Billionaire

ចង់ចេញរកស៊ី បិតាវិនិយោគិន Warren Buffett ទម្លាយតិចនិក សម្រាប់វិនិយោគិនក្មេងៗ

ឧកញ៉ាសំពៅ — Thu, 02 Sep 2021 02:46:34 +0000

បើនិយាយដល់វិស័យវិនិយោគ គ្រប់គ្នាប្រហែលជានឹកឃើញដល់ Warren Buffett ជាមិនខាន ព្រោះលោកគឺជាវិនិយោគិនមួយរូបដែលទទួលបានជោគជ័យបំផុតក្នុងសម័យកាលមួយនេះ។

ជាមួយភាពជោគជ័យដ៏សម្បើមបានពីការវិនិយោគផ្សេងៗ ម្ចាស់ក្រុមហ៊ុន Berkshire Hathaway មានទ្រព្យសម្បត្តិសរុបរហូតដល់ ១០៣,៧ ពាន់លានដុល្លារគិតមកត្រឹមពេលនេះ។

ដោយឡែក កាលពីពេលកន្លងទៅ នៅក្នុងកម្មវិធីប្រចាំឆ្នាំរបស់ Berkshire Hathaway មហាសេដ្ឋីខាងលើ ក៏បានទម្លាយនូវតិចនិកមួយចំនួនសម្រាប់វិនិយោគិនក្មេងៗ ដើម្បីទទួលបានភាពជោគជ័យក្នុងជីវិត ដែលនោះគឺ៖

ការសម្រេចចិត្តមុនធ្វើការវិនិយោគ ៖ មុនសម្រេចធ្វើអ្វីមួយ អ្នកគួរគប្បីស្វែងយល់ពីវាឲ្យបានច្បាស់ ហើយសម្រាប់ Buffett វិញ មុនចូលវិនិយោគលើអ្វីមួយ លោកតែងស៊ើបសួររាល់ព័ត៌មានទាក់ទងពីគម្រោងមួយនោះ ហើយវាត្រូវបានគេឲ្យឈ្មោះថា “Scuttlebutt Approach”។

គន្លឹះនេះ គឺតម្រូវឲ្យអ្នកទៅសាកសួរព័ត៌មានពីអតិថិជន អ្នកផ្គត់ផ្គង់ទំនិញ គូប្រជែង និងសូម្បីតែអតីតបុគ្គលិករបស់ក្រុមហ៊ុនដែលអ្នកបណ្ដាក់ទុនជាមួយ។

ចេះជ្រើសរើស idol ឬអ្នកណែនាំឲ្យបានត្រឹមត្រូវ៖ ពេលខ្លះវិនិយោគិនក្មេងៗមួយចំនួនគិតថា ពួកគេអាចធ្វើអ្វីៗបានគ្រប់យ៉ាង ដោយមិនចាំបាច់ត្រូវការយោបល់ពីអ្នកជុំវិញខ្លួន។ តែនេះគឺជាការគិតខុស ជាក់ស្ដែងប្រសិនបើអ្នកទទួលបាន ឬស្ដាប់បទពិសោធន៍ពីមនុស្សជុំវិញអ្នក នោះអ្នកប្រាកដជាបានមេរៀនថ្មីៗ និងអាចមិនសូវជួបហានិភ័យពេលមានបញ្ហានៅថ្ងៃណាមួយ។

ដូច្នេះហើយការជ្រើសរើស អ្នកណែនាំ ឬ Idol គឺពិតជាសំខាន់ណាស់សម្រាប់វិនិយោគិនក្មេងៗ ហើយអ្នកណែនាំទាំងនោះមិនមែនចាំបាច់តែជាអ្នកស្គាល់គ្នា អ្នកនៅក្បែរគ្នាឡើយ ពោលពួកគេអាចជាអ្នកនិពន្ធ អ្នកនិយាយតាមសាធារណៈ ហើយអ្នកអាចយល់ដឹងដោយអានសៀវភៅ ឬស្ដាប់ការនិយាយរបស់ពួកគេបាន។

ហើយក្រៅពីដំបូន្មានធំៗទាំង ២ ខាងលើ ក៏នៅមានគន្លឹះមួយចំនួនទៀតដូចជា៖

កុំសូវបារម្ភពីការបង្កើតកំហុសខ្លាំងពេក
តែងតែអាននូវចំណុចសំខាន់ ជាជាងចំណុចបន្ទាប់បន្សំ
កុំទាន់អាលឡើងសេរីរថយន្តទំនើប ប្រសិនបើអ្នកមិនទាន់អាចបង្កើនប្រាក់ចំណូលបាន
ចេះជ្រើសរើសគូអនាគតឲ្យបានច្បាស់ រៀបការជាមួយមនុស្សត្រឹមត្រូវ ព្រោះមនុស្សមួយរូបនោះនឹងកែប្រែជីវិតរបស់អ្នកទាំងស្រុង
ដើម្បីកែប្រែ អភិវឌ្ឍន៍ខ្លួន ចំណេះដឹង ថាមពល ភាពសុចរិត ភាពអត់ធ្មត់ ការចេះបែងចែក គឺជាកត្តាសំខាន់បំផុត៕

ប្រភព: nairametrics

The post ចង់ចេញរកស៊ី បិតាវិនិយោគិន Warren Buffett ទម្លាយតិចនិក សម្រាប់វិនិយោគិនក្មេងៗ appeared first on .

ចែករំលែកបទពិសោធន៍រកស៊ីមួយខ្មែរយើងកម្រជួប វិនិយោគតែម្ដង ដេកចាយលុយមួយជីវិត

ឧកញ៉ាសំពៅ — Wed, 01 Sep 2021 07:33:11 +0000

ជឿថាប្រិយមិត្តប្រហែលជាមិនសូវបានដឹង ឬលឺពីឈ្មោះ Stewart Horejsi ប៉ុន្មានឡើយ តែតាមពិតទៅបុរសរូបនេះ គឺជាសេដ្ឋីប្រាក់ពាន់លានដុល្លារ ខណៈទ្រព្យសម្បត្តិរបស់លោក គឺមានរហូតដល់ទៅ ២,៦ ពាន់លានដុល្លារឯណោះ ដែលសឹងតែ ៩៩% គឺបានមកពីការវិនិយោគតែម្ដងគត់។

Stewart គឺជាវិនិយោគិនមួយរូប ដែលបានបញ្ចប់ការសិក្សាពីសាកលវិទ្យាល័យ University of Kansas ក្នុងទសវត្ស ១៩៦០ និងបានចូលកាន់កាប់ជំនួញគ្រួសារ Brown Welding Supply LLC នៅទីក្រុង Kansas តែនៅទសវត្ស ១៩៨០ ក្រុមហ៊ុនមានគូប្រជែងច្រើន និងគួបផ្សំជំនួញមិនសូវកាក់កប ទើបធ្វើឲ្យក្រុមហ៊ុននេះពិបាកឈរជើងបន្តិច។

គ្រានោះហើយដែល Stewart ចាប់ផ្ដើមអានសៀវភៅមួយក្បាល The Money Masters ដែលនិពន្ធដោយលោក John Train ខណៈអត្ថន័យនៃសៀវភៅគឺរៀបរាប់ពីទំលាប់ និងការគិតរបស់បុគ្គលជោគជ័យជាច្រើនដូចជា John Templeton ឬ Benjamin Graham ជាដើម។

ក្រោយអានចប់ បុរសវ័យ ៨៣ ឆ្នាំមានគំនិតចង់ទិញភាគហ៊ុនលើកដំបូង ដោយពេលនោះលោកបានទិញភាគហ៊ុន Berkshire Hathaway ៤០ ហ៊ុនក្នុងតម្លៃ ២៦៥ ដុល្លារ/ហ៊ុន អស់ប្រមាណ ១០ ៦០០ ដុល្លារ។

ស្របពេលក្រុមហ៊ុនចាប់ផ្ដើមងើបឡើងបន្តិច Stewart Horejsi យកប្រាក់ចំណេញទាំងអស់ ទៅទិញភាគហ៊ុន Berkshire Hathaway ជាហូរហែរហូតបានដល់ ៥ ៨០០ ហ៊ុនដែលទាំងអស់នេះ លោកសុទ្ធតែទិញក្នុងតម្លៃក្រោម ៥០០ ដុល្លារ/ហ៊ុនទាំងអស់។

ការវិនិយោគតែមួយសាររបស់ Stewart ឲ្យធ្វើឲ្យលោកមានប្រាក់ចាយវាយដោយមិនខ្វល់ខ្វាយ ព្រោះបច្ចុប្បន្ន ភាគហ៊ុនរបស់ Berkshire Hathaway មានតម្លៃដល់ទៅ ៤២៩ ៩០០ ដុល្លារ/ហ៊ុន ដែលគិតមើលទៅប្រមាណ ២,៤៩ ពាន់លានដុល្លារឯណោះ។

បញ្ជាក់ដែរថា Berkshire Hathaway គឺជាក្រុមហ៊ុនខ្នាតយក្សដែលក្ដោបក្ដាប់មុខជំនួញជាច្រើននៅអាមេរិក ដែលបច្ចុប្បន្នមានលោក Warren Buffett ជានាយកប្រតិបត្តិ និងជាម្ចាស់ក្រុមហ៊ុន។ គិតមកត្រឹមពេលនេះ មូលធនទីផ្សាររបស់ Berkshire Hathaway គឺមានប្រមាណ ៦៤៧ ពាន់លានដុល្លារ៕

ប្រភព: naiametrics

The post ចែករំលែកបទពិសោធន៍រកស៊ីមួយខ្មែរយើងកម្រជួប វិនិយោគតែម្ដង ដេកចាយលុយមួយជីវិត appeared first on .

រកឃើញហើយ សេដ្ឋីនីមានទ្រព្យសម្បត្តិមានដាច់គេក្នុងឆ្នាំ២០២១

ឧកញ៉ាសំពៅ — Fri, 13 Aug 2021 07:10:36 +0000

លោកស្រី Françoise Bettencourt Meyers ដែលជាចៅស្រីរបស់ស្ថាបនិក L’Oreal ដែលជាក្រុមហ៊ុនគ្រឿងសម្អាងធំបំផុតក្នុងពិភពលោក បានជាប់ឈ្មោះជាសេដ្ឋីនីមានបំផុតនៅលើពិភពលោកក្នុងឆ្នាំ២០២១ នេះ។

លោកស្រីមានចំណែកភាគហ៊ុន ៣៣% នៃក្រុមហ៊ុន L’Oreal និងជាអ្នកស្នងតំណែងប្រធានក្រុមហ៊ុននេះ បន្ទាប់ពីម្ដាយបានចែកឋានកាលពី ៤ឆ្នាំមុន។

គិតតាំងពីដើមឆ្នាំ ២០២១ មកត្រឹមខែមិថុនា តម្លៃភាគហ៊ុននៃក្រុមហ៊ុនគ្រឿងសម្អាងខ្នាតយក្សមានការកើនឡើងខ្លាំង ពោលតាំងពីរយៈពេលប្រមាណ ១ ឆ្នាំមុនម៉្លេះ ដែលសន្ទុះនៃការកើនឡើងមិនបានមានការថមថយទាល់តែសោះ ដែលធ្វើឲ្យតម្លៃរបស់វាកើនឡើងដល់ទៅ ៣០% នាពេលនេះ។

ហេតុនេះហើយ ទើបធ្វើឲ្យទំហំទ្រព្យសម្បត្តិរបស់សេដ្ឋីនី Françoise Bettencourt Meyers មានការកើនឡើងរហូតដល់ ១២ ពាន់លានដុល្លារ ត្រឹមរយៈពេល ៦ ខែ ខណៈទ្រព្យសម្បត្តិបច្ចុប្បន្នគឺមានរហូតដល់ ៩៣,២ ពាន់លានដុល្លារ។

លើសពីនេះទៅទៀត L’Oreal ក៏មានក្រុមហ៊ុនបុត្រសម្ព័ន្ធផ្សេងៗដូចជា Lancome និង Garnier ជាដើម ដែលកាលពីឆ្នាំទៅអាចរកចំណូលដល់ពួកគេប្រមាណ ៣២ ពាន់លានដុល្លារ ស្របពេលតម្លៃក្រុមហ៊ុន L’Oreal គឺមានដល់ទៅ ២៦២,១៤ ពាន់លានដុល្លារ គិតត្រឹមថ្ងៃទី ១១ សីហានេះ៕

ប្រភព: nairametrics

The post រកឃើញហើយ សេដ្ឋីនីមានទ្រព្យសម្បត្តិមានដាច់គេក្នុងឆ្នាំ២០២១ appeared first on .

ស្ថាបនិក Facebook មួយថ្ងៃកើនចំណូលជិត ៧ ពាន់លានដុល្លារ ឈរឈ្មោះបុគ្គលមានបំផុតក្នុងលោកទី ៥

ឧកញ៉ាសំពៅ — Fri, 13 Aug 2021 03:10:59 +0000

អ្នកណាដែលមិនប្រើប្រាស់បណ្ដាញសង្គម Facebook ហើយមិនស្គាល់មហាសេដ្ឋី Mark Zuckerberg នោះ ព្រោះបុរសរូបនេះ គឺជាអ្នកបង្កើតប្រព័ន្ធផ្សព្វផ្សាយ ជាបណ្ដាញសង្គមធំបំផុតក្នុងពិភពលោក។

ដោយឡែកកាលពីពេលថ្មីៗនេះ សារព័ត៌មានល្បីឈ្មោះ Bloomberg Billionaire បានទម្លាយឲ្យដឹងថា ក្នុងមួយថ្ងៃ Mark អាចមានចំណូលកើនដល់ ៦,៧ ពាន់លានដុល្លារឯណោះ ដែលតួលេខបែបនេះហើយ អាចជួយឲ្យសេដ្ឋីវ័យក្មេងនេះឈរឈ្មោះជាមហាសេដ្ឋីមានបំផុតទី ៥ ក្នុងពិភពលោកជាមួយទំហំទ្រព្យសម្បត្តិនាពេលបច្ចុប្បន្ន ១៣០,៧ ពាន់លានដុល្លារ។

បើទោះជាមានទ្រព្យច្រើនមហាសាលបែបនេះក្ដី តែទម្លាប់រស់នៅរបស់មហាសេដ្ឋីបច្ចេកវិទ្យាហាក់មានភាពសាមញ្ញខ្លាំង ខណៈលោកក៏ត្រូវគេដឹងថាជាអ្នកដែលមានរសនិយមខាងផ្នែកវិស័យអចលនទ្រព្យដែរ ពោលគឺជាអ្នកស្រឡាញ់ភូមិគ្រឹះទំនើបៗ។

បញ្ជាក់ដែរថា សព្វថ្ងៃ Mark គឺជាបុគ្គលវ័យក្មេងបំផុតដែលមានទំហំទ្រព្យសម្បត្តិច្រើនជាង ១០០ ពាន់លានដុល្លារទូទាំងសកលលោក ហើយកាលពីឆ្នាំ ២០១៥ មហាសេដ្ឋីរូបនេះក៏ទម្លាយដែរថា នឹងមានគម្រោងចែករំលែកភាគហ៊ុន Facebook របស់លោកដល់ទៅ ៩៩% សម្រាប់ការធ្វើកម្មវិធីផ្សេងៗនាថ្ងៃអនាគត៕

ប្រភព: nairametrics

The post ស្ថាបនិក Facebook មួយថ្ងៃកើនចំណូលជិត ៧ ពាន់លានដុល្លារ ឈរឈ្មោះបុគ្គលមានបំផុតក្នុងលោកទី ៥ appeared first on .

Billionaire

ចង់​ចេញរកស៊ី បិតា​វិនិយោគិន Warren Buffett ទម្លាយ​តិចនិក​​ សម្រាប់​វិនិយោគិន​ក្មេងៗ

ចែករំលែក​បទពិសោធន៍រកស៊ី​​មួយ​ខ្មែរ​យើង​កម្រជួប វិនិយោគ​តែម្ដង​ ដេក​ចាយ​លុយ​មួយ​ជីវិត

រកឃើញហើយ សេដ្ឋីនី​​មាន​ទ្រព្យសម្បត្តិ​មាន​ដាច់​គេ​ក្នុង​ឆ្នាំ​២០២១

ស្ថាបនិក​ Facebook មួយ​ថ្ងៃ​កើន​ចំណូល​ជិត ៧ ពាន់​លាន​ដុល្លារ ឈរ​ឈ្មោះ​បុគ្គល​មាន​បំផុត​ក្នុង​លោក​ទី ៥

ចង់ចេញរកស៊ី បិតាវិនិយោគិន Warren Buffett ទម្លាយតិចនិក សម្រាប់វិនិយោគិនក្មេងៗ

ចែករំលែកបទពិសោធន៍រកស៊ីមួយខ្មែរយើងកម្រជួប វិនិយោគតែម្ដង ដេកចាយលុយមួយជីវិត

រកឃើញហើយ សេដ្ឋីនីមានទ្រព្យសម្បត្តិមានដាច់គេក្នុងឆ្នាំ២០២១

ស្ថាបនិក Facebook មួយថ្ងៃកើនចំណូលជិត ៧ ពាន់លានដុល្លារ ឈរឈ្មោះបុគ្គលមានបំផុតក្នុងលោកទី ៥