ធនាគារលំដាប់កំពូល HSBC ប្រកាសបិទសាខា ១១៤ កន្លែង នៅអង់គ្លេស ក្នុងឆ្នាំ ២០២៣ ខាងមុខ

ឧកញ៉ាសាមញ្ញ — Thu, 01 Dec 2022 10:55:00 +0000

កាលពីថ្ងៃពុធ ទី ៣០ ខែវិច្ឆិកា ធនាគារ HSBC បានធ្វើការប្រកាសថា នឹងបិទសាខាចំនួន ១១៤ កន្លែង នៅក្នុងប្រទេសអង់គ្លេស ចាប់ពីខែមេសា ឆ្នាំ ២០២៣ ខាងមុខ ដើម្បីព្យាយាមកាត់បន្ថយការចំណាយ។ នេះបើយោងតាមការចុះផ្សាយពីសារព័ត៌មាន Reuters ។

HSBC រួមជាមួយធនាគារដៃគូផ្សេងទៀត ដូចជា Lloyds Banking Group ក៏បានប្រកាសបិទសាខារបស់ខ្លួនផងដែរ ក្នុងរយ:ពេលប៉ុន្មានខែថ្មីៗនេះ ដោយសារតែអតិថិជនកាន់តែច្រើនឡើង កំពុងផ្លាស់ប្តូរការប្រើប្រាស់សេវាកម្មធនាគារ តាមរយ:ប្រព័ន្ធអនឡាញជំនួសវិញ ។

យ៉ាងណាមិញ HSBC បាននិយាយថា ធនាគាររបស់ខ្លួន នឹងធ្វើការវិនិយោគក្នុងទំហំទឹកប្រាក់រាប់សិបលានផោន ដើម្បីធ្វើបច្ចុប្បន្នភាព និងកែលម្អសាខាចំនួន ៣២៧ ដែលនៅសេសសល់របស់ខ្លួន ក្នុងប្រទេសអង់គ្លេស ។

មិនតែប៉ុណ្ណោះ វាត្រូវបានគេរំពឹងថា មានបុគ្កលិកប្រហែល ១០០ នាក់ បានបាត់បង់ការងាររបស់ពួកគេ តាមរយ:ការបិទសាខាជាច្រើន នៅអង់គ្លេស ក្នុងរយ:ពេលចុងក្រោយនេះ ។

សូមបញ្ជាក់ផងដែរថា ធនាគារ និងក្រុមហ៊ុនផ្តល់សេវាកម្មធនាគារជាច្រើន បានបិទ និងកំពុងឈានទៅរកការបិទ សាខារបស់ខ្លួនជាង ៥ ២០០ កន្លែង នៅអង់គ្លេស ចាប់តាំងពីដើមឆ្នាំ ២០១៥ មក ក្នុងអត្រាបិទប្រហែល ៥៤ កន្លែង ជារៀងរាល់ខែ ៕

The post ធនាគារលំដាប់កំពូល HSBC ប្រកាសបិទសាខា ១១៤ កន្លែង នៅអង់គ្លេស ក្នុងឆ្នាំ ២០២៣ ខាងមុខ appeared first on .

ជោគជ័យនៅទីផ្សារចិនមធ្យម ពេលនេះ HSBC ប្រកាសចង់ក្លាយជាសសរសេដ្ឋកិច្ចតំបន់អាស៊ី

ឧកញ៉ាសំពៅ — Wed, 10 Nov 2021 04:52:03 +0000

ក្រុមហ៊ុន HSBC Holdings Plc គឺកំពុងជោគជ័យខ្លាំងនៅលើទីផ្សារប្រទេសចិនខ្លាំង ជាក់ស្ដែងគឺពួកគេទទួលបានការជួលបុគ្គលិក ច្រើនលើសពីការរំពឹងទុក ខណៈបច្ចុប្បន្នធនាគារមួយនេះកំពុងមានបំណងចង់សាកល្បងប្រឡូកចូលទីផ្សារឥណ្ឌាម្ដងទៀត។

គម្រោងការណ៍នេះផងដែរ គឺ HSBC រំពឹងថានឹងអាចពង្រីកទីផ្សារតំបន់អាស៊ីឲ្យបានកាន់តែខ្លាំង ខណៈពួកគេគ្រោងនឹងវិវត្តខ្លួនទៅជាសសរសេដ្ឋកិច្ចសំខាន់នៃការអភិវឌ្ឍន៍នៃតំបន់អាស៊ីផងដែរ។

ស្ថិតក្រោមការគ្រប់គ្រងរបស់ CEO លោក Noel Quinn ក្រុមហ៊ុន HSBC គឺកំពុងគ្រោងបោះទុន ៣,៥ ពាន់លានដុល្លារ សម្រាប់គម្រោងវិនិយោគ និងអាជីវកម្មធនាគារ ក្នុងគោលបំណងចង់ក្លាយជាក្រុមហ៊ុនធនាគារធំបំផុតមួយនៅអាស៊ីត្រឹមឆ្នាំ ២០២៥។

“ពួកយើងគឺជាធនាគារអន្តរជាតិឈានមុខគេនៅចិន ដូច្នេះពួកយើងមានបំណងចង់ចាប់យកឱកាសមួយនេះដើម្បីពង្រីកវិសាលភាពនៃក្រុមហ៊ុនបន្ថែមទៀត”។ នេះបើតាមសម្ដីរបស់ប្រធានជាន់ខ្ពស់ម្នាក់ក្នុងចំណោមប្រធានជាន់ខ្ពស់ ៤ នាក់នៃក្រុមហ៊ុនគឺលោក Nuno Matos។

បញ្ជាក់ដែរថា តំបន់អាស៊ីគឺជាទីតាំងធំបំផុតសម្រាប់ក្រុមហ៊ុន HSBC និងធនាគារឯកជនផ្សេងៗ ដែលបានបណ្ដាក់ទុន ៤៤% ឬ ២២ ពាន់លានដុល្លារទៅកាន់ទីស្នាក់ការកណ្ដាលនៅទីក្រុងឡុងរបស់ HSBC កាលពីឆ្នាំទៅ។

បច្ចុប្បន្ន HSBC កំពុងសិក្សាលទ្ធភាពនៃការវាយលុកទីផ្សារប្រទេសឥណ្ឌា ខណៈកន្លងទៅកាលពីឆ្នាំ ២០១៥ ពួកគេធ្លាប់ប្រឡូកម្ដងដែរ តែលទ្ធផលមិនសូវទទួលបានផ្លែផ្កា ស្របពេលក្រៅពីមានបំណងចង់សាកល្បងចូលទីផ្សារឥណ្ឌាម្ដងទៀត HSBC ក៏នៅចង់ពង្រីកសាខាជាច្រើនកន្លែងដូចជានៅ សិង្ហបុរី ទីក្រុងឡុង និងប្រទេសនៅតំបន់មជ្ឈិមបូព៌ាជាដើម៕

ប្រភព: CNA

The post ជោគជ័យនៅទីផ្សារចិនមធ្យម ពេលនេះ HSBC ប្រកាសចង់ក្លាយជាសសរសេដ្ឋកិច្ចតំបន់អាស៊ី appeared first on .

HSBC

ធនាគារលំដាប់កំពូល HSBC ប្រកាសបិទសាខា ១១៤ កន្លែង នៅអង់គ្លេស ក្នុងឆ្នាំ ២០២៣ ខាងមុខ

ជោគជ័យ​នៅ​ទីផ្សារ​ចិន​មធ្យម ពេលនេះ HSBC ប្រកាស​ចង់​ក្លាយ​ជា​សសរ​សេដ្ឋកិច្ច​តំបន់​អាស៊ី​

ជោគជ័យនៅទីផ្សារចិនមធ្យម ពេលនេះ HSBC ប្រកាសចង់ក្លាយជាសសរសេដ្ឋកិច្ចតំបន់អាស៊ី