១.    អ្នកប្រដាល់សញ្ជាតិអាមេរិក Floyd Mayweather ជាអ្នកប្រដាល់ដែលមានបំផុតនៅលើលោក ពោលកីឡាកររូបនេះមានទ្រព្យសម្បត្តិដល់ទៅចំនួន ៤០០លានដុល្លារ។ រយៈពេល ២១ឆ្នាំនៃការប្រកបអាជីពប្រដាល់ (ឆ្នាំ១៩៩៦ ដល់ឆ្នាំ២០១៧) Floyd បានឈ្នះជើងឯកពិភពលោកសំខាន់ៗចំនួន ១៥ដង រាប់ចាប់ពីប្រភេទទម្ងន់ស្រាល ដល់កម្រិតមធ្យម។

២.    អ្នកប្រដាល់សញ្ជាតិអាមេរិកដូចគ្នា George Foreman មានទ្រព្យសម្បត្តិប្រមាណ ៣០០លានដុល្លារ។ George ជាអ្នកប្រដាល់ជើងឯកទម្ងន់ធ្ងន់ពិភពលោកពីរសម័យកាល ម្ចាស់មេដាយមាសអូឡាំពិក និងក៏ជាសហគ្រិនមួយរូបផងដែរ។ យ៉ាងណា ប្រាក់ចំណូលពីការប្រកួតបានមកតិចតួចប៉ុណ្ណោះ បើធៀបទៅនឹងយីហោលក់គ្រឿងអេឡិចត្រូនិក George Foreman Grill របស់គាត់ ដែលអាចលក់បានដល់ទៅជាង ១០០លានគ្រឿងទូទាំងពិភពលោក។

៣.   អ្នក​ប្រដាល់​ទម្ងន់​មធ្យមរបស់​ម៉ិកស៊ិក Saul Alvarez ក៏មាន​ទ្រព្យសម្បត្តិខ្ទង់ ២៥០លាន​ដុល្លារ។ កីឡាកររូបនេះធ្លាប់ឈ្នះជើងឯក WBC, WBA ព្រមទាំងឈ្នះខ្សែក្រវ៉ាត់ទម្ងន់មធ្យម The Ring ។ Saul​ ជាម្ចាស់ស្ថានីយ៍ប្រេងឥន្ធនៈ Canelo Energy នៅម៉ិកស៊ិក និងក៏ជាអ្នកវិនិយោគទៅលើហាងតូចៗ (Mart)  សម្លៀកបំពាក់  និងកម្មវិធីហាត់ប្រាណផងដែរ។

៤.    អ្នកប្រដាល់ហ្វីលីពីន  Manny Pacquiao គឺជាអត្តពលិកអាស៊ីមានទ្រព្យសម្បត្តិសរុប ២២០លានដុល្លារ។ អ្នកប្រដាល់រូបនេះ ធ្លាប់ឈ្នះជើងឯកពិភពលោកចំនួនប្រាំបីលើក និងបានឈ្នះជើងឯក Linear ក្នុងប្រភេទទម្ងន់ចំនួនប្រាំផ្សេងៗគ្នា។ លើសពីនោះ Pacquiao ក៏ជាអ្នកនយោបាយ ដោយបានធ្វើជាសមាជិកព្រឹទ្ធសភាហ្វីលីពីនអស់រយៈពេលជាច្រើនឆ្នាំមកហើយ។

៥.    អ្នកប្រដាល់សញ្ជាតិអាមេរិកដើមកំណើតម៉ិកស៊ិក Oscar De La Hoya មានទ្រព្យសម្បត្តិសរុបចំនួន ២០០លានដុល្លារ។ Oscar ធ្លាប់ឈ្នះបានជើងឯកពិភពលោកចំនួន ១១ដងក្នុង ៦ប្រភេទទម្ងន់ផ្សេងៗគ្នា។ ចាប់តាំង​ពី​ចូល​និវត្តន៍​ អតីតកីឡាកររូបនេះ បាន​ប្តូរ​អាជីពយ៉ាងជោគជ័យទៅជា Promoter ប្រដាល់តាមរយៈក្រុមហ៊ុន Golden Boy Promotions របស់ខ្លួន៕

The post មកស្គាល់កំពូលកីឡាករប្រដាល់ មានទ្រព្យសម្បត្តិច្រើនដាច់គេលើលោក appeared first on .

យោងតាម​ការចុះផ្សាយ​ពី Celebritynetworth បានបង្ហាញថា ទ្រព្យសម្បត្តិ​របស់ Floyd មានប្រមាណ​ជិត ៥០០ លានដុល្លារ ខណៈ​ចំណូល​ពីអាជីពជាអ្នកប្រដាល់​វិញ គឺ​លោក​រកបាន​ប្រហែល ១,១ ពាន់លានដុល្លារ បើគិត​មកទល់​សព្វថ្ងៃ។

កាន់តែអស្ចារ្យ​ជាងនេះ គឺ​អ្នកប្រដាល់មិនធ្លាប់ចាញ់​ម្នាក់នេះ គឺជា​អត្តពលិកទី ៦ ដែល​រកចំណូល​ពី​វិស័យ​កីឡា​លើសពី ១ ពាន់លាន​ដុល្លារ និង​ជា​អត្តពលិក​ទទួល​បាន​កម្រៃពលកម្ម​ច្រើន​បំផុត​ប្រចាំប្រវត្តិសាស្ត្រ​ទី ៥ ផងដែរ។

សូមជម្រាបដែរថា អ្នកប្រដាល់​ប្រកួត ៥០ ដង​ ឈ្នះ​ទាំង ៥០ ដង​ខាងលើ គឺ​ជាមនុស្ស​សម្ភារៈនិយម​មួយរូប ដែល​តែងតែ​បង្ហោះ​អួត​វត្ថុ​មាន​តម្លៃ​ដូចជា ឡានទំនើប នាឡិកា​ដាំពេជ្រ និង​គ្រឿង​អលង្ការ​ជាច្រើន​លើ​បណ្ដាញ​សង្គម​ជា​ញឹកញយ៕

The post Floyd Mayweather រកចំណូលពីអាជីពអ្នកប្រដាល់ បានជាង ១ ពាន់លានដុល្លារ appeared first on .

ដោយសារ​រកបាន​ចំណូល​ច្រើន​សម្បើម​បែបនេះ​ ទើប​អ្នកប្រដាល់​អាមេរិក​មាន​ទម្លាប់​ចាយវាយ​ទូលាយ​ដៃ​ ដោយ​មាន​ផ្ទះ​ជាច្រើន​កន្លែង​ដូចជា​នៅ​ទីក្រុង Las Vegas តំបន់​សេដ្ឋី​ Manhattan និង​តំបន់​អចលនទ្រព្យ​ថ្លៃៗ Beverly Hills ជាដើម។

បើ​តាម​ការ​ចុះផ្សាយ​ពី Los Angeles Times កាលពី​ពេល​ថ្មីៗ​នេះ Floyd Mayweather ត្រូវ​បាន​រាយការណ៍​ថា ជា​ម្ចាស់​ភូមិគ្រឹះ​មួយ​កន្លែង​នៅ​តំបន់​ឆ្នេរ Miami ដែល​មាន​តំលៃ​ដល់​ទៅ ១៨ លាន​ដុល្លារ។

ភូមិគ្រឹះ​ដែល​ Floyd ទិញ​មាន​ទីតាំង​ស្ថិតនៅ​លើ​កោះ​សិប្បនិមិត្ត​ Palm Island ដែល​មាន​កម្ពស់​ ៣ ជាន់​ជាមួយ​ផ្ទៃក្រឡា​ទំហំ ១ ០២២ ម៉ែត្រការ៉េ ដែល​មាន​ទាំង​ដំបូល​ទំហំ​ដល់​ទៅ ៤៦៤,៥ ម៉ែត្រការ៉េ​ ងាយស្រួល​ដល់​ការ​រៀបចំ​កម្មវិធី​ជប់លៀង​ផ្សេងៗ​បាន​យ៉ាងស្រួល​។

បន្ថែម​ពី​នេះ ផ្ទះ​របស់​អ្នកប្រដាល់​វ័យ ៤៤ ឆ្នាំ​បំពាក់​មក​ជាមួយ​បន្ទប់គេង​ ៩ បន្ទប់ទឹក ១០ រោងកុន​មួយ បន្ទប់​លេងហ្គេម​ កន្លែងហាត់ប្រាណ និង​ជាពិសេស​គឺ​កន្លែង​ចតនាវា​ឯកជន​ដែល​អាច​ដាក់​បាន​រហូត​ដល់​ប្រហែង ៣០,៤៨ ម៉ែត្រ​ឯណោះ។

បើ​ចង់​ដឹង​កាន់តែ​ច្បាស់​ពី​ទិដ្ឋភាព​នៃ​ផ្ទះ​តម្លៃ ១៨ លាន​ដុល្លារ​របស់​ Floyd Mayweather សូម​ទស្សនា​វីដេអូ​ខាងក្រោម​ទាំង​អស់គ្នា​

ប្រភព: celebritynetworth

The post (វីដេអូ) ទិញ​ទៀត​ហើយ! ស្ដេច​ប្រដាល់​ Floyd ជះ​លុយ​ ១៨ លាន​ដុល្លារ​ទិញ​ផ្ទះ​មួយ​ទៀត​នៅ​ឆ្នេរ Miami ​អាច​ចតនាវា​ឯកជនបាន​ទៀត appeared first on .