COVID19

ប្រធាន WHO៖ ចិនកាន់កូនសោសំខាន់ក្នុងការស្វែងរកប្រភពដើមនៃជំងឺកូវីដ ១៩

ឧកញ៉ាសំពៅ — Fri, 07 Apr 2023 04:37:00 +0000

ប្រធានអង្គការសុខភាពពិភពលោក WHO លោក Tedros Adhanom Ghebreyesus បានដាក់សម្ពាធទៅកាន់ប្រទេសចិន ក្នុងការចែករំលែកព័ត៌មានពីប្រភពដើមនៃជំងឺកូវីដ ១៩ ដោយនិយាយ ៣ឆ្នាំមកនេះ ប្រភពដើមនៃវីរុសដ៏កាចសាហាវនេះ នៅមិនទាន់រកឃើញប្រភពដើមច្បាស់លាស់នៅឡើយ។ នេះបើតាមការចុះផ្សាយពី CNA។

“បើសិនជាគ្មានព័ត៌មានពេញលេញដូចដែលចិនមាន អ្នកមិនអាចនិយាយអ្វីពីវាបានឡើយ។ អ្វីដែលធ្លាប់លើកឡើងគ្រាន់តែជាសម្មតិកម្មដែល WHO មាន ហើយយើងក៏កំពុងសុំឲ្យចិនសហការចំពោះរឿងមួយនេះដូចគ្នា។ បើសិនជាពួកគេយល់ព្រម យើងនឹងអាចដឹងច្បាស់ពីប្រភពដើមនៃកូវីដ ១៩”។ នេះបើតាមសម្ដីរបស់ប្រធាន WHO។

គួររំលឹកដែរថា វីរុសមួយនេះត្រូវបានចាប់ផ្ដើមរកឃើញតំបូងនៅទីក្រុង Wuhan ប្រទេសចិនកាលពីខែធ្នូ ២០១៩ ជាមួយនឹងការសង្ស័យពាក់ព័ន្ធនឹងប្រភពចម្លងជាសត្វរស់ដែលលក់នៅលើទីផ្សារ មុនពេលអ្វីៗហួសពេល ពោលគឺឆ្លងរាតត្បាត និងសម្លាប់មនុស្សអស់ជិត ៧ លាននាក់គិតមកទល់ពេលនេះ។

A man gets tested for the coronavirus disease (COVID-19) at a makeshift nucleic acid testing site outside a hotel in Wuzhou, Guangxi Zhuang Autonomous Region, China March 24, 2022. REUTERS/Carlos Garcia Rawlins

ជម្រាបបន្ថែមថា ទិន្នន័យដែលធ្លាប់បានផ្ដល់ឲ្យដោយអ្នកវិទ្យាសាស្ត្រចិនកាលពីពេលផ្ទុះជំងឺតំបូងៗ គឺផ្ដល់ព័ត៌មានទាក់ទងនឹងប្រភពដើមនៃវីរុស និងបានដាក់ការសង្ស័យថា សត្វឆ្កែ Raccoon គឺជាប្រភពចម្លងវីរុសទៅកាន់មនុស្ស។ នេះបើតាមសម្ដីអ្នកស្រាវជ្រាវអន្តរជាតិបាននិយាយ៕

The post ប្រធាន WHO៖ ចិនកាន់កូនសោសំខាន់ក្នុងការស្វែងរកប្រភពដើមនៃជំងឺកូវីដ ១៩ appeared first on .

ប្រជាជនចិននាំគ្នាបាតុកម្មទម្លាក់ប្រធានាធិបតី ក្រោយចេញវិធានការរឹតបន្តឹងកូវីដខ្លាំងពេក

ឧកញ៉ាសំពៅ — Tue, 29 Nov 2022 12:59:00 +0000

មួយរយៈកាលចុងក្រោយនេះ មានបែកធ្លាយព័ត៌មានជាច្រើនជុំវិញការផ្ទុះឡើងវិញនៃជំងឺកូវីដ ១៩ នៅប្រទេសចិន រហូតរដ្ឋាភិបាលតម្រូវឲ្យតំបន់ដែលរកឃើញការឆ្លងត្រូវបិទខ្ទប់ទ្រង់ទ្រាយធំ។

យោងតាមការចុះផ្សាយពី VOA បានឲ្យដឹងថា ដោយសារវិធានការកូវីដសូន្យរបស់រដ្ឋាភិបាល មានសភាពតឹងតែងខ្លាំងពេក រហូតប្រជាជនមិនអាចសម្របខ្លួនបាន ដល់ថ្នាក់ពួកគេចេញបាតុកម្មទ្រង់ទ្រាយធំ ឈានដល់ថ្នាក់ទាមទារឲ្យប្រធានាធិបតី ស៊ី ជិនពីង ចុះចេញពីតំណែងថែមទៀតផង។

ប្រជាជន និងសិស្សានុសិស្សនៅទីក្រុងយ៉ាងហោចណាស់ ៧ រាប់បញ្ចូលទាំងទីក្រុងប៉េកាំង និងសៀងហៃ ដែលជាមជ្ឈមណ្ឌលពាណិជ្ជកម្មអន្តរជាតិ បានចេញធ្វើបាតុកម្មប្រឆាំងនឹងយុទ្ធនាការកូវីដសូន្យរបស់រដ្ឋាភិបាល រហូតធ្វើឲ្យសមត្ថកិច្ចប្រចាំតំបន់ត្រូវចេញអន្តរាគមន៍ជាមួយនឹងពួកគេថែមទៀត។

សូមជម្រាបដែរថា វិធានការកូវីដសូន្យរបស់រដ្ឋាភិបាល គឺតម្រូវឲ្យប្រជាជនដែលរស់នៅតំបន់បានរកឃើញវិជ្ជមានកូវីដ ត្រូវធ្វើចត្តាឡឺស័កនៅផ្ទះរាប់សប្ដាហ៍ ឬអាចដល់រាប់ខែក៏មាន ហើយមិនអនុញ្ញាតឲ្យចេញក្រៅផ្ទះ និងតម្រូវឲ្យពួកគេធ្វើតេស្តរកកូវីដស្ទើររៀងរាល់ថ្ងៃ៕

The post ប្រជាជនចិននាំគ្នាបាតុកម្មទម្លាក់ប្រធានាធិបតី ក្រោយចេញវិធានការរឹតបន្តឹងកូវីដខ្លាំងពេក appeared first on .

មួយថ្ងៃខាតអស់ ១ ពាន់លានដុល្លារ ក្រោយរកឃើញថ្នាំកូវីដ-១៩ របស់មហាសេដ្ឋីចិនមានបញ្ហា

ឧកញ៉ាសំពៅ — Mon, 18 Apr 2022 09:07:17 +0000

ជំងឺកូវីដ ១៩ កំពុងបង្កព្យុះភ្លៀងខ្លាំងនៅជុំវិញពិភពលោក បើទោះជាបច្ចុប្បន្នវ៉ាក់សាំងបង្ការជំងឺមួយនេះត្រូវបានរកឃើញក៏ដោយ ក៏ប៉ុន្តែអ្នកវិទ្យាសាស្ត្រនៅមិនទាន់អាចរកឃើញថ្នាំគ្រាប់ព្យាបាលជំងឺមួយនេះឲ្យជាដាច់ជាផ្លូវការបាននៅឡើយទេ។

ជាក់ស្ដែង Shijiazhuang Yiling Pharmaceutical ដែលជាក្រុមហ៊ុនផលិតឱសថបុរាណចិនរកឃើញដោយមហាសេដ្ឋី Wu Yiling បានកំពុងសិក្សាស្រាវជ្រាវថ្នាំគ្រាប់ព្យាបាលជំងឺមួយនេះ តែជាលទ្ធផលប្រសិទ្ធភាពថ្នាំនៅមិនទាន់អាចទទួលយកបាននៅឡើយ ហើយថែមទាំងធ្វើឲ្យទ្រព្យសម្បត្តិរបស់មហាសេដ្ឋីម្នាក់នេះខាតបង់ដល់ទៅ ១ ពាន់លានដុល្លារត្រឹមរយៈពេលមួយថ្ងៃ បន្ទាប់ពីដាក់លក់ថ្នាំគ្រាប់នេះនៅលើទីផ្សារ។

រំលឹកបន្តិចថា កន្លងមកផលិតផលរបស់មហាសេដ្ឋីរូបនេះត្រូវបានណែនាំឲ្យប្រើប្រាស់ដោយរដ្ឋាភិបាលចិនក្នុងការព្យាបាលជំងឺកូវីដ ១៩ កាលពីឆ្នាំ ២០២០ ដែលថ្នាំគ្រាប់នោះមានឈ្មោះ Lianhua Qingwen។

តែសម្រាប់ឆ្នាំ ២០២២ នេះវិញ វេជ្ជបណ្ឌិតនៅប្រទេសចិនជាច្រើនរូបស្រាប់តែឈប់ណែនាំមិនឲ្យប្រើប្រាស់ Lianhua Qingwen ជាឱសថព្យាបាលជំងឺកូវីដ ១៩ ស្របពេលអង្គការសុខភាពពិភពលោក WHO ក៏មិនធ្លាប់ចេញសេចក្ដីប្រកាសផ្លូវការក្នុងការណែនាំឲ្យប្រើប្រាស់ផង ជាហេតុបណ្ដាលឲ្យតម្លៃហ៊ុននៃក្រុមហ៊ុនមហាសេដ្ឋីចិនធ្លាក់ចុះ ១០% និងធ្វើឲ្យទ្រព្យសម្បត្តិរបស់បុរសវ័យ ៧២ ឆ្នាំធ្លាក់ពី ៥,៨ ពាន់លានដុល្លារ មកសល់ត្រឹម ៤,៧ ពាន់លានដុល្លារត្រឹមរយៈពេលមួយថ្ងៃ។

បញ្ជាក់ដែរថា បច្ចុប្បន្នរដ្ឋាភិបាលចិនកំពុងផ្សព្វផ្សាយឲ្យបរទេសងាកមកប្រើប្រាស់ឱសថ Lianhua Qingwen ក្នុងការព្យាបាលជំងឺកូវីដ ១៩ ហើយក្នុងនោះរុស្ស៊ីបានអនុញ្ញាតឲ្យមានការលក់ឱសថមួយនេះនៅចុងឆ្នាំ ២០២០ ខណៈអាមេរិក និងសិង្ហបុរីនៅពិចារណាអំពីប្រសិទ្ធភាពថ្នាំគ្រាប់មួយនេះនៅឡើយ៕

ប្រភព: Forbes

The post មួយថ្ងៃខាតអស់ ១ ពាន់លានដុល្លារ ក្រោយរកឃើញថ្នាំកូវីដ-១៩ របស់មហាសេដ្ឋីចិនមានបញ្ហា appeared first on .

គ្រាន់តែបិទប្រទេសមួយខែ សិង្ហបុរីចាយលុយជិត ៥០០ លានដុល្លារ ជួយអាជីវកម្មក្នុងស្រុក

ឧកញ៉ាសំពៅ — Fri, 22 Oct 2021 02:59:19 +0000

កញ្ចប់ថវិកាប្រមាណ ៦៤០ លានដុល្លារសាំងហ្គាពួរ ឬ ៤៧៦ លានដុល្លារអាមេរិក នឹងត្រូវទម្លាក់សម្រាប់ជួយទ្រទ្រង់ដល់អាជីវកម្មក្នុងស្រុកនៅប្រទេសសិង្ហបុរី ក្រោយធ្វើការប្រកាសថ្មីៗនេះថា នឹងបន្តអនុវត្តច្បាប់ចត្តាឡឺស័កយ៉ាងយូរមួយខែទៀត។

កន្លងមកការអនុវត្តច្បាប់ចត្តាឡឺស័កបានធ្វើកាលពីថ្ងៃទី ២៧ កញ្ញា ដើម្បីជួយកាត់បន្ថយភាពតានតឹងសម្រាប់ប្រព័ន្ធសុខាភិបាលក្នុងប្រទេស នឹងបញ្ចប់នៅថ្ងៃទី ២៤ តុលាខាងមុខ តែថ្មីៗនេះវាបានបន្តរហូតដល់ថ្ងៃទី ២១ វិច្ឆិកា ឬអាចខ្លីជាងនេះ ស៊ីសងលើការវាយតម្លៃពីមន្ទីរសុខាភិបាល ប្រចាំប្រទេស។

ដោយសារសិង្ហបុរីនៅបន្តអនុវត្តវិធានការទប់ស្កាត់កូវីដ ១៩ ទើបរដ្ឋាភិបាលនឹងជួយគម្រោងទ្រទ្រង់អាជីវកម្មក្នុងស្រុកដល់ថ្ងៃទី ២១ វិច្ឆិកា ដោយផ្ដល់ជាជំនួយ ២៥% សម្រាប់វិស័យណាដែលរងផលប៉ះពាល់ខ្លាំងដោយការរឹតបន្តឹងមួយនេះ។

វិធានការទ្រទ្រង់អាជីវកម្មដែលមានទំហំទឹកប្រាក់ប្រមាណជិតកន្លះពាន់លានដុល្លារនេះ នឹងក្ដោបលើវិស័យជាច្រើនរួមមាន អាជីវកម្មទាក់ទងផ្នែកអាហារនិងភេសជ្ជៈ អាជីវកម្មលក់ដូរតូចតាច រោងកុន សារមន្ទីរ ទេសចរណ៍ កន្លែងហាត់ប្រាណ កន្លែងកម្សាន្តនានា។

ដោយឡែកអ្នកដែលជួលកន្លែងរកស៊ីដែលជាកម្មសិទ្ធិរបស់រដ្ឋាភិបាល នឹងអនុគ្រោះសម្រាប់ថ្លៃឈ្នួលរយៈពេលកន្លះខែ ស្របពេលអ្នកប្រកបរបររត់តាក់ស៊ីវិញ នឹងទទួលបានទឹកប្រាក់ចន្លោះពី ៥ ទៅ ១០ ដុល្លារសាំងហ្គាពួរជារៀងរាល់ថ្ងៃសម្រាប់ខែវិច្ឆិកា និងធ្នូ។

ក្រសួងសុខាភិបាលបានប្រកាសថា កញ្ចប់ជំនួយចុងក្រោយនេះ គឺជាមូលនិធិទទួលបានច្រើនជាងការរំពឹងទុកមកទល់ពេលបច្ចុប្បន្ន ហើយវាក៏នឹងមិនប៉ះពាល់ដល់កញ្ចប់ទុនបំរុងផ្សេងៗឡើយ៕

ប្រភព: channelnewsasia

The post គ្រាន់តែបិទប្រទេសមួយខែ សិង្ហបុរីចាយលុយជិត ៥០០ លានដុល្លារ ជួយអាជីវកម្មក្នុងស្រុក appeared first on .

ADB ប្រកាសថវិកាត្រៀម ៩ពាន់លានដុល្លារ ដើម្បីជួយប្រទេសសមាជិកអាចទទួល និងចែកចាយវ៉ាក់សាំងកូវីដ១៩

ឧកញ៉ាកោះក្របី — Sat, 02 Jan 2021 10:50:39 +0000

លោក Masatsugu Asakawa ប្រធានធនាគារអភិវឌ្ឍន៍អាស៊ី ADB បានថ្លែងថា “ពេលប្រកាសថវិកាត្រៀម ៩ពាន់លានដុល្លារសហរដ្ឋអាមេរិក របស់ធនាគារអភិវឌ្ឍន៍អាសុី ដើម្បីជួយប្រទេសសមាជិកអាចទទួល និងចែកចាយវ៉ាក់សាំងកូវីដ១៩ នៃគម្រោង APVAX”។

លោកថា នៅពេលសមាជិកកំពុងអភិវឌ្ឍន៍របស់ធនាគារអភិវឌ្ឍន៍អាស៊ីត្រៀមចាក់វ៉ាក់សាំងប្រជាជនរបស់ពួកគេឱ្យបានឆាប់បំផុតពួកគេត្រូវការហិរញ្ញប្បទានដើម្បីទទួលបានវ៉ាក់សាំងក៏ដូចជាផែនការនិងចំណេះដឹងសមស្របដើម្បីអាចគ្រប់គ្រងដំណើរការចាក់វ៉ាក់សាំងដោយសុវត្ថិភាព។

លោកប្រធាន ADB បញ្ជាក់ថា “ APVAX នឹងដើរតួយ៉ាងសំខាន់ក្នុងការជួយសមាជិកកំពុងអភិវឌ្ឍន៍របស់យើងដើម្បីដោះស្រាយបញ្ហាប្រឈមទាំងនេះឆ្លងផុតពីជំងឺរាតត្បាតនិងផ្តោតលើការងើបឡើងវិញនៃសេដ្ឋកិច្ច” ។

The post ADB ប្រកាសថវិកាត្រៀម ៩ពាន់លានដុល្លារ ដើម្បីជួយប្រទេសសមាជិកអាចទទួល និងចែកចាយវ៉ាក់សាំងកូវីដ១៩ appeared first on .

សម្តេច ហ៊ុន សែន ស្នើសិល្បៈករ ធ្វើជាសកម្មជនចូលរួមទប់ស្កាត់ការផ្សព្វផ្សាយព័ត៌មានមិនពិតនៃជំងឺឆ្លង COVID-19

កូនចៅឧកញ៉ា — Wed, 04 Mar 2020 01:19:34 +0000

សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានលើកឡើងថា រហូតមកដល់ពេលនេះកម្ពុជា មិនមានប្រជាពលរដ្ឋណាម្នាក់កើត ឬឆ្លងជំងឺ Covid-19 នោះឡើយ។ ទន្ទឹមនឹងនេះសម្តេចតេជោនាយករដ្ឋមន្ត្រី ក៏បានស្នើសុំឲ្យសិល្បៈករទាំងអស់ ក្លាយជាសកម្មជនចូលរួមធ្វើការអប់រំផ្សព្វផ្សាយអំពីការទប់ស្កាត់នៃការរីករាយដាលជំងឺឆ្លង COVID-19 ។

សម្តេចតេជោ ហ៊ុន សែន លើកឡើងនាពេលនេះ ធ្វើឡើងនៅក្នុងពិធីអបអរសាទរទិវា «វប្បធម៌ជាតិ ៣មីនា» លើកទី២២ និងផ្តល់កិត្តិយសប្រគល់បណ្ណសរសើរដល់មន្ត្រី និងសិល្បៈករមានស្នាដៃក្នុងការថែរក្សាការពារវប្បធម៌ជាតិ នារសៀលថ្ងៃទី០៣ ខែមីនា ឆ្នាំ២០២០ នៅមជ្ឈមណ្ឌលកោះពេជ្រ កាលពីរសៀលថ្ងៃទី៣ ខែ មីនា ឆ្នាំ២០២០។

ក្នុងឪកាសនោះ សម្តេច នៅតែបន្តអំពាវនាវអោយប្រជាពលរដ្ឋទាំងអស់ចូលរួមទប់ស្កាត់ព័ត៌មានក្លែងក្លាយ ព័ត៌មិនពិត(Fake News)ដែលបានផ្សព្វផ្សាយបំពុលសង្គមពីការឆ្លងជំងឺនេះ។

សូមជម្រាបថា ការស្នើសុំទៅកាន់សិល្បៈករ សិល្បៈការរិនី ពីសំណាក់សម្តេច ហ៊ុន សែន ជាថ្មីម្តងទៀតនេះ ធ្វើឡើងបន្ទាប់ពីសង្កេតឃើញមួយរយៈចុងក្រោយនេះ មានការផ្សព្វផ្សាយព័ត៌មានក្លែងក្លាយ តាមរយៈបណ្តាញសង្គម ដែលបានផ្សព្វផ្សាយបំពុលសង្គមពីការឆ្លងជម្ងឺកូរ៉ូណាកម្ពុជា កាន់តែច្រើន បើទោះជាមានការអះអាងពីក្រសួងសុខាភិបាលកម្ពុជា ថាគ្មានអ្នកកើតជំងឺនេះនៅកម្ពុជាក៏ដោយ៕ អត្ថបទ៖ សិរីកា

The post សម្តេច ហ៊ុន សែន ស្នើសិល្បៈករ ធ្វើជាសកម្មជនចូលរួមទប់ស្កាត់ការផ្សព្វផ្សាយព័ត៌មានមិនពិតនៃជំងឺឆ្លង COVID-19 appeared first on .