ្យា ឧស្សាហកម្ម វិទ្យាសាស្ត្រ និងនវានុវត្តន៍ និងសាសនារួមបញ្ចូលគ្នា ទាំងប្រាំមកពីជុំវិញពិភពលោក ដែលអាចទាក់ទាញភ្ញៀវជាតិ និងអន្តរជាតិ គ្រប់ជាន់ថ្នាក់មកពីគ្រប់ទិសទីមករស់នៅ និងលេងកម្សាន្ត។

ទន្ទឹមនឹងនេះ លោក ដេសនីស បានសំណូមពរឲ្យប្រជាពលរដ្ឋកុំលក់ដីឲ្យអ្នកដទៃ សូមទុកដីសហការជាមួយលោកដើម្បីអនុវត្តគម្រោងអនាគតនេះឲ្យបានជោគជ័យ ព្រោះវាជាផលតប្រយោជន៍ជាតិ សម្រាប់ទាំងគ្នា។ ទោះជាបែបនេះក្តី លោកគូសបញ្ជាក់ថា សម្តេចនាយករដ្ឋមន្រ្តីនឹងការពារលោក និងប្រជាពលរដ្ឋទាំងអស់គ្នាជាក់ជាមិនខាន។ 

សូមជម្រាបថា គម្រោង “ទីក្រុងអនាគត” ក្រុមហ៊ុនបានប៉ានប្រមាណថា គ្រោងនឹងបញ្ចប់នៅក្នុងរយៈពេល៥ ទៅ៧ឆ្នាំខាងមុខ ហើយនឹងបើកដាក់ឲ្យដំណើរការ នៅតំបន់មួយជាជំហានៗផងដែរ៕

The post ម្ចាស់គម្រោង”ទីក្រុងអនាគត” តម្លៃជាង ៦០០ពាន់លានដុល្លារ ស្នើពលរដ្ឋកុំលក់ដីឲ្យអ្នកដទៃទុកសហការជាមួយលោក appeared first on .

លោក ដេននីស ហ្គីហ្គីល អនាគត ប្រធានក្រុមហ៊ុន Bilderberg Investment Group ថ្លែងក្នុងសន្និសីទសារព័ត៌មាន កាលពីពេលថ្មីៗនេះនាសណ្ឋាគារលំដាប់ផ្កាយ ៥ ក្នុងក្រុងភ្នំពេញ បានគូសបញ្ជាក់ថា៖ “កម្ពុជាជាប្រទេសដែលមានស្ថិរភាពនយោបាយ និងសន្តិភាព ក្រោមការដឹកនាំរបស់សម្តេចនាយករដ្ឋមន្ត្រី ដែលបានបើកទូលាយ សម្រាប់អ្នកវិនិយោគក្នុង និងក្រៅស្រុក ដែលនេះគឺជាកត្តាចម្បង ធ្វើឱ្យក្រុមហ៊ុនលោកសម្រេចចិត្តប្រកាសពីគម្រោងវិនិយោគមួយនេះឡើង។

លោក អនាគត បានបន្តថា ខេត្តកោះកុង គឺជាខេត្តឋានសួគ៌នៃធម្មជាតិ និងមានសក្តានុពលខ្ពស់ក្នុងការអភិវឌ្ឍ។ ក្នុងគម្រោង «អនាគត» របស់លោកផ្ទាល់ គឺផ្តោតលើការអភិវឌ្ឍយ៉ាងពេញទំហឹង លើវិស័យធំបី៖ មានវិស័យទេសចរណ៍ ឧស្សាហកម្ម និងកសិកម្មជាដើម។

លោក អនាគត បានអះអាងថា «អនាគត» នឹងក្លាយជាគម្រោងទីក្រុងទំនើបវៃឆ្លាតដ៏ធំមួយឈានមុខគេនៅអាស៊ី ដែលរួមទាំងតំបន់ហិរញ្ញវត្ថុអន្តរជាតិ តំបន់ទេសចរណ៍ផ្តាច់មុខ និងប្រណីត តំបន់ទេសចរណ៍ធម្មជាតិ និងកសិកម្ម តំបន់កសិកម្មឆ្លាតវៃ តំបន់បច្ចេកវិទ្យា ឧស្សាហកម្ម វិទ្យាសាស្ត្រ និងនវានុវត្តន៍ និងសាសនារួមបញ្ចូលគ្នា ទាំងប្រាំមកពីជុំវិញពិភពលោក ដែលអាចទាក់ទាញភ្ញៀវជាតិ និងអន្តរជាតិ គ្រប់ជាន់ថ្នាក់មកពីគ្រប់ទិសទីមករស់នៅ និងលេងកម្សាន្ត។
សូមជម្រាបជូនថា គម្រោង “អនាគត” ក្រុមហ៊ុនបានប៉ានប្រមាណថា គ្រោងនឹងបញ្ចប់នៅក្នុងរយៈពេល៥ ទៅ៧ឆ្នាំខាងមុខ ហើយនឹងបើកដាក់ឲ្យដំណើរការ នៅតំបន់មួយជាជំហានៗផងដែរ៕

The post សហគ្រិនម្នាក់មកពីអឺរ៉ុប បោះទុនអភិវឌ្ឍន៍ទីក្រុងទំនើបឆ្លាតវៃតម្លៃ ៦០០ពាន់លានដុល្លារ នៅខេត្តកោះកុង appeared first on .