ទីភ្នាក់ងារ DSCA បាននិយាយនៅក្នុងសេចក្តីថ្លែងការណ៍មួយថា ការសម្រេចលក់គ្រឿងបន្លាស់ទៅឲ្យតៃវ៉ាន់ គឺនឹងអាចជួយកែលម្អសន្តិសុខ ជួយរក្សាស្ថិរភាពនយោបាយ តុល្យភាពយោធា និងវឌ្ឍនភាពសេដ្ឋកិច្ចក្នុងតំបន់ជាដើម។

តបទៅនឹងការសម្រេចចិត្តនេះ ក្រសួងការពារជាតិរបស់កោះតៃវ៉ាន់បានថ្លែងអំណរគុណយ៉ាងជ្រាលជ្រៅដល់សហរដ្ឋអាមេរិក ដោយលើកឡើងថា វានឹងអាចជួយជំរុញតម្រូវការប្រយុទ្ធ និងការពារកងទ័ពអាកាសរបស់ខ្លួន។
ថ្លែងទៅកាន់អ្នកសារព័ត៌មានក្នុងសភានៅថ្ងៃទី៦ មិថុនា រដ្ឋមន្ត្រីការពារជាតិតៃវ៉ាន់លោក Wellington Koo បានលើកឡើងថា តៃវ៉ាន់ត្រូវតែបង្កើនសមត្ថភាពការពាររបស់ខ្លួន ដើម្បីជាផ្នែកមួយក្នុងការទប់ទល់ប្រកបដោយប្រសិទ្ធភាព ក្នុងយុទ្ធសាស្ត្រឥណ្ឌូប៉ាស៊ីហ្វិករបស់សហរដ្ឋអាមេរិក។

ជម្រាបដែរថា ប្រទេសចិនតែងតែងទាមទារម្តងហើយម្តងទៀតដល់សហរដ្ឋអាមេរិក ឲ្យបញ្ឈប់រាល់ការលក់សព្វាវុធទៅកាន់កោះតៃវ៉ាន់ ដ្បិតចិនតែងតែអះអាងថាជាទឹកដីរបស់ខ្លួន ខណៈក្រុងតៃប៉ិឯណោះវិញជំទាស់ដាច់អហឹង្ការ ប្រកាន់ជំហរចង់បានឯករាជ្យភាពពេញលេញដូចគេដូចឯងលើឆាកអន្តរជាតិ៕

The post អាមេរិកយល់ព្រមលក់គ្រឿងបន្លាស់យន្តហោះចម្បាំង F-16 តម្លៃ ៨០លានដុល្លារទៅឲ្យកោះតៃវ៉ាន់ appeared first on .