យោងតាមរបាយការណ៍ប្រាក់ចំណូលចុងក្រោយមួយរបស់ខ្លួន ក្រុមហ៊ុនបច្ចេកវិទ្យាខ្នាតយក្សរបស់អាមេរិកមួយនេះ រំពឹងថានឹងកាត់បន្ថយចំនួនបុគ្គលិកទូទាំងពិភពលោករបស់ខ្លួនចន្លោះពី ៤ ០០០ ទៅ ៦ ០០០ នាក់នៅឆ្នាំសារពើពន្ធ ២០២៨ ដើម្បីផ្តោតលើការទទួលយក AI ដើម្បីបង្កើននវានុវត្តន៍ និងការពេញចិត្តរបស់អតិថិជន។

ទន្ទឹមនឹងនេះ​លោក Enrique Lores នាយកប្រតិបត្តិ HP បានមានប្រសាសន៍ក្នុងអំឡុងពេលនិយាយទៅកាន់សន្និសីទសារព័ត៌មានថា បច្ចុប្បន្នក្រុមហ៊ុនរបស់លោក កំពុងផ្តោតលើការអភិវឌ្ឍផលិតផល ប្រតិបត្តិការផ្ទៃក្នុង និងការគាំទ្រអតិថិជន ដែលផែនការទាំងអស់នេះ​អាចនឹងរងផលប៉ះពាល់ដល់បុគ្គលិកជុំវិញការកាត់បន្ថយការងារ។

លោក Lores បានបន្ថែមឲ្យដឹងទៀតថា ៖”យើងរំពឹងថាគំនិតផ្តួចផ្តើមនេះ នឹងបង្កើតការសន្សំអត្រាប្រតិបត្តិការសរុបចំនួន ១ពាន់លានដុល្លារ ក្នុងរយៈពេលបីឆ្នាំខាងមុខ”។

គួរឲ្យដឹងថា ក្រុមហ៊ុន HP ក៏ធ្លាប់បានបញ្ឈប់បុគ្គលិកបន្ថែមចំនួន ១ ០០០ ទៅ ២ ០០០ នាក់រួចទៅហើយ នៅក្នុងខែកុម្ភៈ ដែលជាផ្នែកមួយនៃផែនការរៀបចំរចនាសម្ព័ន្ធឡើងវិញដែលបានប្រកាសពីមុន។

ជម្រាបជូនថា ក្រុមហ៊ុនបច្ចេកវិទ្យាធំៗផ្សេងទៀត រួមមាន Google, Microsoft និង Amazon ក៏បានប្រកាសពីការកាត់បន្ថយកម្លាំងពលកម្មក្នុងរយៈពេលពីរឆ្នាំកន្លងមកនេះ ដោយក្រុមហ៊ុនទាំងនោះបានលើកឡើងពីតម្រូវការក្នុងការបែងចែកធនធានឡើងវិញ រួមទាំងការងារ និងការឆ្ពោះទៅរកគំនិតផ្តួចផ្តើម AI៕​

The post ក្រុមហ៊ុនខ្នាតយក្ស HP គ្រោងកាត់បន្ថយបុគ្គលិករាប់ពាន់នាក់ ដោយសារការកើនឡើងនៃ AI appeared first on .

យោងតាមការចុះផ្សាយពីសារព័ត៌មាន Reuters បានបង្ហាញថា ក្រុមហ៊ុន HP ចង់បានការប៉ះប៉ូវ ចំពោះការទិញយកក្រុមហ៊ុនពីគ្រួសារមហាសេដ្ឋីម្នាក់នេះ ដោយសាររកឃើញថាមានការរំលោភទំនុកចិត្ត និងករណីឆបោក អំពីកិច្ចកុងត្រាមួយនេះ។

គួររំលឹកបន្តិចថា កាលពីឆ្នាំ២០១១ ក្រុមហ៊ុន HP បានទិញយកក្រុមហ៊ុនរបស់មហាសេដ្ឋី Mike Lynch ក្នុងទំហំទឹកប្រាក់ ១១ពាន់លានដុល្លារ តែរំលងបានមួយឆ្នាំ ក្រុមហ៊ុនអាមេរិករកឃើញថា មានករណីឆបោកទឹកប្រាក់ជាច្រើន នៅក្នុងក្រុមហ៊ុនរបស់អតីតមហាសេដ្ឋីអង់គ្លេសរូបនេះ។

រហូតដល់ឆ្នាំ២០២២ ក្រុមហ៊ុន HP បានយកឈ្នះក្ដីស៊ីវិល ជាមួយលោក Lynch តែតុលាការកំពូល បានបង្ហើបឲ្យដឹងថា ប្រាក់សំណងនាពេលនោះ គឺបានតិចតួចមែនទែន បើធៀបនឹងការទាមទារ ចំនួន ៥ពាន់លានដុល្លារ ពីក្រុមហ៊ុន HP៕

The post ក្រុមហ៊ុន HP ទាមទារសំណង ៤ពាន់លានដុល្លារ ពីគ្រួសារមហាសេដ្ឋីអង់គ្លេសម្នាក់ appeared first on .

ក្រុមហ៊ុន HP ដែលកំពុងផ្តល់ប្រាក់ខែទៅឱ្យបុគ្គលិកប្រហែល ៦១ ០០០ នាក់ បាននិយាយថា ខ្លួនមានគោលបំណងចង់ធានាបាន នូវការសន្សំសំចៃប្រចាំឆ្នាំឱ្យបាន ១,៤ ពាន់លានដុល្លារ រហូតដល់ឆ្នាំ ២០២៥ ជាពិសេសនៅពេលដែលក្រុមហ៊ុនអាមេរិកមួយនេះ បានព្យាយាមដើរតាមគន្លងរបស់ក្រុមហ៊ុនបច្ចេកវិទ្យាខ្នាតយក្សផ្សេងទៀតដូចជា Meta , Amazon និង Twitter ដើម្បីកាត់បន្ថយការចំណាយ ។

លោក Enique Lores នាយកប្រតិបត្តិរបស់ក្រុមហ៊ុន HP បាននិយាយ នៅក្នុងសេចក្តីថ្លែងការណ៍មួយថា ៖ ” ផែនការនៃការកាត់បន្ថយបុគ្គលិកនេះ គឺធ្វើអាចឱ្យយើងបម្រើអតិថិជនកាន់តែប្រសើ និងជំរុញដល់ការបង្កើតតម្លៃការងាររយ:ពេលវែង ជាមួយនឹងកាត់បន្ថយការចំណាយ ហើយក៏អាចធ្វើឱ្យយើង ធ្វើការវិនិយោគឡើងវិញ ក្នុងគំនិតផ្តួចផ្តើមថ្មីៗ ដើម្បីអាចដាក់ទីតាំងអាជីវកម្មរបស់យើង សម្រាប់ពេលអនាគត ” ។

HP ដែលជាក្រុមហ៊ុនផលិត Hardware កុំព្យូទ័រ និងម៉ាស៊ីនបោះពុម្ព បានប្រកាសពីផែនការបញ្ឈប់បុគ្គលិកនេះ បន្ទាប់ពីប្រាក់ចំណូលរបស់ខ្លួន បានធ្លាក់ចុះ ១១,២% មកត្រឹមចំនួន ១៤,៨ ពាន់លានដុល្លារ សម្រាប់ត្រីមាសចុងក្រោយ នៅឆ្នាំ ២០២២នេះ។

ជម្រាបជូនផងដែរថា ក្រុមហ៊ុន Meta បាននិយាយកាលពីដើមខែនេះថា ខ្លួននឹងបញ្ឈប់បុគ្គលិកជាង ១១ ០០០ នាក់ ស្របពេលក្រុមហ៊ុន Twitter វិញ បានបណ្តេញចេញបុគ្គលិកពាក់កណ្តាល នៃចំនួនបុគ្គលិកសរុប ៧ ៥០០ នាក់ ត្រឹមតែប៉ុន្មានថ្ងៃប៉ុណ្ណោះ បន្ទាប់ពីមហាសេដ្ឋី Elon Musk ចូលកាន់កាប់ នៅចុងខែតុលា ៕

The post HP ដើរតាមគន្លងក្រុមហ៊ុនបច្ចេកវិទ្យាខ្នាតយក្សអាមេរិកផ្សេងទៀត ក្នុងការកាត់បន្ថយបុគ្គលិក appeared first on .