Chearavanont

ចៅប្រុសរបស់មហាសេដ្ឋីថៃ Dhanin Chearavanont ប្រមូលទុនបាន ៦០លានដុល្លារ បង្កើតក្រុមហ៊ុន AI ថ្មីមួយ

monyokn — Thu, 18 Jul 2024 08:03:00 +0000

ចៅប្រុសរបស់កំពូលមហាសេដ្ឋីថៃ Dhanin Chearavanont គឺលោក Korawad Chearavanont ប្រមូលទុនវិនិយោគបានប្រមាណ ៦០លានដុល្លារ បង្កើតក្រុមហ៊ុនបច្ចេកវិទ្យាបញ្ញាសិប្បនិម្មិតមួយមានឈ្មោះថា Amity Corp មានសមត្ថភាពជួយសម្រួលក្នុងអាជីវកម្ម។ នេះបើយោងតាមការចុះផ្សាយពីសារព័ត៌មាន Reuters ។

លោក Korawad Chearavanont ដែលជានាយកប្រតិបត្តិបានលើកឡើងអំពី AI generative Artificial Intelligence (AI) Chat bots របស់ក្រុមហ៊ុន Amity របស់ខ្លួន ថាមានសមត្ថភាពពិសេសអាចដោះស្រាយបញ្ហា ឬឆ្លើយតបទៅនឹងសំណួររបស់បុគ្គលិក បានយ៉ាងឆាប់រហ័សជាទីបំផុត។ មួយវិញទៀតលោកថា អតិថិជនមានការពេញនិយមជាខ្លាំងចំពោះការប្រើប្រាស់បញ្ញាសិប្បនិម្មិត GenAI ដើម្បីបង្កើតរបាយការណ៍ ការវិភាគ និងការប្រឹក្សាយោលបល់ជាដើម។

គួរឲ្យដឹងថា លោក Korawad បច្ចុប្បន្នមានវ័យទើបតែ ២៩ឆ្នាំ គឺជាជាសហគ្រិនម្នាក់ជាប់ខ្សែស្រឡាយគ្រួសារមហាសេដ្ឋីត្រកូល Chearavanont ដែលគ្រប់គ្រងក្រុមហ៊ុនកសិឧស្សាហកម្ម Charoen Pokphand Group (CP Group) ដែលជាអ្នកផលិតបសុសត្វ និងចំណីសត្វដ៏ធំបំផុតមួយរបស់ពិភពលោក។ បើតាមទស្សនាវដ្តី Forbes បានឲ្យដឹងដែរថា ត្រកូល Chearavanont គឺជាគ្រួសារមានទ្រព្យច្រើនដាច់គេលំដាប់ទីពីរនៅប្រទេសថៃ ពោលមានទ្រព្យសម្បត្តិសរុបរហូតដល់ទៅ ២៩ពាន់លានដុល្លារឯណោះ៕

The post ចៅប្រុសរបស់មហាសេដ្ឋីថៃ Dhanin Chearavanont ប្រមូលទុនបាន ៦០លានដុល្លារ បង្កើតក្រុមហ៊ុន AI ថ្មីមួយ appeared first on .

មហាសេដ្ឋីថៃប្រាប់ឲ្យអ្នកធុរកិច្ចចិន កុំរំលងឱកាសវិនិយោគ នៅច្រករបៀងសេដ្ឋកិច្ចភាគខាងកើត

ឧកញ៉ាសំពៅ — Thu, 29 Jun 2023 05:50:00 +0000

ប្រធានក្រុមហ៊ុន Charoen Pokphand Group មហាសេដ្ឋីថៃ Dhanin Chearavanont បានបង្ហើបឲ្យដឹងថា អ្នកធុរកិច្ច និងវិនិយោគិនចិន មិនគួរមើលរំលងឱកាសបណ្ដាក់ទុននៅច្រករបៀងសេដ្ឋកិច្ចភាគខាងកើត (EEC) ឡើយ ព្រោះទីនោះនឹងក្លាយជាមជ្ឈមណ្ឌលបច្ចេកវិទ្យាទំនើបបំផុតប្រចាំប្រទេសថៃ។ នេះបើតាមការចុះផ្សាយពីកាសែត Bangkokpost។

មហាសេដ្ឋីមានបំផុតប្រចាំប្រទេសថៃ បានលើកឡើងបែបនេះអំឡុងពេលថ្លែងសន្ទរកថា នៅឯអនុសញ្ញាសហគ្រិនចិនពិភពលោកលើកទី១៦ ដែលរៀបចំដោយសភាពាណិជ្ជកម្មថៃ-ចិន ធ្វើឡើងនៅមជ្ឈមណ្ឌលសន្និបាតជាតិ Queen Sirikit កាលពីថ្ងៃអាទិត្យ និងមានលោកជាប្រធាន។

លោក Dhanin បានមានប្រសាសន៍ថា ដោយសារសង្គ្រាមពាណិជ្ជកម្មរវាងប្រទេសចិន និងសហរដ្ឋអាមេរិក គ្រប់ប្រទេសទាំងអស់បានបង្វែរចំណាប់អារម្មណ៍ មកពង្រឹងវិស័យបច្ចេកវិទ្យា និងសេវាកម្មរៀងៗខ្លួន។

បន្ថែមពីនោះ ប្រធានក្រុមហ៊ុន CP Group ក៏បានកោតសរសើរចំពោះវិនិយោគិនចិន ដែលបានរកឃើញនូវឱកាសពង្រីកអាជីវកម្មរបស់ពួកគេ បើទោះបីជាមានភាពមិនច្បាស់លាស់ ដែលនាំមកដោយការផ្លាស់ប្តូរយ៉ាងឆាប់រហ័ស នៃស្ថានភាពភូមិសាស្ត្រនយោបាយក៏ដោយ ខណៈជនជាតិជប៉ុនបានចាក់លុយយ៉ាងច្រើន ចូលក្នុងប្រទេសមួយនេះ ដើម្បីកសាងសមត្ថភាពរបស់ប្រទេសថៃ ទៅជាមជ្ឈមណ្ឌលផលិតកម្ម។

សូមជម្រាបថា មហាសេដ្ឋីថៃ EEC ត្រូវបានផ្តួចផ្តើមឡើងដោយរដ្ឋាភិបាល ក្នុងកិច្ចខិតខំប្រឹងប្រែង ដើម្បីកែលម្អប្រព័ន្ធអេកូឡូស៊ីឧស្សាហកម្មរបស់ប្រទេសថៃ តាមរយៈការទាក់ទាញបច្ចេកវិទ្យា និងនវានុវត្តន៍កម្រិតខ្ពស់បន្ថែមទៀតទៅកាន់តំបន់ ខណៈ EEC ត្រូវបានគេមើលឃើញថាជាមជ្ឈមណ្ឌលបច្ចេកវិទ្យាខ្ពស់ ប៉ុន្តែការផលិតធម្មតានឹងបន្តដើរតួនាទីយ៉ាងសំខាន់ ដោយសារធម្មជាតិនៃតម្រូវការក្នុងតំបន់៕

The post មហាសេដ្ឋីថៃប្រាប់ឲ្យអ្នកធុរកិច្ចចិន កុំរំលងឱកាសវិនិយោគ នៅច្រករបៀងសេដ្ឋកិច្ចភាគខាងកើត appeared first on .

មហាសេដ្ឋីមានបំផុត ១០ រូបនៅថៃ ប្រមូលផ្ដុំសុទ្ធតែមេធំ CP Group

ឧកញ៉ាសំពៅ — Tue, 06 Jun 2023 11:00:00 +0000

ប្រទេសថៃ ជាមហាអំណាចសេដ្ឋកិច្ចធំបំផុតទី ២ ប្រចាំតំបន់អាស៊ាន បន្ទាប់ពីប្រទេសឥណ្ឌូណេស៊ី ខណៈមជ្ឈមណ្ឌលសេដ្ឋកិច្ចមួយនេះ ក៏ប្រមូលផ្ដុំដោយបុគ្គលមានទ្រព្យសម្បត្តិច្រើននាក់ផងដែរ

យោងតាមទស្សនាវដ្ដីអាមេរិក Forbes ស្រង់បញ្ជីឈ្មោះបុគ្គលមានឥទ្ធិពលប្រចាំប្រទេសនីមួយៗនៅអាស៊ាន ដោយប្រទេសថៃមានមហាសេដ្ឋីចំនួន ២៧ នាក់ គិតត្រឹមខែមិថុនា ឆ្នាំ ២០២៣។

ក្រឡេកទៅមើលបញ្ជីឈ្មោះ Top 10 អ្នកមានបំផុតប្រចាំប្រទេសជិតខាងយើងវិញ គេសង្កេតឃើញថា មានបុគ្គលដែលទទួលប្រភពចំណូលពីក្រុមហ៊ុនធំបំផុតប្រចាំប្រទេសគឺ CP Group ដល់ទៅ ៤រូបឯណោះ ដោយពួកគេគឺ៖

1/Dhanin Chearavanont (CP Group) មានទ្រព្យសម្បត្តិសរុប ១៥,៣ពាន់លានដុល្លារ

2/Charoen Sirivadhanabhakdi (Thai Beverage) មានទ្រព្យសម្បត្តិសរុប ១៣,១ពាន់លានដុល្លារ

3/Sarath Ratanavadi (Gulp Energy Development) មានទ្រព្យសម្បត្តិសរុប ១១ពាន់លានដុល្លារ

4/Sumet Jiaravanon (CP Group) មានទ្រព្យសម្បត្តិសរុប ៦,១ពាន់លានដុល្លារ

5/Jaran Chiaravanont (CP Group) មានទ្រព្យសម្បត្តិសរុប ៦ពាន់លានដុល្លារ

6/Somurai Jaruphnit (CP Group) មានទ្រព្យសម្បត្តិសរុប ៣,៩ពាន់លានដុល្លារ

7/Vanich Chaiyawan (Thai Life) មានទ្រព្យសម្បត្តិសរុប ៣,៨ពាន់លានដុល្លារ

8/Prasert Prasarttong-Osoth (Bangkok Dusit Medical Services) មានទ្រព្យសម្បត្តិសរុប ៣,៧ពាន់លានដុល្លារ

9/Somphote Ahunai (Energy Absolute) មានទ្រព្យសម្បត្តិសរុប ២,៧ពាន់លានដុល្លារ

10/Prayudh Mahagitsiri (Thai Film Industries) មានទ្រព្យសម្បត្តិសរុប ២,៤ពាន់លានដុល្លារ៕

The post មហាសេដ្ឋីមានបំផុត ១០ រូបនៅថៃ ប្រមូលផ្ដុំសុទ្ធតែមេធំ CP Group appeared first on .