យោងតាមសារព័ត៌មាន CBS បានរាយការណ៍នៅថ្ងៃទី២៧ ខែឧសភា ដោយដកស្រង់ឯកសារតុលាការសហព័ន្ធថា អតីតមន្ត្រី CIA លោក David Rush ត្រូវបានចាប់ខ្លួនកាលពីសប្តាហ៍មុន ហើយកំពុងត្រូវបានឃុំខ្លួនដើម្បីសួរចម្លើយ និងវាយតម្លៃបន្ថែម។ បច្ចុប្បន្នលោក Rush កំពុងប្រឈមមុខនឹងការចោទប្រកាន់មួយ ពីបទលួចថវិកាសាធារណៈ។

ដីកាចាប់ខ្លួននេះត្រូវបានដាក់ចេញ បន្ទាប់ពីភ្នាក់ងារ FBI បានឆែកឆេរផ្ទះរបស់លោក Rush កាលពីថ្ងៃទី១៨ ខែឧសភា ដែលជាផ្នែកមួយនៃការស៊ើបអង្កេតលើការចោទប្រកាន់ថាគាត់បានក្លែងបន្លំសញ្ញាបត្រអប់រំ និងកំណត់ត្រាយោធារបស់គាត់។ ក្នុងអំឡុងពេលឆែកឆេរ ភ្នាក់ងារបានរកឃើញដុំមាសប្រមាណ ៣០៣ ដុំដែលមានតម្លៃប៉ាន់ស្មានជាង ៤០លានដុល្លារ រួមជាមួយនឹងសាច់ប្រាក់ពីរលានដុល្លារ និងនាឡិកាដៃថ្លៃៗចំនួន ៣៥ គ្រឿង នៅក្នុងផ្ទះរបស់លោក Rush។

យោងតាមឯកសារ និងប្រភពព័ត៌មានរបស់តុលាការ ចន្លោះខែវិច្ឆិកា ឆ្នាំ២០២៥ ដល់ខែមីនា ឆ្នាំ២០២៦ លោក Rush បានស្នើសុំម្តងហើយម្តងទៀតនូវរូបិយប័ណ្ណបរទេស និងដុំមាសយ៉ាងច្រើនដែលមានតម្លៃរាប់សិបលានដុល្លារពី CIA ដើម្បីទូទាត់ការចំណាយទាក់ទងនឹងការងារស៊ើបអង្កេត។

ប៉ុន្តែទោះជាយ៉ាងណាក៏ដោយ FBI បានចោទប្រកាន់ថាលោក Rush បានកេងចំណេញដុំមាសទាំងនោះ និងទទួលបានប្រាក់ខែក្លែងក្លាយតាមរយៈមធ្យោបាយបោកប្រាស់ ក្លែងបន្លំព័ត៌មានផ្ទាល់ខ្លួន និងក្លែងបន្លំប្រព័ន្ធ ដើម្បីទទួលបានការឈប់សម្រាកយោធា៕​

The post ភ្នាក់ងារ FBI រកឃើញដុំមាស ៣០៣ ដុំតម្លៃជាង ៤០លានដុល្លារ លាក់ទុកក្នុងផ្ទះអតីតមន្ត្រី CIA ម្នាក់ appeared first on .

ជុំវិញការខាតបង់នេះបានកើនឡើងដល់មួយភាគបីជាងឆ្នាំ២០២៣ ដោយភាគច្រើនត្រូវបានជំរុញដោយ ការបោកប្រាស់បច្ចេកវិទ្យាកម្រិតទាប ដូចជាករណីអ្នកវិនិយោគដែលត្រូវបានបោកប្រាស់លុយតាមអ៊ីនធឺណិត ឬបុគ្គលិកក្រុមហ៊ុនដែលត្រូវបានបោកបញ្ឆោតដោយអ៊ីម៉ែលក្លែងក្លាយ ក្នុងការផ្ទេរប្រាក់យ៉ាងច្រើន ទៅកាន់គណនីធនាគាររបស់ឧក្រិដ្ឋជន ជាដើម។ FBI ក៏បានបង្ហាញឲ្យដឹងពីវិធីបោកប្រាស់ផ្សេងទៀត ដូចជាការគាំទ្រផ្នែកបច្ចេកវិទ្យា និងការបោកប្រាស់ស្នេហា ក៏បណ្តាលឲ្យមានការខាតបង់រាប់រយលានដុល្លារ ផងដែរ។

មិនតែប៉ុណ្ណោះ ការិយាល័យនេះបាននិយាយទៀតថា តួលេខនៃការបោកប្រាស់នេះ ត្រូវបានប្រមូលដោយមជ្ឈមណ្ឌលបណ្តឹងឧក្រិដ្ឋកម្មតាមអ៊ីនធឺណិតរបស់ FBI ផ្ទាល់ ដែលវាបានក្លាយជាកន្លែងបោសសម្អាត សម្រាប់របាយការណ៍នៃការក្លែងបន្លំ និងការលួចចូលតាមប្រព័ន្ធឌីជីថល ហើយបានទាក់ទាញពាក្យបណ្តឹងសរុបជិត ៨៦០ ០០០ ករណី ។

ជម្រាបជូនផងដែរថាា ការខាតបង់ពីឧក្រិដ្ឋកម្មតាមអ៊ីនធឺណិត គឺពិបាកគណនាខ្លាំងណាស់ ខណ:តួលេខដែលបញ្ចេញដោយ FBI នេះ គ្រាន់តែជាចំនួនមួយផ្នែកប៉ុណ្ណោះ ដោយការិយាល័យបានទទួលស្គាល់ថាការគណនានេះ គឺនៅមិនទាន់ពេញលេញនៅឡើយទេ។ ហើយយ៉ាងណាមិញ ស្របពេលដែលពាក្យបណ្តឹងដែលប្រមូលដោយ FBI គឺទទួលបានពីជុំវិញពិភពលោក ប៉ុន្តែពាក្យបណ្តឹងមួយផ្នែកធំគឺត្រូវបានដាក់នៅសហរដ្ឋអាមេរិក៕

The post FBI បង្ហើបថាការខាតបង់ដោយសារឧក្រិដ្ឋកម្មតាមអ៊ីនធើណិត បានកើនដល់ ១៦ពាន់លានដុល្លារ appeared first on .

លោក Patel ដែលធ្លាប់កាន់តំណែងជាអ្នកផ្តល់ប្រឹក្សាទាំងនៅក្នុងនាយកដ្ឋានស៊ើបការណ៍ជាតិ និងលេខាធិការការពារជាតិ ក្នុងអំឡុងអាណត្តិដំបូងរបស់លោក ត្រាំ ធ្លាប់បានអំពាវនាវឲ្យមានការរៀបចំ FBI ឡើងវិញ និងលុបបំបាត់បុគ្គលិកណាដែលមិនព្រមគាំទ្ររបៀបវារៈរបស់លោក ត្រាំ ផងដែរ។

ទន្ទឹមនឹងនេះ លោកបាននិយាយនៅក្នុងបទសម្ភាសមួយកាលពីខែកញ្ញា នៅលើកម្មវិធី Shawn Ryan Show ថា ៖”បញ្ហាដ៏ធំបំផុតរបស់ FBI គឺស្ថិតនៅផ្នែកស៊ើបការណ៍សម្ងាត់របស់ពួកគេ។ ខ្ញុំនឹងបំបែកសមាសធាតុទាំងនោះចេញ។ ខ្ញុំនឹងបិទអគារ FBI Hoover នៅថ្ងៃណាមួយ ហើយបើកវាឡើងវិញទៅជាសារមន្ទីរ។ ហើយខ្ញុំនឹងបញ្ជូនបុគ្គលិក ៧ ពាន់នាក់ ដែលធ្វើការនៅក្នុងអគារនោះ ទៅទូទាំងសហរដ្ឋអាមេរិក ដើម្បីដេញចាប់ឧក្រិដ្ឋជន ជាជាងអង្គុយតែក្នុងការិយាល័យ ព្រោះពួកគេគឺជាប៉ូលីស”។

បញ្ជាក់ផងដែរថា ជុំវិញផែនការតែងតាំងលោក Patel ឲ្យដឹងនាំ FBI នេះ ហាក់បង្ហាញថា លោក ត្រាំ កំពុងត្រៀមខ្លួនរួចជាស្រេចហើយ ក្នុងការបណ្តេញលោក Christopher Wray ចេញពីតំណែង បើទោះបីជាលោកជាសមាជិកមក្សសាធារណរដ្ឋ និងត្រូវបានផ្តល់តួនាទីដោយលោកត្រាំ ផ្ទាល់ កាលពីក្នុងអណត្តិដំបូងរបស់លោកក៏ដោយ។ សម្រាប់អាណត្តិរយ:ពេល ១០ឆ្នាំនៅ FBI របស់លោក Wray នៅមិនទាន់បញ្ចប់នៅឡើយនោះទេ ពោលគឺរហូតដល់ឆ្នាំ២០២៧ ឯណោះ៕

The post លោក ត្រាំ គ្រោងជ្រើសរើសមនុស្សដ៏ជំនិតរបស់ខ្លួនម្នាក់ ឲ្យទៅដឹកនាំការិយាល័យ FBI appeared first on .