Changpheng Zhao

គណៈកម្មការមូលបត្រអាមេរិក ចោទប្រកាន់មេធំ Binance ថាបំពានច្បាប់

ឧកញ៉ាសំពៅ — Tue, 06 Jun 2023 04:11:35 +0000

ផ្លេតហ្វមរូបិយប័ណ្ណគ្រីបតូដ៏ធំបំផុតរបស់ពិភពលោក Binance និងនាយកប្រតិបត្តិរបស់ខ្លួន Changpeng Zhao បានដំណើរការ “បណ្តាញនៃការបោកបញ្ឆោត” ដែលរួមបញ្ចូលការបំប៉ោងទំហំពាណិជ្ជកម្មរបស់ខ្លួនដោយសិប្បនិម្មិត និងការបង្វែរទ្រព្យសម្បត្តិអតិថិជន។ នេះបើតាមគណៈកម្មការមូលបត្រអាមេរិក SEC បានចោទប្រកាន់ Binance កាលពីថ្ងៃទី ០៥ មិថុនា។

យោងតាមការចុះផ្សាយពី CNA បានបង្ហាញថា Binance និង Zhao ត្រូវបានប្ដឹងចំពោះការខកខាន ក្នុងការដាក់កំហិតអតិថិជនអាមេរិកពីកម្មវិធីរបស់ខ្លួន និងធ្វើឱ្យវិនិយោគិនយល់ច្រឡំអំពីការគ្រប់គ្រងការឃ្លាំមើលទីផ្សារ ក៏ដូចជាសម្រាប់ប្រតិបត្តិការ ការផ្លាស់ប្តូរមូលបត្រដែលមិនបានចុះបញ្ជីជាដើម។

ពាក្យបណ្តឹងរបស់ SEC ដែលដាក់នៅតុលាការសហព័ន្ធក្នុងទីក្រុង Washington, DC ក៏បានចោទប្រកាន់ថា Binance និង Zhao អំពីគ្រប់គ្រងទ្រព្យសម្បត្តិរបស់អតិថិជនដោយសម្ងាត់ ដោយអនុញ្ញាតឱ្យពួកគេបញ្ចូលគ្នា និងបង្វែរមូលនិធិរបស់អតិថិជន ហើយ Binance បានបង្កើតអង្គភាពអាមេរិកដាច់ដោយឡែក “ជាផ្នែកមួយនៃគម្រោងដ៏ឧឡារិកមួយដើម្បីគេចចេញ ពីច្បាប់សន្តិសុខសហព័ន្ធរបស់សហរដ្ឋអាមេរិក។

សូមជម្រាបដែរថា បញ្ហាខាងលើ គឺជាពាក្យបណ្ដឹងចុងក្រោយបង្អស់រវាងរដ្ឋាភិបាលអាមេរិក និង Binance បន្ទាប់ពីពួកគេក៏ត្រូវបាន U.S. Commodity Futures Trading Commission ធ្លាប់ប្ដឹងម្ដងកាលពីខែមីនា ដោយចោទថា Binance ធ្វើការជួញដូរ “ខុសច្បាប់” និងបោកប្រាស់អតិថិជន ប៉ុន្តែស្ថាបនិក Changpeng Zhao និយាយថា ពាក្យចោទប្រកាន់ទាំងនោះជារឿងខកចិត្ត និងជាការចោទប្រកាន់ដោយគ្មានមូលដ្ឋាន៕

The post គណៈកម្មការមូលបត្រអាមេរិក ចោទប្រកាន់មេធំ Binance ថាបំពានច្បាប់ appeared first on .

មហាសេដ្ឋី Crypto ខាតបង់ទឹកប្រាក់ ១១០ពាន់លានដុល្លារ កាលពីឆ្នាំទៅ

ឧកញ៉ាសំពៅ — Mon, 10 Apr 2023 03:05:14 +0000

បច្ចុប្បន្ន មានមហាសេដ្ឋីដែលរកស៊ីលើវិស័យកាក់ឌីជីថល ឬហៅថា Cryptocurrency តែ ៩នាក់ប៉ុណ្ណោះ ជាមួយទំហំទឹកប្រាក់សរុបមានមិនដល់ ៣០ពាន់លានដុល្លារផង ហើយបើធៀបនឹងឆ្នាំទៅគឺខុសគ្នាឆ្ងាយ ដ្បិតឆ្នាំមុនមានមហាសេដ្ឋី ១៩នាក់រកស៊ីលើវិស័យមួយនេះ ជាមួយទំហំទ្រព្យសម្បត្តិ ១៤០ពាន់លានដុល្លារ។

យោងតាមការចុះផ្សាយពី Forbes បានបង្ហាញថា ស្ថាបនិកក្រុមហ៊ុន Binance លោក Changpeng Zhao នៅតែជាអ្នកមានដាច់គេលើវិស័យមួយនេះ បើទោះជារបូតទ្រព្យសម្បត្តិប្រមាណជិត ៥៥ពាន់លានដុល្លារក្ដី ពោលកាលពីឆ្នាំទៅមាន ៦៥ពាន់លានដុល្លារ ខណៈឆ្នាំនេះមានតែ ១០,៥ពាន់លានដុល្លារប៉ុណ្ណោះ។

តំណែងលេង ២វិញ បានទៅលើសហស្ថាបនិកកាក់ Ripple មានឈ្មោះ Jed McCaleb ដែលមានទ្រព្យសម្បត្តិប្រមាណ ២,៤ពាន់លានដុល្លារ បន្ទាប់ពីប្រកាសលក់កាក់ XRP របស់លោក ខណៈតំណែងលេខ៣ គឺ Brian Armstrong នាយកប្រតិបត្តិ Coinbase ដែលមានទ្រព្យសម្បត្តិ ២,២ពាន់លានដុល្លារ តិចជាងឆ្នាំទៅដែលធ្លាប់មាន ៦,៦ពាន់លានដុល្លារ។

សូមជម្រាបដែរថា រឿងអាស្រូវធំបំផុតក្នុងវិស័យមួយនេះដែលបណ្ដាលឲ្យខូចខាតធ្ងន់ធ្ងរ គឺបន្ទាប់ពីការប្រកាសក្ស័យធនរបស់ក្រុមហ៊ុន FTX ដែលមាន Sam Bankman-Fried ជាស្ថាបនិក និងមានជាប់ពាក់ព័ន្ធនឹងករណីឆបោក ខណៈអតីតមហាសេដ្ឋីម្នាក់នេះក៏ប្រឈមនឹងការជាប់ពន្ធនាគារមួយជីវិត ដ្បិតបច្ចុប្បន្នកំពុងរង់ចាំការកាត់ក្ដីដែលនឹងធ្វើឡើងនៅខែតុលាខាងមុខ៕

The post មហាសេដ្ឋី Crypto ខាតបង់ទឹកប្រាក់ ១១០ពាន់លានដុល្លារ កាលពីឆ្នាំទៅ appeared first on .

៩ខែចុងក្រោយ វិនិយោគិនរបូតលុយជាង ១០០ ពាន់លានដុល្លារ ក្នុងវិស័យរូបិយប័ណ្ណឌីជីថល

ឧកញ៉ាសំពៅ — Mon, 26 Dec 2022 07:52:00 +0000

សេដ្ឋកិច្ចសកលដែលកំពុងប្រឈមហានិភ័យនៃការកើតមានវិបត្តិសេដ្ឋកិច្ច បានជះឥទ្ធិពលជាខ្លាំងដល់វិស័យនានា ជាពិសេសគឺវិស័យទើបនឹងរីកដុះដាល រូបិយប័ណ្ណឌីជីថល ឬ Cryptocurrency។

យោងតាមការចុះផ្សាយពី Forbes បានទម្លាយថា ទឹកប្រាក់ប្រហែល ១១៦ ពាន់លានដុល្លារ ត្រូវបានបាត់បង់ពីទីផ្សារគ្រីបតូ គិតចាប់តាំងពីខែមីនា រហូតដល់ពេលបច្ចុប្បន្ន។

ទឹកប្រាក់ដែលបាត់បង់នោះ គិតចំពោះតែបុគ្គលមានទ្រព្យច្រើនបំផុតក្នុងវិស័យមួយនេះតែ ១៧ នាក់ប៉ុណ្ណោះ ខណៈ ១៥ នាក់គឺខាតបង់លុយអស់ជាងពាក់កណ្ដាល ស្របពេល ១០ រូបត្រូវបានបាត់បង់ងារជាមហាសេដ្ឋីថែមទៀត។

ក្នុងនោះផងដែរ បុគ្គលដែលរបូតលុយច្រើនបំផុតគឺ ស្ថាបនិក Binance លោក Changpeng Zhao ដែលធ្លាប់មានលុយជាង ៦៥ ពាន់លានដុល្លារ តែបច្ចុប្បន្ននៅសល់តែ ៤,៥ ពាន់លានដុល្លារប៉ុណ្ណោះ ស្របពេលសហស្ថាបនិក Sam Bankman-Fried ដែលធ្លាប់ទទួលងារជាមហាសេដ្ឋីវ័យក្មេង ធ្លាក់ខ្លួនពី ២៤ ពាន់លានដុល្លារ រហូតដល់គ្មានអ្វីសោះកាលពីពេលថ្មីៗនេះ៕

The post ៩ខែចុងក្រោយ វិនិយោគិនរបូតលុយជាង ១០០ ពាន់លានដុល្លារ ក្នុងវិស័យរូបិយប័ណ្ណឌីជីថល appeared first on .

ទម្លាយឈ្មោះមហាសេដ្ឋី ខាតបង់ទ្រព្យសម្បត្តិច្រើនបំផុតរយៈពេល ១ ឆ្នាំចុងក្រោយ

ឧកញ៉ាសំពៅ — Wed, 23 Nov 2022 06:48:00 +0000

បើកទំព័រឆ្នាំ ២០២២ ភ្លាម ក្រុមមហាសេដ្ឋីជាច្រើនជួបទុក្ខផ្ទួនៗ ជាពិសេសគឺក្រុមអ្នកជំនួញរកស៊ីលើវិស័យបច្ចេកវិទ្យាតែម្ដង តួយ៉ាងដូចជា Elon Musk ដែលរបូតលុយអស់រាប់រយពាន់លានដុល្លារឯណោះ។

យោងតាមការចុះផ្សាយពី Bloomberg បានបង្ហាញថា ក្នុងចំណោមមហាសេដ្ឋីដែលខាតបង់ច្រើនបំផុត ៧ នាក់ មានតែម្នាក់ប៉ុណ្ណោះដែលមិនរកស៊ីលើវិស័យបច្ចេកវិទ្យា។

ក្នុងនោះ Elon Musk ខាតបង់ច្រើនបំផុត ១០១ ពាន់លានដុល្លារ ខណៈ Mark Zuckerberg មេធំ Facebook របូតលុយ ៨៤ ពាន់លានដុល្លារ និងស្ថាបនិក Binance លោក Changpeng Zhao ខាតលុយ ៨២ ពាន់លានដុល្លារ។

ចំណែកឯ Jeff Bezos វិញ បាត់បង់ទ្រព្យសម្បត្តិ ៧៧ ពាន់លានដុល្លារ ស្របពេលសហស្ថាបនិក Google, Larry Page និង Sergey Brin របូតលុយម្នាក់ប្រហែល ៤០ ពាន់លានដុល្លារ ខណៈ Mackenzie Scott មហាសេដ្ឋីចិនបុណ្យ ក៏ខាតបង់ប្រាក់ប្រហែល ៣៥ ពាន់លានដុល្លារផងដែរ៕

The post ទម្លាយឈ្មោះមហាសេដ្ឋី ខាតបង់ទ្រព្យសម្បត្តិច្រើនបំផុតរយៈពេល ១ ឆ្នាំចុងក្រោយ appeared first on .

មហាសេដ្ឋី Binance ទម្លាយហេតុផលច្បាស់ៗ ពីក្រោយការវិនិយោគលុយ ៥០០ លានដុល្លារជាមួយ Twitter

ឧកញ៉ាសំពៅ — Thu, 03 Nov 2022 11:53:00 +0000

ក្រុមហ៊ុន Twitter បានផ្លាស់ប្ដូរម្ចាស់ថ្មីកាលពីសប្ដាហ៍មុន បន្ទាប់ពី Elon Musk ជោគជ័យជាមួយនឹងដេញថ្លៃ ៤៤ ពាន់លានដុល្លារទិញបណ្ដាញសង្គមចាបខៀវទាំងមូល។

បើមើលឲ្យមែនទែនទៅ Elon Musk គឺជាម្ចាស់ក្រុមហ៊ុនមែន ប៉ុន្តែក៏មានចំណែកវិនិយោគទុនពីមហាសេដ្ឋីផ្សេងៗផងដែរ ហើយស្ថាបនិក Binance លោក Changpeng Zhao ក៏បានបណ្ដាក់ទុនជាមួយ Twitter ប្រមាណ ៥០០ លានដុល្លារផងដែរ។

យោងតាមការចុះផ្សាយពី SCMP បានទម្លាយថា មហាសេដ្ឋី Binance បានប្រាប់ពីមូលហេតុចំបងដែលលោកសម្រេចចិត្តវិនិយោគលុយកន្លះពាន់លានដុល្លារ ជាមួយ Twitter គឺ គាំទ្រសិទ្ធសេរីភាពក្នុងការបញ្ចេញមតិ។

“មូលហេតុធំនោះគឺ ពួកយើងចង់បានសិទ្ធិសេរីភាពពេញលេញក្នុងការបញ្ចេញមតិ ហើយវា (Twitter) គឺជាបណ្ដាញសង្គមសំខាន់បំផុតសម្រាប់ធ្វើរឿងមួយនេះ”។ នេះបើតាមសម្ដីរបស់មេធំ Binance បាននិយាយ៕

The post មហាសេដ្ឋី Binance ទម្លាយហេតុផលច្បាស់ៗ ពីក្រោយការវិនិយោគលុយ ៥០០ លានដុល្លារជាមួយ Twitter appeared first on .

ឧកញ៉ាញ៉ូវស៍ ទម្លាយឈ្មោះមហាសេដ្ឋី ១០ រូបរបូតលុយច្រើនបំផុតប្រចាំឆ្នាំ

ឧកញ៉ាសំពៅ — Mon, 31 Oct 2022 07:55:00 +0000

បើកទំព័រឆ្នាំ ២០២២ ភ្លាម សេដ្ឋកិច្ចពិភពលោកហាក់មិនសូវអំណោយផល ហើយសង្គ្រាមរវាងរុស្ស៊ី និងអ៊ុយក្រែនបន្តអូសបន្លាយតាំងពីដើមឆ្នាំ មកទល់បច្ចុប្បន្នទៀត វារឹតតែធ្វើឲ្យស្ថានការណ៍សេដ្ឋកិច្ចសកលកាន់តែធ្លាក់ក្នុងសភាពយ៉ាប់យ៉ឺន។

ការធ្លាក់ចុះនៃសេដ្ឋកិច្ចបែបនេះ បណ្ដាលឲ្យក្រុមមហាសេដ្ឋីជាច្រើនរបូតលុយអស់ច្រើនមិនស្ទើរ តួយ៉ាងដូចជា Mark Zuckerberg និង Elon Musk ជាដើម សុទ្ធតែបានរបូតលុយអស់រាប់សិបពាន់លានដុល្លារនៅក្នុងឆ្នាំនេះ។

ខាងក្រោមនេះ គឺជាបញ្ជីឈ្មោះមហាសេដ្ឋី ១០ រូប របូតលុយអស់ច្រើនបំផុតប្រចាំឆ្នាំ ២០២២ ផ្អែកតាម Bloomberg៖

១/ Mark Zuckerberg របូតលុយអស់ ៨៧,៣ ពាន់លានដុល្លារ

២/ Changpeng Zhao របូតលុយអស់ ៧២,៦ ពាន់លានដុល្លារ

៣/ Elon Musk របូតលុយអស់ ៦៦,៤ ពាន់លានដុល្លារ

៤/ Jeff Bezos របូតលុយអស់ ៦៥,៧ ពាន់លានដុល្លារ

៥/ Larry Page របូតលុយអស់ ៣៩,២ ពាន់លានដុល្លារ

៦/ Bernard Arnault របូតលុយអស់ ៣៨,២ ពាន់លានដុល្លារ

៧/ Sergey Brin របូតលុយអស់ ៣៨,១ ពាន់លានដុល្លារ

៨/ MacKenzie Scott របូតលុយអស់ ៣១,៧ ពាន់លានដុល្លារ

៩/ Francoise Bettencourt Meyers របូតលុយអស់ ៣០,៧ ពាន់លានដុល្លារ

១០/ Bill Gates របូតលុយអស់ ២៧,៣ ពាន់លានដុល្លារ៕

The post ឧកញ៉ាញ៉ូវស៍ ទម្លាយឈ្មោះមហាសេដ្ឋី ១០ រូបរបូតលុយច្រើនបំផុតប្រចាំឆ្នាំ appeared first on .

ឆមាសទី ១ នៃឆ្នាំ ២០២២ ក្រុមមហាសេដ្ឋីមានបំផុតរបូតលុយប្រហែល ១,៤ ទ្រីលានដុល្លារ

ឧកញ៉ាសំពៅ — Wed, 15 Jun 2022 08:30:23 +0000

យោងតាមរបាយការណ៍ផ្ដល់ឲ្យដោយ Bloomberg Billionaires Index បានឲ្យដឹងថា វិស័យសេដ្ឋកិច្ចពិភពលោកកំពុងមានភាពរញ៉េរញ៉ៃ ស្របពេលគ្រប់គ្នាក៏មានការបារម្ភជាមួយនឹងវិបត្តិអតិផរណាដែលនឹងអាចកើតមានផងដែរ។

ប្រភពខាងលើបន្ថែមទៀតថា ឥទ្ធិពលទាំងនោះបានធ្វើឲ្យក្រុមមហាសេដ្ឋី ៥០០ នាក់មានបំផុតលើលោករបូតធនធានអស់ច្រើនសន្ធឹក ពោលបើសរុបការខាតបង់ជារួមគឺមានរហូតដល់ ១,៤ ទ្រីលានដុល្លារត្រឹមរយៈពេល ៦ ខែតំបូងនៃឆ្នាំ ២០២២។

ក្នុងចំណោមបុគ្គលដែលទទួលការខាតបង់ធ្ងន់ធ្ងរបំផុតគឺ Changpeng Zhao ដែលរបូតលុយដល់ទៅជាង ៨៥ ពាន់លានដុល្លារ ស្របពេល Elon Musk ខាតបង់ប្រហែលជាង ៧៣ ពាន់លានដុល្លារ ស្របពេល Jeff Bezos និង Mark Zuckerberg បាត់បង់លុយប្រហែល ៦៥ ពាន់លានដុល្លារ/ម្នាក់។ នេះបើតាមរបាយការណ៍ផ្ដល់ឲ្យដោយ Bloomberg Billionaire Index។

ទន្ទឹមនឹងនោះ ទិន្នន័យផ្ដល់ឲ្យដោយ Capgemini បានបង្ហាញថា សហរដ្ឋអាមេរិក ជប៉ុន ចិន និងអាល្លឺម៉ង់នៅតែជាប្រទេសសំបូរមហាសេដ្ឋីរស់នៅច្រើនបំផុតលើលោក ពោលបុគ្គលមានទ្រព្យកប់ពពកប្រមាណ ៦៤% ទូទាំងសកលលោកកំពុងរស់នៅប្រទេសទាំង ៤ ខាងលើ។

សូមជម្រាបដែរថា ការខូចខាតដ៏សំបើមមួយនេះ បណ្ដាលមកពីវិបត្តិសង្គ្រាមរុស្ស៊ី និងអ៊ុយក្រែនធ្វើឲ្យសេដ្ឋកិច្ចពិភពលោកមានការជ្រួលច្របល់ ស្របពេលមហាអំណាចចិនរឹតបន្តឹងវិស័យពាណិជ្ជកម្មអេឡិចត្រូនិក ខណៈវិស័យកាក់ឌីជីថលកំពុងដាំក្បាលចុះទៀត ធ្វើឲ្យទ្រព្យសម្បត្តិមហាសេដ្ឋីជាច្រើនរបូតទៅផុយៗ ត្រឹមមួយពព្រិចភ្នែក៕

The post ឆមាសទី ១ នៃឆ្នាំ ២០២២ ក្រុមមហាសេដ្ឋីមានបំផុតរបូតលុយប្រហែល ១,៤ ទ្រីលានដុល្លារ appeared first on .

កាក់ Luna ធ្លាក់ដល់បាតដាល ស្ថាបនិក Binance ខាតលុយខ្ទង់ពាន់លានដុល្លារ

ឧកញ៉ាសំពៅ — Thu, 19 May 2022 08:30:06 +0000

រយៈពេលប៉ុន្មានសប្ដាហ៍ចុងក្រោយនេះ គេសង្កេតឃើញថា ទីផ្សារកាក់ឌីជីថល Cryptocurrency កំពុងមានសភាពធ្លាក់ចុះជាខ្លាំង ដែលគ្រប់គ្នាហៅស្ថានការណ៍ពេលនេះថា Bear Market ដែលមានន័យថា តម្លៃស្ទើរគ្រប់កាក់នៅលើទីផ្សារធ្លាក់ចុះសឹងតែទាំងអស់។

ក្នុងចំណោមកាក់ដែលកំពុងធ្លាក់ចុះទាំងអស់ កាក់មួយឈ្មោះថា Terra Luna គឺហាក់ធ្លាក់ខ្លាំងទប់សឹងមិនជាប់ ពោលរយៈពេលត្រឹម ១០ ថ្ងៃប៉ុណ្ណោះ តម្លៃរបស់វាធ្លាក់ពីជិត ៦០$/កាក់ មកសល់ត្រឹម ០,០០០១៧/កាក់តែប៉ុណ្ណោះ។

ការធ្លាក់ចុះដ៏មិននឹកស្មានដល់មួយនេះ បានធ្វើឲ្យស្ថាបនិក Binance លោក Chanpeng Zhao ទទួលរងការខូចខាតធ្ងន់ធ្ងរគួរសម ពោលលោកក៏ជាអ្នក Hold កាក់ Luna ដ៏ធំមួយរូបផងដែរ ពោលកាលពីខែមេសា តម្លៃកាក់ Luna ដែលមហាសេដ្ឋីម្នាក់នេះមានក្នុងដៃគឺប្រមាណ ១,៦ ពាន់លានដុល្លារ តែមកទល់បច្ចុប្បន្នគឺនៅសល់តែ ២ ២០០ ដុល្លារតែប៉ុណ្ណោះ។

ក្រៅពីលោក Zhao អ្នកដែលទទួលរងការខូចខាតយ៉ាងធំម្នាក់ទៀតគឺ Youtuber ល្បីឈ្មោះ KSI ដោយបុរសម្នាក់នេះបានចំណាយលុយប្រមាណជាង ៣ លានដុល្លារសម្រាប់ការវិនិយោគលើកាក់ Luna តែដោយសារតម្លៃវាធ្លាក់ចុះ ដូច្នេះបច្ចុប្បន្ន KSI សល់លុយប្រមាណជាង ១ ០០០ ដុល្លារប៉ុណ្ណោះនៃតម្លៃសរុបរបស់កាក់ឌីជីថលមួយនេះ។

បញ្ជាក់ដែរថា លោក Chanpeng Zhao គឺជាមហាសេដ្ឋីមួយរូបដែលមានទ្រព្យសម្បត្តិសរុបប្រមាណ ១៤,៨ ពាន់លាដុល្លារ ខណៈទ្រព្យសម្បត្តិរបស់មហាសេដ្ឋីខាងលើប្រហែល ៧០% គឺជាភាគហ៊ុនសរុបរបស់ Binance៕

ប្រភព: Insider

The post កាក់ Luna ធ្លាក់ដល់បាតដាល ស្ថាបនិក Binance ខាតលុយខ្ទង់ពាន់លានដុល្លារ appeared first on .

២ ខែតំបូងនៃឆ្នាំ ២០២២ មហាសេដ្ឋី ១០ រូបនេះរបូតទ្រព្យសម្បត្តិជិត ២០០ ពាន់លានដុល្លារ

ឧកញ៉ាសំពៅ — Sat, 05 Feb 2022 06:27:31 +0000

ឆ្នាំ ២០២២ អាចនិយាយបានថា ជាការចាប់ផ្ដើមមិនសូវល្អប៉ុន្មានសម្រាប់មហាសេដ្ឋីជុំវិញពិភពលោក ជាក់ស្ដែងកាលពីពេលកន្លងទៅ Elon Musk ដែលធ្លាប់ឈរជាមហាសេដ្ឋីមានលុយច្រើនបំផុតប្រចាំប្រវត្តិសាស្ត្រជាង ៣០០ ពាន់លានដុល្លារ ធ្លាក់មកសល់ត្រឹម ២៣០ ពាន់លានដុល្លារ។

លើសពីនេះ ក្រុមមហាសេដ្ឋីនៅចិនឯណោះវិញ គឺកំពុងស្ថិតនៅក្នុងសភាពយ៉ាប់យ៉ឺន ពោលរដ្ឋាភិបាលកំពុងពង្រឹងផែនការ “ក្រោមមេឃតែមួយ” របស់ប្រធានាធិបតី Xi Jinping ក្នុងការលុបបំបាត់វិសមភាពសង្គមក្នុងប្រទេសផងដែរ និងតម្រូវឲ្យពួកគេបរិច្ចាគប្រាក់រាប់ពាន់លានដុល្លារទៅកាន់កម្មវិធីសប្បុរសធម៌ផ្សេងៗដែលរៀបចំឡើងដោយរដ្ឋាភិបាល។

អ្វីដែលកាន់តែហួសចិត្តស្មានមិនដល់ គឺកាលពីពេលថ្មីៗនេះ Mark Zuckerberg ដែលជាស្ថាបនិកក្រុមហ៊ុនបណ្ដាញសង្គមធំជាងគេលើលោក Facebook បានរបូតតំណែងងារជាមហាសេដ្ឋីមានបំផុតលើលោកទាំង ១០ រូប បន្ទាប់ពីភាគហ៊ុនក្រុមហ៊ុន Meta បានធ្លាក់ចុះមិនធ្លាប់មានក្នុងប្រវត្តិសាស្ត្រធ្វើឲ្យទ្រព្យសម្បត្តិរបស់លោកថយចុះជាង ៣០ ពាន់លានដុល្លារក្នុងមួយថ្ងៃ។

ខាងក្រោមនេះគឺជាបញ្ជីឈ្មោះមហាសេដ្ឋី ១០ រូបដែលខាតបង់ប្រាក់ច្រើនបំផុតគិតចាប់ពីដើមឆ្នាំ ២០២២ មកទល់ពេលនេះ៖

Elon Musk បាត់បង់ទ្រព្យសម្បត្តិអស់ប្រមាណ ៣៩,៣ ពាន់លានដុល្លារ
Mark Zuckerberg បាត់បង់ទ្រព្យសម្បត្តិអស់ប្រមាណ ៣៥,៩ ពាន់លានដុល្លារ
Jeff Bezos បាត់បង់ទ្រព្យសម្បត្តិអស់ប្រមាណ ២៨,៤ ពាន់លានដុល្លារ
Changpeng Zhao បាត់បង់ទ្រព្យសម្បត្តិអស់ប្រមាណ ២៤,៦ ពាន់លានដុល្លារ
Steve Ballmer បាត់បង់ទ្រព្យសម្បត្តិអស់ប្រមាណ ១១,៥ ពាន់លានដុល្លារ
Bernard Arnault បាត់បង់ទ្រព្យសម្បត្តិអស់ប្រមាណ ១០,៥ ពាន់លានដុល្លារ
MacKenzie Scott បាត់បង់ទ្រព្យសម្បត្តិអស់ប្រមាណ ៩,៧៣ ពាន់លានដុល្លារ
Bill Gates បាត់បង់ទ្រព្យសម្បត្តិអស់ប្រមាណ ៩,១១ ពាន់លានដុល្លារ
Francoise Bettencourt Meyers បាត់បង់ទ្រព្យសម្បត្តិអស់ប្រមាណ ៩,០៦ ពាន់លានដុល្លារ
Larry Ellison បាត់បង់ទ្រព្យសម្បត្តិអស់ប្រមាណ ៦,៩៥ ពាន់លានដុល្លារ៕

ប្រភព: ceoworld

The post ២ ខែតំបូងនៃឆ្នាំ ២០២២ មហាសេដ្ឋី ១០ រូបនេះរបូតទ្រព្យសម្បត្តិជិត ២០០ ពាន់លានដុល្លារ appeared first on .

Bitcoin ធ្លាក់ថ្លៃក្រោម ៤ ម៉ឺនដុល្លារ/កាក់ មហាសេដ្ឋី Binance ខាតលុយអស់ ១៣ ពាន់លានដុល្លារ

ឧកញ៉ាសំពៅ — Sun, 23 Jan 2022 03:18:12 +0000

មេក្រុមហ៊ុន Binance លោក Changpheng Zhao បានក្លាយជាបុគ្គលមានបំផុតមួយរូបលើលោកជាមួយទ្រព្យសម្បត្តិខ្ទង់ ៩០ ពាន់លានដុល្លារ។

តែមិនយូរប៉ុន្មាន កាក់ឌីជីថល Bitcoin បានធ្លាក់តម្លៃជាបន្តបន្ទាប់ និងថ្មីៗនេះធ្លាក់ដល់ក្រោម ៤ ម៉ឺនដុល្លារក្នុងមួយកាក់ គឺមកសល់ត្រឹម ៣៥ ០០០ ដុល្លារគិតត្រឹមម៉ោង ៣ និង៤៥ នាទីរសៀលថ្ងៃទី ២២ មករា ២០២២។

ការធ្លាក់ថ្លៃយ៉ាងគំហុករបស់ Bitcoin បានធ្វើឲ្យវិនិយោគិនលើវិស័យមួយនេះទទួលរងសំពាធជាខ្លាំង ពោលសូម្បីតែទ្រព្យសម្បត្តិរបស់ស្ថាបនិក Binance ក៏ធ្លាក់ចុះយ៉ាងសន្ធឹកផងដែរពោលធ្លាក់រហូតដល់ ១៣,៣ ពាន់លានដុល្លារ មកសល់ត្រឹម ៧៥ ពាន់លានដុល្លារ។ នេះបើតាមការចុះផ្សាយពី Bloomberg Billionaires Index។

បើទោះជា ទ្រព្យសម្បត្តិរបស់លោក Zhang របូតអស់ជាង ១០ ពាន់លានដុល្លារក្ដី តែលោកនៅតែជាបុគ្គលមានទ្រព្យសម្បត្តិច្រើនបំផុតមួយរូបលើលោក និងបច្ចុប្បន្នលោកក៏នៅមិនទាន់មានភរិយានៅឡើយ៕

ប្រភព: nairametrics

The post Bitcoin ធ្លាក់ថ្លៃក្រោម ៤ ម៉ឺនដុល្លារ/កាក់ មហាសេដ្ឋី Binance ខាតលុយអស់ ១៣ ពាន់លានដុល្លារ appeared first on .

Changpheng Zhao

គណៈកម្មការមូលបត្រអាមេរិក ចោទប្រកាន់មេធំ Binance ថាបំពានច្បាប់

មហាសេដ្ឋី Crypto ខាតបង់ទឹកប្រាក់ ១១០ពាន់លានដុល្លារ កាលពីឆ្នាំទៅ

៩ខែចុងក្រោយ វិនិយោគិនរបូតលុយជាង ១០០ ពាន់លានដុល្លារ ​ក្នុងវិស័យរូបិយប័ណ្ណឌីជីថល

ទម្លាយឈ្មោះមហាសេដ្ឋី ខាតបង់ទ្រព្យសម្បត្តិច្រើនបំផុតរយៈពេល ១ ឆ្នាំចុងក្រោយ

មហាសេដ្ឋី Binance ទម្លាយហេតុផលច្បាស់ៗ ពីក្រោយការវិនិយោគលុយ ៥០០ លានដុល្លារជាមួយ Twitter

ឧកញ៉ាញ៉ូវស៍ ទម្លាយឈ្មោះមហាសេដ្ឋី ១០ រូបរបូតលុយច្រើនបំផុតប្រចាំឆ្នាំ

ឆមាស​ទី ១ នៃ​ឆ្នាំ ២០២២ ក្រុម​មហាសេដ្ឋី​មាន​បំផុត​របូត​លុយ​ប្រហែល ១,៤ ទ្រី​លាន​ដុល្លារ

កាក់​ Luna ធ្លាក់​ដល់​បាត​ដាល ស្ថាបនិក Binance ខាត​លុយ​ខ្ទង់​ពាន់​លាន​ដុល្លារ

២ ខែ​តំបូង​នៃ​ឆ្នាំ ២០២២ មហាសេដ្ឋី ១០ រូប​នេះ​របូត​ទ្រព្យសម្បត្តិ​ជិត ២០០ ពាន់​លាន​ដុល្លារ

Bitcoin ធ្លាក់​​ថ្លៃ​ក្រោម ៤ ម៉ឺន​ដុល្លារ​/​កាក់ មហាសេដ្ឋី Binance ខាត​លុយ​អស់ ១៣ ពាន់​លាន​ដុល្លារ

៩ខែចុងក្រោយ វិនិយោគិនរបូតលុយជាង ១០០ ពាន់លានដុល្លារ ក្នុងវិស័យរូបិយប័ណ្ណឌីជីថល

ឆមាសទី ១ នៃឆ្នាំ ២០២២ ក្រុមមហាសេដ្ឋីមានបំផុតរបូតលុយប្រហែល ១,៤ ទ្រីលានដុល្លារ

កាក់ Luna ធ្លាក់ដល់បាតដាល ស្ថាបនិក Binance ខាតលុយខ្ទង់ពាន់លានដុល្លារ

២ ខែតំបូងនៃឆ្នាំ ២០២២ មហាសេដ្ឋី ១០ រូបនេះរបូតទ្រព្យសម្បត្តិជិត ២០០ ពាន់លានដុល្លារ

Bitcoin ធ្លាក់ថ្លៃក្រោម ៤ ម៉ឺនដុល្លារ/កាក់ មហាសេដ្ឋី Binance ខាតលុយអស់ ១៣ ពាន់លានដុល្លារ