បុគ្គលិកដែលធ្វើការចាប់ពី៧ឆ្នាំចុះក្រោម ស្រ្តីឧកញ៉ាវ័យក្មេង លី ដាលីន ប្រគល់រង្វាន់លើកទឹកចិត្ត

ឧកញ៉ាកោះក្របី — Wed, 24 Jan 2024 11:26:24 +0000

លោកស្រីឧកញ៉ា លី ដាលីន បានប្រគល់រង្វាន់លើកទឹកចិត្តដល់បុគ្គលិកនៃក្រុមហ៊ុន ប្រ៊េដថកកម្ពុជា (BreadTalk) ដែលបានចូលបំរើការងារក្នុងក្រុមហ៊ុនរបស់លោកស្រីចាប់ពី៣ឆ្នាំ ៥ឆ្នាំ និង៧ឆ្នាំ ដើម្បីបញ្ជាក់ពីការគិតគូរនិងថ្លែងអំណរគុណ។

លើបណ្តាញសង្គមនាពេលថ្មីៗនេះរបស់ក្រុមហ៊ុន BreadTalk បានប្រកាសអបអរសាទរដល់បុគ្គលិកដែលបានបំរើការងារជាមួយនិង ប្រ៊េដថកកម្ពុជា អស់រយៈពេល ៣ឆ្នាំ ៥ឆ្នាំ និង ៧ឆ្នាំ កន្លងមក ក្រុមហ៊ុនតែងតែគិតគូរដល់បុគ្គលិកដោយទទួលបាននូវរង្វាន់លើកទឹកចិត្តក៏ដូចជាលិខិតថ្លែងអំណរគុណពីលោកស្រីឧកញ៉ា លី ដាលីន ដែលជាអគ្គនាយិកាប្រតិបត្តិក្រុមហ៊ុន ប្រ៊េដថកកម្ពុជា។

លោកស្រីឧកញ៉ា លី ដាលីន ជាអគ្គនាយកក្រុមហ៊ុន Cham & Ly Corporation ដែលបានទិញសិទ្ធិអាជីវកម្មហាងនំបុ័ងអន្តរជាតិដ៏ល្បីល្បាញ BreadTalk នៅប្រទេសសិង្ហបុរី មកប្រកួតទីផ្សារកម្ពុជា កាលពីឆ្នាំ២០១៤។ ក្រៅពីហាងនំប័ុង BreadTalk លោកស្រីក៏បានវិនិយោគទៅលើវិស័យសាងសង់លំនៅដ្ឋាន ឈ្មោះ បុរី The Residence ក្នុងនាមជាអគ្គនាយិកាក្រុមហ៊ុន Daline Property Development Co. Ltd.។

តាមសេចក្តីរាយការណ៍ដែលសារព័ត៌មានឧកញ៉ាញូស៍ (Oknha News) ទទួលបាន លោកស្រីឧកញ៉ា លី ដាលីន ជាប្អូនអ្នកឧកញ៉ា លី ហុង ថៅកែសណ្ឋាគារលំដាប់ផ្កាយ ទល់មុខផ្សារទំនើប អ៊ីអនម៉លភ្នំពេញទី១ ឈ្មោះ The Penthouse Resident ដែលចំណាយទុនវិនិយោគ ៣០លានដុល្លារ។ ស្វាមីលោកស្រីគឺ លោក ចម បូរិទ្ធ អនុរដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ជាកូនប្រុសលោក ចម ប្រសិទ្ធិ អតីតរដ្ឋមន្រ្តីនៃក្រសួងនេះ។

The post បុគ្គលិកដែលធ្វើការចាប់ពី៧ឆ្នាំចុះក្រោម ស្រ្តីឧកញ៉ាវ័យក្មេង លី ដាលីន ប្រគល់រង្វាន់លើកទឹកចិត្ត appeared first on .

តើថៅកែស្រីវ័យក្មេង ហាងនំបុ័ង BreadTalk ជានរណា?

ឧកញ៉ាកោះក្របី — Sat, 08 Oct 2022 00:34:37 +0000

លោកស្រី លី ដាលីន ពាណិជ្ជករវ័យក្មេងមួយរូបប្រសូតចេញពីគ្រួសារអភិជន ស្ថិតនៅក្រុងភ្នំពេញ និងជាកូនប្រសារថ្នាក់ដឹកនាំកំពូលម្នាក់ក្នុងជួរមន្ត្រីរាជរដ្ឋាភិបាល។

លោកស្រីជាអគ្គនាយកក្រុមហ៊ុន Cham & Ly Corporation ដែលបានទិញសិទ្ធិអាជីវកម្មហាងនំបុ័ងអន្តរជាតិដ៏ល្បីល្បាញ BreadTalk នៅប្រទេសសិង្ហបុរី មកប្រកួតទីផ្សារកម្ពុជា កាលពីឆ្នាំ២០១៤។

ក្រៅពីហាងនំប័ុង BreadTalk លោកស្រី លី ដាលីន ក៏បានវិនិយោគទៅលើវិស័យសាងសង់លំនៅដ្ឋានផងដែរ។ គម្រោងទីមួយរបស់លោកស្រី មានឈ្មោះ បុរី The Residence ក្នុងនាមជាអគ្គនាយិកាក្រុមហ៊ុន Daline Property Development Co. Ltd.។ គម្រោងអភិវឌ្ឍបុរីមួយនេះ ស្ថិតនៅតាមបណ្ដោយផ្លូវ ៧មករា (៦០ម៉ែត្រ) ដែលជាតំបន់មានសក្តានុពល និងការអភិវឌ្ឍន៍ទីក្រុងទំនើបនៅភាគខាងត្បូងរាជធានី។

តាមសេចក្តីរាយការណ៍ជាច្រើន ដែលសារព័ត៌មានឧកញ៉ាញូស៍ (Oknha News) ទទួលបាន លោកស្រី លី ដាលីន ជាប្អូនឧកញ៉ា លី ហុង ថៅកែសណ្ឋាគារលំដាប់ផ្កាយ ទល់មុខផ្សារទំនើប អ៊ីអនម៉លភ្នំពេញទី១ ឈ្មោះ The Penthouse Resident ដែលចំណាយទុនវិនិយោគ ៣០លានដុល្លារ។ ស្វាមីលោកស្រី គឺ លោក ចម បូរិទ្ធ អនុរដ្ឋលេខាធិការ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ជាកូនប្រុសលោកទេសរដ្ឋមន្ត្រី ចម ប្រសិទ្ធិ។

ចំណងអាពាហ៍ពិពាហ៍រវាងលោកស្រី និងលោក ចម បូរិទ្ធបង្កើតបានចំណងដៃបុត្រាបុត្រីចំនួន ៣នាក់ ក្នុងនោះស្រី២នាក់។

សូមជម្រាបបន្តិចថា ហាងនំបុ័ង BreadTalk របស់លោកស្រីជានិច្ចកាលតែងតែផ្តល់នូវការស្រឡាញ់កុមារ និងចាស់ជរាគ្មានទីពឹងនៅអង្គការមូលនិធិកុមារកម្ពុជា(CCF) តាមរយៈការឧបត្ថម្តគ្រឿងឧបភោគបរិភោគនិងថវិកាជាដើម៕

The post តើថៅកែស្រីវ័យក្មេង ហាងនំបុ័ង BreadTalk ជានរណា? appeared first on .