Instagram

ក្រុមហ៊ុនមហាសេដ្ឋី Facebook បញ្ចេញបច្ចេកវិទ្យា AI ជំនាន់ចុងក្រោយ មានសមត្ថភាពមិនធម្មតា

monyokn — Fri, 19 Apr 2024 06:55:00 +0000

នៅថ្ងៃទី១៩ ខែមេសា នាយកប្រតិបត្តិក្រុមហ៊ុន Meta Platform លោក Mark Zuckerberg បានលើកឡើងនៅលើទំព័រហ្វេសប៊ុកផ្ទាល់ខ្លួនថា ក្រុមហ៊ុនបានបញ្ចេញមុខងារបញ្ញាសិប្បនិម្មិតថ្មីមួយមានឈ្មោះថា Meta AI ដែលអាចប្រើប្រាស់បានទាំងនៅលើកម្មវិធី និងវ៉េនតាឆ្លាតវៃរបស់ខ្លួន ដោយឥតគិតថ្លៃ។

លោក Zuckerberg ក៏បាននិយាយថា មុខងារ AI ថ្មីរបស់ក្រុមហ៊ុនគឺជាជំនាន់ចុងក្រោយគេ និងមានបញ្ញាឆ្លាតវៃបំផុត ដោយអាចឆ្លើយតបទៅនឹងសំណួរអ្វីក៏បានដែលយើងចង់សួរ ហើយមិនត្រឹមតែប៉ុណ្ណោះ វាក៏អាចស្រមើស្រមៃរូបភាព ឬវីដេអូដែលអ្នកប្រើប្រាស់ត្រូវការតាមរយៈការវាយបញ្ចូលអក្សរបានផងដែរ។

គួរជម្រាបថា មុខងារ AI នេះអាចឲ្យយើងស្វែងរកបានត្រង់ប្រអប់ស្វែងរកនៅផ្នែកខាងលើនៃកម្មវិធី WhatsApp, Instagram, Facebook និង Messenger ហើយលើសពីនោះសម្រាប់អ្នកប្រើប្រាស់នៅលើវេប ក៏អាចចូលប្រើប្រាស់បានតាមរយៈ meta.ai ផងដែរ។ តែយ៉ាងណាមុខងារថ្មីរបស់ Meta ប្រទេសកម្ពុជានៅមិនទាន់អាចប្រើប្រាស់បាននោះឡើយ៕

The post ក្រុមហ៊ុនមហាសេដ្ឋី Facebook បញ្ចេញបច្ចេកវិទ្យា AI ជំនាន់ចុងក្រោយ មានសមត្ថភាពមិនធម្មតា appeared first on .

រដ្ឋបាលប្រធានាធិបតីអាមេរិក ប្តឹងឧទ្ធរណ៍ចំពោះការហាមមិនឲ្យទាក់ទងជាមួយប្រព័ន្ធផ្សព្វផ្សាយ

ឧកញ៉ាសំពៅ — Thu, 06 Jul 2023 07:31:29 +0000

កាលពីថ្ងៃពុធទី ០៥ ខែកក្កដាកន្លងទៅ រដ្ឋបាលប្រធានាធិបតីអាមេរិក ចូ បៃដិន បានសម្រេចប្ដឹងឧទ្ធរណ៍ ចំពោះសេចក្ដីសម្រេចរបស់ចៅក្រមសហព័ន្ធ ដែលហាមមិនឲ្យភ្នាក់ងារ និងមន្ត្រីមួយចំនួន ជួបប្រជុំ និងទាក់ទងជាមួយក្រុមហ៊ុនប្រព័ន្ធផ្សព្វផ្សាយនានា។

យោងតាមការចុះផ្សាយពីសារព័ត៌មាន Reuters បានបង្ហាញថា សេចក្ដីជូនដំណឹងអំពីការប្ដឹងឧទ្ធរណ៍នោះ គឺបង្ហាញពីគម្រោងរបស់រដ្ឋាភិបាល ស្នើឲ្យតុលាការអាមេរកពិនិត្យឡើងវិញ ពីការសម្រេចរបស់ចៅក្រមនាពេលកន្លងទៅ។

សូមជម្រាបដែរថា ពាក្យបណ្ដឹងទៅកាន់រដ្ឋបាល ចូ បៃដិន គឺប្ដឹងពីអគ្គមេធាវីរបស់គណបក្សសាធារណរដ្ឋនៅក្នុងរដ្ឋ Louisiana និង Missouri ដែលបានចោទប្រកាន់ថា មន្ត្រីរដ្ឋាភិបាលសហរដ្ឋអាមេរិកបានធ្វើហួសហេតុពេក ក្នុងកិច្ចខិតខំប្រឹងប្រែងលើកទឹកចិត្តដល់ក្រុមហ៊ុនប្រព័ន្ធផ្សព្វផ្សាយសង្គម ដើម្បីដោះស្រាយការបង្ហោះ ដែលពួកគេព្រួយបារម្ភថា អាចរួមចំណែកដល់ការស្ទាក់ស្ទើរក្នុងការចាក់វ៉ាក់សាំង អំឡុងពេលជំងឺរាតត្បាត COVID-19 ឬបន្តការបោះឆ្នោត៕

The post រដ្ឋបាលប្រធានាធិបតីអាមេរិក ប្តឹងឧទ្ធរណ៍ចំពោះការហាមមិនឲ្យទាក់ទងជាមួយប្រព័ន្ធផ្សព្វផ្សាយ appeared first on .

ចៅក្រមអាមេរិកហាមមន្ត្រីរដ្ឋបាល ចូ បៃដិន ទាក់ទងជាមួយក្រុមហ៊ុនប្រព័ន្ធផ្សព្វផ្សាយសង្គម

ឧកញ៉ាសំពៅ — Wed, 05 Jul 2023 05:00:00 +0000

កាលពីថ្ងៃទី ០៤ ខែកក្កដាកន្លងទៅ ចៅក្រមអាមេរិកម្នាក់បានដាក់កម្រិតហាមមិនឲ្យភ្នាក់ងារ និងមន្ត្រីនៃរដ្ឋបាលប្រធានាធិបតី ចូ បៃដិន ពីការជួបប្រជុំ និងទាក់ទងជាមួយក្រុមហ៊ុនប្រព័ន្ធផ្សព្វផ្សាយសង្គម។ នេះបើតាមការចុះផ្សាយពី CNA។

ដីកាសម្រេចនេះបានធ្វើឡើងជាការឆ្លើយតបទៅនឹងបណ្តឹង ដែលនាំមកដោយអគ្គមេធាវីរបស់គណបក្សសាធារណរដ្ឋនៅក្នុងរដ្ឋ Louisiana និង Missouri ដែលបានចោទប្រកាន់ថា មន្ត្រីរដ្ឋាភិបាលសហរដ្ឋអាមេរិកបានធ្វើហួសហេតុពេក ក្នុងកិច្ចខិតខំប្រឹងប្រែងលើកទឹកចិត្តដល់ក្រុមហ៊ុនប្រព័ន្ធផ្សព្វផ្សាយសង្គម ដើម្បីដោះស្រាយការបង្ហោះ ដែលពួកគេព្រួយបារម្ភថា អាចរួមចំណែកដល់ការស្ទាក់ស្ទើរក្នុងការចាក់វ៉ាក់សាំង អំឡុងពេលជំងឺរាតត្បាត COVID-19 ឬបន្តការបោះឆ្នោត។

សេចក្ដីសម្រេចមួយនេះក៏បានសង្កត់ធ្ងន់ថា ភ្នាក់ងាររដ្ឋាភិបាលដូចជានាយកដ្ឋានសុខភាព សេវាមនុស្ស និង FBI មិនអាចនិយាយទៅកាន់ក្រុមហ៊ុនប្រព័ន្ធផ្សព្វផ្សាយសង្គម ក្នុងគោលបំណង “ជំរុញ លើកទឹកចិត្ត ដាក់សម្ពាធ ឬជំរុញក្នុងគ្រប់រូបភាពនៃការដកចេញ ការលុប ការគាបសង្កត់ ការកាត់បន្ថយមាតិកានានា និងការការពារនូវសិទ្ធសេរីភាពក្នុងការបញ្ចេញមតិ” ក្រោមឃ្លានិយាយដោយសេរីនៃវិសោធនកម្មទីមួយចំពោះរដ្ឋធម្មនុញ្ញសហរដ្ឋអាមេរិក។

យ៉ាងណា ពីខាងសេតវិមានក៏បានចេញមុខបកស្រាយដែរថា ក្រសួងយុត្តិធម៌កំពុងពិនិត្យឡើងវិញពីសេចក្ដីសម្រេចខាងលើ ហើយនឹងធ្វើការវាយតម្លៃតាមក្រោយ៕

The post ចៅក្រមអាមេរិកហាមមន្ត្រីរដ្ឋបាល ចូ បៃដិន ទាក់ទងជាមួយក្រុមហ៊ុនប្រព័ន្ធផ្សព្វផ្សាយសង្គម appeared first on .

អៀរឡង់ ពិន័យ Instagram ជាទឹកប្រាក់ជាង ៤០០ លានដុល្លារ ពីបទរំលោភបំពានទិន្នន័យលើកុមារ

ឧកញ៉ាសាមញ្ញ — Tue, 06 Sep 2022 13:55:00 +0000

យោងតាមគណ:កម្មការការពារទិន្នន័យរបស់ប្រទេសអៀរឡង់ (DPC) បាននិយាយកាលពីថ្ងៃចន្ទថា ខ្លួនបានធ្វើការពិន័យទៅលើ Instagram ក្នុងចំនួនទឹកប្រាក់ ៤០៥ លានអឺរ៉ូ (៤០២ លានដុល្លារ) ជុំវិញការបំពានលើបទប្បញ្ញត្តិស្តីពីការគ្រប់គ្រងទិន្នន័យកុមារ ។

DPC បាននិយាយនៅក្នុងសេចក្តីថ្លែងការណ៍មួយថា ៖ ” យើងបានអនុម័ត ការសម្រេចចិត្តចុងក្រោយរបស់យើង កាលពីថ្ងៃសុក្រសប្តាហ៍មុន ហើយបានធ្វើការពិន័យជាទឹកប្រាក់ចំនួន ៤០៥ លានអឺរ៉ូ ក្រោយរកឃើញថាមានកំហុស ” ។ យ៉ាងណា DPC បានបញ្ជាក់ទៀតថា ចំពោះសេចក្តីលម្អិតទាំងស្រុង នៃការសម្រេចចិត្ត លើការពិន័យនេះ នឹងត្រូវផ្សព្វផ្សាយ នៅសប្តាហ៍ក្រោយ ។

គួរឱ្យដឹងថា DPC បានបើកការស៊ើបអង្កេត ចាប់តាំងពីឆ្នាំ ២០២១ មកម្លេះ ដោយផ្តោលើអ្នកប្រើប្រាស់ ដែលមិនទាន់គ្រប់អាយុ ពោលគឺអាយុចន្លោះពី ១៣ ទៅ ១៧ ឆ្នាំ ដែលត្រូវបានក្រុមហ៊ុន Instagram អនុញ្ញាតឱ្យមានការចុះឈ្មោះបង្កើតគណនី ដោយសេរី ជាមួយនឹងការដាក់បញ្ចូលព័ត៌មានសំខាន់ៗដូចជាលេខទូរស័ព្ទ ឬអាសយដ្ឋានរបស់អ្នកប្រើប្រាស់ ។

ប៉ុន្តែទោះជាយ៉ាងណាក៏ដោយ Meta ដែលជាក្រុមហ៊ុនមេ របស់ Instagram មិនបានធ្វើការឆ្លើយតបវិញ ចំពោះសំណើឱ្យសុំធ្វើការអត្ថាធិប្បាយលើបញ្ហានេះឡើយ ។

គួរឱ្យដឹងថា ក្រៅពី Instagram សូម្បីតែ WhatsApp ក៏ធ្លាប់ត្រូវបានពិន័យជាប្រាក់ចំនួន ២២៥ លានអឺរ៉ូរួចមកហើយ កាលពីឆ្នាំមុន សម្រាប់ការមិនអនុលោមតាមច្បាប់ទិន្នន័យ របស់សហភាពអឺរ៉ុប ក្នុងឆ្នាំ ២០១៨ ៕

The post អៀរឡង់ ពិន័យ Instagram ជាទឹកប្រាក់ជាង ៤០០ លានដុល្លារ ពីបទរំលោភបំពានទិន្នន័យលើកុមារ appeared first on .

ដឹងទេ Ronaldo គ្រាន់តែបង្ហោះរូបមួយសន្លឹកលើ Instagram ស៊ីថ្លែប៉ុន្មាន?

ឧកញ៉ាសំពៅ — Tue, 03 Aug 2021 04:31:13 +0000

បច្ចុប្បន្ន អ្នកណាដែលថាមិនប្រើប្រាស់បណ្ដាញសង្គមដើម្បីធ្វើការប្រាស្រ័យទាក់ទងគ្នានោះ ហើយក្នុងចំណោមបណ្ដាញសង្គមទាំងអស់ Instagram និង Facebook គឺអាចនិយាយបានថាមានភាពទូលំទូលាយជាងគេ ដោយអាជីវករខ្លះថែមទាំងអាចធ្វើការផ្សព្វផ្សាយផលិតផលរបស់ពួកគេបានថែមទៀត។

ទន្ទឹមនឹងនោះ ដើម្បីឲ្យផលិតផលរបស់ពួកគេកាន់តែទទួលបានការគាំទ្រខ្ពស់ អាជីវករម្នាក់ៗត្រូវព្យាយាមជួលតារា Facebook ឬ Instagram ដើម្បីផ្សព្វផ្សាយផលិតផលអស់ទាំងនោះ ហើយសម្រាប់នៅប៉ែកអឺរ៉ុបវិញ ជាទូទៅហាង Brand ធំៗតែងជួលតារាសម្ដែង ឬបុគ្គលមានឥទ្ធិពលមកប្រម៉ូតផលិតផលរបស់ពួកគេ។

ខាងក្រោមគឺជាតារាងតម្លៃដែលតារា Instagram ទទួលបានពីការថតផ្សាយផលិតផលក្នុងមួយ Post៖

Cristiano Ronaldo មានចំនួនអ្នក Follower ៣២១ លានគណនី ស៊ីថ្លៃ ១,៦ លានដុល្លារ/ Post
Dwayne Johnson ហៅ The Rock មានចំនួនអ្នក Follower ២៥៨ លានគណនី ស៊ីថ្លៃ ១,៥២ លានដុល្លារ/ Post
Ariana Grande មានចំនួនអ្នក Follower ២៥៦ លានគណនី ស៊ីថ្លៃ ១,៥១ លានដុល្លារ/ Post
Kylie Jenner មានចំនួនអ្នក Follower ២៥៤ លានគណនី ស៊ីថ្លៃ ១,៤៩ លានដុល្លារ/ Post
Selena Gomez មានចំនួនអ្នក Follower ២៤៨ លានគណនី ស៊ីថ្លៃ ១,៤៦ លានដុល្លារ/ Post
Kim Kardashian មានចំនួនអ្នក Follower ២៤០ លានគណនី ស៊ីថ្លៃ ១,៤២ លានដុល្លារ/ Post
Lionel Messi មានចំនួនអ្នក Follower ២៤០ លានគណនី ស៊ីថ្លៃ ១,១៧ លានដុល្លារ/ Post
Beyonce មានចំនួនអ្នក Follower ១៩៧ លានគណនី ស៊ីថ្លៃ ១,១៤ លានដុល្លារ/ Post
Justin Bieber មានចំនួនអ្នក Follower ១៨៦ លានគណនី ស៊ីថ្លៃ ១,១១ លានដុល្លារ/ Post
Kendall Jenner មានចំនួនអ្នក Follower ១៧៨ លានគណនី ស៊ីថ្លៃ ១,០៥ លានដុល្លារ/ Post

ប្រភព: hopperhq