សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោកថា អនុវត្តតាមបច្ចេកទេសជប៉ុន ត្រី ១ក្បាលអាចកែច្នៃបាន ១៤ប្រភេទមុខទំនិញ រួមទាំងស្រការត្រីក៏យកទៅកែច្នៃជាគ្រឿងសម្អាង ប្រមាត់ត្រី ស្បែកត្រី និងឆ្អឹង សូម្បីទឹកលាងសម្អាតត្រីក៏យកទៅធ្វើជីផងដែរ។ ដោយអនុវត្តតាមស្តង់ដារបច្ចេកទេសចិញ្ចឹមបានត្រឹមត្រូវល្អ ធ្វើឲ្យទីផ្សារជប៉ុនស្វាគមន៍ផលិតផលកែច្នៃត្រីចេញពីកសិដ្ឋាននេះ ជាក់ស្តែងការបញ្ជាទិញមានការកើនឡើងពីមួយឆ្នាំទៅមួយឆ្នាំ គ្រាន់តែ ៥ខែដើមឆ្នាំ២០២១ នេះ កសិដ្ឋានលក់សាច់ត្រីកែច្នៃស្រស់បាន ៧តោន។

ដោយតម្រូវការមានការកើនឡើងទាំងទីផ្សារក្នុងស្រុក ដូចជាផ្សារទំនើប AEON-1, AEON-2 ផ្សារ Markro ផ្សារទំនើបនានាក្នុងស្រុក និងភោជនីដ្ឋានជាច្រើនទៀត កសិដ្ឋាននឹងពង្រីកដើមទុនវិនិយោគក្នុងចំនួនទឹកប្រាក់ ១០លានដុល្លារ ដើម្បីពង្រីកសិប្បកម្មកែច្នៃ ដែលមានសមត្ថភាពអាចបង្កើនបរិមាណត្រីកែច្នៃសម្រាប់ផ្គត់ផ្គង់ទាំងក្នុងស្រុក និងនាំចេញទៅក្រៅប្រទេសផងដែរ។

ទាក់ទងនឹងខ្សែច្រវាក់ផលិតកម្មកែច្នៃ លោក វេង សាខុន រដ្ឋមន្រ្តីក្រសួងកសិកម្មរុក្ខាប្រមាញ់ និងនេសាទ បានសម្តែងនូវសុទិដ្ឋិថានឹងអាចទទួល បានជោគជ័យដោយសារមានការគាំទ្រពីរាជរដ្ឋាភិបាលជប៉ុនតាមរយ:ស្ថានទូត និងអង្គការ JICA និងជាពិសេសទីផ្សារប្រទេសជប៉ុន។

គម្រោងចុះទុនវិនិយោគបន្ថែម ១០លានដុល្លារសម្រាប់ពង្រីកខ្សែច្រវាក់ផលិតកម្មកែច្នៃ លោករដ្ឋមន្ត្រីសង្ឃឹម និងជឿជាក់ថានាពេលអនាគតដ៏ខ្លី វិស័យវារីវប្បកម្ម (ការចិញ្ចឹមត្រីនិយាយជារួម និងជាពិសេសការចិញ្ចឹមត្រីទីឡាព្យានិយាយ ដោយឡែក) នឹងមានការរីកចម្រើនតាមរយ:ការចងក្រងបណ្តុំផលិត ការអនុវត្តបច្ចេកទេសចិញ្ចឹមស្របតាមស្តង់ដារទីផ្សារតម្រូវ និងការអនុវត្តផលិតកម្មកសិកម្មតាមកិច្ចសន្យា។

លោករដ្ឋមន្ត្រីបានបន្ថែមថា ម្ហូបជប៉ុន (សាច់ត្រីស្រស់) បានផលិតនៅកម្ពុជា នេះជាជំហានចាប់ផ្តើមថ្មីមួយប្រកបទៅដោយការជឿជាក់ និងកិច្ចសហការ គាំទ្រពេញលេញពីគ្រប់ភាគីពាក់ព័ន្ធ ជាពិសេសស្ថានទូតជប៉ុន និងអង្គការ JICA សង្ឃឹមថានាពេលអនាគតខ្សែច្រវាក់ផលិតកម្មចិញ្ចឹម និងផលិតកម្មកែច្នៃ នឹងមានការរីកចម្រើនទ្វេឡើងឆ្លើយតបតាមតម្រូវការទីផ្សារក្នុងស្រុក ហើយឈានទៅធ្វើការនាំចេញ។

សម្រាប់ លោក ចៅ សួស្តី បានបង្ហាញពីមោទកភាពក្នុងនាមជាកូនខ្មែរ ផលិតផលិតផលខ្មែរសម្រាប់ទីផ្សារជប៉ុន និងបានផ្លែងអំណរគុណយ៉ាងជ្រាលជ្រៅជូនចំពោះលោករដ្ឋមន្រ្តី រដ្ឋបាលជលផល មជ្ឈមមណ្ឌលស្រាវជ្រាវ និងអភិវឌ្ឍន៍វារីវប្បកម្មទឹកសាប (ខេត្តព្រៃវែង) និងមន្រ្តីជំនាញពាក់ព័ន្ធ ទាំងអស់ដែលបានយកអស់កំលាំងកាយចិត្ត គាំទ្រ សហការគ្រប់បែបយ៉ាង ធ្វើឲ្យកសិដ្ឋាន ក៏ដូចជាសិប្បកម្មកែច្នៃបានទទួលជោគជ័យនាពេលនេះ។

លោករីករាយនឹងសហការ ចែករំលែកបទពិសោធន៍ បច្ចេកទេសចិញ្ចឹម និងការកែច្នៃជាមួយប្រជាកសិករពីគ្រប់មជ្ឈដ្ឋាន ឬចង់សហការផ្គត់ផ្គង់ត្រី សូមអញ្ជើញទាក់ទងមកលេខ ០៧៧ ៤៦៧ ៨៩០៕

The post កសិដ្ឋាន Cambodia Fresh Farm គ្រោងពង្រីកដើមទុនវិនិយោគបន្លែម ១០លានដុល្លារ ដើម្បីបង្កើនសមត្ថភាពកែច្នៃត្រីសម្រាប់ផ្គត់ផ្គង់ទាំងក្នុងស្រុក និងក្រៅប្រទេស appeared first on .