បើក្រឡេកទៅមើលតាមបណ្ដោយផ្លូវជាតិលេខ ១ ស្ថិតក្នុងរាជធានីភ្នំពេញ ដែលចាប់ពីស្ពានក្បាលថ្នល់រហូតដល់បុរីប៉េងហួតបឹងស្នោរ នឹងឃើញថាមានហាងកាហ្វេល្បីៗចំនួន០៤ទីតាំង នៅលើដងវិថីមួយនេះ។ ថ្ងៃនេះឧកញ៉ាញូស៍នឹងនាំអ្នកទាំងអស់គ្នាទៅស្គាល់ហាងកាហ្វេល្បីៗទាំងនោះរួមមាន៖

១. Tube Coffee: មានទីតាំងស្ថិតនៅ ផ្ទះលេខ ៥៧០ AEO ផ្លូវជាតិលេខ ០១ សង្កាត់ ច្បារអំពៅ២ ខណ្ឌ មានជ័យ រាជធានីភ្នំពេញ។ បើ​ធ្វើ​ដំណើរ​ចុះពីស្តានក្បាលថ្នល់​ មកដល់​ស្តុប​ការ៉ាស់សាំង​តូតាល ហួស​បន្តិច​នៅ​ខាង​ឆ្វេង​ដៃ​នឹង​ឃើញ​ស្លាក​ហាង Tube Coffee។

ក្រៅពី​សាខាង​នៅ​តាមផ្លូវជាតិ​លេខ ១ មកទល់បច្ចុប្បន្ននេះ Tube Coffee មានសាខាមិនក្រោម១៥នោះទេនៅទូទាំងប្រទេសកម្ពុជា ដែលបង្កើតឡើងដោយស្ថាបនិកកូនខ្មែរ ៣ ​រូបរួមមាន៖ កញ្ញា ស៊ូ ​​មន្នីពេជ្រ លោក ឃន ឈុនដារ៉ា និងលោក​ ឡាយ បុណ្ណាវឌ្ឍន៍។

សម្រាប់ទីតាំងច្បារអំពៅ២នេះ ជាសាខាទី១៣ បើកសម្ពោធជាផ្លូវការកាលពីថ្ងៃទី ៣០ ខែ មករា ឆ្នាំ ២០២១។ អ្វីដែលធ្វើឲ្យ ធ្យូបកាហ្វេ មានសក្ដានុពលនោះគឺ គុណភាពល្អ អនាម័យខ្ពស់ សេវាកម្មលឿនរហ័សទានចិត្ត រួមទាំងកាហ្វេដែលមានរសជាតិឆ្ងុយឆ្ងាញ់ នៃកាហ្វេថ្នល់ (Iced Cafe Thnol) កាហ្វេឡាតេ (Iced Cafe latte) កាពូឈីណូ (Iced Cafe cappuccino) ទឹកផ្លែផាសិនស្រស់ (Fresh passion juice) និងតែបៃតងទឹកដោះគោ (Milk green tea) ដែលជារសជាតិល្បីៗប្រចាំហាង។

២. Café Amazon

ជាប្រេន​កាហ្វេ​ដ៏ល្បីឈ្មោះ​មួយ មាននៅ​​គ្រប់សាខារបស់​ការ៉ាស់សាំង PTT។ ដោយឡែក​កាហ្វេ Cafe Amazon ក៏​មាន​នៅ​តាម​ផ្លូវជាតិ​លេខ ១ ស្ថិត​នៅ​ក្នុង​សង្កាត់ ច្បារអំពៅ២ ខណ្ឌ មានជ័យ រាជធានីភ្នំពេញ មានចំងាយប្រហែល ១ គីឡូម៉ែត្រពី Tube coffee។ Café Amazon បង្កើតឡើងដោយក្រុមហ៊ុន Petroleum Authority of Thiland ហៅកាត់ថា PTT របស់ប្រទេសថៃដែលបច្ចុប្បន្នមានសាខានៅកម្ពុជាមិនក្រោម១៥០សាខាទេ។

Café Amazon ច្បារអំពៅ២បើកសម្ពោធជាផ្លូវការកាលថ្ងៃទី ២៥ខែ កក្កដា ឆ្នាំ២០១៨ ។

៣. Noir Coffee

មានទីតាំងស្ថិតនៅ ផ្លូវជាតិលេខ១ ភូមិ បឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ (ទល់មុខបញ្ឆិតស្ថានីប្រេងឥន្ទនៈ PTT បុរីប៉េងហួតបឹងស្នោរ) ។ កាហ្វេ ណ ក៏ជា Brandដ៏ល្បីមួយរបស់កូនខ្មែរផងដែរមានសាខាជាច្រើនកន្លែងនៅទូទាំងប្រទេសកម្ពុជា។

ម្ចាស់អាជីវកម្មកាហ្វេមួយនេះមានឈ្មោះថា ទិត្យ សុធារ៉ា ដែលតុបតែងហាងបែបស៊ីវីល័យ ប៉ុន្តែអមជាមួយសិល្បៈបុរាណ​ផ្សារភ្ជាប់ជាមួយគ្នា។ សម្រាប់សាខាច្បារអំពៅរបស់កាហ្វេ ណ ចាប់បើកសាកល្បងតាំងពីថ្ងៃ ២៤ ខែ កញ្ញាឆ្នាំ ២០២១។

៤. Brown Coffee: មានទីតាំងតាមបណ្ដោយផ្លូវជាតិលេខ១ នៅក្បែរ​គម្រោង​បុរី​ប៉េងហួត បឹងស្នោ។ អាជីវកម្ម​ហាងកាហ្វេមួយនេះចាប់ផ្ដើមបើកតាំងពីឆ្នាំ២០០៩មកម្លេះ ដែលមានលោក ចាង ប៊ុនលាង ជាស្ថាបនិក និងជានាយកប្រតិបត្តិ ។ Brown Coffee បាន​ពង្រីកសាខា​ជាច្រើន​កន្លែង​ទាំងទីក្រុង​ភ្នំពេញ ខេត្តសៀមរាប និង​ខេត្តព្រះសីហនុ៕

អត្ថបទ៖ រ៉ាញ៉ែន

The post ជិះ​តាម​ផ្លូវជាតិលេខ ១ បើ​ចង់​ទទួលទាន​កាហ្វេឆ្ងាញ់ ឧកញ៉ា​ញូសន៍​ណែនាំ​ឲ្យ​ស្គាល់​ហាង​កាហ្វេប្រេន​ល្បីឈ្មោះ​ ៤ ទីតាំង appeared first on .

នៅ​ឆ្នាំ ២០០៤ ក្រុមហ៊ុន​បានបន្តពង្រីក​ខ្សែសង្វាក់ផលិតកម្មរបស់ខ្លួន​ដោយបានបង្កើត​ជាខ្សែសង្វាក់ផលិតកម្ម​ខ្នាតធំថ្មី មាន​ទីតាំងនៅតាម​បណ្តោយមហាវិថី​វេងស្រេង​សង្កាត់ចោមចៅ ខណ្ឌ​ពោធិ៍សែនជ័យ រាជធានីភ្នំពេញ។

បច្ចុប្បន្ន​ក្រុមហ៊ុន​ NCX ដែល​មាន​លោក ប៊េន កៀស្រ៊ីថាណាកន (Mr. Ben Kiasrithanakorn) ប្រធានក្រុមហ៊ុន មិន​ត្រឹមតែ​មានខ្សែ​សង្វាក់​ផលិតកម្ម​សម្រាប់​ដំឡើង​ម៉ូតូ​នោះទេ ប៉ុណ្ណោះ​ថែម​ទាំង​មាន​ខ្សែសង្វាក់​ផលិតកម្ម​សម្រាប់​ផលិត​គ្រឿង​បំណែកមួយចំនួនរបស់ម៉ូតូក្នុងទម្រង់ IKD1.5 ផងដែរ ធ្វើ​ឱ្យ​ក្រុមហ៊ុន​អាច​បង្កើត​ការងារ​ដល់​ប្រជាជនកម្ពុជា។ បច្ចុប្បន្ន ក្រុមហ៊ុន អិន ស៊ី អិច ប្រើប្រាស់​កំលាំង​ពលកម្ម​ជាង ១៣០០ នាក់។

គួរ​បញ្ជាក់​ថា ក្រុមហ៊ុន អិន ស៊ី អិច បាន​ក្លាយ​ជាក្រុមហ៊ុន​ដ៏ជោគជ័យ​ និង​ធំបំផុតមួយក្នុង ចំណោម​ក្រុមហ៊ុន​ដែលជោគជ័យ​និងធំៗ​នៅ​ប្រទេស​កម្ពុជា។
បច្ចុប្បន្ន​បាន​នាំ​ផលិតផលម៉ាកហុងដារាប់សិបប្រភេទរួមមានដូចជា Honda DREAM125, Honda WAVE100, Honda BeAT, Honda ZOOMER-X, Honda SCOOPYi, Honda CLICK125i, Honda CLICK150i, Honda PCX150, Honda ADV150, Honda MSX125SF & Honda CB150R៕

The post ហុង​ដា​នាំ​ម៉ូតូ​មកលក់​​ស្រុក​ខ្មែរ​តាំង​ពី​ឆ្នាំ ១៩៩២ រហូត​បង្កើត​រោងចក្រ​ផលិត​ម៉ូតូ​ដោយ​ខ្លួន​ឯង appeared first on .

សេវា​រដ្ឋបាល​ដែល​លោក គា បុរាណលើក​ឡើង​មាន​ដូចជា៖

១. ចំណាយ​កម្រៃ​សេវាពី ០.៥% ទៅ ១% នៃទំហំកម្ចី
២. សេវា​ចុះបន្ទុកការីនៅអង្គភាពសុរិយោដី
៣. សេវាមេធាវី
៤. សេវា​ធានារ៉ាប់រង​ប្រចាំ​ឆ្នាំ​
៥. សេវាឆែក​ CBC (Credit Bureau Cambodia)

បើ​តាម​លោកគា បុរណា ធនាគារ​ខ្លះ​យកការ​ប្រាក់​ទាប តែ​គេ​គិត​ថ្លៃ​សេវា​រដ្ឋបាល​ខ្ពស់ ចំណែកធនាគារ​ខ្លះ​យក​ការ​ប្រាក់ខ្ពស់​ តែ​គេ​អាច​លើកលែង​ថ្លៃ​សេវា​រដ្ឋបាល។ ការ​គិត​ថ្លៃ​សេវា​រដ្ឋបាល​នេះ​​មិន​អនុវត្ត​ជា​ទូទៅ​ទេ អាស្រ័​យ​តាម​​គោលការណ៍​ធនាគារនីមួយៗ រួម​ទាំងការ​ចរចារវាង​អតិថិជន​និង​សាមី​ធនាគារ​ផ្ទាល់។

លោក​គា បុរណា បាន​ក្រើនរំលឹក​ថា មុន​ទៅ​ស្វែង​រក​កម្ចីនៅ​ធនាគារ​ណាមួយ អតិថិជន​ត្រូវសាកសួរ​ព័ត៌មានលម្អិតឱ្យបានច្បាស់លាស់ ដើម្បីងាយស្រួលក្នុងការសម្រេចចិត្ត។

តាម​របាយការណ៍​ឆ្នាំ ២០២០ កម្ពុជាមានគ្រឹះស្ថានធនាគារនិងហិរញ្ញវត្ថុដែលរួមមាន ធនាគារពាណិជ្ជចំនួន៥១ ធនាគារឯកទេសចំនួន ១៤ គ្រឹះស្ថានមីក្រូហិរញ្ញវត្ថុទទួលប្រាក់បញ្ញើពីសាធារណជនចំនួន ៦ គ្រឹះស្ថានមីក្រូហិរញ្ញវត្ថុមិនទទួលប្រាក់បញ្ញើចំនួន ៧៦ និងគ្រឹះស្ថានឥណទានជនបទចំនួន ២៤៦៕

The post មក​ស្គាល់​ថ្លៃ​​សេវា​​រដ្ឋបាលទាំង ០៥​ នេះ​សិន អ្នក​ធ្លាប់​ខ្ចី​លុយ​ធនគារ​ទើប​ដឹង appeared first on .