លោកស្រី Tsai មិនអាចឈរឈ្មោះអោយគេបោះឆ្នោតជាប្រធានាធិបតីម្តងទៀតទេ នាខែមករាខាងមុខនេះ ដោយសារតែបានកាន់តំណែងអស់រយៈពេល២អាណត្តិហើយ ខណៈកន្លងមកលោកស្រីតែងតែលើកពីសំណើជជែកគ្នាជាមួយចិនដោយសន្តិភាព ប៉ុន្តែត្រូវបានបដិសេធ ដោយសារចិនចាត់ទុកលោកស្រីថាជាជនបំបែកខ្លួន

ថ្លែងនៅមុខការិយាល័យប្រធានាធិបតី លោកស្រី Tsai បាននិយាយថា កម្លាំងនៃការគាំទ្ររបស់អន្តរជាតិមកលើតៃវ៉ាន់ បានឈានដល់កម្រិតខ្ពស់មិនធ្លាប់មានពីមុនមក មួយវិញទៀត នេះជាពេលវេលាដែលយើងអាចប្រឈមមុខនឹងពិភពលោកប្រកបដោយទំនុកចិត្ត ក៏ដូចជាអាចធានាបានដោយខ្លួនឯងក្នុងការប្រឈមមុខនឹងប្រទេសចិន ក្រោមការបង្កើតលក្ខខណ្ឌសម្រាប់ការរួមរស់ប្រកបដោយសន្តិភាព និងការអភិវឌ្ឍន៍នាពេលអនាគតនៅទូទាំងច្រកសមុទ្រតៃវ៉ាន់។

ប្រធានាធិបតីរូបនេះបានបន្ថែមថា វាជាកាតព្វកិច្ចរបស់លោកស្រីក្នុងកិច្ចការពារអធិបតេយ្យភាព និងលទ្ធិប្រជាធិបតេយ្យរបស់តៃវ៉ាន់និងបែបបទរស់នៅពោរពេញដោយសេរីភាព ដោយស្វែងរកទំនាក់ទំនងទៅវិញទៅមកគ្មានបន្ទុក គ្មានការរឹតត្បិត និងមានសេរីភាពរវាងប្រជាជនតៃវ៉ាន់និងប្រជាជនចិន។ 

សូមជម្រាបថា ប្រទេសចិនតែងតែទាមទារថាតៃវ៉ាន់ជាផ្នែកមួយនៃទឹកដីរបស់ខ្លួន ខណៈកោះនេះបានស្ថិតនៅក្រោមសម្ពាធផ្នែកយោធា និងនយោបាយកាន់តែខ្លាំងឡើងៗពីរដ្ឋាភិបាលទីក្រុងប៉េកាំង រួមទាំងការធ្វើសមយុទ្ធយោធាធំៗពីរលើករបស់ចិននៅជិតកោះនេះ ចាប់តាំងពីខែសីហាឆ្នាំមុនមក ដែលវាកាន់តែបង្កហានិភ័យនៃការផ្ទុះសង្គ្រាមនាពេលខាងមុខ៕

The post ប្រធានាធិបតីតៃវ៉ាន់៖ តៃវ៉ាន់​តែងតែស្វែងរក​ការ​រួមរស់​ជាមួយ​ចិនដោយ​សន្តិភាព​ និងគ្មានការរឹតត្បិត appeared first on .

លោក Malpass បាន​ប្រាប់​ទៅ​កាន់​ Bretton Woods Project ដែល​ជា​ក្រុម​សង្កេតការណ៍​មាន​មូលដ្ឋាន​នៅ​ចក្រភព​អង់គ្លេស​ថា លោក​បាន​ធ្វើការ​ទាក់ទង​ទៅ​កាន់​ប្រទេស​មហា​អំណាច​ជា​ច្រើន​រួមមាន ចិន រុស្ស៊ី​ តួកគី អង់គ្លេស និង​ប្រទេស​ដែល​ធ្លាប់​បរិច្ចាគ​ជាច្រើន​ទៀត ដើម្បី​សម្រេច​គោលការណ៍​ប្រមូល​មូលនិធិ ១០០ ពាន់​លាន​ដុល្លារ​នៅ​ចុង​ឆ្នាំ​នេះ។

លោក​បាន​បន្ថែម​ទៀត​ថា ដោយសារ​កំណើន​សេដ្ឋកិច្ច​នៃ​ប្រទេស​ចិន​មាន​ការ​កើនឡើង​ខ្ពស់​ ជាក់ស្ដែង​ទើប​ ពួកគេ​ទើប​នឹង​បរិច្ចាគ​ទឹកប្រាក់​ជាច្រើន​ទៅ​កាន់ IDA ហើយ​ជប៉ុន​ក៏​មាន​ចំណែក​ធំធេង​នៅ​ក្នុង​នោះ​ផង​ដែរ។​

កាល​ពី​ថ្ងៃ​ច័ន្ទ​កន្លង​ទៅ ការ​កំណត់​ទឹកប្រាក់ ១០០ ពាន់​លាន​ដុល្លារ​សម្រាប់​មូលនិធិ​នេះ​គឺ ជា​ការ​ស្នើ​ពី​ថ្នាក់​ដឹកនាំ​ប្រទេស​ក្រីក្រ​ជាច្រើន​នៅ​ទ្វីប​អាហ្វ្រិក ដោយ​គោលបំណង​ធំ​នោះ គឺ​ស្ដារ​សេដ្ឋកិច្ច​ប្រទេស​ឡើងវិញ ក្រោយ​រង​ការ​ខូចខាត​ដោយសារ​កូវីដ ១៩៕

ប្រភព: kelo

The post ធនាគារ​ពិភពលោក​ស្នើសុំ​ឲ្យ​ប្រទេស​ចិន ​បង្កើន​ការ​បរិច្ចាក​ថវិកា​ឲ្យ​​កាន់​តែច្រើន​​ ដល់​ប្រទេស​ក្រីក្រ appeared first on .

គម្រោង​សំណង់​វប្បធម៌​ ដែល​ចាយ​លុយ​សាងសង់​ជាង ១០ លាន​ដុល្លារ តម្លៃ​គុណ​ឡើង​ជា ១០ នៅ​ឆ្នាំ ២០១៩ និង​ ២៤ ដង​នៅ​ឆ្នាំ ២០២០ ដែល​ច្រើនជាង​នៅ​សហរដ្ឋអាមេរិក​រហូត​ដល់ ១,៧ ពាន់​លាន​ដុល្លារ​ឯណោះ។

ទីក្រុង​មួយ​នេះ​គ្រោង​សាងសង់​ហេដ្ឋារចនាសម្ព័ន្ធ​វប្បធម៌​ធំៗ​ដល់​ទៅ ១០ កន្លែង និង​ភូមិ​វប្បធម៌​ ១០ កន្លែង​​ឲ្យ​រួចរាល់​នៅ​ឆ្នាំ ២០២៣ ស្របពេល​ស្ថាបត្យករ​ដែល​ចេញ​ប្លង់​គម្រោង​អស្ចារ្យ​ទាំង​នោះ​គឺ​សុទ្ធ​តែ​លំដាប់​កំពូល មាន​ដូចជា Jean Nouvel ​ប្រទេស​បារាំង SANAA ប្រទេស​ជប៉ុន និង MAD នៃ​ប្រទេស​ចិន​ផ្ទាល់។

ប្រភព​ដដែល​បន្ថែម​ទៀត​ថា បើ​មើល​តាម​គម្រោង​ចំណាយ​ អាជ្ញាធរ​​ចង់​ប្រែក្លាយ​ទីក្រុង​ Shenzhen ​ឲ្យ​ក្លាយជា​ទីក្រុង​វប្បធម៌​តែម្ដង​ ព្រោះ​កន្លង​មក​ឲ្យ​តែ​គម្រោង​ទាក់ទង​នឹង​ផ្នែក​វប្បធម៌​ដូចជា​ការ​សាងសង់​សារមន្ទីរ​ជាដើម អាជ្ញាធរ​មូលដ្ឋាន​ចាយ​លុយ​មិនដែល​ស្ដាយ​ឡើយ។

បញ្ជាក់​ដែរ​ថា សម្រាប់​វិស័យ​សំណង់​បច្ចុប្បន្ន​នៅ​ Shenzhen គឺ ៣០% ផ្ដោត​សំខាន់​លើ​គម្រោង​វប្បធម៌​ បើ​ធៀប​នឹង​ឆ្នាំ ២០១៩ ស្របពេល​តួលេខ​នៃ​សំណង់​មាន​ការ​កើនឡើង​ដល់ ១៣០ គម្រោង តែ​តម្លៃ​នៃ​សំណង់​ទាំង​នោះ​ហក់​ឡើង​ខ្ពស់​ដល់​ទៅ ៨,២ ពាន់​លាន​ដុល្លារ ដែល​ជា​តួលេខ​ខ្ពស់​បំផុត​គិត​តាំងពី​ឆ្នាំ ២០១៦ មក។

ងាក​ទៅ​មើល​ប្រទេស​នៅ​ទ្វីប​ផ្សេងៗ​ដូចជា អាមេរិក​ខាងជើង និង​តំបន់​អឺរ៉ុប​ជា​ដើម​សុទ្ធតែ​បាន​បន្ថយ​ការ​ចំណាយ​សម្រាប់​ការ​សាងសង់​សំណង់​ប្រភេទ​នេះ ដោយ​នៅ​អាមេរិក​ចំនួន​នៃ​គម្រោង​បែបនេះ​បាន​កាត់​បន្ថយ​ពាក់​កណ្ដាល​ ខណៈ​ការ​ចំណាយ​ធ្លាក់​មក​សល់​ត្រឹម ១,៥ ពាន់​លាន​ដុល្លារ ដែល​នៅ​ឆ្នាំ ២០១៩ ពួកគេ​ធ្លាប់​ចាយ​ដល់ ៣,៨ ពាន់​លាន​ដុល្លារ​ឯណោះ រីឯ​នៅ​តំបន់​អឺរ៉ុប​គឺ​កាត់​បន្ថយ​អស់​ ៤០%៕

ប្រភព: globalconstructionreview

The post ចាយលុយ​សាងសង់​មិន​ស្តាយ ទីក្រុង​ Shenzhen នៅ​ចិន ជាប់​ឈ្មោះ​ជា​មជ្ឈមណ្ឌល​សំណង់​អគារ​វប្បធម៌​ធំ​បំផុត​ក្នុង​លោក appeared first on .

ជាក់ស្តែង វាគឺជាសេដ្ឋកិច្ចដ៏សំខាន់តែមួយគត់ ដែលបានបង្ហាញពីការកើនឡើងខ្លាំង នៃផលិតផលក្នុងស្រុកសរុប (GDP) កាលពីឆ្នាំមុន បន្ទាប់ពីប្រទេសមហាអំណាចសេដ្ឋកិច្ចមួយនេះ អាចគ្រប់គ្រងបានដោយជោគជ័យនូវការរីករាលដាលនៃជំងឺកូវីដ-១៩ ។

តើកំណើន GDP របស់ប្រទេសចិនកើនឡើងខ្លាំងប៉ុណ្ណា នៅក្នុងត្រីមាសដំបូង ?

ផលិតផលក្នុងស្រុកសរុប នៅត្រីមាសទី ១ របស់ចិនបានកើនឡើងដល់ ៤,២៨ ពាន់ពាន់លានយ៉ន់ (៦៥៥ ពាន់លានដុល្លារ) ចាប់ពីខែមករា ដល់ខែមីនាឆ្នាំមុន។ ដែលចំនួននេះផងដែរ គឺវាស្មើទៅនឹងទំហំសេដ្ឋកិច្ចទាំងមូលរបស់ប្រទេសប៉ូឡូញ នៅឆ្នាំ ២០២០ ឬក៏ស្មើនឹងពីរដងនៃតម្លៃភាគហ៊ុនសរុបទាំងអស់ របស់ក្រុមហ៊ុនខ្នាតយក្សផលិតទំនិញប្រណីតៗ LVMH របស់ប្រទេសបារាំង ។

តើអ្វីដែលកំពុងជំរុញនូវការស្តារឡើងវិញនៃសេដ្ឋកិច្ច ១៦ ទ្រីលានដុល្លាររបស់ចិន?

ការងើបឡើងវិញនៃសេដ្ឋកិច្ចចំនួន ១៦ ទ្រីលានដុល្លាររបស់ប្រទេសចិន កាលពីឆ្នាំទៅ គឺទទួលបានពីវិស័យឧស្សហកម្មដ៏ធំរបស់ពួកគេ ។ ជាក់ស្តែងរោងចក្រនៅចិនជាច្រើនមានសន្ទុះការងារកើនឡើងជាលំដាប់ ដោយសារតែមានការកម្ម៉ង់អីវ៉ាន់ពីក្រៅប្រទេសច្រើន ដោយរាប់តាំងពីម៉ាស ឬឧបករណ៍អេឡិចត្រូនិកសម្រាប់ធ្វើការពីផ្ទះជាដើម ស្របពេលរោងចក្របរទេសដទៃទៀតមិនអាចផលិតទាន់ប្រទេសចិនឡើយ ដោយសារតែសារបញ្ហាកូវីដ-១៩ ។

សម្រាប់ឆ្នាំនេះវិញ អតិថិជនចិន នៅទីបំផុតអាចធ្វើការចាយវាយលុយរបស់ពួកគេបានពេញលេញវិញហើយ បន្ទាប់ពីមានភាពស្ទាក់ស្ទើអស់រយ:ពេលជាច្រើនខែ។ កត្តានេះបានធ្វើឲ្យការលក់រាយក្នុងប្រទេសហក់ឡើងខ្ពស់រហូតដល់ ៣៤,២ ភាគរយ នៅក្នុងខែមីនាបើធៀបនឹងឆ្នាំមុន ។ អ្វីដែលសំខាន់ជាងនេះ គឺថាចំនួននេះបានកើនឡើង ១២,៩ ភាគរយ ខ្ពស់ជាងកាលពីខែមីនាឆ្នាំ ២០១៩ នៅពេលដែលជំងឺកូវីដ ១៩ មិនទាន់ផ្ទុះឡើងទៅទៀត ។

តើសេដ្ឋកិច្ចរបស់ប្រទេសចិន ងើបចេញពីវិបត្តិកូវីដ ១៩ ពេញលេញវិញហើយឬនៅ?

សូចនាករសេដ្ឋកិច្ចសំខាន់ៗ រាប់ចាប់ពីផលិតផលក្នុងស្រុកសរុប ផលិតកម្មឧស្សាហកម្ម ពាណិជ្ជកម្ម ការលក់រាយ និងការវិនិយោគបានបង្ហាញថាសេដ្ឋកិច្ចរបស់ប្រទេសចិនបានស្ទុះងើបឡើងវិញ ដល់កម្រិតមុនកូវីដ។

ប៉ុន្តែទីក្រុងប៉េកាំងនៅតែមានភាពប្រុងប្រយ័ត្នខ្ពស់ អំពីការប្រកាសនៃភាពច្បាស់លាស់ចំពោះការងើបឡើងវិញនេះ ដោយនិយាយថាមូលដ្ឋាននៃការជាសះស្បើយនៅតែមិនមានភាពរឹងមាំ ។

សញ្ញានៃការថយចុះបានលេចចេញឡើងរួចទៅហើយ។ រៀងរាល់ត្រីមាសនីមួយៗ កំណើនផលិតផលក្នុងស្រុកសរុបបានថយចុះមកត្រឹម ០,៦% ក្នុងខែមករាដល់ខែមីនា ធៀបនឹងពេលកើនឡើង ៣,២% នៅក្នុងត្រីមាសខែតុលា ដល់ខែធ្នូ ។ មិនតែប៉ុណ្ណោះចំនួននេះ ក៏ខុសពីការរំពឹងទុករបស់អ្នកសេដ្ឋកិច្ចវិទូផងដែរ ជាមួយនឹងការសន្និដ្ឋានថា អាចកើនឡើង ១,៥% ។

តើផលិតផលក្នុងស្រុកសរុបរបស់ចិន បានវ៉ាដាច់សេដ្ឋកិច្ចរបស់អាមេរិកមែនទេ?

បើទោះបីជាឆ្នាំទៅ សេដ្ឋកិច្ចអាមេរិក បានធ្លាក់ចុះខ្លាំងបំផុតមិនធ្លាប់មាន ដូចទៅនឹងឆ្នាំ ១៩៤៦ ក៏ដោយ ប៉ុន្តែពួកគេនៅតែជាប្រទេសដែលមានទំហំសេដ្ឋកិច្ចធំជាងគេបំផុតនៅលើពិភពលោក ពោលគឺមានចំនួនប្រហែល ២១ ទ្រីលានដុល្លារ នៅពេលមិនទាន់បានកែតម្រូវអតិផរណា។

ប៉ុន្តែប្រទេសចិនបានក្លាយជាផ្នែកដ៏សំខាន់សម្រាប់ចរន្តសេដ្ឋកិច្ចនៅទូទាំងពិភពលោក ដោយសារតែពួកគេទទួលបានការកត់សម្គាល់តាមរយ:វិស័យជាច្រើន ។

តួយ៉ាងប្រទេសនេះ ទិញរថយន្តច្រើនជាងប្រទេសណាៗទាំងអស់ ស្របពេលពួកគេក៏ជាប្រទេសឈរលើគេ ក្នុងការផលិតរថយន្តអគ្គិសនីផងដែរ ។ ដោយឡែកសម្រាប់ប្រទេសលក់រាយជាច្រើនលើពិភពលោក ទាំងទំនិញលក់តាមដងផ្លូវ និងទំនិញប្រណីត ចិនក៏ឈរនៅលើគេផងដែរ ជាពិសេសនៅពេលទីផ្សារបរទេសនៅតែទទួលរងផលប៉ះពាល់ដោយសារកូវីដ ១៩ ស្របពេលចិនមានសេរីភាពពេញលេញឡើងវិញ ពីរោគរាតត្បាតជាសកលមួយនេះ ។

មិនតែប៉ុណ្ណោះរបាយការណ៍មួយរបស់ស្ថាប័ន Centre for Economics and Business Research បានព្យាករណ៍ថា ប្រទេសចិននឹងវ៉ាដាច់សហរដ្ឋអាមេរិកក្លាយជាមហាអំណាចសេដ្ឋកិច្ចពិភពលោក នៅឆ្នាំ ២០២៨ ខាងមុខ ពោលគឺ ៥ ឆ្នាំលឿនជាងការប៉ាន់ស្មានទុកពីមុន។

តើកត្តាសំខាន់អ្វីខ្លះ ដែលធ្វើឲ្យសេដ្ឋកិច្ចចិនអាចងើបឡើងវិញបានយ៉ាងឆាប់រហ័ស?

កំណើននៅត្រីមាសទីមួយរបស់ប្រទេសចិន ដែលបានរងផលប៉ះពាល់កាលពីឆ្នាំមុន ទំនងជានឹងវិលត្រឡប់មករកភាពធម្មតាវិញនៅចុងឆ្នាំនេះ។ រដ្ឋាភិបាលចិនបានកំណត់ទិសដៅរួចហើយ ក្នុងការបង្កើនផលិតផលក្នុងស្រុកសរុបប្រចាំឆ្នាំយ៉ាងហោចណាស់ ៦% សម្រាប់ឆ្នាំ ២០២១ ។

យ៉ាងណាកំណើនការនាំចេញរបស់ចិនអាចនឹងមានធ្លាក់ចុះវិញបន្តិចផងដែរ នៅប៉ុន្មានខែខាងមុខនេះ ពោលគឺនៅពេលដែលការចាក់វ៉ាក់សាំងជាសកលមានការកើនឡើង ហើយប្រទេសផ្សេងទៀតចាប់ផ្តើមដំណើរការសេដ្ឋកិច្ចរបស់ពួកគេឡើងវិញ ដែលជាហេតុអាចផ្តល់ផលប៉ះពាល់ដល់ឧស្សាហកម្មរបស់ចិន។

មិនតែប៉ុណ្ណោះ រោងចក្រចិនបច្ចុប្បន្នក៏កំពុងជួបបញ្ហារួចទៅហើយ ជាមួយនឹងការឡើងថ្លៃនៃតម្លៃវត្ថុធាតុដើម និងកង្វះខាតបន្ទះឈីប ដែលចំាបាច់បំផុតក្នុងការផលិតគ្រឿងអេឡិចត្រូនិក ដោយរាប់តាំងពីកុំព្យូទ័រ រហូតដល់ឧបករណ៍ប្រើប្រាស់ក្នុងផ្ទះ  ដែលបង្ករឡើងដោយការរីករាលដាលនៃកូវីដ ១៩  ៕

ប្រភព: Economictimes

ប្រែសម្រួល៖ ឧកញ៉ាសាមញ្ញ

The post តើសេដ្ឋកិច្ច ១៦ ទ្រីលានដុល្លាររបស់ចិនបានងើបឡើងវិញទាំងស្រុងហើយឬនៅ? appeared first on .