យោងតាមកាសែត Edaily របស់កូរ៉េខាងត្បូង បានរាយការណ៍កាលពីថ្ងៃទី២៩ មិថុនា ដោយដកស្រង់ចេញពីធនាគារវិនិយោគដោយមិនបានបញ្ចេញឈ្មោះមួយថា តារាចម្រៀង Suga បានវិនិយោគនៅក្នុងក្រុមហ៊ុន SpaceX តាមរយៈ Link Asset Partners ដែលជាក្រុមហ៊ុនមូលធនបណ្តាក់ទុនរបស់កូរ៉េខាងត្បូង នៅមុនឆ្នាំ២០២២។ ប៉ុន្តែទោះជាយ៉ាងណាក របាយការណ៍នេះមិនបានបង្ហាញពីទំហំនៃការវិនិយោគនោះឲ្យដឹងនោះទេ។

គួរឲ្យដឹងថា ក្រុមហ៊ុន SpaceX ត្រូវបានបង្កើតឡើងដំបូងដោយលោក Musk ក្នុងឆ្នាំ២០០២ មានតម្លៃមូលធនទីផ្សារប្រហែល ៤៦ពាន់លានដុល្លារក្នុងឆ្នាំ២០២០ ហើយបានកើនឡើងដល់ ១០០ពាន់លានដុល្លារក្នុងឆ្នាំ២០២១។ ប៉ុន្តែក្រោយពីបានចេញលក់ IPO ជាលើកដំបូង កាលពីថ្ងៃទី១២ ខែមិថុនាឆ្នាំនេះ SpaceX បានកើនតម្លៃមូលធនទីផ្សាររហូតដល់ ១,៧៧ទ្រីលានដុល្លារ។

ហើយយ៉ាងណាមិញ​ ដោយផ្អែកទៅលើការវាយតម្លៃនាពេលថ្មីៗនេះ ការវិនិយោគរបស់ Sugar នៅក្នុងក្រុមហ៊ុន SpaceX ដែលបានធ្វើឡើងតាំងពីមុនឆ្នាំ២០២២ មកនោះ បានកើនឡើងរហូតដល់ទៅ ៤០ដងឯណោះ។ នេះបើយោងតាមសារព័ត៌មាន StarNews របស់កូរ៉េខាងត្បូង៕​

The post Suga សមាជិកក្រុម BTS ទទួលបានប្រាក់ចំណេញរហូតដល់ ៤០ដង ពីការវិនិយោគដំបូងក្នុង SpaceX appeared first on .