Howard Schultz

មហាសេដ្ឋីអាមេរិក លាលែងតំណែងពីក្រុមប្រឹក្សាភិបាលក្រុមហ៊ុន Starbucks

ឧកញ៉ាសំពៅ — Thu, 14 Sep 2023 05:55:00 +0000

កាលពីថ្ងៃពុធ ទី១៣ ខែកញ្ញា ក្រុមហ៊ុនកាហ្វេលំដាប់ពិភពលោក Starbucks បានប្រកាសថា មហាសេដ្ឋី Howard Schultz អតីត CEO ប្រចាំក្រុមហ៊ុន បានសម្រេចចិត្តលាលែងពីតំណែងនៅក្រុមប្រឹក្សាភិបាលហើយ។

យោងតាមការចុះផ្សាយពីសារព័ត៌មាន CNN បានរាយការណ៍ថា បើទោះជាលោក Schultz សម្រេចចិត្តចូលនិវត្តន៍ក្ដី ប៉ុន្តែក្រុមហ៊ុន Starbucks នៅតែតែងតាំងលោកជា ប្រធានកិត្តិយសពេញមួយជីវិត។

ការលាលែងតំណែងរបស់មហាសេដ្ឋីអាមេរិករូបនេះ គឺធ្វើឡើងតាមដែលផែនការគ្រោងទុក ខណៈកាលពីខែមីនាកន្លងទៅ លោកក៏បានចុះចេញពីតំណែងជា CEO ប្រចាំក្រុមហ៊ុនផងដែរ។

ជាមួយគ្នានោះ ក្រុមហ៊ុន Starbucks បានអះអាងថា អតីត CEO រូបនេះយកពេលដែលចូលនិវត្តន៍ ដើម្បីជួយការងារភរិយារបស់លោក អ្នកស្រី Sheri សម្រាប់ការវិនិយោគសប្បុរសធម៌ និងសហគ្រិនភាព។

សូមជម្រាបដែរថា Starbucks បានជ្រើសយកលោកស្រី Wei Zhang ទីប្រឹក្សាជាន់ខ្ពស់របស់ក្រុមហ៊ុន Alibaba Group និងធ្លាប់កាន់តំណែងជាប្រធានក្រុមហ៊ុន Alibaba Pictures Group មកកាន់តំណែងបន្តពីលោក Schultz ជាក្រុមប្រឹក្សាភិបាល ពីថ្ងៃទី០១ ខែតុលាតទៅ៕

The post មហាសេដ្ឋីអាមេរិក លាលែងតំណែងពីក្រុមប្រឹក្សាភិបាលក្រុមហ៊ុន Starbucks appeared first on .

ពីចំណុចសូន្យ វិវត្តជាមហាសេដ្ឋី! ឧកញ៉ាញ៉ូវស៍ បើកកកាយត្រួសៗប្រវត្តិបុគ្គលជោគជ័យ ៥ រូប

ឧកញ៉ាសំពៅ — Mon, 03 Apr 2023 04:21:00 +0000

ការធ្វើអាជីវកម្មពីបាតដៃទទេ វាមិនមែនជារឿងងាយស្រួលឡើយ ហើយមានកត្តាជាច្រើនដែលអាចជួយឲ្យជំនួញមួយអាចជោគជ័យទៅបាន ដូចជាការចេះឆក់យកឱកាស សំណាង និងទេពកោសល្យ។

តួយ៉ាង បុគ្គល ៥ រូបដែលឧកញ៉ាញ៉ូវស៍ នឹងលើកយកមករៀបរាប់ត្រួសៗបន្តិចទៀតនេះ គឺបានចាប់ផ្ដើមធ្វើជំនួញពីបាតដៃទទេសុទ្ធសាធ តែបច្ចុប្បន្នពួកគេកំពុងតែអង្គុយសោយសុខលើគំនរមាសប្រាក់យ៉ាងហូរហៀរ។

១/ Jack Ma

មហាសេដ្ឋីជនជាតិចិន បច្ចុប្បន្នមានទ្រព្យសម្បត្តិប្រមាណ ២៥,៤ ពាន់លានដុល្លារ ហើយទម្រាំឈានចូលដល់ថ្ងៃនេះ ស្ថាបនិក Alibaba ហែលកាត់ព្យុះភ្លៀងមិនតិចសារឡើយ។ Jack Ma ធ្លាប់បាននិយាយជារឿយៗថា លោកមិនដែលបោះបង់ក្ដីស្រមៃឡើយ ហើយលោកគឺជាមនុស្សមិនងាយចុះចាញ់នឹងព្រេងវាសនាដូចគ្នា។

នៅចាំបានថា ពេល KFC បើកហាងនៅប្រទេសចិន មនុស្ស ២៤ នាក់បានដាក់ពាក្យធ្វើការ មាន២៣ នាក់ទទួលបានការងារ ប៉ុន្តែ Jack Ma បែរជាមិនជាប់ ហើយលោកក៏ធ្លាប់ទទួលការបដិសេធពីសាកលវិទ្យាល័យ Harvard ដល់ទៅ ១០ ដងផងដែរ។ ប៉ុន្តែដោយសារការតស៊ូ សព្វថ្ងៃបុរសម្នាក់នេះក្លាយជាម្ចាស់ក្រុមហ៊ុនពាណិជ្ជកម្មអេឡិចត្រូនិកធំបំផុតទី ៣ លើលោក។

២/ Oprah Winfrey

នាយកប្រតិបត្តិ The Oprah Winfrey Network និង Harpo Productions មានទ្រព្យសម្បត្តិសរុបប្រមាណ ២,៥ ពាន់លានដុល្លារ ប៉ុន្តែប្រវត្តិរបស់សេដ្ឋីនីម្នាក់នេះ មិនមែនរស់ស្រួលប៉ុន្មានឡើយ។

មុននឹងមានថ្ងៃនេះ Winfrey ធ្លាប់ទទួលបានការរើសអើងពូជសាសន៍ ធ្លាប់ជួបប្រទះនឹងភាពអត់ឃ្លាន និងសូម្បីតែមានគេបៀតបៀនផ្លូវភេទថែមទៀត។ ប៉ុន្តែបច្ចុប្បន្ន អ្នកស្រីគឺជា Idol របស់មនុស្សរាប់លាននាក់ និងជាពិធីការនីដែលទទួលបានការស្រលាញ់ចូលចិត្តពីប្រជាជនទូទាំងពិភពលោក។

៣/ Jan Koum

ស្ថាបនិក WhatsApp គឺបានដឹងក្ដីឡើងនៅភូមិតូចមួយនៅជាយក្រុង Kyiv ប្រទេសអ៊ុយក្រែន ដែលបច្ចុប្បន្នកំពុងស្ថិតក្រោមការវាយលុកពីប្រទេសរុស្ស៊ី។ បុរសម្នាក់នេះបានធ្វើចំណាកស្រុកមកសហរដ្ឋអាមេរិកតាំងពីក្មេង ហើយចិញ្ចឹមជីវិតដោយការធ្វើការងារកំប៉ិកកំប៉ុកឲ្យតែបានប្រាក់ទិញបាយហូប។

ដោយសារចិត្តស្រលាញ់ និងមានដុងពីធម្មជាតិលើវិស័យបច្ចេកវិទ្យា Koum បានបង្កើត WhatsApp ឡើង និងបានលក់ឲ្យ Facebook ក្នុងតម្លៃប្រមាណ ១៩ ពាន់លានដុល្លារ ហើយបច្ចុប្បន្នលោកមានទ្រព្យសម្បត្តិសរុប ១៣,៨ពាន់លានដុល្លារ។

៤/ Ritesh Aggarwal

មិនសូវខុសគ្នាពី Koum ឡើយ ដោយបុរសជនជាតិឥណ្ឌាម្នាក់នេះធំធាត់នៅទីក្រុងតូចមួយ ហើយប្រកបអាជីពជាក្មេងលក់ស៊ីមកាត មុនពេល Ritesh បង្កើត OYO នៅក្នុងឆ្នាំ ២០១៣ ហើយបច្ចុប្បន្នលោកគឺជាមហាសេដ្ឋីវ័យក្មេងបំផុតមួយរូបប្រចាំប្រទេសឥណ្ឌា ជាមួយប្រាក់ហូរហៀរ ២ពាន់លានដុល្លារ។

៥/ Howard Schultz

អាចនិយាយបានថា បុរសម្នាក់នេះហាក់មានជីវភាពលំបាកជាងគេបន្តិច ដោយសារឪពុកម្ដាយរបស់លោកមិនអាចសូម្បីតែមានលទ្ធភាពជួលផ្ទះ ហើយពេលខ្លះអត់សូម្បីតែអាហារមួយពេលបំពេញក្រពះ។

ទម្រាំក្លាយជាម្ចាស់ហាងកាហ្វេល្បីបំផុតទូទាំងពិភពលោក Starbucks ដូចពេលនេះ Howard បានខិតខំពុះពារឧបសគ្គអស់ជាច្រើន។ យោងតាមរបាយការណ៍ពី Forbes បានអះអាងថា ទ្រព្យសម្បត្តិរបស់មេធំ Starbucks ម្នាក់នេះគឺមានប្រហែល ៤ ពាន់លានដុល្លារ៕

The post ពីចំណុចសូន្យ វិវត្តជាមហាសេដ្ឋី! ឧកញ៉ាញ៉ូវស៍ បើកកកាយត្រួសៗប្រវត្តិបុគ្គលជោគជ័យ ៥ រូប appeared first on .

Starbucks រកបានអ្នកស្នងតំណែង CEO បន្តពីមហាសេដ្ឋី Howard Schultz

ឧកញ៉ាសំពៅ — Mon, 05 Sep 2022 13:55:00 +0000

អស់ពេលជាច្រើនឆ្នាំដែលលោក Howard Schultz ធ្លាប់បានកាន់តំណែងជាន់ខ្ពស់នៅក្រុមហ៊ុន Starbucks ហើយតាំងពីបើកទំព័រឆ្នាំ ២០២២ មក មហាសេដ្ឋីម្នាក់នេះបានកាន់តំណែងជា CEO បណ្ដោះអាសន្នប្រចាំហាងកាហ្វេលំដាប់ពិភពលោកនេះទៀតផង។

យ៉ាងណា កាលពីពេលថ្មីៗនេះ Starbucks បានទម្លាយថា ពួកគេនឹងជួយសម្រាលការងាររបស់មហាសេដ្ឋីអាមេរិកាំងខាងលើ ដោយរកបានអ្នកស្នងតំណែងបន្ទាប់ជានាយកប្រតិបត្តិក្រុមហ៊ុនគឺលោក Laxman Narasimhan ជនជាតិឥណ្ឌាកាត់អាមេរិកាំង។

បុរសដែលនឹងមកគ្រងតំណែងជាន់ខ្ពស់នៅ Starbucks ក៏ធ្លាប់ជា CEO នៃក្រុមហ៊ុនដទៃផងដែរ ប៉ុន្តែរកស៊ីលើវិស័យខុសគ្នា ពោលធ្លាប់ជានាយកប្រតិបត្តិនៃក្រុមហ៊ុន Reckitt ដែលរកស៊ីលើវិស័យសុខាភិបាល។

ដោយឡែកសម្រាប់ការចូលមកធ្វើការនៅ Starbucks វិញ បុរសកូនកាត់ខាងលើនឹងត្រូវមកសិក្សាការងារបន្ថែមជាមុនសិន ពោលនឹងមកចូលរួមការងារនៅ Starbucks ក្នុងខែតុលាដើម្បីសិក្សាពីផែនការរបស់ក្រុមហ៊ុន មុនចូលកាន់តំណែងធំនៅខែមេសា។

ដូច្នេះមានន័យថា លោក Howard នឹងនៅបន្តជា CEO បណ្ដោះអាសន្ន រហូតដល់លោក Narasimhan អាចចូលមកកាន់តំណែងមួយនេះនៅខែមេសា ខណៈមហាសេដ្ឋីអាមេរិកាំងនឹងនៅបន្តជាសមាជិកក្រុមប្រឹក្សាភិបាលប្រចាំក្រុមហ៊ុន បើទោះជាតំណែងជា CEO នឹងត្រូវប្រគល់ជូនបុគ្គលិកថ្មីក៏ដោយ៕

The post Starbucks រកបានអ្នកស្នងតំណែង CEO បន្តពីមហាសេដ្ឋី Howard Schultz appeared first on .

Howard Schultz

មហាសេដ្ឋីអាមេរិក លាលែងតំណែងពីក្រុមប្រឹក្សាភិបាលក្រុមហ៊ុន Starbucks

ពី​ចំណុច​សូន្យ វិវត្ត​ជា​មហាសេដ្ឋី! ឧកញ៉ាញ៉ូវស៍ បើក​កកាយ​ត្រួសៗ​ប្រវត្តិ​បុគ្គល​ជោគជ័យ ៥ រូប ​

Starbucks រកបានអ្នកស្នងតំណែង CEO បន្តពីមហាសេដ្ឋី Howard Schultz

ពីចំណុចសូន្យ វិវត្តជាមហាសេដ្ឋី! ឧកញ៉ាញ៉ូវស៍ បើកកកាយត្រួសៗប្រវត្តិបុគ្គលជោគជ័យ ៥ រូប