កិច្ចព្រមព្រៀងជាសាច់ប្រាក់សុទ្ធនេះ នឹងធ្វើឲ្យ CNRL ដែលជាអ្នកផលិតប្រេង និងឧស្ម័នឯករាជ្យដ៏ធំបំផុតមួយនៅក្នុងពិភពលោក ទទួលបានសិទ្ធិកាន់កាប់ ៩០% នៃគម្រោងបូមប្រេង Athabasca ខណៈក្រុមហ៊ុន Shell កាន់កាប់ភាគហ៊ុនដែលនៅសេសសល់។

ក្រុមហ៊ុន CNRL បាននិយាយទៀតថា រួមជាមួយទ្រព្យសកម្មដែលមាននៅក្នុងគម្រោងបូមប្រេង Duvernay ដែលជាបុត្រសម្ព័ន្ធរបស់ Athabasca ផងនោះ វានឹងជួយបន្ថែមចំនួនផលិតដល់ ១២២ ៥០០ បារ៉ែលក្នុងមួយថ្ងៃ នៃគោលដៅផលិតសរុបរបស់ខ្លួន នៅឆ្នាំ២០២៥ ខាងមុខ។

ជាមួយគ្នានេះ លោក Scott Stauth នាយកផ្នែកហិរញ្ញវត្ថុរបស់ក្រុមហ៊ុន បាននិយាយនៅក្នុងសន្និសិទមួយកាលពីថ្ងៃចន្ទថា ជាមួយកិច្ចព្រមព្រៀងដ៏ធំនេះ នឹងអនុញ្ញាតឲ្យ CNRL ស្វែងរកប្រសិទ្ធភាព និងបង្កើនប្រសិទ្ធភាពផលិតកម្មរបស់ខ្លួនកាន់តែច្រើនបន្ថែមទៀត នៅក្នុងតំបន់ ខណ:ការវិនិយោគបន្ថែមអាចនឹងកើនដល់ ៤០០លានដុល្លារ នៅឆ្នាំក្រោយ៕

The post ក្រុមហ៊ុន Chevron សម្រេចលក់ទ្រព្យសកម្មទាំងអស់របស់ខ្លួន នៅកាណាដាក្នុងតម្លៃ ៦,៥ពាន់លានដុល្លារ appeared first on .

ចំពោះការបណ្ដាក់ទុនថ្មីស្រឡាងនេះ ក្រុមហ៊ុន Chevron អះអាងថា មជ្ឈមណ្ឌលស្រាវជ្រាវ និងអភិវឌ្ឍន៍មួយនេះ នឹងបង្កើតការងាររហូតដល់ ៦០០កន្លែងនៅក្នុងតំបន់ផងដែរ។

ទន្ទឹមនឹងនោះ លោក Akshay Sahni ប្រធានក្រុមហ៊ុន Chevron នៅក្នុងប្រទេសឥណ្ឌា ក៏បានបង្ហើបដែរថា នេះគឺជាជំហានដំបូងប៉ុណ្ណោះ ដែលក្រុមហ៊ុនអាមេរិកខ្នាតយក្ស ត្រៀមវិនិយោគនៅឥណ្ឌា ពោលរយៈពេល ៥-៦ឆ្នាំខាងមុខ ក្រុមហ៊ុននឹងចាយលុយរាប់ពាន់លានដុល្លារ ដើម្បីបង្កើនការវិនិយោគបន្ថែមទៀត។

សូមជម្រាបដែរថា ក្រុមហ៊ុន Chevron គឺជាស្ដេចត្រាញ់លើវិស័យប្រេង ពោលគឺមានតម្លៃថ្លៃបំផុតលើលោកទី៣ នៅក្នុងវិស័យថាមពល ដែលមានមូលធនទីផ្សារប្រហែល ២៦៤ពាន់លានដុល្លារ៕

The post ក្រុមហ៊ុនប្រេងឥន្ធនៈ Chevron ប្រកាសចាក់លុយជិត ១ពាន់លានដុល្លារ វិនិយោគនៅឥណ្ឌា appeared first on .

គួរឲ្យដឹងថា ក្រុមហ៊ុន Chevron បច្ចុប្បន្នកំពុងកាន់កាប់ភាគហ៊ុនចំនួន ៤១,១% នៅក្នុងតំបន់បូមឧស្ម័ន Yadana ហើយជុំវិញការប្រកាសចាកចេញនេះ មានន័យថាក្រុមហ៊ុនរបស់សហរដ្ឋអាមេរិកមួយនេះ នឹងត្រូវចែកចាយភាគហ៊ុនរបស់ខ្លួន ទៅឲ្យម្ចាស់ភាគហ៊ុនសេសសល់ផ្សេងទៀត ដូចជាក្រុមហ៊ុន PTT Exploration and Production របស់ប្រទេសថៃ និងសហគ្រាសរដ្ឋ Myanma Oil and Gas Enterprise (MOGE) កាន់កាប់ជំនួសវិញ។

PTTEP ដែលជាប្រតិបត្តិករក្នុងវិស័យបូមយកឧស្ម័នក្នុងតំបន់នេះ បាននិយាយថាភាគហ៊ុនរបស់ខ្លួននៅទីតាំង Yadana បានកើនឡើងដល់ ៦២,៩៦% ពោលគឺបន្ទាប់ពីការដកភាគហ៊ុនរបស់ Unocal Myanmar Offshore Co Ltd ដែលជាក្រុមហ៊ុនបុត្រសម្ព័ន្ធ និងគ្រប់គ្រងទាំងស្រុងដោយ Chevron ។

ជម្រាបជូនផងដែរថាទីតាំងបូមឧស្ម័ន Yadana ដែលស្ថិតនៅឈូងសមុទ្រ Martaban នេះ បានផលិតឧស្ម័នសរុបប្រហែល ៦ ពាន់លានម៉ែត្រគូបក្នុងមួយឆ្នាំ ដោយក្នុងនោះ ៧០% ត្រូវបាននាំចេញទៅប្រទេសថៃ និងប្រហែល ៣០% ផ្សេងទៀត ត្រូវបានផ្គត់ផ្គង់សម្រាប់ការប្រើប្រាស់ក្នុងស្រុក ដោយក្រុមហ៊ុន MOGE ៕

The post Chevron ផ្តល់ភាគហ៊ុនក្នុងតំបន់បូមឧស្ម័នមីយ៉ាន់ម៉ា ទៅឲ្យរបបយោធា និងក្រុមថៃ PTTEP កាន់កាប់ជំនួស appeared first on .

ការប្រកាសនេះ ត្រូវបានធ្វើឡើងបន្ទាប់ពីមានឧបទ្ទវហេតុកើតឡើង កាលពីសប្តាហ៍មុន នៅឯកប៉ាល់ផ្ទុកប្រេង ដែលបានបណ្តាលឱ្យទឹកសមុទ្រលេចធ្លាយចូលទៅក្នុងនាវា ដោយបានសម្លាប់សមាជិកនាវិកម្នាក់ ។

បើតាមអ្នកនាំពាក្យរបស់ក្រុមហ៊ុន Cheveron បាននិយាយនៅក្នុងសេចក្តីថ្លែងការណ៍ដាច់ដោយឡែកមួយថា ៖ ” យើងបានស្រង់យកសាកសពមិត្តរួមការងាររបស់យើង ដែលបានរងគ្រោះថ្នាក់ដល់ជីវិតរួចរាល់ហើយ កាលពីថ្ងៃទី ១៣ ខែមីនា ហើយយើងបាននិងកំពុងរៀបចំ ដើម្បីប្រគល់ទៅឱ្យគ្រួសារជនរងគ្រោះ ” ។

យ៉ាងណាមិញ ក្រុមហ៊ុន Chevron ក៏បានធ្វើការបញ្ជាក់យ៉ាងច្បាស់ នៅក្នុងសេចក្តីថ្លែងការណ៍នោះផងដែរថា ឧបទ្ទវហេតុនេះ គឺមិនបានធ្វើឱ្យមានផលប៉ះពាល់ទៅដល់បរិស្ថាននោះឡើយ ។

ទន្ទឹមនឹងនេះ ក្រុមហ៊ុនថាមពលរបស់សហរដ្ឋអាមេរិកមួយនេះ បាននិយាយទៀតថា ៖ ” ការផ្តោតអារម្មណ៍របស់យើងនាពេលបច្ចុប្បន្ននេះ គឺធ្វើការឆ្លើយតបទៅនឹងឧបទ្ទវហេតុនេះ ដូច្នេះយើងមិនអាចធ្វើការចាប់ផ្តើមផលិតកម្មរបស់យើងឡើងវិញ នៅឡើយនោះទេ ” ។

ជម្រាបជូនឱ្យដឹងផងដែរថា យោងតាមទិន្នន័យដែលទទួលបានពីរដ្ឋាភិបាលថៃ បានបង្ហាញឱ្យដឹងថា អណ្តូងប្រេង Benchamas អាចមានសមត្ថភាពផលិតបានប្រហែល ១៣ ០០០ បារ៉ែល ក្នុងមួយថ្ងៃ និងឧស្ម័នធម្មជាតិបានប្រហែល ៤៥លានហ្វីតគូប ៕

The post ក្រុមហ៊ុន Chevron ប្រកាសផ្អាកផលិតកម្ម នៅក្នុងប្រទេសថៃ បន្ទាប់ពីជួបប្រទះ​ឧបទ្ទវហេតុ​ appeared first on .

បើតាមការចុះផ្សាយពីសារព័ត៌មាន Reuters បានបង្ហាញឱ្យដឹងថា ប្រាក់ចំណេញដែលក្រុមហ៊ុន Chevron រកបាននៅឆ្នាំនេះ បានកើនឡើងច្រើនជាងទ្វេដង ពីចំនួន ១៥,៦ ពាន់លានដុល្លារ ដែលពួកគេទទួលបាន នៅក្នុងឆ្នាំ ២០២១ និងបានកើនឡើង ៣៦% ពីប្រាក់ចំណេញខ្ពស់បំផុត ដែលខ្លួនបានកត់ត្រាទុក កាលពីឆ្នាំ ២០១១ ។

ទន្ទឹមនឹងនេះ ប្រាក់ចំណូលសម្រាប់ត្រីមាសទី ៤ របស់ក្រុមហ៊ុនធំលំដាប់ទី ២ របស់សហរដ្ឋអាមេរិកមួយនេះ ទទួលបាន ៧,៩ ពាន់លានដុល្លារ ពោលគឺបានកើនឡើង ៦១% ធៀបទៅនឹងឆ្នាំមុន ប៉ុន្តែវានៅតែតិចជាប្រាក់ចំណូលសម្រាប់ត្រីមាសទី ២ ដែលបានកត់ត្រាខ្ពស់បំផុត ដល់ចំនួន ១១,៤ ពាន់លានដុល្លារឯណោះ ។

ជម្រាបជួនផងដែរថា សម្រាប់ប្រាក់ចំណូលពេញមួយឆ្នាំ ២០២២ របស់ក្រុមហ៊ុន Chevron បានហក់ឡើងដល់ ២៤៦,៣ ពាន់លានដុល្លារ ពោលគឺបានកើនឡើង ៥២% បើធៀបទៅនឹងប្រាក់ចំណូលដែលរកបានក្នុងរយ:ពេលដូចគ្នា កាលពីឆ្នាំ ២០២១ ៕

The post ក្រុមហ៊ុនថាមពល Chevron កើបលុយចំណេញបានជាង ៣៦ ពាន់លានដុល្លារ ក្នុងឆ្នាំ ២០២២ appeared first on .

បើយោងតាមការចុះផ្សាយពីសារព័ត៌មាន Bloomberg ក្នុងពេលថ្មីៗនេះ បានបង្ហាញថា ក្រុមហ៊ុនរ៉ុករកប្រេងដ៏ធំបំផុតលំដាប់ទី ២ របស់សហរដ្ឋអាមេរិកមួយនេះ នឹងនៅតែបន្តជួលការរិយាល័យថ្មីមួយផ្សេងទៀត នៅរដ្ឋកាលីហ្វ័រញ៉ា ប៉ុន្តែនឹងចាកចេញពីបរិវេណ Chevron Park របស់ខ្លួន ។

មិនតែប៉ុណ្ណោះ ក្រុមហ៊ុន Chevron បាននិយាយ នៅក្នុងអ៊ីមែលមួយថា ៖ ” ទីផ្សារអចលនទ្រព្យបច្ចុប្បន្ន ផ្តល់ឱកាសឱ្យយើងស្វែងរកទំហំការិយាល័យត្រឹមត្រូវមួយ ដើម្បីបំពេញតម្រូវការនៃចំនួនបុគ្គលិក ដែលធ្វើការនៅទីស្នាក់ការកណ្តាលរបស់យើង ” ។

ទន្ទឹមនឹងនេះ ក្រុមហ៊ុន Chevron ត្រូវបានគេរំពឹងថា នឹងផ្លាស់ប្តូរទីស្នាក់ការកណ្តាលរបស់ខ្លួន ទៅកាន់ទីតាំងថ្មី នៅក្នុងអំឡុងត្រីមាសទី ៣ ឆ្នាំ ២០២៣ ខាងមុខ ។

គួរឱ្យដឹងផងដែរថា ក្រុមហ៊ុន Chevron បានដើរតាមគន្លងរបស់ក្រុមហ៊ុនធំៗផ្សេងទៀត ដូចជា Caterpillar Inc , Tesla Inc និង Oracle Corp ក្នុងការផ្លាស់ប្តូរទីស្នាក់កណ្តាលរបស់ខ្លួន ទៅកាន់រដ្ឋតិចសាស់ ដោយនៅទីនោះ វាត្រូវបានគេដឹងថាមានទីផ្សារលំនៅដ្ឋានថោកជាង ហើយមានការបន្ធូរបន្ថយពន្ធច្រើនជាងរដ្ឋដទៃទៀត នៅក្នុងសហរដ្ឋអាមេរិក ៕

The post ក្រុមហ៊ុនប្រេងខ្នាតយក្ស Chevron គ្រោងលក់ទីស្នាក់ការកណ្តាលខ្លួន នៅរដ្ឋកាលីហ្វ័រញ៉ា appeared first on .