លោក Shen Xinghua ជានាយកគ្រប់គ្រង និងជាប្រធានក្រុមហ៊ុន Changan Auto Sales (Thailand) ដែលជាក្រុមហ៊ុនបុត្រសម្ព័ន្ធរបស់ Changan Automobile បាននិយាយថា៖ យើងនឹងមិនត្រឹមតែផលិតរថយន្តប្រភេទ SUV នៅទីនេះនាឆ្នាំ ២០២៥ ប៉ុណ្ណោះទេ ប៉ុន្តែប្រទេសថៃនឹងក្លាយជាប្រទេសដំបូងគេ ដែលយើងនឹងដាក់បង្ហាញរថយន្តម៉ូដែលថ្មីជាផ្លូវការ។ 

លោកបានបន្ថែមទៀតថា Changan គ្រោងនឹងផលិតរថយន្ត EV ឲ្យបានចំនួន ១០០ ០០០ គ្រឿងក្នុងមួយឆ្នាំ ហើយជំហានដំបូងក្រុមហ៊ុននឹងដាក់គោលដៅផលិតរថយន្តប្រភេទ SUV ពី ៣០ ០០០ គ្រឿងទៅ ៥០ ០០០ គ្រឿង។ មួយវិញទៀត Changan គ្រោងនឹងបង្កើនថវិកាវិនិយោគរបស់ខ្លួនដល់ចំនួន ១០ ពាន់លានបាត សម្រាប់ការពង្រីកអាជីវកម្មពីឆ្នាំ ២០២៣ ដល់ឆ្នាំ ២០២៥ ផងដែរ។ 

កន្លងមក ក្រុមហ៊ុនបានទិញដីចំនួន ៤០ ហិកតាដើម្បីសាងសង់រោងចក្ររបស់ខ្លួន នៅក្នុងបរិវេណឧស្សាហកម្មនៅរ៉ាយ៉ុង ខណៈដែលលោក Shen បាននិយាយថា ក្រុមហ៊ុននឹងទិញដីទំហំំ ៤៨ ហិកតាបន្ថែមទៀត ដើម្បីសាងសង់កន្លែងផលិតកម្ម បន្ទប់តាំងបង្ហាញរថយន្ត ឃ្លាំងគ្រឿងបន្លាស់រថយន្ត និងការិយាល័យអនុវត្តផែនការទីផ្សារ។ 

ប្រធានក្រុមហ៊ុនរូបនេះ បានមានប្រសាសន៍បន្ថែមទៀតថា៖ មានក្រុមហ៊ុនរថយន្តរបស់ចិនចំនួន ៧ក្រុមហ៊ុន ព្រមទាំងម៉ូដែលប្រមាណជា ៣០ បានដាក់លក់រថយន្តរបស់ពួកគេរួចហើយក្នុងប្រទេសថៃ។ នេះវាពិតជាអង្រួនឧស្សាហកម្មរថយន្ត និងជំរុញឲ្យក្រុមហ៊ុនផលិតរថយន្តពិភពលោកផ្សេងៗទៀត ចូលរួមក្នុងការប្រកួតប្រជែងនេះ។ 

គួរជម្រាបផងថា ក្រុមហ៊ុន Changan បានដាក់ក្តីរំពឹងថា ការលក់រថយន្តរបស់ខ្លួននៅក្នុងប្រទេសថៃ នឹងអាចមានចំនួនចាប់ពី ២០ ០០០ គ្រឿងទៅ ៣០ ០០០ គ្រឿងនៅឆ្នាំក្រោយ បើទោះជាបីជាអត្រាការប្រាក់ខ្ពស់ និងលក្ខណៈវិនិច្ឆ័យនៃការផ្តល់ប្រាក់កម្ចីកាន់តែតឹងរ៉ឹង ពីធនាគារជាកូនបំណុលគ្រួសារក៏ដោយ៕ 

The post ក្រុមហ៊ុនរថយន្តអគ្គិសនីចិន Changan គ្រោងចាប់ផ្តើមផលិតកម្មនៅក្នុងប្រទេសថៃ  appeared first on .

ក្រុមហ៊ុន Nio បាននិយាយកាលពីថ្ងៃអង្គារថា ភាពជាដៃគូនេះក៏នឹងមើលឃើញថា ក្រុមហ៊ុន Nio និងក្រុមហ៊ុនដែលគ្រប់គ្រងដោយរដ្ឋចិន Changan នឹងរួមមានការសាងសង់ ការចែករំលែកស្ថានីយផ្លាស់ប្តូរថ្ម ក៏ដូចជាស្តង់ដារអាគុយផងដែរ។

មួយវិញទៀត ភាពជាដៃគូនេះនឹងនាំឲ្យ Nio មានភាពប្រសើរឡើងវិញនូវប្រាក់ចំណេញ ព្រោះវាបានជួយសម្រួលការកាត់បន្ថយកម្លាំងពលកម្មរបស់ខ្លួន ហើយបានពន្យារការវិនិយោគរយៈពេលវែង ដើម្បីបង្កើនប្រសិទ្ធភាព និងកាត់បន្ថយការចំណាយដែលបានប្រឈមនឹងការប្រកួតប្រជែងតម្លៃ បន្ទាប់ពីក្រុមហ៊ុនផលិតរថយន្តរបស់អាមេរិក Tesla ចាប់ផ្តើមបញ្ចុះតម្លៃកាលពីដើមឆ្នាំ។

យ៉ាងណាមិញ ការផ្លាស់ប្តូរអាគុយនេះ នឹងអនុញ្ញាតឱ្យអ្នកបើកបរអាចជំនួសអាគុយដែលអស់ថាមពលបានយ៉ាងឆាប់រហ័ស និងមានភាពងាយស្រួលជាជាងការចំណាយពេលយកខ្សែទៅសាកថ្មរថយន្ត។

ម្យ៉ាងវិញទៀត គិតត្រឹមថ្ងៃទី ២១ ខែវិច្ឆិកា Nio មានស្ថានីយផ្លាស់ប្តូរថ្មចំនួន ២ ១១៣ កន្លែងនៅក្នុងប្រទេសចិន និងបង្គោលសាកថ្មជិត ១ លានបង្គោលផងដែរ។

ជម្រាបដែរថា ក្រុមហ៊ុន Changan បានជាប់ចំណាត់ថ្នាក់ទី ៧ នៅក្នុងប្រទេសចិន ទាក់ទងនឹងការលក់រថយន្តអគ្គិសនីប្រមាណ ១២៣ ៣២២ គ្រឿង នារយៈពេល ៩ ខែដំបូងនៃឆ្នាំនេះ ខណៈក្រុមហ៊ុន Nio ជាប់ចំណាត់ថ្នាក់ទី ៨ ដោយមានការលក់ប្រមាណ ១០៩ ៩៩៣ គ្រឿង នេះបើយោងតាមទិន្នន័យពីសមាគមរថយន្តដឹកអ្នកដំណើរចិន៕

The post ក្រុមហ៊ុនចិនចំនួនពីរ ចាប់ដៃគ្នាបង្កើតរថយន្តអគ្គិសនី ផ្លាស់ប្តូរអាគុយ appeared first on .