លោក ឡុក ស្មីតសាមឌី ប្រធាន BNI កម្ពុជា បានមានប្រសាសន៍ថា ៖ “ការរៀបចំមហាសន្និបាត BNI កម្ពុជា ២០២៤ នេះ ជាឱកាសដែលសមាជិកបង្កើតទំនាក់ទំនងជាមួយសមាជិក BNI ទូទាំងប្រទេស និង រៀនសូត្រពី យុទ្ធសាស្ត្ររីកចម្រើនពីវាគ្មិនសំខាន់ៗថ្នាក់ជាតិ និងអន្តរជាតិ។ នៅថ្ងៃនោះផងដែរយើង ក៏មានការផ្ដល់ពានរង្វាន់​ទទួលស្គាល់ដល់លោកអ្នកដែលបានខិតខំប្រឹងប្រែងមួយឆ្នាំកន្លងផុតទៅ” ។

BNI គឺជាស្ថាប័ន ដែលជោគជ័យជាងគេបំផុតនៅលើពិភពលោកក្នុងចំណោមស្ថាប័នប្រភេទដូចគ្នា។ បច្ចុប្បន្ននេះ BNI មានជាង 11,204 Chapter ដែលកំពុងធ្វើប្រតិបត្តិការនៅក្នុង​ប្រទេសជាង ៨០ ​ដែលរួមមានសមាជិក​ជិត ៣២ម៉ឺននាក់។

សមាជិករបស់ BNI ទូទាំងពិភពលោក កាលពីឆ្នាំ២០២៣ បានបោះឱកាសអាជីវកម្មឲ្យគ្នាចំនួន​  ១៤,៦ លានឱកាសអាជីវកម្ម ហើយបង្កើតជាប្រាក់ចំណូល​បានជាង​ ២២,១ ពាន់លានដុល្លារអាមេរិក។ ក្នុងនោះ សមាជិករបស់​ BNI នៅកម្ពុជា បានបោះឱកាសអាជីវកម្មឲ្យគ្នាចំនួន​  ១០ ម៉ឺនឱកាសអាជីវកម្ម​ដែលបង្កើតជា​ប្រាក់ចំណូលបានជាង ៩៣ លានដុល្លាអាមេរិក ខណៈនៅកម្ពុជាបច្ចុប្បន្នមាន Chapter ចំនួន ៤៧ ហើយមាន​សមាជិក ១ ៧៨៤ នាក់។

BNI កម្ពុជា ត្រូវបាននាំមកកាន់នៅកម្ពុជា​ នៅឆ្នាំ ២០១៣ ដោយមានលោក ឡុក ស្មីតសាមឌី គឺជា​ប្រធាន ហើយបច្ចុប្បន្ន ស្ថាប័ននេះ ត្រូវបានទទួលស្គាល់ថា ជា​បណ្ដាញធុរកិច្ចឈានមុខគេមួយនៅកម្ពុជា។

លោក​ ឡុក ស្មីតសាមឌី​ បានពន្យល់ថា ការចូលរួមជា​សមាជិករបស់ BNI កម្ពុជា មានន័យថា សមាជិក​នឹងទទួលបាននូវ​ចំណេះដឹង​ ដែលអាចយកទៅប្រើប្រាស់ក្នុងការពង្រឹង​ និងពង្រីកអាជីវកម្មរបស់ខ្លួនឲ្យរីកចម្រើន។

ទន្ទឹមនឹង​នេះ ម្ចាស់​អាជីវកម្មផ្សេងៗទៀត ក៏​មានឱកាស​ក្នុងការ​កសាង​ទំនាក់ទំនងបន្ថែមទៀត​ជាមួយនឹងសមាជិក​ ដែលមានស្រាប់ ក៏ដូចជាភ្ជាប់ទំនាក់ទំនងជាមួយនឹង​អាជីវកម្ម​នានា ដែលធ្វើឲ្យពួកគាត់​អាច​ទទួលបាន​នូវ​​គម្រោងថ្មីៗ ឬអតិថិជនថ្មីៗ ពីកម្មវិធីនេះផងដែរ។

លោក ឡុក ស្មីតសាមឌី បានបន្ថែមថា៖ “ខ្ញុំសូមលើកទឹកចិត្តឲ្យអ្នកដែលមិនទាន់​បានស្គាល់ BNI សូមឲ្យគាត់​ទៅជួប Chapter ដែលនៅក្បែរគាត់ជាមុនសិន ដូចជានៅភ្នំពេញ សៀមរាប បាត់ដំបង កណ្តាល និងក្រុងព្រះសីហនុ គឺឲ្យពួកគាត់ទៅ មើលសិន ។ បើគាត់ឃើញថា Chapter អាចជួយពង្រីក​អាជីវកម្ម​របស់គាត់បាន សូម​ឲ្យគាត់អញ្ជើញចូល។ ហើយការចូល BNI នេះគឺល្អមែនទែន” ។

ក្នុងនាមតំណាងឲ្យ BNI កម្ពុជា លោក ឡុក ស្មីតសាមឌី ក៏បានថ្លែងអំណរគុណដល់ម្ចាស់​ឧបត្ថម្ភ​របស់​មហាសន្និបាត​ដ៏ធំប្រចាំឆ្នាំ២០២៤ របស់ BNI Cambodia នេះផងដែរ។

The post BNI កម្ពុជា នឹងរៀបចំមហាសន្និបាតប្រចាំឆ្នាំ២០២៤ នៅផ្សារទំនើបអុីអន សែនសុខ ក្រោមប្រធានបទ Breakthrough to Level UP Your Business appeared first on .

លោក ឡុក ស្មីតសាមឌី គឺជាស្ថាបនិក និងជាប្រធាន BNI កម្ពុជា បានមានប្រសាសន៍ថា ៖ “យើងបានរៀបចំមហាសន្និបាតនេះ ជារៀងរាល់ឆ្នាំ ដើម្បីឲ្យម្ចាស់អាជីវកម្មបានមកជួបជុំគ្នា​ បានចាប់ដៃគ្នា បានសាកសួរអំពីអាជីវកម្មគ្នាទៅវិញទៅមក ការផ្គូរផ្គងអាជីវកម្ម និងការរៀនសូត្រ ។ សមាជិកទាំងអស់នៅក្នុង BNI ចូលចិត្តរៀនណាស់ ។ នៅពេលដែលពួកគាត់រៀនកាន់តែច្រើន គាត់អភិវឌ្ឍខ្លួនកាន់តែខ្ពស់ ធ្វើឲ្យគាត់​មានឱកាសអាជីវកម្មកាន់តែធំ” ។

សមាជិក ដែលចូលរួម​ក្នុង​មហាសន្និបាត BNI កម្ពុជា ២០២២ នេះ បានសម្ដែង​ការ​អបអរសាទរ ក្នុងឱកាស​ដែលបានចូលរួម​ក្នុងពិធីជួបជុំ​ដ៏ធំប្រចាំឆ្នាំ របស់ BNI នេះ ហើយ​បានលើកឡើងពីអត្ថប្រយោជន៍​​ ជា​ច្រើន ក្នុងការចូលរួមជាសមាជិករបស់ BNI កម្ពុជា  ដែលបានជួយបង្កើនអាជីវកម្ម​របស់ពួកគាត់។

លោក សុខ សំអាត ជាស្ថាបនិក​ និងជា​អគ្គនាយកក្រុមហ៊ុន Yoopec ដែលជាសេវា Digital Marketing  ដែលជួយរៀបចំយុទ្ធសាស្ត្រធ្វើទីផ្សារ និងជួយគ្រប់គ្រងការងារផ្សព្វផ្សាយអនឡាញ ដើម្បីឲ្យ​ការលក់កើនឡើងក្នុងកញ្ចប់សេវាកម្មរួមាន រៀបចំយុទ្ធសាស្រ្តធ្វើទីផ្សារ ថតរូប ឌីសាញ ផលិតវីដេអូ បង្កើតគេហទំព័រ​ និង Boosting និងជាសមាជិក BNI កម្ពុជា​ បានមានប្រសាសន៍ថា៖ “​បញ្ហា​របស់ខ្ញុំមុនចូល BNI បញ្ហាដំបូងនោះគឺថា ខ្ញុំគ្រប់គ្រង​អាជីវកម្មរបស់ខ្ញុំ ពេលយើងមានឧបសគ្គ យើងអត់មានអ្នកសួរនាំ ។ ហើយចំណេះដឹងនៃការ​ដឹកនាំ​ក្រុមហ៊ុន ចំណេះដឹងនៃការ​ដឹកនាំបុគ្គលិក គឺយើងអត់មាន ហើយយើងម្នាក់ឯងដូចជាតែលតោល ។ ………មុនពេលខ្ញុំចូល BNI ខ្ញុំជួបរឿងបញ្ហាជាច្រើន តែបញ្ហាទាំងអស់នោះត្រូវបានដោះស្រាយ​ពេលខ្ញុំចូលរួមជាមួយ BNI ។ ខ្ញុំបានទាំងឱកាសអាជីវកម្ម ខ្ញុំបានទាំងអតិថិជន ​បានទាំងគម្រោង​ពី BNI ។ បានទាំងការរីកចម្រើនទៀត ។ ហើយខ្ញុំលើកទឹកចិត្ត​បងប្អូនម្ចាស់អាជីវកម្ម ដែលគាត់មិនទាន់បានចូលរួមជាមួយ BNI ខ្ញុំលើកទឹកចិត្តឲ្យពួកគាត់ចូលរួមជាមួយ BNI ដើម្បី​រីកចម្រើនទាំងអស់គ្នា” ។

ស្ថាបនិក BNI កម្ពុជា លោក​ ឡុក ស្មីតសាមឌី​ បានពន្យល់បន្ថែមទៀតថា ការចូលរួមជា​សមាជិករបស់ BNI កម្ពុជា  មានន័យថា សមាជិក​នឹងទទួលបាននូវ​ចំណេះដឹង​ដែលអាចយកទៅប្រើប្រាស់ក្នុងការពង្រឹង​ និងពង្រីកអាជីវកម្មរបស់ខ្លួន ។

លោក សម្ភាសន៍លោក ឡុក ស្មីតសាមឌី ជាស្ថាបនិក និងជាប្រធាន BNI កម្ពុជា  បានបន្ថែមថា៖ “ខ្ញុំសូមលើកទឹកចិត្តឲ្យអ្នកដែលមិនទាន់បានស្គាល់ BNI សូមឲ្យគាត់ទៅជួប Chapter ដែលនៅក្បែរគាត់ជាមុនសិន ដូចជានៅភ្នំពេញ សៀមរាប បាត់ដំបង និងកណ្តាល គឺឲ្យពួកគាត់ទៅ មើលសិន ។ បើគាត់ឃើញថា Chapter អាចជួយពង្រីកអាជីវកម្មរបស់គាត់បាន …..សូម​ឲ្យគាត់អញ្ជើញចូល ។ ហើយការចូល BNI នេះគឺល្អមែនទែន” ។

លោក សូ ឡងឌី ស្ថាបនិកក្រុមហ៊ុន​ Comzone Asia – brand communications បានមានប្រសាសន៍ថា ក្រុមហ៊ុន Comzone Asia ក៏បានធ្វើជា​ដៃគូយុទ្ធសាស្ត្រ​ ដើម្បីជួយគាំទ្រ​ និង​ជំរុញការរីកចម្រើនរបស់ BNI កម្ពុជា ឲ្យក្លាយជា​បណ្ដាញអាជីវកម្ម​ឈានមុខគេនៅកម្ពុជា ។

ក្រុមហ៊ុន​បាន​ឲ្យដឹងថា ម្ចាស់អាជីវកម្មនានា គួរគិតគូរពង្រឹង​ម៉ាកយីហោរបស់ខ្លួន ដើម្បីអាច​រីក​ចម្រើនកាន់តែ​ខ្លាំង និងទទួលប្រាក់ចំណេញកាន់តែខ្ពស់ ។

ក្នុង​ឆ្នាំ ២០២២ សមាជិករបស់ BNI កម្ពុជា មានចំនួន​ ១៨៣៤ នាក់ ។ ក្នុងឆ្នាំ ២០២​២ នេះ សមាជិក​ បានផ្ដល់នូវឱកាសអាជីវកម្ម​ឲ្យគ្នា​ទៅវិញទៅមក មានចំនួនប្រមាណជាង ៩៧០០០ ឱកាស​អាជីវកម្ម ដែល​គិតជាទឹក​​ប្រាក់មានចំនួន ជាង ៧៧ លានដុល្លារ ។  BNI កម្ពុជា​សង្ឃឹមថា នៅឆ្នាំ ២០២៣ សមាជិក​របស់ខ្លួននឹងកើនឡើងដល់ ៣000​ នាក់ ហើយ​ការ​ផ្ដល់ឱកាសអាជីវកម្ម​នឹងកើនឡើងដល់ ១៩ ម៉ឺនឱកាសអាជីវកម្ម ។

The post ចុងសប្តាហ៍នេះ ម្ចាស់អាជីវកម្ម​ជិត ២ពាន់នាក់ ណាត់គ្នាកសាង​បណ្ដាញក្នុងកម្មវិធីមហាសន្និបាត BNI ប្រចាំឆ្នាំ appeared first on .

មហាសន្និបាទ​ BNI ប្រចាំឆ្នាំ ២០២២  គឺជាមហាសន្និបាត​ប្រចំាឆ្នាំ របស់ក្រុមអ្នកជំនួញធំជាងគេបំផុត​នៅ​កម្ពុជា​ក្នុងឆ្នាំនេះ​ ដែលគ្រោង​នឹងប្រព្រឹត្តទៅ​នៅ​ ឌឹ ព្រីមៀ​ សែនសុខ រាជធានីភ្នំពេញ ។

មហាសន្និបាទ​ប្រចាំឆ្នាំ​របស់ក្រុមអ្នកជំនួញនេះ នឹងមានការចូលរួមពីសំណាក់​វាគ្មិន​​ក្នុង​ស្រុក និងក្រៅស្រុកជាង ១០ រូប​ ក្នុងនោះរួមមាន លោក Jonathon Chua ដែលជានាយក BNI ប្រចាំតំបន់អាស៊ីប៉ាស៊ីហ្វិក  លោក Chin Kang Wei ជា​អ្នកសម្រប​សម្រួល​ច្បាប់ស្រូបទាញ​ និង​លោក Mike Savage ស្ថាបនិក និងជាអគ្គនាយក​ក្រុមហ៊ុន Savage Secrets ។

លោក ឡុក ស្មីតសាមឌី ជាស្ថាបនិក និងជា​ប្រធាន BNI  ប្រចាំនៅ​កម្ពុជា មានប្រសាសន៍ថា៖ “សន្និបាត BNI ប្រចាំឆ្នាំ ២០២២ នេះត្រូវបានរៀបចំឡើងវិញក្រោយខកខាន​រយៈពេល ២ ឆ្នាំ ដោយសារ​តែវិបត្តិសកល ។ សន្និបាតលើកនេះ នឹង​ផ្ដល់ជាឱកាសសម្រាប់ម្ចាស់ជំនួញ និងអាជីវកម្មនានា បានមកជួបជុំគ្នា​សាឡើងវិញ ក៏ដូចជា​ រិះរក​វិធី ដើម្បី​ជំរុញ​កំណើ​នអាជីវកម្មរបស់ខ្លួន ក្រោយរង​ព្យុះភ្លៀង​ដោយសារ​វិបត្តិសកល” ។

លោក​ បានពន្យល់បន្ថែមថា ការចូលរួមជា​សមាជិករបស់ BNI កម្ពុជា មានន័យថា សមាជិក​នឹង​មានឱកាស​ក្នុងការ​កសាង​បណ្ដាញបន្ថែមទៀត​ជាមួយនឹង​សមាជិកដែលមានស្រាប់ ក៏ដូចជាអាជីវកម្ម​នានា ដែលធ្វើឱ្យពួកគាត់​អាច​ទទួលបាន​នូវ​​គម្រោងថ្មីៗ ឬអតិថិជនថ្មីៗ ពីកម្មវិធីនេះបាន បន្ថែម​លើ​ការ​ទទួលបាននូវ​ចំណេះដឹង​ដែលអាចយកទៅប្រើប្រាស់ក្នុងការពង្រឹង​ និងពង្រីកអាជីវកម្មរបស់ខ្លួន ។

ប្រធាន BNI  ប្រចាំនៅ​កម្ពុជា ដដែលរូបនេះ ក៏បានសង្កត់ធ្ងន់ទៀតថា៖ “អត្ថប្រយោជន៍ដែលសមាជិករបស់ BNI ទទួលបាន​បន្ថែមទៀតនោះ រួមមាន ការ​ចែករំលែកចំណេះដឹង ជា​ច្រើនដូចជា ភាពជាអ្នកដឹកនាំ  ការ​គ្រប់គ្រងអាជីវកម្ម ជំនាញលក់ និងយុទ្ធសាស្ត្រធ្វើទីផ្សារ​តាមបែបទំនើប ចំនេះដឹងទាំងអស់នេះ គឺជាការ​ចែករំលែក ជួយដល់អាជីវកម្មរបស់យើង​ឲ្យ​ រីក​ចម្រើនទាំងអស់គ្នា”  ។

ទន្ទឹមនឹងនេះ កាលពីខែមករា ឆ្នាំ ២០២២ BNI កម្ពុជា​ ក៏បានចាត់តាំងក្រុមហ៊ុន Comzone Asia ធ្វើជា​ដៃគូយុទ្ធសាស្ត្រ​ ដើម្បីជួយគាំទ្រ​ និង​ជំរុញការរីកចម្រើនរបស់ BNI កម្ពុជា ឲ្យក្លាយជា​បណ្ដាញអាជីវកម្ម​ឈានមុខគេនៅកម្ពុជា ។

BNI កម្ពុជា ដែលចាប់ផ្ដើមធ្វើប្រតិបត្តិការនៅកម្ពុជា​តាំងពីឆ្នាំ ២០១៣ មកនោះ​ ក៏បានថ្លែងអំណរគុណដល់​អ្នកឧបត្ថម្ភកម្មវិធី​ ដែលបានសម្រេចចិត្ត​ចូលរួមនៅក្នុង​កម្មវិធីកសាង​បណ្ដាញអាជីវកម្មដ៏ធំបំផុត​នេះដែរ​ ។

ក្នុង​ឆ្នាំ ២០២២ សមាជិករបស់ BNI កម្ពុជា មានចំនួន​ ១៧៩៩ សមាជិកដែលបែងចេញជា ៤២ ក្រុម ។ ក្នុងឆ្នាំ ២០២​២ នេះ សមាជិក​ បានផ្ដល់នូវឱកាសអាជីវកម្ម​ឲ្យគ្នា​ទៅវិញទៅមក ចំនួនជាង ប្រមាណជាង ៩៧០០០ ឱកាស​អាជីវកម្ម ដែល​គិតជាទឹក​​ប្រាក់មានចំនួន ជាង ៧៧ លានដុល្លារ ។

ចំនួននេះ មានការកើនឡើងបើធៀប​នឹង ឆ្នាំ២០២១ ដែលពេលនោះ សមាជិករបស់ BNI កម្ពុជា បានផ្ដល់នូវឱកាសអាជីវកម្ម​ឲ្យគ្នា​ទៅវិញទៅមក ចំនួនជាង ៧ ម៉ឺនឱកាស​អាជីវកម្ម ដែល​គិតជា​ប្រាក់មានចំនួន ៥៦ លានដុល្លារ ។

សម្រាប់បណ្ដាញ BNI សកល​លោកវិញ ក្នុងឆ្នាំ ២០២២ BNI មានវត្តមាននៅក្នុង​ប្រទេសចំនួន ៧៦ មានសមាជិក​ចំនួន ជិត ៣០ ម៉ឺននាក់ និង​បានផ្ដល់នូវឱកាស​អាជីវកម្ម​ឲ្យគ្នាទៅវិញទៅមកគិតជាទឹកប្រាក់ប្រមាណ ១៩២០ លានដុល្លារ​សហរដ្ឋអាមេរិក ។

យោងតាមរបាយការណ៍ចេញផ្សាយដោយធនាគារអភិវឌ្ឍន៍អាស៊ី កាលពីខែ​មេសាកន្លងទៅនេះ ក្នុងឆ្នាំ ២០២២ នេះ​សេដ្ឋកិច្ច​របស់​កម្ពុជា​ត្រូវបានព្យាករណ៍ថា នឹង​មានកំណើនជាង ៥% ហើយក្នុងឆ្នាំ ២០២៣ នឹង​កើនឡើងដល់ 6.5% បន្ទាប់ពីបានធ្លាក់អវិជ្ជមាន ក្នុងកម្រិត -៣,១% កាលពីឆ្នាំ ២០២០។ ការ​ងើបឡើងវិញនូវ​កំណើនសេដ្ឋកិច្ចនេះ ក៏ដោយសារ​តែរដ្ឋាភិបាលបានដាក់ចេញនូវគោលនយោបាយ​នានា​ដើម្បីកាត់បន្ថយផលប៉ះពាល់​ដោយសារជំងឺកូវីដ-១៩ ហើយបានឈានដល់ការ​បើកដំណើរការ​ប្រទេស និងសកម្មភាពសេដ្ឋកិច្ចឡើងវិញកាលពីចុង​ឆ្នាំ ២០២១ ។

The post ជំនួបឈុតធំ! ម្ចាស់ក្រុមហ៊ុនអាជីវកម្មជាង១៧០០ នឹង​ចូលរួម​ក្នុងមហា​​សន្និបាត BNI ប្រចាំឆ្នាំ ២០២២ appeared first on .