ជាក់ស្តែង ដោយគិតត្រឹមឆ្នាំ ២០២១ McGregor ត្រូវបានគេរាយការណ៍ថា មានទ្រព្យសម្បត្តិសរុបប្រមាណ ៤០០ លានដុល្លារ ខណ:កីឡាករសញ្ជាតិអៀរឡង់រូបនេះ ធ្លាប់បានជាប់នៅចំណាត់ថ្នាក់កំពូល ក្នុងបញ្ជីអត្តពលិក ដែលអាចរកចំណូលបានខ្ពស់បំផុត ប្រចាំឆ្នាំ ២០២១ របស់ទស្សនាវដ្តី Forbes ទៀតផង ។

បើយោងតាមការចុះផ្សាយពី The Notorious បានបង្ហាញថា McGregor អាចរកចំណូលបានរហូតដល់ទៅ ១៨០ លានដុល្លារ ក្នុងរយ:ពេលត្រឹម ១២ ខែ ដោយឈរនៅចំណាត់ថ្នាក់លើគេ ខណ:លេខ ២ បានទៅលើកីឡាករបាល់ទាត់កំពូល Lionel Messi រកចំណូលបាន ១៣០ លានដុល្លារ និងលេខ ៣ បានលើខ្សែប្រយុទ្ធក្រុមបិសាចក្រហម Manchester United កីឡាករ Cristiano Ronaldo រកចំណូលបាន ១២០ លានដុល្លារ ។

ជម្រាបផងដែរថា បើទោះបីជា McGregor អាចរកបានដ៏ច្រើនយ៉ាងនេះក្តី ប៉ុន្តែប្រាក់ចំណូលបានពីស្ថាប័ន UFC បានរួមចំណែកត្រឹមតែ ២២ លានដុល្លារប៉ុណ្ណោះ នៃទ្រព្យសម្បត្តិសរុប ដែលកីឡាកររូបនេះ រកបានបានកាលពីឆ្នាំមុន ។

គួរឱ្យដឹងថា McGregor រួមទាំងដៃគូអាជីវកម្មរបស់គេ បានលក់ភាគហ៊ុនមួយភាគធំ នៅក្នុងក្រុមហ៊ុន Proper No. Tewlve Irish Whisky ទៅឱ្យក្រុមហ៊ុន Proximo Sporits ក្នុងកិច្ចព្រមព្រៀមួយ ដែលតម្លៃរហូតដល់ទៅ ៦០០ លានដុល្លារ ខណ: McGregor ត្រូវបានគេរាយការណ៍ថាទទួលបានប្រាក់ចំណូលប្រមាណ ១៥៨ លានដុល្លារឯណោះ ពីកិច្ចព្រមព្រៀងដ៏ធំមួយនេះ ៕

ប្រភព: Sportskeeda

The post Conor McGregor មិនមែនជាមហាសេដ្ឋី តែស៊ីដាច់ Ronaldo ជាអត្តពលិកស៊ីថ្លៃខ្លួនខ្ពស់បំផុត appeared first on .