ទីភ្នាក់ងារនេះបាននិយាយថា សហភាពអឺរ៉ុប (EU) បានចំណាយប្រាក់បន្ថែមចំនួន ២៤ពាន់លានអឺរ៉ូ (២៨ពាន់លានដុល្លារ) ដែលស្មើនឹងជាង ៥៨៧លានដុល្លារក្នុងមួយថ្ងៃ លើការនាំចូលថាមពល គិតចាប់តាំងពីការប្រយុទ្ធគ្នានៅមជ្ឈិមបូព៌ាបានផ្ទុះឡើង។

យ៉ាងណាមិញ ដើម្បីការពារសេដ្ឋកិច្ចពីការកើនឡើងនៃតម្លៃថាមពល សហភាពអឺរ៉ុប បានស្នើឲ្យបង្កើតស្ថាប័នរួមគ្នាមួយដើម្បីកំណត់ហានិភ័យនៃកង្វះខាតប្រេងឥន្ធនៈអាកាសចរណ៍ និងប្រេងម៉ាស៊ូតយ៉ាងឆាប់រហ័ស។ ពួកគេក៏នឹងសម្របសម្រួលការចែករំលែកប្រេងឥន្ធនៈ ឬការបញ្ចេញទុនបម្រុងសង្គ្រោះបន្ទាន់ ក្នុងចំណោមរដ្ឋជាសមាជិកផងដែរ។

គួរឲ្យដឹងថា នៅមុននេះ​ ទីភ្នាក់ងារថាមពលអន្តរជាតិ (IEA) និងសមាគមឧស្សាហកម្មអាកាសចរណ៍ ACI អឺរ៉ុប បានព្រមានថា អឺរ៉ុបអាចនឹងប្រឈមមុខនឹងកង្វះខាតប្រេងឥន្ធនៈអាកាសចរណ៍ នៅក្នុងពេលប៉ុន្មានសប្តាហ៍ខាងមុខនេះ។ បច្ចុប្បន្នសហភាពអឺរ៉ុបនាំចូលប្រហែល ៧០% នៃការផ្គត់ផ្គង់ប្រេងឥន្ធនៈអាកាសចរណ៍របស់ខ្លួន។

ជម្រាបជូនថា ការធ្លាក់ចុះនៃការផ្គត់ផ្គង់ប្រេង និងឧស្ម័នដោយសារតែជម្លោះនៅអ៊ីរ៉ង់ កំពុងមានផលប៉ះពាល់ខ្លាំងបំផុតលើអាស៊ី ប៉ុន្តែកំពុងរីករាលដាលបន្តិចម្តងៗទៅកាន់លោកខាងលិច។ យោងតាម​​គណៈកម្មការអឺរ៉ុប ទោះបីជាការចរចាសន្តិភាពអាចជួយបញ្ចប់ជម្លោះបណ្ណោះអាសន្ននៅសប្តាហ៍នេះក៏ដោយ ប៉ុន្តែសេដ្ឋកិច្ចអឺរ៉ុបនឹងនៅតែរងផលប៉ះពាល់ពីការរំខានជាបន្តបន្ទាប់នៃការផ្គត់ផ្គង់ថាមពល៕​

The post អឺរ៉ុប ស្នើវិធានការគាំទ្រសេដ្ឋកិច្ចបន្ទាន់ ក្រោយខាតបង់រាប់ពាន់លានដុល្លារ ដោយសារសង្គ្រាមអ៊ីរ៉ង់ appeared first on .

នៅក្នុងលិខិតមួយដែលបានចេញផ្សាយកាលពីសប្តាហ៍មុន រដ្ឋមន្ត្រីហិរញ្ញវត្ថុនៃប្រទេសអេស្ប៉ាញ អូទ្រីស អាល្លឺម៉ង់ អ៊ីតាលី និងព័រទុយហ្គាល់ បានជំរុញឲ្យថ្នាក់ដឹកនាមសហភាពអឺរ៉ុប ស្វែងរកមធ្យោបាយដើម្បីបន្ធូរបន្ថយបន្ទុកលើអ្នកប្រើប្រាស់។

លោក Valdis Dombrovskis ស្នងការអឺរ៉ុបទទួលបន្ទុកកិច្ចការសេដ្ឋកិច្ច ក៏បានបញ្ជាក់ទៅកាន់មេដឹកនាំអឺរ៉ុបផងដែរថា ពួកគេកំពុងពិចារណាដាក់ពន្ធលើប្រាក់ចំណេញមិនធម្មតារបស់ក្រុមហ៊ុនថាមពល ដើម្បីចៀសវាងមិនឲ្យក្រុមហ៊ុនទាំងនោះដំឡើងថ្លៃហួសហេតុពេក។

លោក Valdis បានមានប្រសាសន៍ទៀតថា ៖”ជាគោលការណ៍ គ្មានអ្វីរារាំងរដ្ឋជាសមាជិកពីការអនុវត្តពន្ធនេះទេ ព្រោះការប្រមូលដោយផ្ទាល់ភាគច្រើនស្ថិតនៅក្រោមច្បាប់របស់ប្រទេសនីមួយៗ។ យើងកំពុងពិចារណាថាតើវិធីសាស្រ្តសម្របសម្រួលបន្ថែមទៀតណាមខ្លះ ដែលអាចត្រូវបានណែនាំនៅកម្រិតអឺរ៉ុបដែរឬទេ។ បញ្ហានេះនៅតែត្រូវបានវាយតម្លៃ”។

ជម្រាបជូនថា នៅឆ្នាំ២០២២ អឺរ៉ុបបានអនុវត្តពន្ធបន្ទាន់ស្រដៀងគ្នានេះ ដើម្បីដោះស្រាយការកើនឡើងនៃតម្លៃប្រេងឥន្ធនៈ បន្ទាប់ពីជម្លោះរុស្ស៊ី-អ៊ុយក្រែន។ ពន្ធនេះត្រូវបានអនុវត្តចំពោះក្រុមហ៊ុនប្រេង និងឧស្ម័នដែលធ្វើប្រតិបត្តិការ និងបង្កើតប្រាក់ចំណេញនៅក្នុងទីផ្សារសហភាពអឺរ៉ុប៕

The post សហភាពអឺរ៉ុប ពិចារណាដាក់ពន្ធបន្ថែមលើក្រុមហ៊ុនប្រេង និងឧស្ម័ន ចំពេលតម្លៃកើនឡើងខ្ពស់ appeared first on .

កាលពីសប្តាហ៍មុន ធនាគារកណ្តាលអឺរ៉ុប (ECB) បានរក្សាអត្រាការប្រាក់គោលរបស់ខ្លួនឲ្យនៅដដែល ពោលគឺក្នុងកម្រិត ២% ប៉ុន្តែបានព្រមានថាអត្រានេះអាចកើនឡើង។ ដូច្នេះមន្ត្រីធនាគារកំពុងពិភាក្សាអំពីសេណារីយ៉ូដែលនឹងបង្ខំពួកគេឲ្យដំឡើងអត្រាការប្រាក់ ដើម្បីការពារការកើនឡើងនៃអតិផរណាជាបន្តបន្ទាប់។

មុនពេលផ្ទុះឡើងនៃជម្លោះនៅមជ្ឈិមបូព៌ា កាលពីចុងខែមុន អតិផរណានៅតំបន់ចាយប្រាក់អឺរ៉ូ បានធ្លាក់ចុះក្រោមគោលដៅ ២% របស់ ECB។ តែទោះជាយ៉ាងណាក៏ដោយ នៅខែកុម្ភៈ តួលេខនេះបានបង្ហាញសញ្ញានៃការកើនឡើង ដោយឈានដល់ ១,៩%។ ការប្រយុទ្ធគ្នា ដែលស្ទើរតែបានបិទច្រកសមុទ្រ Hormuz បានបណ្តាលឲ្យតម្លៃប្រេង និងឧស្ម័នសកលកើនឡើង ដែលរំខានដល់ការព្យាករអតិផរណានៅអឺរ៉ុបទាំងមូល។

ជម្រាបជូនថា នៅក្រោមសេណារីយ៉ូមូលដ្ឋាន ការព្យាករអតិផរណាជាមធ្យមសម្រាប់តំបន់អឺរ៉ុប នៅឆ្នាំនេះគឺ ២,៦% នៅឆ្នាំ២០២៧ និង ២,១% នៅឆ្នាំ២០២៨។ តែទោះជាយ៉ាងណាក៏ដោយ នៅក្នុងសេណារីយ៉ូដែលមានទុទិដ្ឋិនិយមជាងនេះ ECB ព្រមានថាអតិផរណាអាចឡើងដល់ ៤% នៅឆ្នាំនេះ៕​

The post EU គ្រោងដំឡើងអត្រាការប្រាក់ ដើម្បីត្រៀមទប់ទល់អតិផរណាដែលបង្កឡើងដោយជម្លោះអ៊ីរ៉ង់ appeared first on .

នៅក្នុងកិច្ចប្រជុំកំពូលមួយរបស់ខ្លួនកាលពីថ្ងៃទី២៣ ខែកុម្ភៈ សភាអឺរ៉ុប (EP) បានសម្រេចពន្យារពេលការបោះឆ្នោតលើកិច្ចព្រមព្រៀងពាណិជ្ជកម្មជាមួយសហរដ្ឋអាមេរិក ដែលត្រូវបានគ្រោងទុកសម្រាប់ថ្ងៃទី២៤ ខែកុម្ភៈនេះ។

លោក Bernd Lange ប្រធានគណៈកម្មាធិការពាណិជ្ជកម្មរបស់សភាអឺរ៉ុប បាននិយាយថា ពន្ធបណ្ដោះអាសន្ន ១៥% ដែលសហរដ្ឋអាមេរិកហៀបនឹងដាក់ចេញនោះ អាចបណ្តាលឱ្យផលិតផលសហភាពអឺរ៉ុបប្រហែល ៧%-៨% ត្រូវទទួលរងពន្ធខ្ពស់ជាងកម្រិតដែលបានព្រមព្រៀងគ្នាកាលពីឆ្នាំមុន។ លើសពីនេះ គ្មាននរណាម្នាក់ដឹងថានឹងមានអ្វីកើតឡើងបន្ទាប់ពី ១៥០ថ្ងៃ នៅពេលដែលពន្ធបណ្ដោះអាសន្ននេះផុតកំណត់នោះទេ។

យ៉ាងណាមិញ សភាអឺរ៉ុបគ្រោងនឹងកោះប្រជុំឡើងវិញនៅថ្ងៃទី៤ ខែមីនា ដើម្បីវាយតម្លៃថាតើសហរដ្ឋអាមេរិកបានផ្តល់ព័ត៌មានច្បាស់លាស់អំពីស្ថានភាពបច្ចុប្បន្ន និងថាតើខ្លួនបានប្តេជ្ញាគោរពតាមកិច្ចព្រមព្រៀងដែលសម្រេចបានកាលពីឆ្នាំមុនឬអត់។

ជម្រាបជូនថា នេះជាលើកទីពីរហើយដែលសភាអឺរ៉ុបបានសម្រេចចិត្តពន្យារពេលការបោះឆ្នោតលើកិច្ចព្រមព្រៀងពាណិជ្ជកម្មជាមួយសហរដ្ឋអាមេរិក។ កាលពីខែមុន ពួកគេបានបញ្ឈប់វាដើម្បីតវ៉ាប្រឆាំងនឹងបំណងប្រាថ្នារបស់ប្រធានាធិបតី លោក ត្រាំ ក្នុងការកាន់កាប់កោះ Greenland ផងដែរ៕​

The post EU ផ្អាកបោះឆ្នោតសម្រេចលើកិច្ចព្រមព្រៀងពាណិជ្ជកម្មជាមួយអាមេរិក ក្រោយលោក ត្រាំ​ ដំឡើងពន្ធថ្មី appeared first on .

គណៈកម្មការអឺរ៉ុប ដែលបានចរចាគោលនយោបាយពាណិជ្ជកម្ម និងជាតំណាងនៃរដ្ឋសមាជិកសហភាពអឺរ៉ុបចំនួន ២៧ បាននិយាយថា ទីក្រុងវ៉ាស៊ីនតោនត្រូវតែផ្តល់ ភាពច្បាស់លាស់ពេញលេញ លើជំហានដែលខ្លួនមានបំណងធ្វើបន្ទាប់ពីសេចក្តីសម្រេចរបស់តុលាការកំពូល។

គួរឲ្យដឹងថា បន្ទាប់ពីតុលាការកំពូលអាមេរិក បានសម្រេចលុបចោលពន្ធគយសកលរបស់លោក ត្រាំ កាលពីថ្ងៃសុក្រ សប្តាហ៍មុន ប្រធានាធិបតីសអាមេរិក លោក ត្រាំ ប្រកាសពន្ធយកពន្ធគយបណ្តោះអាសន្ន ១០% នៅទូទាំងពិភពលោក និងបន្ទាប់មកបានបង្កើនរហូតដល់ ១៥% ។

មិនតែប៉ុណ្ណោះ គណៈកម្មការអឺរ៉ុបបាននិយាយទៀតថា ស្ថានភាពបច្ចុប្បន្នមិនអំណោយផលដល់ការផ្តល់ពាណិជ្ជកម្ម និងការវិនិយោគឆ្លងមហាសមុទ្រអាត្លង់ទិក ប្រកបដោយភាពយុត្តិធម៌ មានតុល្យភាព និងផ្តល់ផលប្រយោជន៍ទៅវិញទៅមក ដូចដែលបានព្រមព្រៀងគ្នាដោយភាគីទាំងពីរ នៅក្នុងសេចក្តីថ្លែងការណ៍រួមមួយដែលកំណត់លក្ខខណ្ឌនៃកិច្ចព្រមព្រៀងពាណិជ្ជកម្មកាលពីឆ្នាំមុន នោះឡើយ៕​

The post EU ថាខ្លួនមិនព្រមទទួលយកការដំឡើងពន្ធគយបន្ថែមរបស់លោក ត្រាំ ជាដាច់ខាត appeared first on .

លោក Modi បានប្រកាសថា ៖” កិច្ចព្រមព្រៀងពាណិជ្ជកម្មដ៏សំខាន់មួយត្រូវបានចុះហត្ថលេខារវាងសហភាពអឺរ៉ុប និងឥណ្ឌា។ វានឹងនាំមកនូវឱកាសដ៏អស្ចារ្យដល់ប្រជាជនឥណ្ឌា ១,៤ ពាន់លាននាក់ និងប្រជាជនអឺរ៉ុបរាប់លាននាក់ទៀត”។ ជុំវិញកិច្ចព្រមព្រៀងពាណិជ្ជកម្មនេះ ភាគីទាំងពីរបានចាប់ផ្តើមបើកការចរចាជិតពីរទសវត្សមុនមកម្លេះ។

យ៉ាងណាមិញ លោក Modi និងប្រធានគណៈកម្មការអឺរ៉ុប លោកស្រី Ursula von der Leyen ត្រូវបានគេរំពឹងទុកថានឹងចេញសេចក្តីថ្លែងការណ៍រួមគ្នាមួយ នៅឯកិច្ចប្រជុំកំពូលឥណ្ឌា-សហភាពអឺរ៉ុបនៅទីក្រុងញូវដេលី នាពេលឆាប់ៗនេះ ខណៈពេលដែលភាគីទាំងពីរក៏នឹងប្រកាសអំពីព័ត៌មានលម្អិតបន្ថែមពាក់ព័ន្ធទៅនឹងកិច្ចព្រមព្រៀងនេះផងដែរ។

ជម្រាបជូនថា សហភាពអឺរ៉ុបបច្ចុប្បន្នគឺជាដៃគូពាណិជ្ជកម្មដ៏ធំបំផុតរបស់ឥណ្ឌា ដោយពាណិជ្ជកម្មទ្វេភាគីបានឈានដល់ចំនួនទឹកប្រាក់ប្រមាណ ១៣៦,៥ពាន់លានដុល្លារ នៅក្នុងឆ្នាំសារពើពន្ធដែលបញ្ចប់នៅខែមីនា ឆ្នាំ២០២៥៕​

The post ទីបំផុត ឥណ្ឌា និង EU ឈានដល់កិច្ចព្រមព្រៀងពាណិជ្ជកម្មជាមួយគ្នា ក្រោយចរចាអស់ពេលជាយូរ appeared first on .

យោងតាមការចុះផ្សាយពីសារព័ត៌មាន Reuters បានបង្ហាញឲ្យដឹងទៀតថា កាលពីថ្ងៃទី២៦ ខែមករា រដ្ឋមន្ត្រីមកពីរដ្ឋជាសមាជិកសហភាពអឺរ៉ុបចំនួន ២៥ ក្នុងចំណោម ២៧ បានអនុម័តច្បាប់ថ្មីមួយស្តីពីការហាមឃាត់ការនាំចូលឧស្ម័នរុស្ស៊ី នៅក្នុងកិច្ចប្រជុំមួយនៅទីក្រុងព្រុចសែល។ តាមរយៈការអនុម័តនេះ មានន័យថា EU នឹងបញ្ចប់ជាផ្លូវការនូវការនាំចូលឧស្ម័ន LNG របស់រុស្ស៊ី នៅត្រឹមចុងឆ្នាំ២០២៦ និងតាមបំពង់បង្ហូរ នៅថ្ងៃទី៣០ ខែកញ្ញា ឆ្នាំ២០២៧។

គួរឲ្យដឹងថា ក្នុងអំឡុងពេលអនុវត្តនេះ មុនពេលផ្តល់ការអនុញ្ញាតឱ្យនាំចូលឧស្ម័នធម្មជាតិចូលទៅក្នុងសហភាពអឺរ៉ុប ប្រទេសនានាត្រូវផ្ទៀងផ្ទាត់ប្រភពដើមនៃទំនិញជាមុន។ ហើយប្រសិនបើប្រទេសជាសមាជិកណាមួយមិនអនុវត្តតាមច្បាប់ថ្មីនេះ នោះនឹងមានការពិន័យយ៉ាងហោចណាស់ ២,៥លានអឺរ៉ូ ដល់ ៤០លានអឺរ៉ូ។

ជម្រាបជូនថា សហភាពអឺរ៉ុបចាត់ទុកគោលនយោបាយថ្មីនេះថាជាព្រឹត្តិការណ៍សំខាន់មួយក្នុងការសម្រេចគោលដៅនៃការបញ្ចប់ការពឹងផ្អែករបស់ EU លើថាមពលរុស្ស៊ី ដែលជាគោលដៅមួយត្រូវបានព្រមព្រៀងគ្នាដោយមេដឹកនាំប្រទេសជាសមាជិកនីមួយៗ នៅក្នុងសេចក្តីប្រកាស Versailles ក្នុងខែមីនា ឆ្នាំ២០២២៕

The post ទីបំផុត សហភាពអឺរ៉ុប អនុម័តកាត់ផ្តាច់ការនាំចូលឧស្ម័នទាំងស្រុងពីប្រទេសរុស្ស៊ី appeared first on .

កាលពីពេលថ្មីៗនេះ​ ប្រធានគណៈកម្មការអឺរ៉ុប លោកស្រី​ Ursula von der Leyen និងប្រធានក្រុមប្រក្សាអឺរ៉ុប លោក Antonio Costa បានចេញសេចក្តីថ្លែងការណ៍រួមគ្នាមួយ អំពីការប្រឆាំងទៅនឹងការគំរាមកំហែងរបស់លោក ត្រាំ ក្នុងការដាក់ពន្ធគយលើប្រទេសអឺរ៉ុបចំនួន ៨ ដែលចេញមុខជួយការពារកោះ Greenland ពីការដាក់សម្ពាធរបស់អាមេរិក។

នៅក្នុងសេចក្តីថ្លែងការណ៍នោះ បានសរសេរថា ៖” ពន្ធគយនឹងធ្វើឲ្យខូចដល់ទំនាក់ទំនងអន្តរអាត្លង់ទិក និងបង្កហានិភ័យនាំឲ្យមានការវិឌ្ឍដ៏គ្រោះថ្នាក់មួយ។ អឺរ៉ុបនឹងនៅតែរួបរួមគ្នា សហការ និងប្តេជ្ញាការពារអធិបតេយ្យភាពរបស់ខ្លួន”។

គួរឲ្យដឹងផងដែរថា ប្រធានាធិបតីអាមេរិក លោក ត្រាំ​ បានប្រកាសថា ប្រទេសដាណឺម៉ាក ន័រវែស ស៊ុយអែត បារាំង អាល្លឺម៉ង់ ចក្រភពអង់គ្លេស ហូឡង់ និងហ្វាំងឡង់នឹងត្រូវទទួលរងពន្ធគយ ១០% លើទំនិញទាំងអស់ដែលនាំចេញទៅសហរដ្ឋអាមេរិកចាប់ពីថ្ងៃទី១ ខែកុម្ភៈ មុនពេលវាត្រូវបានដំឡើងដល់ ២៥% ចាប់ពីថ្ងៃទី១ ខែមិថុនា។ លោក ត្រាំ បានសង្កត់ធ្ងន់ទៀតថា ពន្ធគយនេះ នឹងនៅតែមានសុពលភាពរហូតដល់សហរដ្ឋអាមេរិកបញ្ចប់ការទិញយកកោះ Greenland បាន។

យ៉ាងណាមិញ​លោក ត្រាំ ក៏បានបានពន្យល់ផងដែរថា ការសម្រេចចិត្តនេះកើតចេញពីប្រទេសនានាដែលបានរៀបរាប់ខាង បានដាក់ពង្រាយកងកម្លាំងយោធារបស់ខ្លួន ទៅកាន់កោះ Greenland សម្រាប់គោលបំណងមិនច្បាស់លាស់ ដោយអះអាងទៀតថា នេះជាស្ថានភាពដ៏គ្រោះថ្នាក់បំផុតសម្រាប់សុវត្ថិភាព សន្តិសុខ និងការរស់រានមានជីវិតរបស់ភពផែនដី៕

The post EU រិះគន់ធ្ងន់ៗលើលោក ត្រាំ​ ជុំវិញការគំរាមកំហែងដាក់ពន្ធ ដើម្បីគ្រប់គ្រងកោះ Greenland appeared first on .

រំលឹកផងដែរថា បណ្តាញសង្គម X ត្រូវបានពិន័យជាទឹកប្រាក់រហូតដល់ទៅ ១២០លានអឺរ៉ូ (១៤០លានដុល្លារ) ដោយនិយតករបច្ចេកវិទ្យាសហភាពអឺរ៉ុប កាលពីសប្តាហ៍មុន ចំពោះការរំលោភបំពានលើច្បាប់ខ្លឹមសារអនឡាញ។

ជុំវិញបញ្ហានេះ លោក ត្រាំ បាននិយាយប្រាប់ទៅកាន់អ្នកយកព័ត៌មាននៅក្នុងព្រឹត្តិការណ៍មួយនៅសេតវិមានថា ៖” អឺរ៉ុបកំពុងដើរនៅក្នុងទិសដៅអាក្រក់មួយចំនួន”។ មេដឹកនាំអាមរិករូបនេះ បានទទូចទៀតថា លោករំពឹងថាអាចនឹងទទួលបានរបាយការណ៍ការណ៍ពេញលេញអំពីការពិន័យរបស់សហភាពអឺរ៉ុប នៅពេលក្រោយ។

ទន្ទឹមនឹងនេះ​ កាលពីសប្តាហ៍មុន លោក Musk បានច្រានចោលចំពោះការដាក់ពិន័យទៅលើវេទិការរបស់លោក ដោយឆ្លើយតបថា “គ្មានមូលដ្ឋានច្បាស់លាស់” នៅក្រោមការបង្ហោះរបស់គណៈកម្មការអឺរ៉ុបដែលប្រកាសពីការពិន័យ និងថែមទាំងបានបង្ហោះសាររិះគន់ខ្លាំងៗ ចំពោះការសម្រេចចិត្តនេះទៀតផង។

លោក Musk បានសរសេរថា ៖”សេរីភាពនៃការបញ្ចេញមតិគឺជាមូលដ្ឋានគ្រឹះនៃលទ្ធិប្រជាធិបតេយ្យ។ វាគឺជាមធ្យោបាយតែមួយគត់ដើម្បីដឹងថាអ្នកកំពុងបោះឆ្នោតនណារ”។

មិនតែប៉ុណ្ណោះ រដ្ឋមន្ត្រីជាន់ខ្ពស់របស់សហរដ្ឋអាមេរិកជាច្រើន រួមទាំងលោក Marco Rubio រដ្ឋមន្ត្រីក្រសួងការបរទេស និងលោក Brendan Carr ប្រធាន FCC ក៏បានថ្កោលទោសចំពោះការដាក់ពិន័យនេះ ដោយនិយាយថាជាការវាយប្រហារលើក្រុមហ៊ុនអាមេរិក៕​

The post លោក ត្រាំ ចេញមុខរិះគន់ធ្ងន់ទៅលើ EU ក្រោយផាកលុយបណ្តាញសង្គម X របស់ Elon Musk appeared first on .

យោងតាមការបង្ហោះសារមួយលើបណ្តាញសង្គម កាលពីថ្ងៃទី៦ ខែធ្នូ លោក Musk បានសរសេរថា ៖”​ សហភាពអឺរ៉ុប គួរតែត្រូវបានរំលាយចោល ហើយអធិបតេយ្យភាពគួរតែត្រូវបានផ្តល់ជូនទៅកាន់បណ្តាប្រទេសជាសមាជិកនីមួយៗវិញ ដើម្បីឲ្យរដ្ឋាភិបាលរបស់ពួកគេ អាចតំណាងឲ្យប្រជាជន បានកាន់តែប្រសើរ។ និយាយឲ្យត្រង់ទៅ នេះមិនមែនជារឿងលេងសើចនោះឡើយ”។

គួរឲ្យដឹងថា នេះជាលើកដំបូងហើយដែលគណៈកម្មាធិការអឺរ៉ុបបានធ្វើការពិនិយទៅលើក្រុមហ៊ុនបណ្តាញសង្គម ក្រោមច្បាប់សេវាកម្មឌីជីថល (DSA) សម្រាប់ខ្លឹមសារ។ គណៈកម្មការបាននិយាយថា បណ្តាញសង្គម X របស់លោក Musk គឺបានរំលោភបំពានទៅលើកាតព្វកិច្ចតម្លាភាពរបស់ DSA។

ជុំវិញបញ្ហានេះ លោក Musk បានបង្ហាញការអន់ចិត្តយ៉ាងខ្លាំង និងបានបន្តរិះគន់ទៅលើ EU ជាបន្តបន្ទាប់នៅលើបណ្តាញសង្គម X ដែលមានអ្នកតាមដានរហូតដល់ជា ២៣០ លាននាក់របស់ខ្លួន។​

មិនតែប៉ុណ្ណោះ លោក Marco Rubio រដ្ឋមន្ត្រីការបរទេសសហរដ្ឋអាមេរិក ក៏បានអត្ថាធិប្បាយផងដែរថា ការពិន័យជាទឹកប្រាក់ចំនួន ១៤០លានដុល្លាររបស់គណៈកម្មការអឺរ៉ុបនេះ មិនមែនគ្រាន់តែជាការវាយប្រហារលើ X នោះទេ។ វាគឺជាការវាយប្រហារលើវេទិកាបច្ចេកវិទ្យាអាមេរិកទាំងអស់ និងប្រជាជនអាមេរិកដោយរដ្ឋាភិបាលបរទេស។ សម័យកាលនៃការត្រួតពិនិត្យតាមអ៊ីនធឺណិតរបស់អាមេរិកបានចប់ហើយ៕​

The post មហាសេដ្ឋី Elon Musk ទទូចឲ្យរំលាយ EU ចោល ក្រោយផាកលុយបណ្តាញសង្គម X ១៤០លានដុល្លារ appeared first on .