គួរឱ្យដឹងថា កន្លងមក ការលក់រោងចក្ររបស់ក្រុមហ៊ុន IKEA នេះ ហាក់មានភាពស្មុគស្មាញខ្លាំង ដោយសារតែកិច្ចព្រមព្រៀងនេះ បានជាប់ពាក់ព័ន្ធជាមួយនឹងទណ្ឌកម្ម ពីសំណាក់ប្រទេសលោកខាងលិច ដែលបានដាក់ប្រឆាំងទៅនឹងប្រទេសរុស្ស៊ី ។

ប៉ុន្តែ បើតាមអនុរដ្ឋមន្ត្រីក្រសួងឧស្សាហកម្ម និងពាណិជ្ជកម្មរុស្ស៊ី លោក Viktor Yevtuhov បានប្រាប់ទៅកាន់សារព័ត៌មាន Izvestia ថា ឥឡូវនេះ ក្រុមហ៊ុនផលិតឧបករណ៍ផ្ទះបាយ Slotex និងក្រុមហ៊ុន Luzales នឹងទិញយករោងចក្ររបស់ក្រុមហ៊ុន IKEA នេះ កាន់គ្រប់គ្រងជំនួសវិញ។

ទោះជាយ៉ាងណាក៏ដោយ មិនមានព័ត៌មានលម្អិតណាមួយ បានបញ្ជាក់អំពីទំហំនៃកិច្ចព្រមព្រៀងលក់នេះនោះឡើយ ដោយទាំងម្ចាស់រោងចក្រ IKEA ឬក្រុមហ៊ុន Slotex និង Luzales មិនបានធ្វើការឆ្លើយតបភ្លាមៗ ជុំវិញការស្នើសុំឱ្យបកស្រាយទៅលើរឿងនេះឡើយ ។

ជាការពិតណាស់ ក្រុមហ៊ុនលោកខាងលិចជាច្រើន បានធ្វើការប្រកាសអំពីផែនការរបស់ខ្លួន ក្នុងការចាកចេញ និងបញ្ចប់អាជីវកម្មទាំងស្រុងនៅក្នុងប្រទេសរុស្ស៊ី បន្ទាប់ពីរដ្ឋាភិបាលទីក្រុងម៉ូស្គូ បានបើកការឈ្លានពាន ចូលទៅក្នុងប្រទេសអ៊ុយក្រែន កាលពីខែកុម្ភ: ឆ្នាំមុនមក ។

ដោយឡែកសម្រាប់ក្រុម IKEA វិញ បានសម្រេចបិទហាងរបស់ខ្លួនទាំងស្រុង នៅក្នុងប្រទេសរុស្ស៊ី ចាប់តាំងពីមានការឈ្លានពាននោះមក ស្របពេលក្រុមហ៊ុនរបស់លោខាងលិចជាច្រើនផ្សេងទៀត ដោយរាប់ចាប់ពីក្រុមហ៊ុនថាមពល រហូតដល់ក្រុមហ៊ុនម្ហូបអាហារ និងសម្លៀកបំពាក់ ក៏បានសម្រេចចិត្តចាកចេញពីប្រទេសរុស្ស៊ីផងដែរ ៕

The post ទីបំផុត! រដ្ឋាភិបាលរុស្ស៊ី អនុម័តលក់រោងចក្រ IKEA ទៅឱ្យក្រុមហ៊ុនក្នុងស្រុកចំនួន ២ appeared first on .

បើទោះជាបច្ចុប្បន្នមានហាងជាច្រើនកំពុងបិទទ្វារបណ្ដោះអាសន្ន ដោយសារការរាតត្បាតក្ដី ហើយកង្វះខាតទំនិញក៏កំពុងមានការកើនឡើង ដោយសារការផ្គត់ផ្គង់ជាសកលលោកកំពុងជួបហានិភ័យ តែសម្រាប់ IKEA វិញ គឺនៅតែទទួលបានចំណូលច្រើនក្នុងរយៈពេល ១២ ខែ រហូតដល់ខែសីហាគឺមានការកើនឡើង ៣១% ដល់ ១,៩ ពាន់លានអឺរ៉ុ ខណៈការលក់គឺកើនឡើងដល់ ៦% ខ្ពស់ជាងមុនពេលមានការរាតត្បាតទៅទៀត ស្របពេលការលក់អនឡាញសរុបកើន ៣០% ខណៈកាលឆ្នាំទៅគឺមានត្រឹម ១៨%។

បើធៀបទៅនឹងឆ្នាំ ២០១៩ មុនពេលមានជំងឺរាតត្បាតវិញ អត្រាចំណូលរបស់ក្រុមហ៊ុនគឺមានការធ្លាក់ចុះដល់ទៅ ៨% ដោយសារការវិនិយោគទុនខ្ពស់ខ្លាំងពេក ទើបការចំណាយនៃក្រុមហ៊ុនមានការហក់ឡើងដល់ ៥២% គឺ ៣,២ ពាន់លានអឺរ៉ូ ស្របពេល Ingka ចង់ពន្លឿនការវិនិយោគលើវិស័យឌីជីថល ហាងលក់ទំនិញទំនើប កែច្នៃរចនាបទហាងដែលមានស្រាប់ ការចែកចាយ និងការដឹកជញ្ជូនជាដើម។

បញ្ជាក់ដែរថា ហាងលក់ទំនិញតម្លៃធូរថ្លា IKEA គឺដំណើរការដោយប្រព័ន្ធលក់បែប Franchise ដោយមានក្រុមហ៊ុន Ingka ជាក្រុមហ៊ុនមេ និងមានសាខា ៣៩២ កន្លែងរាប់បញ្ចូលទាំងហាងនៅទីក្រុងនានា និង ៧៣ ហាងតូចៗបន្ថែមទៀត៕

ប្រភព: usnews

The post ប្រជាជនជាប់ចត្តាឡីស័ក​ ហាងលក់សម្ភារៈក្នុងផ្ទះ IKEA ​ស្ថិតិ​លក់ប្រចាំឆ្នាំ​នៅ​តែ​កើន​ឡើង​ appeared first on .

បន្ទប់​មួយ​នោះ​មាន​ទីតាំង​នៅ​តំបន់ Shinjuku ខណៈ​តម្លៃ​នៃ​បន្ទប់​ជួល​តូច​មួយ​នេះ​គឺ​មាន​តម្លៃ ៩៩ យ៉េន ឬ​ប្រមាណ​ត្រឹម ០,៨៦ ដុល្លារ​ប៉ុណ្ណោះ​ក្នុង​មួយ​ខែ។ នេះ​បើ​តាម​ការ​អះអាង​ពី IKEA។

យ៉ាងណា បន្ទប់​ជួល​ដ៏​សែន​តូច​មួយ​នេះ​គឺ​នឹង​ធ្វើ​ឡើង​តែ​មួយគត់ ដោយ​មាន​បំពាក់​ជាមួយ​គ្រឿងសង្ហារិម​ និង​សម្ភារៈ​ផ្សេងៗ​របស់ IKEA ស្របពេល​បច្ចុប្បន្ន​ក្រុមហ៊ុន​មួយ​នេះ​ក៏​កំពុង​ចាប់ផ្ដើម​ទទួល​ពាក្យ​ស្នើសុំ​ជួល​បន្ទប់​ពី​បេក្ខភាព​ច្រើនរូប ដោយ​បេក្ខភាព​ទាំងនោះ​ត្រូវ​តែ​មាន​អាយុ​លើស​ពី ២០ ឆ្នាំ ខណៈ​ថ្ងៃផុតកំណត់​គឺ​ទី ០៣ ធ្នូ។

រយៈពេល​នៃ​កុងត្រា​ជួល​បន្ទប់​មួយ​នេះ​នឹង​អាច​អនុញ្ញាត​ឲ្យ​អ្នក​ស្នាក់​នៅ​ដល់​ពាក់កណ្ដាល​ខែមករា ២០២៣ ហើយ​បុគ្គល​ដែល​ស្នាក់នៅ​ត្រូវតែ​រ៉ាប់រង​ការចំណាយ​ទឹកភ្លើង​ដោយ​ខ្លួនឯង។

ថ្វីបើ​បន្ទប់​មាន​ទំហំ​ត្រឹម ១០ ម៉ែត្រការ៉េ​ក៏​ពិតមែន តែ​បើ​មើល​ឲ្យ​ដិតដល់​ទៅ​ទីក្រុង​តូក្យូ​គឺ​ជា​ទីប្រជុំជន​អ៊ូអរ​បំផុត​មួយ​លើ​លោក ជាមួយ​ការ​ចំណាយខ្ពស់​ ដូច្នេះ​បន្ទប់តូចៗ​គឺ​កំពុង​ទទួល​បាន​ការ​ពេញ​និយម​ខ្លាំង​នៅ​ទីក្រុង​សេដ្ឋកិច្ច​ខ្ពស់​មួយ​នេះ។

បញ្ជាក់​ដែរ​ថា ទីក្រុង​តូក្យូ​គឺ​មាន​ផ្ទៃដី​សរុប ៦២៧,៦ គីឡូម៉ែត្រការ៉េ ហើយ​ដោយសារ​ភាព​អ៊ូអរ និង​ជា​ទីក្រុង​គោលដៅ​សម្រាប់​ការ​ធ្វើ​ដំណើរកម្សាន្ត​ផង​នោះ បាន​ធ្វើ​ឲ្យ​ Tokyo មាន​ចំនួន​ប្រជាជន​សរុប​ច្រើនជាង ១៤ លាន​នាក់​កំពុង​រស់នៅ​ទីនោះ៕

ប្រភព: CNN

The post នៅក្រុង​តូក្យូ ក្រុមហ៊ុន​មួយហា៊ន​ប្រកាស​ដាក់​តម្លៃ​ជួល​បន្ទប់ស្នាក់នៅ​​ត្រឹម​ ១ ដុល្លារ/ខែ appeared first on .

ជាក់ស្តែងការបើកសម្ពោធហាងថ្មីនេះ ត្រូវបានចូលរួមដោយរដ្ឋមន្រ្តីពាណិជ្ជកម្មហ្វីលីពីនលោក Ramon Lopez និងរដ្ឋមន្រ្តីការបរទេស លោក Teodoro Locsin ផងដែរ ខណ:ក្រុមហ៊ុន Ikea បានបង្ហាញថាហាងថ្មីរបស់ខ្លួននេះ គឺជាមូលដ្ឋានគ្រឹះនៃគម្រោងពង្រីកទៅលើការផ្គត់ផ្គង់គ្រឿងសង្ហារឹមខ្នាតយក្ស នៅក្នុងតំបន់អាស៊ី ។

យ៉ាងណាបើទោះបីជាការបើកហាង Ikea ត្រូវបានពន្យារពេលចំពេលមានការរីករាលដាលនៃជំងឺកូវីដ ១៩ ក៏ដោយ ប៉ុន្តែពួកគេទទួលបានការកក់ពេញៗ នៅលើប្រព័ន្ធអ៊ីធឺណិត សម្រាប់រយ:ពេលពីរសប្តាហ៍ បន្ទាប់ពីការប្រកាសបើកដំណើរការហាង ។ យ៉ាងណានេះបើតាមការលើកឡើងរបស់ អ្នកគ្រប់គ្រងហាងលោក Georg Platzer ។

បញ្ជាក់ថាហាងលក់គ្រឿងសង្ហារឹមដ៏ធំមួយនេះ គឺមាន ២ ជាន់ ដោយក្នុងនោះមានកន្លែងបរិភោគអាហារ កន្លែងដាក់តាំងបង្ហាញផលិតផល ឃ្លាំងស្តុកទំនិញ កន្លែងវេចខ្ចប់ទំនិញ និងកន្លែងហៅទូរស័ព្ទជាដើម។ ខណ:ហាងនេះផងដែរគឺស្ថិតនៅក្នុងតំបន់អគារ ដែលគ្រប់គ្រងដោយ SM Prime Holding’s Mall Of Asia ។

មិនតែប៉ុណ្ណោះ ការបើកដំណើរការហាងថ្មីនេះ បានកើតឡើងនៅពេលដែល Ikea បានពង្រីកវត្តមានពាណិជ្ជកម្មអេឡិចត្រូនិករបស់ខ្លួន នៅអំឡុងពេលមានជំងឺរាតត្បាតកូវីដ ១៩  ដោយការបញ្ជាទិញតាមប្រព័ន្ធអ៊ីនធឺណិតឥឡូវនេះ មានចំនួន ២៦% នៃការលក់នៅទូទាំងពិភពលោករបស់ខ្លួន ។

គួរបញ្ជាក់ផងដែរថា Ikea បច្ចុប្បន្នមានហាងជាង ៤៦០ កន្លែង នៅក្នុងទីផ្សារប្រហែល ៦០ ខណ:ពួកគេគ្រោងនឹងបន្ថែមទីតាំងជិត ៦០ បន្ថែមទៀត ។ ហើយសម្រាប់គម្រោងនេះដែរ គឺមិនត្រឹមតែសម្លឹងឃើញនៅក្នុងទីផ្សារអាស៊ីប៉ុណ្ណោះទេ ប៉ុន្តែក្រុមហ៊ុនក៏នឹងបោះជំហានដំបូងរបស់ខ្លួន ទៅកាន់ទីផ្សារនៅទ្វីបអាមេរិកខាងត្បូង ជាមួយនឹងការបើកសាខានៅទីក្រុង Santiago ប្រទេសឈីលីផងដែរ ៕

ប្រភព: Bangkok Post 

The post ហាង Ikea ធំបំផុតលើពិភពលោក បានបើកដំណើរការក្នុងប្រទេសហ្វីលីពីន ក្រោយពន្យាពេលដោយសារកូវីដ ១៩ appeared first on .

នេះបើយោងតាមជំនួបលោក ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម ជាមួយលោក BJÖRN HÄGGMARK ឯកអគ្គរាជទូតស៊ុយអែតប្រចាំកម្ពុជា ដើម្បីពិភាក្សាការងារ និងជម្រាបលា ខណៈដែលលោកបានបញ្ចប់អាណត្តិបេសកកម្មការទូតនៅកម្ពុជា នៅថ្ងៃទី១៥ ខែមិថុនា។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោករដ្ឋមន្រ្តី បានសំណូមពរ ឱ្យរាជរដ្ឋាភិបាលស៊ុយអែត និងសហភាពអឺរ៉ុបបន្តជួយសម្របសម្រួលជំរុញធុរជន និងវិនិយោគិនស៊ុយអែតសំខាន់ៗ ដូចជា៖ ក្រុមហ៊ុនគ្រឿងសង្ហារឹម IKEA និងក្រុមហ៊ុនផលិតរថយន្ត Volvo មកស្វែងរកឱកាសធុរកិច្ច ខណៈដែលការកែច្នៃគ្រឿងសង្ហារឹម និងការផលិតគ្រឿងបង្គំនិងបន្លាស់យានយន្តកំពុងមានកំណើនខ្លាំងនៅកម្ពុជា និងការវិនិយោគលើវិស័យដទៃរួមមាន៖ ការកែច្នៃចំណីអាហារ និងផ្លែឈើតំបន់ត្រូពិច។

ទន្ទឹមនឹងនោះ លោក BJÖRN HÄGGMARK បានកត់សម្គាល់ពីកំណើនសេដ្ឋកិច្ចកម្ពុជានាពេលកន្លងមក និងការធ្វើសមាហរណកម្មសេដ្ឋកិច្ច ដោយប្រកាន់ខ្ជាប់នូវប្រព័ន្ធពហុភាគីនិយម ព្រមទាំងវឌ្ឍនភាពនៃការបង្កើតបទបញ្ញត្តិ ដែលបម្រើដល់វិស័យឯកជន និងវិនិយោគិនបរទេសនៅកម្ពុជា។

លោកបានបង្ហាញនូវសារៈសំខាន់នៃការចូលរួមអភិវឌ្ឍន៍សេដ្ឋកិច្ចប្រកបដោយបរិយាប័ន្ន តម្លាភាព និងការគិតគូអំពីបញ្ហាបរិស្ថាន តាមរយៈការប្រើបា្រស់ថាមពលដែលអាចកកើតឡើងវិញ។ លោកជឿជាក់ថា ស្ថានទូតស៊ុយអែតប្រចាំកម្ពុជាដែលមាននិវេសនដ្ឋាននៅទីក្រុងបាងកក នឹងបន្តកិច្ចសហប្រតិបត្តិការល្អជាមួយក្រសួងពាណិជ្ជកម្ម ក្នុងគោលបំណងលើកកម្ពស់កិច្ចសន្ទនា និងទំនាក់ទំនងពាណិជ្ជកម្មកម្ពុជា-ស៊ុយអែត។

គួរបញ្ជាក់ផងដែរថា ទំហំពាណិជ្ជកម្មកម្ពុជា-ស៊ុយអែត នៅឆ្នាំ២០២០ មានចំនួន ៦៤ លានដុល្លារអាមេរិក ខណៈដែលរយៈពេល៥ខែ នៅឆ្នាំ២០២១ មានចំនួន ២៣ លានដុល្លារអាមេរិក៕

The post រដ្ឋមន្រ្តីពាណិជ្ជកម្មស្នើឲ្យក្រុមហ៊ុនផលិតរថយន្ត Volvo មកវិនិយោគ ខណៈទំហំពាណិជ្ជកម្មកម្ពុជា-ស៊ុយអែតនៅឆ្នាំ២០២១ មានចំនួន ២៣លានដុល្លារ appeared first on .