CP Group

ចៅប្រុសរបស់មហាសេដ្ឋីថៃ Dhanin Chearavanont ប្រមូលទុនបាន ៦០លានដុល្លារ បង្កើតក្រុមហ៊ុន AI ថ្មីមួយ

monyokn — Thu, 18 Jul 2024 08:03:00 +0000

ចៅប្រុសរបស់កំពូលមហាសេដ្ឋីថៃ Dhanin Chearavanont គឺលោក Korawad Chearavanont ប្រមូលទុនវិនិយោគបានប្រមាណ ៦០លានដុល្លារ បង្កើតក្រុមហ៊ុនបច្ចេកវិទ្យាបញ្ញាសិប្បនិម្មិតមួយមានឈ្មោះថា Amity Corp មានសមត្ថភាពជួយសម្រួលក្នុងអាជីវកម្ម។ នេះបើយោងតាមការចុះផ្សាយពីសារព័ត៌មាន Reuters ។

លោក Korawad Chearavanont ដែលជានាយកប្រតិបត្តិបានលើកឡើងអំពី AI generative Artificial Intelligence (AI) Chat bots របស់ក្រុមហ៊ុន Amity របស់ខ្លួន ថាមានសមត្ថភាពពិសេសអាចដោះស្រាយបញ្ហា ឬឆ្លើយតបទៅនឹងសំណួររបស់បុគ្គលិក បានយ៉ាងឆាប់រហ័សជាទីបំផុត។ មួយវិញទៀតលោកថា អតិថិជនមានការពេញនិយមជាខ្លាំងចំពោះការប្រើប្រាស់បញ្ញាសិប្បនិម្មិត GenAI ដើម្បីបង្កើតរបាយការណ៍ ការវិភាគ និងការប្រឹក្សាយោលបល់ជាដើម។

គួរឲ្យដឹងថា លោក Korawad បច្ចុប្បន្នមានវ័យទើបតែ ២៩ឆ្នាំ គឺជាជាសហគ្រិនម្នាក់ជាប់ខ្សែស្រឡាយគ្រួសារមហាសេដ្ឋីត្រកូល Chearavanont ដែលគ្រប់គ្រងក្រុមហ៊ុនកសិឧស្សាហកម្ម Charoen Pokphand Group (CP Group) ដែលជាអ្នកផលិតបសុសត្វ និងចំណីសត្វដ៏ធំបំផុតមួយរបស់ពិភពលោក។ បើតាមទស្សនាវដ្តី Forbes បានឲ្យដឹងដែរថា ត្រកូល Chearavanont គឺជាគ្រួសារមានទ្រព្យច្រើនដាច់គេលំដាប់ទីពីរនៅប្រទេសថៃ ពោលមានទ្រព្យសម្បត្តិសរុបរហូតដល់ទៅ ២៩ពាន់លានដុល្លារឯណោះ៕

The post ចៅប្រុសរបស់មហាសេដ្ឋីថៃ Dhanin Chearavanont ប្រមូលទុនបាន ៦០លានដុល្លារ បង្កើតក្រុមហ៊ុន AI ថ្មីមួយ appeared first on .

មហាសេដ្ឋីមានបំផុត ១០ រូបនៅថៃ ប្រមូលផ្ដុំសុទ្ធតែមេធំ CP Group

ឧកញ៉ាសំពៅ — Tue, 06 Jun 2023 11:00:00 +0000

ប្រទេសថៃ ជាមហាអំណាចសេដ្ឋកិច្ចធំបំផុតទី ២ ប្រចាំតំបន់អាស៊ាន បន្ទាប់ពីប្រទេសឥណ្ឌូណេស៊ី ខណៈមជ្ឈមណ្ឌលសេដ្ឋកិច្ចមួយនេះ ក៏ប្រមូលផ្ដុំដោយបុគ្គលមានទ្រព្យសម្បត្តិច្រើននាក់ផងដែរ

យោងតាមទស្សនាវដ្ដីអាមេរិក Forbes ស្រង់បញ្ជីឈ្មោះបុគ្គលមានឥទ្ធិពលប្រចាំប្រទេសនីមួយៗនៅអាស៊ាន ដោយប្រទេសថៃមានមហាសេដ្ឋីចំនួន ២៧ នាក់ គិតត្រឹមខែមិថុនា ឆ្នាំ ២០២៣។

ក្រឡេកទៅមើលបញ្ជីឈ្មោះ Top 10 អ្នកមានបំផុតប្រចាំប្រទេសជិតខាងយើងវិញ គេសង្កេតឃើញថា មានបុគ្គលដែលទទួលប្រភពចំណូលពីក្រុមហ៊ុនធំបំផុតប្រចាំប្រទេសគឺ CP Group ដល់ទៅ ៤រូបឯណោះ ដោយពួកគេគឺ៖

1/Dhanin Chearavanont (CP Group) មានទ្រព្យសម្បត្តិសរុប ១៥,៣ពាន់លានដុល្លារ

2/Charoen Sirivadhanabhakdi (Thai Beverage) មានទ្រព្យសម្បត្តិសរុប ១៣,១ពាន់លានដុល្លារ

3/Sarath Ratanavadi (Gulp Energy Development) មានទ្រព្យសម្បត្តិសរុប ១១ពាន់លានដុល្លារ

4/Sumet Jiaravanon (CP Group) មានទ្រព្យសម្បត្តិសរុប ៦,១ពាន់លានដុល្លារ

5/Jaran Chiaravanont (CP Group) មានទ្រព្យសម្បត្តិសរុប ៦ពាន់លានដុល្លារ

6/Somurai Jaruphnit (CP Group) មានទ្រព្យសម្បត្តិសរុប ៣,៩ពាន់លានដុល្លារ

7/Vanich Chaiyawan (Thai Life) មានទ្រព្យសម្បត្តិសរុប ៣,៨ពាន់លានដុល្លារ

8/Prasert Prasarttong-Osoth (Bangkok Dusit Medical Services) មានទ្រព្យសម្បត្តិសរុប ៣,៧ពាន់លានដុល្លារ

9/Somphote Ahunai (Energy Absolute) មានទ្រព្យសម្បត្តិសរុប ២,៧ពាន់លានដុល្លារ

10/Prayudh Mahagitsiri (Thai Film Industries) មានទ្រព្យសម្បត្តិសរុប ២,៤ពាន់លានដុល្លារ៕

The post មហាសេដ្ឋីមានបំផុត ១០ រូបនៅថៃ ប្រមូលផ្ដុំសុទ្ធតែមេធំ CP Group appeared first on .

មុខជំនួញធំៗមហាសេដ្ឋីមានបំផុតនៅថៃ ៣ រូប កំពុងវ៉ៃលុកទីផ្សារកម្ពុជា

ឧកញ៉ាសំពៅ — Mon, 08 Aug 2022 09:52:49 +0000

មហាសេដ្ឋីមានបំផុតនៅថៃ ៣ រូបគឺបងប្អូនត្រកូល Chearavanont លោក Chalerm Yoovidhya និង Charoen Sirivadhanabhakdi គឺសុទ្ធតែជាស្ដេចត្រាញ់កំពូលប្រចាំប្រទេស ខណៈបុគ្គលទាំង ៣ រូបនេះមានមុខជំនួញលើវិស័យតែមួយ គឺវិស័យចំណីអាហារ និងភេសជ្ជៈ។

ក្នុងចំណោមបុគ្គលទាំង ៣ រូបខាងលើ បងប្អូនត្រកូល Chearavanont គឺមានដាច់គេអស់រយៈពេលជាច្រើនឆ្នាំមកហើយ ស្របពេលប្រវត្តិអាជីវកម្មរបស់ស្ដេចត្រាញ់នេះក៏ធ្លាប់ត្រូវបានឧកញ៉ាញូវស៍ចុះផ្សាយរួចម្ដងដែរ ពោលក្រុមហ៊ុន CP Group គឺល្បីសុះសាយជុំវិញតំបន់អាស៊ី និងអឺរ៉ុប ហើយកម្ពុជាក៏ជាប្រទេសនាំចូលផលិតផល CP មកចែកចាយក្នុងស្រុកផងដែរ។

ដោយឡែក សម្រាប់មុខជំនួញរបស់លោក Chalerm វិញគឺជាភេសជ្ជៈប៉ូវកម្លាំងដែលប្រជាជនគ្រប់វ័យសុទ្ធតែបានស្គាល់គឺ Red Bull ឬគេនិយមហៅថា “គោជល់” ក៏កំពុងមានចរាចរណ៍លើទីផ្សារប្រទេសកម្ពុជាអស់រយៈពេលជាច្រើនឆ្នាំមកហើយដែរ ដោយមានក្រុមហ៊ុន L.Y.P Group របស់អ្នកឧកញ៉ា លី យ៉ុងផាត់ជាអ្នកចែកចាយផ្ដាច់មុខនៅកម្ពុជា។

ចុងក្រោយគឺ ផលិតផលស្រាបៀឆាងរបស់អ្នកជំនួញមានដុងពីក្មេង Charoen ដែលចាប់ផ្ដើមរកស៊ីជាមួយឪពុកពីការលក់ទឹកសុទ្ធតាមចិញ្ចើមផ្លូវ រហូតដល់ក្លាយជាម្ចាស់រោងចក្រផលិតស្រាបៀធំបំផុតប្រចាំប្រទេស។

ស្រាបៀមាននិមិត្តសញ្ញារូបដំរី ធ្លាប់ជាផលិតផលនាំចូលផ្ដាច់មុខរបស់ក្រុមហ៊ុន Attwood Import and Export របស់ឧកញ៉ា លឹម ឈីវហូ ដោយបានចុះកិច្ចព្រមព្រៀងតាំងពីខែមករា ២០១៦ មកម៉្លេះ ប៉ុន្តែប៉ុន្មានខែមុនក្រុមហ៊ុនខាងលើបានបញ្ឈប់ការនាំចូលស្រាបៀឆាងពីប្រទេសថៃ។ នេះបើតាមក្រុមហ៊ុន Attwood បានប្រាប់សារព័ត៌មានឧកញ៉ាញូស៍នៅរសៀលថ្ងៃចន្ទ សីហានេះ៕

The post មុខជំនួញធំៗមហាសេដ្ឋីមានបំផុតនៅថៃ ៣ រូប កំពុងវ៉ៃលុកទីផ្សារកម្ពុជា appeared first on .

បច្ចុប្បន្នមានពលករខ្មែរជាង ២ពាន់នាក់ កំពុងបំរើការងារនៅរោងចក្រ CP

ឧកញ៉ាតូច — Mon, 08 Aug 2022 01:23:54 +0000

ក្រុមហ៊ុន CPF នៅខេត្តនគររាជសីមា ប្រទេសថៃ មានពលករទាំងអស់កំពុងបំរើការងារសរុបចំនួន ៨ ៣៥២នាក់ ក្នុងនោះ ពលករកម្ពុជា មានចំនួន ២ ២៧៥នាក់ ស្តី្រ ១ ០៩៧នាក់។

រោងចក្រ CPF (Thailand) Public Company Limited. ជាក្រុមហ៊ុនបុត្រសម្ព័ន្ធរបស់ក្រុមហ៊ុន C.P. Group ប្រទេសថៃ បានចាប់ដំណើរការអាជីវកម្មនៅប្រទេសថៃ តាំងពីឆ្នាំ ១៩៩៦។ រោងចក្រ CPF ជារោងចក្រផលិតសាច់មាន់គ្រប់ប្រភេទ មានទាំងសាច់មាន់ស្រស់ ទាំងអាហារឆ្អិន សម្រាប់ផ្គត់ផ្គង់ទាំងក្នុងស្រុក និងក្រៅប្រទេស។

បើតាមលោក អ៉ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ពលករខ្មែរនៅថៃមានចំនួន ១,២លាននាក់ ម្នាក់ៗក្នុងមួយខែបានផ្ញើប្រាក់ទៅផ្ទះរាប់រយដុល្លារអាមេរិក ដើម្បីផ្គត់ផ្គង់ជីវភាព ហើយបើគិត ១ឆ្នាំ បងប្អូនពលករយើងបានផ្ញើលុយទៅក្រុមគ្រួសារ ប្រមាណរាប់សិបលានដុល្លារអាម៉េរិក និងនៅពេលវិលត្រឡប់ទៅប្រទេសកំណើត នឹងមានចំណេះ និងជំនាញការងារ មកអភិវឌ្ឍប្រទេសផងដែរ៕

The post បច្ចុប្បន្នមានពលករខ្មែរជាង ២ពាន់នាក់ កំពុងបំរើការងារនៅរោងចក្រ CP appeared first on .

CP Group យកអស់ជិតពាក់កណ្ដាលបញ្ជីមហាសេដ្ឋីស្រុកថៃមានបំផុត ១០ រូបប្រចាំឆ្នាំ ២០២២

ឧកញ៉ាសំពៅ — Tue, 12 Apr 2022 03:31:10 +0000

កាលពីពេលកន្លងទៅ គេហទំព័រ Forbes បានបញ្ចេញបញ្ជីឈ្មោះមហាសេដ្ឋីប្រចាំឆ្នាំ ២០២២ ដោយមាន Elon Musk ជាអ្នកមានបំផុតលើពិភពលោក។

ដោយឡែកសម្រាប់នៅប៉ែកអាស៊ីអាគ្នេយ៍យើងវិញ ទស្សនាវដ្ដីអាមេរិកខាងលើក៏បានដកស្រង់បញ្ជីឈ្មោះបុគ្គលមានឥទ្ធិពលប្រចាំប្រទេសនីមួយៗផងដែរ ជាក់ស្ដែងប្រទេសថៃមានមហាសេដ្ឋីចំនួន ២៨ នាក់នៅឆ្នាំ ២០២២ នេះ។

ក្រឡេកទៅមើលបញ្ជីឈ្មោះ Top 10 អ្នកមានបំផុតប្រចាំប្រទេសជិតខាងយើងវិញ គេសង្កេតឃើញថា មានបុគ្គលដែលទទួលប្រភពចំណូលពីក្រុមហ៊ុនធំបំផុតប្រចាំប្រទេសគឺ CP Group ដល់ទៅ ៤ រូបឯណោះ ដោយពួកគេគឺ៖

Dhanin Chearavanont (CP Group) មានទ្រព្យសម្បត្តិសរុប ១៣,៥ ពាន់លានដុល្លារ
Charoen Sirivadhanabhakdi (Thai Beverage) មានទ្រព្យសម្បត្តិសរុប ១២ ពាន់លានដុល្លារ
Sarath Ratanayadi (Gulp Energy Development) មានទ្រព្យសម្បត្តិសរុប ១១,៨ ពាន់លានដុល្លារ
Sumet Jiaravanon (CP Group) មានទ្រព្យសម្បត្តិសរុប ៥,៣ ពាន់លានដុល្លារ
Jaran Chiaravanont (CP Group) មានទ្រព្យសម្បត្តិសរុប ៥,២ ពាន់លានដុល្លារ
Montri Jiaravanont (CP Group) មានទ្រព្យសម្បត្តិសរុប ៥,១ ពាន់លានដុល្លារ
Somphote Ahunai (Energy Absolute) មានទ្រព្យសម្បត្តិសរុប ៤ ពាន់លានដុល្លារ
Prasert Prasarttong-Osoth (Bangkok Dusit Medical Services) មានទ្រព្យសម្បត្តិសរុប ៣,៤ ពាន់លានដុល្លារ
Vanich Chaiyawan (Thai Life) មានទ្រព្យសម្បត្តិសរុប ៣,២ ពាន់លានដុល្លារ
Chuchat & Daonapa Petampai (Muangthai Leasing) មានទ្រព្យសម្បត្តិសរុប ២,៥ ពាន់លានដុល្លារ

បញ្ជាក់ដែរថា នៅក្នុងចំណោមប្រទេសនៅតំបន់អាស៊ីអាគ្នេយ៍ទាំងអស់ ថៃជាប្រទេសទី ២ មានមហាសេដ្ឋីច្រើនបំផុត ២៨ នាក់ ខណៈឥណ្ឌូណេស៊ីជាប់លេខ ១ មានមហាសេដ្ឋី ៣០ នាក់ ស្របពេលសិង្ហបុរីមាន ២៦ នាក់ ជាប់នៅលេខរៀងទី ៣៕

ប្រភព: Nationalthailand

The post CP Group យកអស់ជិតពាក់កណ្ដាលបញ្ជីមហាសេដ្ឋីស្រុកថៃមានបំផុត ១០ រូបប្រចាំឆ្នាំ ២០២២ appeared first on .

មេធំរបស់ផ្សារម៉ាក្រូនៅភ្នំពេញ គ្រោងពង្រីកចំនួនហាងលក់រាយ និងលក់ដុំក្នុងតំបន់ ដើម្បីចាប់យកឱកាសអាជីវកម្មកម្រិតអន្តរជាតិ

ឧកញ៉ាសាមញ្ញ — Sat, 04 Sep 2021 02:36:09 +0000

ក្រុមហ៊ុន Charoen Pokphand ឬស្គាល់ថា CP Group ដែលជាក្រុមហ៊ុនអាជីវកម្មកសិ-ឧស្សាហកម្មដ៏ធំបំផុតរបស់ប្រទេសថៃ បានធ្វើការប្តេជ្ញាចិត្តនឹងពង្រីកចំនួនហាងលក់រាយ និងលក់ដុំរបស់ខ្លួន នៅក្នុងតំបន់ ដែលរួមបញ្ចូលទីកន្លែងរក្សាសាច់ប្រាក់ប្រតិបត្តិការដោយក្រុមហ៊ុនបុត្តសម្ព័ន្ធ Siam Makro Plc និងហាងជាច្រើនទៀត នៅក្នុងបណ្តុំក្រុមហ៊ុនសាជីវកម្ម CP នេះផ្ទាល់។

អគ្គនាយកក្រុមហ៊ុន CP Group និងជាប្រធានក្រុមហ៊ុន Siam Makro លោក Suphachai Chearavanont បាននិយាយថា ការលក់រាយ គឺជាឱកាសសកលសម្រាប់ប្រទេសថៃ និងជាចក្ខុវិស័យមួយដែលអាចឲ្យយើងទទួលបានភាពជោគជ័យនៅលើឆាកអន្តរជាតិផងដែរ ។

បណ្តុំសាជីវកម្មរបស់ CP Group កំពុងមានវត្តមាន និងទទួលបានគាំទ្រច្រើនពីប្រជាជននៅក្នុងប្រទេសចិន ម៉ាឡេស៊ី ឥណ្ឌា ប្រទេសកម្ពុជា មីយ៉ាមា ដែលស្ថិតនៅក្រោមស្លាកសញ្ញាប្រមាណ ៣៣៧ ហាង។

យ៉ាងណាជុំវិញការចង់ឈានជើងចូលទៅក្នុងទីផ្សារអន្តរជាតិនេះផងដែរ លោក Suphachai បានបញ្ជាក់ថា ៖ ” ការទទួលបានភាពជោគជ័យនៅក្នុងទីផ្សារពិភពលោកគឺមានភាពស្មុគស្មាញ ដែលទាមទារឲ្យមានការសម្រេចចិត្តលឿន។ ដើម្បីពង្រឹងសមត្ថភាពរបស់យើងក្នុងការបោះជំហ៊ានទៅមុខឲ្យឆាប់រហ័ស អាជីវកម្មរបស់យើងចាំបាច់ត្រូវរៀបចំរចនាសម្ព័ន្ធឡើងវិញ និងព្រមទាំងលើកកម្ពស់សមត្ថភាព”។

លោកបន្តថា ៖ ” ការផ្លាស់ប្តូរទាំងនេះនឹងជួយសម្រួលដល់ការសម្រេចចិត្ត ហើយអាចផ្តល់អត្ថប្រយោជន៍ផ្សេងទៀត ដើម្បីឲ្យ Siam Madro និង Lotus ទទួលបានជោគជ័យនៅលើឆាកអន្តរជាតិ “។

–ការចូលរួមជាសាធារណៈ

នៅក្នុងយុទ្ធសាស្រ្តក្នុងការគាំទ្រមហិច្ឆតាអន្តរជាតិ និង គម្រោងផែនការនានា អគ្គនាយក Siam Makro បាននិយាយថាគឺត្រូវបង្កើន ដើមទុន ចុះបញ្ជីប្រមាណ ៥,៥៨ ពាន់លានបាត ដោយកើនឡើងពី ២៤០ លានបាត។

លោកនិយាយថា ៖ យើងចង់អញ្ជើញសាធារណជនចូលរួមជាមួយយើង ក្នុងដំណើររីកចម្រើនអន្តរជាតិដ៏គួរចាប់អារម្មណ៍មួយនេះ ហើយកំពុងផ្តល់ជូននូវផ្នែកដ៏ធំមួយនៃអាជីវកម្ម សម្រាប់ការចូលរួមជាសាធារណៈ ។

គួរបញ្ជាក់ថា Siam Makroគោលបំណងបង្កើនទ្វេដងនៃភាពជាម្ចាស់កម្មសិទ្ធិសាធារណៈរបស់ខ្លួន ដែលបច្ចុប្បន្នមាន ៧% ឲ្យកើនដល់ ១៥% ខណៈភាគហ៊ុនរបស់ CP Group នឹងត្រូវកាត់បន្ថយពី ៩៣% មកនៅត្រឹម ៨៥% វិញ ។

–ការប្រកួតប្រជែងដ៏ធំបំផុត

កក្តាប្រកួតប្រកួតប្រជែងធំបំផុត ដែលក្រុមហ៊ុនខ្នាតយក្សរបស់ថៃ និងផលិតកររបស់ថៃពិបាកក្នុងការចូលទៅក្នុងទីផ្សារអន្តរជាតិ គឺភាពលំបាក ក្នុងការទទួលយកប្រព័ន្ធបែងចែករបស់ប្រទេសនានា។ ប្រព័ន្ធដែលចូលចិត្តបង្កើតស្លាកសញ្ញា និងផលិតពីចង្វាក់ផ្គតផ្គង់ បែបប្រពៃណី បានប៉ះពាល់ដល់ភាពប្រកួតប្រជែងរបស់ប្រទេសថៃ។

ក្នុងនោះដែរលោក Suphachai បានបន្តថា ៖ ” ពួកយើងត្រូវការប្រើប្រាស់ហាងរបស់យើង ដើម្បីឲ្យអ្នកប្រើប្រាស់នៅបរទេសទទួលបានផលិតផលរបស់ប្រទេសថៃ។ ពួកគេត្រូវរក្សាគុណភាពផលិតផល តម្លៃសមរម្យ និង យុទ្ធសាស្រ្តទីផ្សារ ដើម្បីបន្តមានវត្តមាននៅលើទីផ្សារអរន្តជាតិ។ យើងក៏ត្រូវការឲ្យសហគ្រាសធុនតូច មធ្យម និងផលិតករ ត្រូវយល់ដឹងបទបញ្ហាករស្មុគស្មាញ នៅលើទីផ្សារបរទេស ដែលលំបាកសម្រាប់អាជីវករថៃ ត្រូវប្រឈមមុខដោះស្រាយ ។

សូមបញ្ជាក់ផងដែរថា ប្រទេសថៃទទួលបានការទទួលស្គាល់នៅក្នុងការលក់រាយជាអន្តរជាតិ តាមរយៈការឈ្នះពានរង្វាន់កំពូល ពីសមាគមលក់រាយទូទាំងពិភពលោក សម្រាប់ការច្នៃប្រឌិត ក៏ដូចជាការកាន់កាប់ហាងលក់រាយសំខាន់ៗនៅក្នុងប្រទេសជាច្រើន ប៉ុន្តែទោះជាយ៉ាងណា វានៅតែមានកម្រិតទាប បើធៀបជាមួយហាងទំនិញលក់រាយរបស់ក្រុមហ៊ុនអន្តរជាតិធំៗ ផ្សេងទៀត ៕

ប្រភព: BangkokPost