មហាសេដ្ឋី George Soros ប្រកាសទិញភាគហ៊ុនក្រុមហ៊ុនផលិតរថយន្តអគ្គិសនី Rivian ប្រហែល ២ ពាន់លានដុល្លារ

ឧកញ៉ាសំពៅ — Sat, 12 Feb 2022 07:56:26 +0000

កាលពីថ្ងៃសុក្រកន្លងទៅ មហាសេដ្ឋី និងជាវិនិយោគិនដ៏ល្បីឈ្មោះម្នាក់មានឈ្មោះ George Soros បានប្រកាសឲ្យដឹងថា លោកបានទិញភាគហ៊ុននៃរោងចក្រផលិតរថយន្តអគ្គិសនីថ្មីមួយមានឈ្មោះ Rivian ជិត ២០ លានហ៊ុន។

ចំនួនជាក់លាក់ដែលមហាសេដ្ឋីខាងលើបានទិញគឺ ១៩ ៨៣៥ ៧៦១ ហ៊ុន បើគិតជាទឹកប្រាក់ប្រហែល ២ ពាន់លានដុល្លារ ដែលធ្វើឲ្យក្រុមហ៊ុនSoros Fund Managementក្លាយជាម្ចាស់ភាគហ៊ុនធំបំផុតមួយនៃក្រុមហ៊ុនដែលមិនទាន់ផលិតឡានដើម្បីលក់សូម្បីមួយគ្រឿងមួយនេះ។

ថ្វីបើមិនទាន់ផលិតរថយន្តសម្រាប់លក់នៅឡើយ ក៏ប៉ុន្តែ Rivian ត្រូវបានគេរំពឹងថានឹងអាចផ្ដល់ឲ្យក្រុមហ៊ុន Amazon.com Inc នូវរថយន្តដឹកទំនិញប្រភេទអគ្គិសនីច្រើនជាង ១០០ ០០០ គ្រឿងនាថ្ងៃខាងមុខ ខណៈ Amazon ក៏ជាគ្រប់គ្រងចំណែកភាគហ៊ុននៃ Rivian ២០% ផងដែរ។

បញ្ជាក់ដែរថា ភាគហ៊ុនរបស់ Rivian បានធ្លាក់ចុះ ៩% កាលពីថ្ងៃសុក្រ ហើយធ្លាក់ចុះ ៤៣%សម្រាប់ឆ្នាំនេះ ស្របពេល បើធៀបនឹងតម្លៃភាគហ៊ុនខ្ពស់បំផុតដែលធ្លាប់មាន បានធ្លាក់ចុះ ៦៧%ពីតម្លៃ ១៧៩,៤៦ ដុល្លារ ដែលធ្លាប់កើតមាននៅថ្ងៃទី ១៦ ខែវិច្ឆិកា បន្ទាប់ពីវាបានបង្កើន ១២ ពាន់លានដុល្លារអាមេរិកនៅក្នុងការចេញលក់ភាគហ៊ុនដ៏ធំបំផុតនៅឆ្នាំ ២០២១៕

ប្រភព: CNA

The post មហាសេដ្ឋី George Soros ប្រកាសទិញភាគហ៊ុនក្រុមហ៊ុនផលិតរថយន្តអគ្គិសនី Rivian ប្រហែល ២ ពាន់លានដុល្លារ appeared first on .

មហាសេដ្ឋី George Soros ឲ្យតម្រុយ កុំវិនិយោគលើវិស័យអចលនទ្រព្យនៅចិនពេលនេះ

ឧកញ៉ាសំពៅ — Wed, 02 Feb 2022 07:10:59 +0000

កាលពីថ្ងៃទី ១ កុម្ភៈ មហាសេដ្ឋី George Soros បានព្រមានសម្រាប់ការវិនិយោគនៅក្នុងប្រទេសចិន បន្ទាប់មើលឃើញពីឱនភាពនៃវិស័យអចលនទ្រព្យនៃប្រទេសមហាអំណាចមួយនេះ។

តួយ៉ាងក្រុមហ៊ុនអចលនទ្រព្យយក្ស Evergrande កំពុងមានភាពលំបាកជាខ្លាំងសម្រាប់ការសងបំណុល ក្រោយរដ្ឋាភិបាលចេញច្បាប់ថ្មីទាក់ទងនឹងការរឹតបន្តឹងលើវិស័យអចលនទ្រព្យ ដែលធ្វើឲ្យវិស័យសេដ្ឋកិច្ចលើទីផ្សារមួយនេះមានភាពច្របូកច្របល់ខ្លាំង។

ថ្លែងសន្ទរកថានៅសកលវិទ្យាល័យ Standford University’s Hoover Institution លោក Soros បាននិយាយថា ប្រធានាធិបតី Xi Jinping ប្រហែលជាមិនអាចស្ដារស្ថិរភាពដែលវិស័យអចលនទ្រព្យកំពុងមានភាពរញ៉េរញ៉ៃនេះបានឡើយ ដោយសារពេលនេះកំពុងមានការរំអុកខ្លាំងពីខាងអ្នកសាងសង់ ស្របពេលតម្លៃដី និងអាផាតមិនផ្សេងៗកំពុងធ្លាក់ចុះឥតថមថយ។

វីរបុរសវិនិយោគិនខាងលើបានអះអាងថា ការវិនិយោគលើជំនួញកាន់តែច្រើននៅក្នុងប្រទេសចិននាពេលនេះ គឺមានហានិភ័យកាន់តែខ្លាំង ស្របពេលលោកបានរិះគន់រដ្ឋាភិបាលប៉េកាំងយ៉ាងចាស់ដៃទៅលើគោលនយោបាយឃ្លាំមើល និងបង្ក្រាបនូវជំនួញអាជីវកម្មនានានាពេលកន្លងមក៕

ប្រភព: latestly

The post មហាសេដ្ឋី George Soros ឲ្យតម្រុយ កុំវិនិយោគលើវិស័យអចលនទ្រព្យនៅចិនពេលនេះ appeared first on .

George Soros

មហាសេដ្ឋី George Soros ប្រកាស​ទិញ​ភាគហ៊ុន​ក្រុមហ៊ុន​ផលិត​រថយន្ត​អគ្គិសនី Rivian ​ប្រហែល ២ ពាន់​លាន​ដុល្លារ

មហាសេដ្ឋី George Soros ​ឲ្យ​តម្រុយ​ ​កុំ​វិនិយោគ​លើ​វិស័យ​អចលនទ្រព្យនៅ​​ចិន​ពេលនេះ

មហាសេដ្ឋី George Soros ប្រកាសទិញភាគហ៊ុនក្រុមហ៊ុនផលិតរថយន្តអគ្គិសនី Rivian ប្រហែល ២ ពាន់លានដុល្លារ

មហាសេដ្ឋី George Soros ឲ្យតម្រុយ កុំវិនិយោគលើវិស័យអចលនទ្រព្យនៅចិនពេលនេះ