ចិនថ្កោលទោស UN ដែលចោទប្រកាន់ខ្លួន ពីបទរំលោភសិទ្ធមនុស្សនៅក្នុងប្រទេស

ឧកញ៉ាសំពៅ — Thu, 01 Sep 2022 13:49:00 +0000

កាលពីពេលថ្មីៗនេះ អង្គការសហប្រជាជាតិបានចេញលិខិតថ្លែងការណ៍មួយអះអាងថា មានករណីរំលោភបំពានសិទ្ធមនុស្សនៅខេត្តស៊ីងជាំង ប្រទេសចិន ដូចជាមានការបង្ខំមនុស្សឲ្យធ្វើការលើសម៉ោង និងប្រើអំពើហិង្សាជាដើម ខណៈរដ្ឋាភិបាលមិនអើពើ។

យ៉ាងណា ក្រោយទទួលបានដំណឹងនេះហើយ រដ្ឋាភិបាលចិនបានចេញលិខិតច្រានចោលព័ត៌មានខាងលើទាំងស្រុង និងបានថ្កោលទោស UN ថា ចេញសេចក្ដីរាយការណ៍មិនពិត ហើយចចាមអារ៉ាមខាងលើគឺជារឿងដែលចេញពីមាត់អាមេរិក និងប្រទេសលោកខាងលិចមួយចំនួនប៉ុណ្ណោះ។

“ឯកសាររិះគន់ដែលអ្នកបាននិយាយ គឺជាការរៀបចំឡើងដោយអាមេរិក និងប្រទេសលោកខាងលិចមួយចំនួន ដែលនេះគឺជារឿងប្រឌិត និងខុសច្បាប់ទាំងស្រុង។ របាយការណ៍នេះជាព័ត៌មានមិនពិត ហើយវាជាឧបករណ៍នយោបាយដែលបម្រើជាផ្នែកមួយនៃយុទ្ធសាស្ត្ររបស់លោកខាងលិចក្នុងការប្រើ Xinjiang ដើម្បីគ្រប់គ្រងប្រទេសចិន”។ នេះបើតាមសម្ដីអ្នកនាំពាក្យក្រសួងការបរទេស Wang Wenbin បាននិយាយ។

បន្ថែមពីនោះលោក Wang ថែមទាំងបានថ្កោលទោសការិយាល័យសិទ្ធ UN ទៀតថា បាន “ធ្លាក់ខ្លួនក្លាយជាចោរ និងអ្នកសមគំនិតរបស់អាមេរិក និងបស្ចិមប្រទេស” ហើយរបាយការណ៍ចោទសកម្មភាពរបស់ប្រទេសចិនថា ជាការប្រល័យពូជសាសន៍សបង្ហាញពី សន្ដានភូតកុហករបស់ពួកគេ។ នេះបើតាមការចុះផ្សាយពី CNA៕

The post ចិនថ្កោលទោស UN ដែលចោទប្រកាន់ខ្លួន ពីបទរំលោភសិទ្ធមនុស្សនៅក្នុងប្រទេស appeared first on .

អង្គការអន្តរជាតិមួយចេញរបាយការណ៍កម្រាស់១៣៧ទំព័របង្ហាញអំពីផលប៉ះពាល់នៃការសាងសង់ទំនប់វារីអគ្គិសនីសេសានក្រោម២

ឧកញ៉ាកោះក្របី — Tue, 10 Aug 2021 09:48:08 +0000

អង្គការឃ្លាំមើលសិទ្ធិមនុស្សអន្តរជាតិ (Human Rights Watch) បានបង្ហាញឱ្យដឹងថា ទំនប់វារីអគ្គិសនីសេសានក្រោម២ បានធ្វើឱ្យប្រជាពលរដ្ឋប្រមាណ៥ពាន់គ្រួសារបានផ្លាស់ទីចាកចេញពីកន្លែងរស់នៅរបស់ពួកគេ និងបានប៉ះពាល់ជីវភាពរស់នៅរបស់ប្រជាពលរដ្ឋរាប់ពាន់នាក់ផ្សេងទៀត។

នេះបើតាមរបាយការណ៍កម្រាស់១៣៧ទំព័របង្ហាញអំពីផលប៉ះពាល់នៃការសាងសង់ទំនប់វារីអគ្គិសនីសេសានក្រោម២ទៅលើក្រុមជនជាតិដើមភាគតិចដែលរស់នៅជុំវិញតំបន់នោះ ចេញផ្សាយដោយអង្គការឃ្លាំមើលសិទ្ធិមនុស្សអន្តរជាតិនៅថ្ងៃទី១០ ខែសីហានេះ។

សូមចុច Subscribe Telegram oknha_news នឹងទទួលបានព័ត៌មានពីសកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

អង្គការអន្តរជាតិ Human Rights Watch បានអះអាងថា នេះក៏ព្រោះតែអាជ្ញាធរកម្ពុជា និងមន្រ្តីក្រុមហ៊ុនសាងសង់មិនបានពិភាក្សាបានត្រឹមត្រូវអំពីផលប៉ះពាល់ដល់សហគមន៍មុននឹងចាប់ផ្តើមសាងសង់ ហើយថែមទាំងមិនអើពើនឹងការព្រួយបារម្ភរបស់ប្រជាពលរដ្ឋទាំងអស់នោះ។

សូមបញ្ជាក់ថា ទំនប់វារីអគ្គិសនីសេសានក្រោម២ត្រូវបានដាក់ឱ្យដំណើរការជាផ្លូវការកាលពីឆ្នាំ២០១៨កន្លងទៅ ដែលមានសមត្ថភាពផលិតថាមពលអគ្គីសនីបានដល់ទៅ៤០០មេហ្កាវ៉ាត់ ស្ថិតនៅក្នុងខេត្តស្ទឹងត្រែង។

ទំនប់វារីអគ្គិសនី ត្រូវបានសាងសង់ឡើងក្រោមការវិនិយោគរួមគ្នារវាងក្រុមហ៊ុន៣ គឺ Hydrolancang International Energy របស់ប្រទេសចិនមានភាគហ៊ុនប្រមាណជា ៥១ ភាគរយ ក្រុមហ៊ុន Royal Group របស់អ្នកឧកញ៉ា គិត ម៉េង មានភាគហ៊ុន៣៩ ភាគរយ និងក្រុមហ៊ុនរបស់វៀតណាមឈ្មោះថា Vietnam Electricity (EVN) មានភាគហ៊ុន១០ ភាគរយ។ រីឯ ទំហំវិនិយោគវិញ គឺក្នុងទឹកប្រាក់ដល់ទៅ៨០០លានដុល្លារអាមេរិក៕

The post អង្គការអន្តរជាតិមួយចេញរបាយការណ៍កម្រាស់១៣៧ទំព័របង្ហាញអំពីផលប៉ះពាល់នៃការសាងសង់ទំនប់វារីអគ្គិសនីសេសានក្រោម២ appeared first on .