ទីភ្នាក់ងារសារព័ត៌មាន Yonhap បានចុះផ្សាយថា ការលើកឡើងដូច្នេះ ក្រោយពីក្រុមហ៊ុនផលិតស្មានហ្វូតដ៏ធំបំផុតរបស់ពិភពលោកមួយនេះ បានបង្ហាញនូវរូបរាងស្មាតហ្វូន Samsung ជំនាន់ចុងក្រោយ Galaxy Z Fold 6 និង Galaxy Z Flip 6 ដែលមានរូបរាងស្តើងស្រាលបំផុត គួបផ្សំនឹងការបំពាក់នូវមុខងារ AI យ៉ាងសម្បូរបែប កាន់តែងាយស្រួលក្នុងការប្រើប្រាស់ និងរហ័សជាងមុន។ មិនត្រឹមតែប៉ុណ្ណោះ ក្រុមហ៊ុនក៏បានធ្វើការដាក់បង្ហាញនូវផលិតផលចិញ្ចៀន Galaxy Ring បំពាក់នូវបច្ចេកវិទ្យា Sensor ទំនើបបំផុតរបស់ក្រុមហ៊ុន ផ្តោតលើមុខងារថែទាំសុខភាព ដូចជាការវាស់ និងគ្រប់គ្រងគុណភាពនៃការគេង ព្រមទាំងចង្វាក់បេះដូង។

លើសពីនោះ លោក Roh Tae-moon បានសង្កត់ធ្ងន់លើមុខងារស្មាតហ្វូនត្រកូល Galaxy Z ស៊េរីថ្មីនេះថា វាបានដំណើរការដោយបន្ទះឈីបទំនើបចុងក្រោយបំផុតរបស់ក្រុមហ៊ុន Qualcomm ជំរុញឲ្យបច្ចេកវិទ្យា AI ដំណើរការកាន់តែប្រសើរ បង្កើនមុខងារកម្មវិធីទូទៅផ្សេងៗទៀតកាន់តែមានភាពងាយស្រួលក្នុងការប្រើប្រាស់។

គួរឲ្យដឹងផងដែរថា Samsung Electronics ជាក្រុមហ៊ុនផលិតស្មាតហ្វូនអាចបត់អេក្រង់បានដំបូងគេបង្អស់ចាប់តាំងពីឆ្នាំ២០១៩ មក។ ជាមួយគ្នានោះ បើយោងតាមរបាយការណ៍របស់ក្រុមហ៊ុនស្រាវជ្រាវទីផ្សារ Counterpoint បានឲ្យដឹងថា ស្មាតហ្វូនដែលអាចបត់អេក្រង់បានដូច្នេះ បានកើនឡើងនូវទំហំទីផ្សាររហូតដល់ទៅ៤៩% បើធៀបទៅនឹងឆ្នាំមុន៕

The post Samsung ដាក់គោលដៅលក់ស្មាតហ្វូនបត់អេក្រង់ត្រកូល Galaxy Z ឲ្យកើនឡើងដល់ចំនួន១០% នៅឆ្នាំនេះ appeared first on .

បន្ទាប់ពីបានធ្វើតេស្ត និងប៉ះផ្ទាល់នូវរូបរាងដ៏សែនស្រស់ស្អាតរបស់កំពូលស្មាតហ្វូនអេក្រង់បត់ជំនាន់ថ្មី  Galaxy Z Fold6 និង Galaxy Z Flip6 រួចមក តារាល្បីៗ ក៏ដូចជាភ្ញៀវកិតិ្តយសជាច្រើនរូប មានការភ្ញាក់ផ្អើលជាខ្លាំង ព្រមទាំងបានបង្ហាញចំណាប់អារម្មណ៍រំភើប ព្រោះបានឃើញផ្ទាល់ភ្នែកនូវសមត្ថភាពដ៏អស្ចារ្យ របស់កំពូលស្មានហ្វូនមានមុខងារយ៉ាងច្រើនសម្បូរបែប ជាពិសេសមុខងារ AI ឆ្លាតវៃសំខាន់ៗដូច្នេះ។

មុខងារ AI ដែលមានភាពឆ្លាតវៃ ទាន់សម័យ ដែលបំពាក់នៅលើកំពូលទូរសព្ទដៃ Galaxy Z Fold6 និង Galaxy Z Flip6 នោះមានដូចជា៖

• ទីមួយ New way to get things done:            

– Circle to Search៖ មុខងារស្វែងរកព័ត៌មាននៅលើ Google យ៉ាងងាយស្រួលតាមរយៈការគូររង្វង់លើអេក្រង់ និងអាចរៀបចំផែនការដំណើរកម្សាន្តបានម៉ាឆ្ងាញ់ តាមរយៈ AI ។ លើសពីនេះទៅទៀតក៏មានមុខងារAI : Note Assist, Transcript Assist, Browsing Assistជំនាន់ថ្មីដែលអាចសម្រួលក្នុងការធ្វើការប្រចាំថ្ងៃ

• ទីពីរ New way to Create:         

– Smart Select & AI Drawing៖ មុខងារថតយកទីតាំងណាមួយនៅលើអេក្រង់ ទូរសព្ទដោយធ្វើការគូសនៅលើទីតាំងមួយនោះ។ AI Drawing មុខងារបង្កើតរូបអ្វីមួយតាមរយៈ AI ដោយគ្រាន់តែគូសចេញជារូបរាងមួយ

– Photo Assist៖ មុខងារកែប្រែ ផ្លាស់ប្ដូរទីតាំង ឬលុបរូបភាពខ្លះៗតាមរយៈ AI និងមានបន្ថែមមុខងារប្ដូរទម្រង់មុខមនុស្សទៅជាទម្រង់បែប Comic/3D cartoon / Watercolor / Caricature

• ទីបី New way to Communicate:

– Interpreter៖ មុខងារបកប្រែភាសាដោយផ្ទាល់ ទាំងសំឡេង និងជាអក្សរ អាចបើកបង្ហាញបានម្ដងទាំងពីរអេក្រង់ (Dual screen mode)

– Live Translate & Call Assist៖ មុខងារបកប្រែភាសាតាមរយៈការ Call និងមានបន្ថែមមុខងារកាត់បន្ថយសំឡេងរំខានបានកាន់តែល្អជាងមុន

– Chat Assist៖ មុខងារបកប្រែភាសា ប្ដូរស្ទាយសរសេរ សម្រួលវេយ្យាករណ៍ តាមរយៈការផ្ញើសារ និងជួយរៀបចំទម្រង់នៃការសរសេរ (Format) តាមរយៈ (Composer) នៅក្នុង chat Assist

សូមជម្រាបជូនសាធារណៈជនឲ្យបានជ្រាបថា Galaxy Z Fold6 និង Galaxy Z Flip6 កំពុងតែមានការដាក់ Pre-Order ចាប់ពីថ្ងៃជូនដំណឹងនេះ រហូតដល់ថ្ងៃទី៣០ ខែកក្កដា ឆ្នាំ២០២៤ ដោយលោកអ្នកគ្រាន់តែជាវភ្លាម នឹងទទួលបានការថែមជូនពិសេសៗត្រឡប់ទៅវិញជាច្រើន។

តួយ៉ាង ប្រសិនបើលោកអ្នកជាវទូរស័ព្ទម៉ូដែល Galaxy Z Fold6 នោះនឹងទទួលបានការបញ្ចុះតម្លៃ១០០$ (ការបញ្ចុះតម្លៃនេះបានគិតបញ្ចូលទៅក្នុងតម្លៃលក់លើទីផ្សារ), នាឡិកា Galaxy Fit3 ដ៏ស្រស់ស្អាត, Original Travel Adapter 25W + Original Slim S Pen Case, ការធានាលើអេក្រង់ ១ឆ្នាំ គិតចាប់ពីថ្ងៃទិញ (ទោះបីខូចក្នុងលក្ខខណ្ឌណាក៏ដោយ) និងទទួលបានគម្រោង Smart Package (Internet 4GB/ខែ រយៈពេល ១ឆ្នាំ ចាប់ពីថ្ងៃទិញទូរសព្ទ)។

មួយវិញទៀត ប្រសិនបើលោកអ្នកជាវទូរស័ព្ទម៉ូដែល Galaxy Z Flip6 នោះនឹងទទួលបានការបញ្ចុះតម្លៃ ៨០$ (ការបញ្ចុះតម្លៃនេះបានគិតបញ្ចូលទៅក្នុងតម្លៃលក់លើទីផ្សារ), នាឡិកា Galaxy Fit3 ដ៏ស្រស់ស្អាត, Original Travel Adapter 25W + Original Flipsuit Case, ការធានាលើអេក្រង់ ១ឆ្នាំ គិតចាប់ពីថ្ងៃទិញ (ទោះបីខូចក្នុងលក្ខខណ្ឌណាក៏ដោយ) និងទទួលបានគម្រោង Smart Package (Internet 4GB/ខែ រយៈពេល ១ឆ្នាំ ចាប់ពីថ្ងៃទិញទូរសព្ទ)។

សម្រាប់អតិថិជនទាំងអស់ក៏អាចអញ្ជើញមកទស្សនាផលិតផលដោយផ្ទាល់ ឬតេស្តដោយផ្ទាល់នៅ “Galaxy Pop Up Store” ដែលមានទីតាំងនៅក្នុងផ្សារទំនើប Chip Mong Mega Mall 271 ជាន់ផ្ទាល់ដីចាប់ពីថ្ងៃទី១១ ខែកក្កដា រហូតដល់ថ្ងៃទី២៨ ខែកក្កដា ឆ្នាំ២០២៤ ៕

The post Samsung ប្រកាសចេញនូវស្មាតហ្វូនត្រកូល Galaxy Z អេក្រង់បត់ជំនាន់ថ្មី បំពាក់នូវមុខងារ AI ឆ្លាតវៃ ត្រៀមអង្រួនទីផ្សារពិភពលោក appeared first on .