អន្តរជាតិ

ចំណាត់ថ្នាក់ទីក្រុង ដែលគួរឱ្យចង់រស់នៅជាងគេបំផុតលើពិភពលោកទាំង១១ ឆ្នាំ២០២២

ឧកញ៉ាដែនដី — Sat, 25 Jun 2022 01:15:53 +0000

ចំណាត់ថ្នាក់ទីក្រុងដែលគួរចង់រស់នៅជាងគេបំផុតលើពិភពលោក ឆ្នាំ២០២២ ត្រូវបានអង្គភាព Economist Intelligence Unit បញ្ចេញជាផ្លូវការហើយ ដែលក្នុងនោះឃើញថា តំបន់អឺរ៉ុបមានចំនួនច្រើនជាងគេ ក្នុងចំណោមកំពូលទីក្រុងល្អបំផុតទាំង១១។ ចង់ដឹងតើមានទីក្រុងណាខ្លះ សូមទស្សនាខាងក្រោមនេះ៖

១. ទីក្រុងវីយែន ៖ ប្រទេសអូទ្រីស

២. ទីក្រុង Copenhagen ៖ ប្រទេសដាណឺម៉ាក

៣. ទីក្រុង Zurich ៖ ប្រទេសស្វីស

៤. ទីក្រុង Calgary ៖ ប្រទេសកាណាដា

៥. ទីក្រុង Vancouver ៖ ប្រទេសកាណាដា

៦. ទីក្រុងហ្សឺណែវ ៖ ប្រទេសស្វីស

៧. ទីក្រុងហ្វ្រែងហ្វើត ៖ ប្រទេសអាល្លឺម៉ង់

៨. ទីក្រុងតូរ៉ុនតូ ៖ ប្រទេសកាណាដា

៩. ទីក្រុង Amsterdam ៖ ប្រទេសហូឡង់

១០. ទីក្រុងអូហ្សាកា ៖ ប្រទេសជប៉ុន និង ទីក្រុង Melbourne ៖ ប្រទេសអូស្ត្រាលី (លេខ១០ ស្ទួន)។

គួរបញ្ជាក់ថា Economist Intelligence Unit (EIU) ជាអង្គភាពមួយក្រោម The Economist ដែលបានធ្វើការចំណាត់ថ្នាក់លើទីក្រុងចំនួន១៧៣ នៅលើពិភពលោក។ ការផ្តល់ចំណាត់ថ្នាក់ខាងលើ គឺ EIU វាយតម្លៃលើកត្តាមួយចំនួនដូចជា ការថែទាំសុខភាព អត្រាឧក្រិដ្ឋកម្ម ស្ថិរភាពនយោបាយ ការអភិវឌ្ឍហេដ្ឋារចនាសម្ព័ន្ធ និងលំហបៃតង ជាដើម៕

ប្រភព៖ CNN_Travel

The post ចំណាត់ថ្នាក់ទីក្រុង ដែលគួរឱ្យចង់រស់នៅជាងគេបំផុតលើពិភពលោកទាំង១១ ឆ្នាំ២០២២ appeared first on .

រដ្ឋាភិបាលកម្ពុជា បើកឡើងវិញការផ្តល់ទិដ្ឋាការពេលមកដល់ សម្រាប់អ្នកដំណើរអន្តរជាតិ

ឧកញ៉ាតូច — Thu, 17 Mar 2022 01:02:14 +0000

ក្រសួងសុខាភិបាល នៅព្រឹកថ្ងៃទី១៧ ខែមីនា ឆ្នាំ២០២២នេះ បានសម្រេចលុបចោលលក្ខខណ្ឌតម្រូវឲ្យអ្នកដំណើរមកពីបរទេសបង្ហាញលទ្ធផលតេស្តPCR អវិជ្ជមានក្នុងរយៈពេល ៧២ម៉ោង មុនមកដល់កម្ពុជា និងលែងតម្រូវឲ្យធ្វើតេស្តរហ័សនៅពេលមកដល់កម្ពុជា ហើយអនុញ្ញាតបើកឡើងវិញការផ្តល់ទិដ្ឋាការពេលមកដល់ (Visa on Arrival) សម្រាប់អ្នកដំណើរអន្តរជាតិទាំងអស់ ទាំងតាមផ្លូវអាកាស ផ្លូវគោក និងផ្លូវទឹក។

ពិស្តារខាងក្រោម៖

The post រដ្ឋាភិបាលកម្ពុជា បើកឡើងវិញការផ្តល់ទិដ្ឋាការពេលមកដល់ សម្រាប់អ្នកដំណើរអន្តរជាតិ appeared first on .

ដាច់ភ្លើងញឹកញាប់ពេក ឥណ្ឌាផ្តល់កម្ចីឥណទាន ៥០០ លានដុល្លារ ទៅឱ្យប្រទេសស្រីលង្កា ទិញប្រេងឥន្ធនៈ

ឧកញ៉ាសាមញ្ញ — Thu, 03 Feb 2022 04:54:50 +0000

ប្រទេសស្រីលង្កា ត្រូវបានផ្តល់ការសង្រ្គោះបណ្តោះអាសន្នពីសំណាក់រដ្ឋាភិបាលឥណ្ឌា ជុំវិញការខ្វះខាតថាមពល និងការដាច់ចរន្តអគ្គិសនីទ្រង់ទ្រាយធំនៅក្នុងប្រទេស ជាមួយនឹងប្រាក់កម្ចីចំនួន ៥០០ លានដុល្លារ ដើម្បីផ្តល់ជូនហិរញ្ញប្បទាន ក្នុងការទិញចូលប្រេងឥន្ធនៈជាបន្ទាន់ ។

ជាក់ស្តែងវិបត្តិសេដ្ឋកិច្ចរបស់ប្រទេសដីកោះមួយនេះ បានធ្វើឱ្យរោងចក្រផលិតថាមពល មិនអាចមានលទ្ធភាពគ្រប់គ្រាន់ ក្នុងការផ្គត់ផ្គង់អគ្គិសនីបាន ក៏ដូចជាបានរំខានទៅលើបណ្តាញដឹកជញ្ជូនផងដែរ ។

ការដាច់ភ្លើងញឹកញាប់ នៅរោងចក្រថាមពលធ្យូងថ្មដ៏ធំមួយ បានធ្វើឱ្យមានការកាត់ផ្តាច់ចរន្តអគ្គិសនី ដោយមិនបានប្រកាសទុកមុន ស្របពេលគ្រួសារជាច្រើន នៅក្នុងប្រទេសស្រីលង្កា ក៏កំពុងជួបការលំបាក ក្នុងការប្រើប្រាស់ហ្គាស់ និងប្រេងកាតផងដែរ ។

យ៉ាងណា ជុំវិញបញ្ហានេះ ក្រុមមន្ត្រីរបស់ស្រីលង្កា បាននិយាយថា កិច្ចព្រមព្រៀងផ្លូវការមួយ ត្រូវបានចុះហត្ថលេខា កាលពីថ្ងៃពុធ បន្ទាប់ពីមានការពិភាក្សាអស់រយ:ពេលពីរសប្តាហ៍ ដោយបន្ថែមពីលើជំនួយប្តូររូបិយប័ណ្ណបរទេស ចំនួន ៩១៥ លានដុល្លារ ក្នុងពេលថ្មីៗនេះ ។

មិនតែប៉ុណ្ណោះ អ្នកការទូតឥណ្ឌាម្នាក់ បាននិយាយថា ការពិភាក្សាកំពុងដំណើរការ លើកម្ចីឥណទានចំនួន ១ ពាន់លានដុល្លារ ផ្សេងទៀត សម្រាប់ប្រទេសស្រីលង្កា ដើម្បីផ្តល់មូនិធិ ដល់ការនាំចូលអារហារ និងថ្នាំ ដែលពួកគេកំពុងត្រូវការជាបន្ទាន់ ។

គួរឱ្យដឹងផងដែរថា សេដ្ឋកិច្ចរបស់ប្រទេសស្រីលង្កា កំពុងប្រឈមមុខជាមួយនឹងភាពខ្វះខាតខ្លាំង សម្រាប់អង្ករ គ្រឿងបន្លាស់រថយន្ត និងស៊ីម៉ងត៍ផងដែរ ដោយផ្សារទំនើបជាច្រើន ត្រូវបង្ខំឱ្យបែងចែកអាហារសំខាន់ៗមួយចំនួន ទៀតផង ៕

ប្រភព: CNA

The post ដាច់ភ្លើងញឹកញាប់ពេក ឥណ្ឌាផ្តល់កម្ចីឥណទាន ៥០០ លានដុល្លារ ទៅឱ្យប្រទេសស្រីលង្កា ទិញប្រេងឥន្ធនៈ appeared first on .

ជម្លោះឪពុកនិងកូន រឿងនាំសាច់ជ្រូកចូល ធ្វើឲ្យក្រុមហ៊ុនខាតបង់ប្រាក់អស់ជាង ១ ពាន់លានដុល្លារ

ឧកញ៉ាសំពៅ — Thu, 26 Aug 2021 07:44:49 +0000

ក្រុមហ៊ុន WH Group ដែលជាក្រុមហ៊ុនផ្គត់ផ្គង់ និងផលិតសាច់ជ្រូកធំបំផុតក្នុងពិភពលោក បានរាយការណ៍ពីការខាតបង់ថវិការហូតដល់ ១,៤ ពាន់លានដុល្លារឯណោះកាលពីសប្ដាហ៍មុន។

រឿងរ៉ាវផ្ដើមចេញពីអតីតប្រធានក្រុមហ៊ុន Wan Hongjian ត្រូវបានបោះឆ្នោតដកសិទ្ធិជាប្រធាន ក្រោយធ្វើឲ្យក្រុមហ៊ុនជួបបញ្ហាកាលពីខែមិថុនា ប៉ុន្តែលោកបែរជាចោទប្រកាន់ឪពុក Wan Long ដែលជាស្ថាបនិក WH Group និងអតីតប្រធានផ្នែកហិរញ្ញវត្ថុថា ជាអ្នកធ្វើការសម្រេចចិត្តខុសទៅវិញ ទើបបណ្ដាលឲ្យក្រុមហ៊ុនបាត់ចំណូលបែបនេះ។

Wan Long

ក្នុងការចោទប្រកាន់់ទៅឪពុក និងអតីតប្រធានផ្នែកហិរញ្ញវត្ថុ ដែលបានព្រមឲ្យនាំចូលសាច់ជ្រូកជិត ១០ ម៉ឺនតោនពីសហរដ្ឋអាមេរិក ក្នុងតម្លៃខ្ពស់ជាងទីផ្សារក្នុងស្រុក ដែលនាំឲ្យមានការខាតបង់ច្រើនជាង ៨០០ លានយ័ន ឬប្រមាណ ១២៣,២ លានដុល្លារ។

Wan Hongjian

យ៉ាងណា ការចោទប្រកាន់ត្រូវបានច្រានចោលទាំងស្រុងពីថ្នាក់ចាត់ការ និងថ្នាក់ដឹកនាំក្រុមហ៊ុន ផ្ទុយទៅវិញគ្រប់គ្នាថែមទាំងចោទប្រកាន់បកទៅបុរសវ័យ ៥២ ឆ្នាំវិញទៀត ក្រោមហេតុផល “និយាយមិនពិត និងបំភាន់ទំនុកចិត្ត” កាលពីថ្ងៃទី ១៨ សីហា។

យ៉ាងណា ថ្ងៃបន្ទាប់មកតម្លៃភាគហ៊ុន WH Group ធ្លាក់ចុះរហូតដល់ ១១,៣% មកសល់ត្រឹម ៥,៩៥ ដុល្លារហុងកុង ឬប្រមាណ ០,៧៥ ដុល្លារអាមេរិក ដែលធ្វើឲ្យក្រុមហ៊ុនខាតបង់ប្រាក់រហូតដល់ ១១,២ ពាន់លានដុល្លារហុងកុង ឬប្រមាណ ១,៤៣ ពាន់លានដុល្លារអាមេរិក។

រីឯលោក Wan Long វិញ ក៏សម្រេចចុះចេញពីតំណែងជា CEO ក្នុងវ័យ ៨០ ឆ្នាំកាលពីថ្ងៃទី ១២ សីហា បន្ទាប់ពីមានរឿងរ៉ាវកើតឡើង តែលោកនៅក្ដោបក្ដាប់ចំណែកភាគហ៊ុន ២៣,៣៤% និងនៅតែដើរតួជាប្រធានជាន់ខ្ពស់មួយរូបក្នុងក្រុមហ៊ុនដដែល។

Guo Lijun

ដោយឡែក កូនប្រុសម្នាក់ទៀត Wan Hongwei ត្រូវបានតែងតាំងជាប្រធានប្រតិបត្តិ និងអនុប្រធាន ខណៈលោក Guo Lijun ត្រូវបានឡើងតំណែងជា CEO វិញ៕

ប្រភព: scmp

The post ជម្លោះឪពុកនិងកូន រឿងនាំសាច់ជ្រូកចូល ធ្វើឲ្យក្រុមហ៊ុនខាតបង់ប្រាក់អស់ជាង ១ ពាន់លានដុល្លារ appeared first on .

ថ្លៃជាង Rolls-Royce ទៅទៀត រថយន្ត McLaren ស៊េរីឆ្នាំ ៩៥ ដាក់ដេញថ្លៃលក់ បានថ្លៃបំផុតជាប្រវត្តិសាស្រ្ត

ឧកញ៉ាសំពៅ — Thu, 26 Aug 2021 03:24:25 +0000

កាលពីពេលថ្មីៗនេះ កម្មវិធីដេញថ្លៃរថយន្តទំនើប Monterey Car Week បានធ្វើឲ្យកក្រើកដល់ក្រុមអ្នកស្រឡាញ់រថយន្តជុំវិញពិភពលោក ដ្បិតរថយន្តមួយគ្រឿងម៉ាក McLaren F1 ដែលផលិតឡើងនៅក្នុងឆ្នាំ ១៩៩៥ បានលក់ចេញក្នុងតម្លៃរហូតដល់ ២០ លានដុល្លារ។

បើតាមសារព័ត៌មាន Robb Report បានទម្លាយឲ្យដឹងទៀតថា រថយន្តមួយគ្រឿងនេះ មិនត្រឹមតែជារថយន្តថ្លៃបំផុតសម្រាប់ការដេញថ្លៃឆ្នាំនេះឡើយ ពោលគឺវាថែមទាំងជារថយន្តម៉ាក McLaren ថ្លៃបំផុតប្រចាំប្រវត្តិសាស្ត្រថែមទៀតផង។

រថយន្តទំនើបមួយគ្រឿងនេះ គឺលក់ចេញក្នុងតម្លៃ ២០,៤៧ លានដុល្លារ ខណៈម្ចាស់របស់វាគឺ មិនត្រូវបានទម្លាយឲ្យស្គាល់ពីអត្តសញ្ញាណនោះឡើយ។ តែវាមិនមែនជារឿងសំខាន់ឡើយ ព្រោះពួកគេនឹងក្លាយជាម្ចាស់រថយន្តដ៏កម្រមួយលើលោក ព្រោះ McLaren F1 គឺផលិតឡើងតែ ១០៦ គ្រឿងប៉ុណ្ណោះ ក្នុងចន្លោះឆ្នាំ ១៩៩២ ដល់ ១៩៩៨។

ដោយឡែកឈ្មោះពេញរបស់រថយន្តមួយនេះគឺ McLaren 1995 F1 Chassis 029 ដែលជារថយន្តទី ២៥ ក្នុងចំណោមរថយន្តម៉ូដែលដូចគ្នា ៦៤ គ្រឿង។ ម្ចាស់របស់វាបច្ចុប្បន្ន គឺទិញបន្តពីអ្នកស្រឡាញ់រថយន្តជប៉ុនប៉ុណ្ណោះ ខណៈតម្លៃ ២០,៤៧ លានដុល្លារនេះ គឺវាលើសពីតម្លៃរំពឹងទុកច្រើនគួរសម ដោយមុនដាក់លក់ម្ចាស់រថយន្តដើមរំពឹងថាអាចលក់ចេញក្នុងតម្លៃត្រឹម ១៥ លានដុល្លារប៉ុណ្ណោះ។

ចង់ដឹងតើរចនាបទផ្នែកខាងក្នុងនៃរថយន្តមានសភាពស្អាតកម្រិតណា សូមតាមដានវីដេអូដូចខាងក្រោម៖

ប្រភព: celebritynetworth

The post ថ្លៃជាង Rolls-Royce ទៅទៀត រថយន្ត McLaren ស៊េរីឆ្នាំ ៩៥ ដាក់ដេញថ្លៃលក់ បានថ្លៃបំផុតជាប្រវត្តិសាស្រ្ត appeared first on .

តើអ្នកស្គាល់ទេ? សេដ្ឋីអាមេរិកដើមកំណើតអាស៊ី ៧ រូប ចាកចោលស្រុកកំណើត ផ្សងព្រេងរហូតក្លាយជាសេដ្ឋីនៅអាមេរិក

ឧកញ៉ាសំពៅ — Thu, 26 Aug 2021 01:19:06 +0000

អាមេរិកជាទឹកដីឱកាស សម្រាប់ការធ្វើជំនួញ មានជនជាតិចម្រុះជាតិសាសន៍រស់នៅ។ ជនជាតិអាស៊ីជាច្រើនបានចោលស្រុកកំណើត ដើម្បីផ្សងព្រេងស្វែងរកឱកាសមាសប្រាក់លើទឹកដីដ៏ធំល្វឹងល្វើយនេះ។ ឆ្ងាយពីទឹកដីដូនតា ពួកគេបានប្រឹងប្រែង ប្រើបញ្ញាខំធ្វើជំនួញរហូតក្លាយជាសេដ្ឋី។

នៅក្នុងបញ្ជីឈ្មោះបុគ្គលមានបំផុតក្នុងលោក ១០០ នាក់លើពិភពលោករបស់ Forbes មានសេដ្ឋីជនជាតិអាស៊ីដល់ទៅ ៧ រូបឯណោះ ដែលក្លាយជាសេដ្ឋីនៅអាមេរិក។

តើសេដ្ឋីអាមេរិកដើមកំណើតអាស៊ីទាំង ៧ រូបជានរណា៖

១/ Eric Yuan

លោក Eric Yuan គឺជាសហគ្រិនជនជាតិចិនកាត់អាមេរិក និងជាស្ថាបនិកក្រុមហ៊ុន Zoom។ សេដ្ឋីធំធាត់នៅប្រទេសចិន និងបានប្ដូរលំនៅឋានមករស់នៅសហរដ្ឋអាមេរិកកាលពីឆ្នាំ ១៩៩៧ មកទល់បច្ចុប្បន្ន មានទ្រព្យសម្បត្តិប្រមាណ ១៥,៥ ពាន់លានដុល្លារ។

២/Jensen Huang

ជាស្ថាបនិកក្រុមហ៊ុនផលិតក្រាហ្វិកកាត NVIDIA បំពាក់លើកុំព្យូទ័រ។ ក្រុមហ៊ុននេះកំពុងអភិវឌ្ឍន៍ក្រាហ្វិកតាំងពីកុំព្យូទ័រ រហូតដល់យានយន្តបើកដោយខ្លួនឯងថែមទៀត។

Huang កើតនៅកោះតៃវ៉ាន់ និងបានអន្តោប្រវេសន៍មកសហរដ្ឋអាមេរិក និងបញ្ចប់ការសិក្សាផ្នែកវិស្វកម្មពីសកលវិទ្យាល័យ Oregon State University និង Stanford University។ បន្ទាប់ពីធ្វើការនៅ LSI Logic និង Advanced Micro Devices បុរសរូបនេះបានរកឃើញ NVIDIA ក្នុងឆ្នាំ១៩៩៣ ហើយបច្ចុប្បន្នទំហំទ្រព្យសម្បត្តិរបស់លោកគឺ ១៧,៦ ពាន់លានដុល្លារ។

៣/ Shahid Khan

បុរសកើតនៅប្រទេសប៉ាគីស្ថាន បានចាប់ផ្ដើមធ្វើការនៅក្រុមហ៊ុន Flex-N-Gate រហូតទិញបានក្រុមហ៊ុននេះនៅឆ្នាំ ១៩៨០ និងបានផ្លាស់ប្ដូរទៅជាក្រុមហ៊ុនផ្គត់ផ្គង់រថយន្តធំបំផុតមួយនៅអាមេរិកខាងជើង។

ក្រៅពីក្រុមហ៊ុនផ្គត់ផ្គង់រថយន្ត មហាសេដ្ឋី Khan ក៏ត្រូវបានគេស្គាល់ថាជា ម្ចាស់ក្លឹបកីឡាជាច្រើនដូចជា Jacksonville Jaguars និង Fulham F.C ជាដើម។ បច្ចុប្បន្ន បុរសខាងលើគឺមានទ្រព្យសម្បត្តិប្រមាណ ៧,៧ ពាន់លានដុល្លារ។

៤/ Jay Chaudhry

ជាធម្មតាការគ្រប់គ្រងអាជីវកម្មច្រើនកន្លែង គឺមានហានិភ័យណាស់សម្រាប់សហគ្រិននីមួយៗ តែករណីនេះមិនមែនសម្រាប់ Jay Chaudhry ឡើយ ព្រោះលោកគឺបានបង្កើតក្រុមហ៊ុនបច្ចេកវិទ្យាច្រើនកន្លែងដូចជា AirDefense, CipherTrust, CoreHarbor និង SecureIT ជាដើម ដែលសុទ្ធតែត្រូវបានលក់ទៅឲ្យក្រុមហ៊ុនធំៗ។

បុរសធំធាត់ឡើងនៅប្រទេសឥណ្ឌា បច្ចុប្បន្នមានទំហំទ្រព្យសម្បត្តិប្រមាណ ១០,៧ ពាន់លានដុល្លារ និងជាសហស្ថាបនិក ក៏ដូចជា CEO នៃក្រុមហ៊ុន Zscaler ផងដែរ។

៥/ David Sun និង John Tu

សេដ្ឋីដើមកំណើតអាស៊ីនេះ ធ្លាប់បរាជ័យជោគជាំលើអាជីវកម្មក្រុមហ៊ុនផលិតបន្ទះឈីប Camintonn Corporation ដែលដួលបះជើងក្នុងឆ្នាំ ១៩៨៧។ យ៉ាងណា អ្នកទាំង ២ មិនបានអស់សង្ឃឹមឡើយ ដោយបានយកប្រាក់សន្សែសន្សំមកចាប់ផ្ដើមបង្កើតក្រុមហ៊ុនថ្មីឈ្មោះ Kingston Technology ដែលបច្ចុប្បន្នជាក្រុមហ៊ុនផលិតអង្គចងចាំកុំព្យូទ័រធំបំផុតមួយក្នុងលោក ខណៈទំហំទ្រព្យសម្បត្តិរបស់អ្នកទាំង ២ វិញគឺមានប្រមាណ ៨,៤ ពាន់លានដុល្លារក្នុងម្នាក់។

៦/ Sun Hongbin

គឺជាស្ថាបនិកក្រុមហ៊ុនអចលនទ្រព្យ Sunac China Holdings ដែលរ៉ាប់រងស្ទើរគ្រប់សំណង់ធំៗគ្រប់បែបយ៉ាង តាំងពីរមណីយដ្ឋាន រហូតដល់សួនកម្សាន្ត។ បុរសមានដើមកំណើតនៅខេត្ត Shanxi ប្រទេសចិន បច្ចុប្បន្នមានទ្រព្យសម្បត្តិប្រមាណ ៧,៣ ពាន់លានដុល្លារ។

៧/ Patrick Soon-Shiong

ជាស្ថាបនិកក្រុមហ៊ុន ImmunityBio ដែលផ្ដោតទៅលើការផលិត និងជួយពង្រឹងប្រព័ន្ធការពាររាងកាយអ្នកជំងឺ។ Patrick កើតនៅអាហ្វ្រិកខាងត្បូង បន្ទាប់ពីឪពុកម្ដាយរបស់លោកបានធ្វើអន្តោប្រវេសន៍ពីប្រទេសចិន។

ក្រៅពីក្រុមហ៊ុនផ្នែកវេជ្ជសាស្ត្រ Patrick បានចំណាយលុយទិញក្រុមហ៊ុនសារព័ត៌មាន The Los Angeles Times និង The San Diego Union-Tribuneផងដែរ និងបានរស់នៅទីក្រុង California ភាគខាងត្បូងអស់រយៈពេល ៤ ទសវត្សថែមទៀត។ បច្ចុប្បន្ន ទ្រព្យសម្បត្តិរបស់លោកមានប្រមាណ ៧ ពាន់លានដុល្លារ៕

ប្រភព: investopedia

The post តើអ្នកស្គាល់ទេ? សេដ្ឋីអាមេរិកដើមកំណើតអាស៊ី ៧ រូប ចាកចោលស្រុកកំណើត ផ្សងព្រេងរហូតក្លាយជាសេដ្ឋីនៅអាមេរិក appeared first on .

នាវាចំណាស់ប៊ិះវៃចេញជាអេតចាយ ឥឡូវនេះកំពុងប្រែក្លាយបន្តិចម្តងៗ ជាសណ្ឋាគារទំនើប

ឧកញ៉ាសំពៅ — Wed, 25 Aug 2021 01:22:00 +0000

លោក Brock Pierce ដែលគេស្គាល់ជាមហាសេដ្ឋី Bitcoin មួយរូប ដែលមានទំហំទ្រព្យសម្បត្តិប្រមាណ ១,១ ពាន់លានដុល្លារ បានធ្វើការវិនិយោគលើអាជីវកម្មថ្មីមួយ គឺសាងសង់សណ្ឋាគារទំនើប។

ប្រភពពី Fox Business បានឲ្យដឹងថា Pierce បានជះលុយប្រមាណ ១,៩ លានដុល្លារទិញយកនាវាចំណាស់មួយដែលមានប្រវែងដល់ទៅជាង ១៥៣ ម៉ែត្រ គ្រោងកែប្រែទៅជាសណ្ឋាគារទំនើប និងសារមន្ទីរថែមទៀត។

គិតមកទល់ពេលនេះ មហាសេដ្ឋី Bitcoin រូបនេះ ចាយអស់ប្រមាណជិត ៧ លានដុល្លារទៅលើថ្លៃជួសជុល និងតុបតែងនាវាសារជាថ្មី ខណៈនៅមានការកែកុនច្រើនកន្លែងទៀត ហើយបច្ចុប្បន្ននេះមានបុគ្គលិកច្រើនជាង ១៨០ នាក់កំពុងធ្វើការលើគម្រោងមួយនេះ។

បើតាមប្រវត្តិនាវានេះធ្លាប់ប្រើប្រាស់ដោយប្រធានាធិបតីប្រទេសព័រទុយហ្គាល់ក្នុងអំឡុងទសវត្ស ១៩៦០ ហើយរហូតមកដល់ប៉ុន្មានឆ្នាំចុងក្រោយវាក៏ត្រូវបានទុកចោល និងប៊ិះតែនឹងវៃចេញជាអេតចាយទៅហើយ។

ប្រាប់ទៅកាន់ Page Six មហាសេដ្ឋីវ័យ ៤០ ឆ្នាំពន្យល់ថា លោកបានចាប់អារម្មណ៍ភ្លាមៗតែម្ដង ពេលដឹងដំណឹងថា នាវាចំណាស់មួយត្រូវបានបោះបង់ចោល ហើយលោកក៏មានគម្រោងទុកនាវានោះ នៅទីក្រុងលីសបូនប្រទេសព័រទុយហ្គាល់ជារៀងរហូតដែរ។

លើសពីនេះ លោកក៏មានគម្រោងបើកសម្ពោធនាវាខាងលើជាសាធារណៈពេលបញ្ចប់ការជួសជុល និងបានធានាដល់រដ្ឋាភិបាលព័រទុយហ្គាល់ថា គោលបំណងតែមួយគឺ ចង់ថែរក្សាវត្ថុដែលមានអាយុកាលចំណាស់ប៉ុណ្ណោះ មិនចង់បានផលចំណេញអ្វីឡើយ៕

ប្រភព: therichest

The post នាវាចំណាស់ប៊ិះវៃចេញជាអេតចាយ ឥឡូវនេះកំពុងប្រែក្លាយបន្តិចម្តងៗ ជាសណ្ឋាគារទំនើប appeared first on .

មួយថ្ងៃបានជិត ៦ លានដុល្លារ មូលនិធិជួលយន្តហោះដឹកជម្លៀសជនជាតិអាហ្គានីស្ថានចេញពីដៃតាលីបង់

ឧកញ៉ាសំពៅ — Tue, 24 Aug 2021 04:49:11 +0000

ស្ថានភាពនៅក្នុងប្រទេសអាហ្វហ្គានីស្ថានហាក់មិនសូវជាមានភាពស្ងប់ស្ងាត់ប៉ុន្មានឡើយ បន្ទាប់ពីរដ្ឋធានីកាប៊ុលត្រូវបានធ្លាក់ទៅក្រោមការគ្រប់គ្រងរបស់ក្រុមឧទ្ទាមតាលីបង់។

ដោយមើលឃើញពីស្ថានការណ៍ដ៏អាក្រក់មួយនេះ Tommy Marcus ដែលជាអ្នកបង្កើតរូបភាពត្លុកតាមបណ្ដាញសង្គម Instagram ដ៏ល្បីឈ្មោះមួយរូប ក៏ចាប់ផ្ដើមធ្វើមូលនិធិរៃអង្គាសប្រាក់កាសដើម្បីចេញថ្លៃសាំងយន្តហោះសម្រាប់ការជម្លៀសប្រជាជនអាហ្វហ្គានីស្ថាន។

Tommy ដែលមានគណនីឈ្មោះ Quentin Quarantino នៅលើ Instagram បានបង្កើតកម្មវិធីសប្បុរសធម៌មួយនៅលើគេហទំព័រ GoFundMe កាលពីពេលថ្មីៗនេះ ដោយបានរាយរាប់អំពីការងារសប្បុរសធម៌ដែលគាត់ធ្លាប់ធ្វើកន្លងមក។

Tommy ក៏បានប្រាប់ពីគោលបំណងនៃមូលនិធិនេះ គឺដើម្បីជម្លៀសប្រជាជនអាហ្វហ្គានីស្ថានគ្រប់ៗគ្នា ជាពិសេសគឺអ្នកដែលស្ថិតនៅក្នុងបញ្ជីខ្មៅរបស់ក្រុមតាលីបង់ដែលមានដូចជា ក្រុមមេធាវីការពារសិទ្ធិមនុស្ស ក្រុមការពារសិទ្ធិនារី ក្រុមគាំទ្រការស្រឡាញ់ភេទដូចគ្នា ក្រុមអ្នកសារព័ត៌មាន ក្រុមអ្នកនាំពាក្យរដ្ឋាភិបាល ក្រុមអ្នកសិល្បៈ និងអ្នកបកប្រែជាដើម។

បុរសខាងលើបានពន្យល់លំអិតទៀតថា តម្លៃសំបុត្រគឺ ១ ៥០០ ដុល្លារក្នុងមួយកៅអី ដូច្នេះបើមូលនិធិអាចកើនដល់ ៥៥០ ០០០ ដុល្លារ នោះលោកនឹងអាចចរចាជាមួយក្រុមហ៊ុនដៃគូសម្រាប់ការចំណាយត្រឹមថ្លៃសាំងយន្តហោះ សម្រាប់ការហោះហើរ ២ ជើង ដែលចេញពីទីក្រុងកាប៊ុលទៅកាន់ប្រទេសមួយផ្សេងទៀត។

តែរឿងភ្ញាក់ផ្អើលមួយបានកើតឡើង ដោយមូលនិធិមួយនេះបែរជាមានកំណើនរហូតដល់ ៥,៨ លានដុល្លារត្រឹមរយៈពេលមួយថ្ងៃប៉ុណ្ណោះ ក្រោមការចូលរួមពីសប្បុរសជន ១០ ម៉ឺននាក់ ខណៈគោលបំណងធំបំផុតនៃកម្មវិធីនេះ គឺប៉ងចង់បានត្រឹម ៤,៤ លានដុល្លារប៉ុណ្ណោះ ហើយមកទល់បច្ចុប្បន្នតួលេខនៅតែបន្តកើនឡើងឥតឈប់ឈរ។

បើទោះជាទទួលបានលទ្ធផលល្អប្រសើរក្ដី តែ Tommy និងដៃគូរបស់លោកត្រូវបានគេសង្ស័យថាមានសមត្ថភាពគ្រប់គ្រាន់សម្រាប់បេសកកម្មមួយនេះដែរទេ ជាពិសេសពេលនេះពួកគេក៏មានប្រាក់គ្រប់គ្រាន់សម្រាប់ការហោះហើរ ១២ ជើង ដូចដែលបានសន្យាថែមទៀត។

ជាក់ស្ដែង សាស្ត្រាចារ្យ Karen Jacobsen នៃសកលវិទ្យាល័យ Tufts University ដែលបង្រៀនមុខវិជ្ជាទាក់ទងនឹងការធ្វើអន្តោប្រវេសន៍ បានពន្យល់ប្រាប់ The New York Times ថា មូលនិធិខាងលើស្ដាប់ទៅដូចជា ហួសហេតុ ព្រោះមានភស្តុតាងដូចជា ការស្នើសុំលិខិតអនុញ្ញាតពីរដ្ឋាភិបាលអាមេរិក សម្រាប់ការទទួលស្គាល់ប្រជាជនអាហ្វហ្គានីស្ថានដែលភៀសខ្លួន គឺមិនទាន់មាននៅឡើយ៕

ប្រភព: therichest

The post មួយថ្ងៃបានជិត ៦ លានដុល្លារ មូលនិធិជួលយន្តហោះដឹកជម្លៀសជនជាតិអាហ្គានីស្ថានចេញពីដៃតាលីបង់ appeared first on .

តារាចម្រៀងសញ្ជាតិកាណាដា The Weeknd ទើបទិញបានភូមិគ្រឹះតម្លៃ ៧០ លានដុល្លារ នៅតំបន់ Bel Air

ឧកញ៉ាសំពៅ — Sat, 21 Aug 2021 04:07:45 +0000

អាជីពជាតារាចម្រៀងនៅប៉ែកអឺរ៉ុបទទួលបានចំណូល រហូតដល់អ្នកចម្រៀងខ្លះមានទ្រព្យសម្បត្តិច្រើនមហាសាលក្លាយជាសេដ្ឋី។ដូចអ្នកនាង Rihanana ដែលទើបនឹងក្លាយជាអ្នកចម្រៀងមានប្រាក់ពាន់លានដុល្លារជាដើម។

ដោយឡែក ក្រឡេកទៅមើលតារាចម្រៀង The Weeknd ដែលមានសម្លេងស្រទន់វិញ ក៏មានចំណូលច្រើនមិនធម្មតាដែរ ដោយលោកទើបនឹងចំណាយថវិកាប្រមាណ ៧០ លានដុល្លារទិញយកភូមិគ្រឹះមួយកន្លែងនៅតំបន់ Bel Air កាលពីពេលថ្មីៗនេះ។

យោងតាមប្រភពសារព័ត៌មានWall Street Journal ភូមិគ្រឹះតម្លៃ ៧០ លានដុល្លាររបស់ The Weeknd គឺមានផ្ទៃក្រឡា ៣ ០៦៥,៨ ម៉ែត្រការ៉េ ដែលមាន ៩ បន្ទប់គេង អាងហែលទឹកទាំងក្នុង និងក្រៅផ្ទះ រោងភាពយន្ត ស្ទូឌីយោថតចម្រៀង កន្លែងលេងកីឡា និងកន្លែងកម្សាន្តជាច្រើនផ្សេងទៀត។

ផ្ទះមួយខ្នងនេះ គ្រាន់តែជាសម្បត្តិអចលនទ្រព្យមួយប៉ុណ្ណោះរបស់អ្នកចម្រៀងសញ្ជាតិកាណាដា ព្រោះកាលពីឆ្នាំ ២០១៧ ក៏បានចាយលុយ ១៨ លានដុល្លារទិញផ្ទះមួយកន្លែងនៅ Hidden Hills តែលក់ទៅឲ្យតារាចម្រៀង Madonna ក្នុងតម្លៃ ២០ លានដុល្លាកាលពីខែមេសា ២០២១។

ដោយឡែក កាលពីឆ្នាំ ២០១៩ តារាចម្រៀងរូបនេះបានចំណាយ ២១ លានដុល្លារទិញផ្ទះមួយទៀតនៅ Beverly Hills ហើយបើគិតពីតម្លៃសរុបនៃផ្ទះទាំង ២ នេះគឺ ៩១ លានដុល្លារទៅហើយ ខណៈវាក៏មានន័យថា The Weeknd ត្រូវរកចំណូលបានតិចបំផុត ២ លានដុល្លារ/ឆ្នាំ ដ្បិតច្បាប់បង់ពន្ធអចលនទ្រព្យនៅ California តម្រូវឲ្យបង់ ១%នៃតម្លៃផ្ទះសរុប ដូច្នេះ The Weeknd ត្រូវចាយ ៩ សែនដុល្លារជារៀងរាល់ឆ្នាំសម្រាប់ផ្ទះ ២ កន្លែងនេះ៕

ប្រភព: celebritynetworth

The post តារាចម្រៀងសញ្ជាតិកាណាដា The Weeknd ទើបទិញបានភូមិគ្រឹះតម្លៃ ៧០ លានដុល្លារ នៅតំបន់ Bel Air appeared first on .

មិនបាច់ចាយលុយទិញថ្នាំវីតាមីន C សាកផ្លែឈើ ៦ មុខនេះសំបូរវីតាមីន C បំផុត ណែនាំពីគ្រូពេទ្យ

ឧកញ៉ាសំពៅ — Sat, 21 Aug 2021 01:03:01 +0000

តាំងពីផ្ទុះកូវីដមក ការងាកទៅរកថ្នាំវីតាមីន C តាមហាងពេទ្យកើនឡើង ដោយសារតែមានការផ្សព្វផ្សាយថាជួយការពាររៀងកាយទប់ទល់ជំងឺ។

បើតាមការបកស្រាយពីវេជ្ជសាស្រ្តវីតាមីន C ដើរតួយ៉ាងសំខាន់សម្រាប់ជួយដល់សុខភាពប្រចាំថ្ងៃរបស់មនុស្សយើងម្នាក់ៗ ដូចជាជួយថែរក្សាសម្រស់ឲ្យមានភាពក្មេងជាងវ័យ ក៏ដូចជាជួយឲ្យប្រព័ន្ធភាពស៊ាំក្នុងសារពាង្គកាយកាន់តែរឹងមាំជាដើម។

ជាទូទៅ ផ្លែក្រូចគឺគេជឿថា សំបូរទៅដោយវីតាមីន C ច្រើនជាងផ្លែឈើគ្រប់ប្រភេទណាទាំងអស់ តែក្រៅពីផ្លែក្រូច ក៏មានផ្លែឈើ ៦ មុខទៀតដែលពោរពេញទៅដោយវីតាមីន C ដូចគ្នា។

1/ ផ្លែស្ត្របឺរី

ផ្លែស្ត្របឺរី គឺពេញនិយមដោយសារពណ៌ក្រហមឆ្អិនឆ្អៅរបស់វា និងរសជាតិជូរអែមជាទីគាប់ចិត្ត ហើយលើសពីនេះ វាក៏មានផ្ទុកនូវវីតាមីន C ប្រមាណ ៥៩mg សម្រាប់ទំងន់ ១០០g ផងដែរ ខណៈជាទូទៅផ្លែក្រូច ១០០g មានផ្ទុកវីតាមីន C ៥៣mg។

2/ ផ្លែត្របែក

ផ្លែត្របែកក៏ជាផ្លែឈើមួយប្រភេទដែលមានវីតាមីន C ច្រើនខ្លាំងមិនគួរឲ្យជឿដោយវាមានរហូតដល់ ២២៨mg សម្រាប់ទំងន់ ១០០g ឯណោះ។

3/ផ្លែម្នាស់

មិនត្រឹមតែមានរសជាតិផ្អែមឆ្ងាញ់ឡើយ ម្នាស់ក៏ផ្ដល់ឲ្យយើងទទួលបានទាំងវីតាមីន និងអាហារូបត្ថម្ភផ្សេងៗផងដែរ។ រៀងរាល់ម្នាស់ទំងន់ ១០០g ផ្ទុកនូវវីតាមីន C ចំនួន ៤៨mg ហើយក្នុងនោះវាក៏មានផ្ទុកនូវសារធាតុប្រឆាំងជំងឺផ្សេងៗថែមទៀត។

4/ផ្លែស្វាយ

ស្វាយគឺជាផ្លែឈើមួយប្រភេទដែលទទួលបានការពេញនិយមទូទាំងសកលលោក ជាពិសេសនៅប្រទេសអាស៊ីតែម្ដង ដោយសារផ្លែឈើប្រភេទនេះអាចទទួលទានបានតាំងពីនៅខ្ចីរហូតដល់ទុំ និងអាចធ្វើជាបង្អែម ឬដំណាប់ជាដើម។ អត្ថប្រយោជន៍ច្រើនបែបនេះមែន តែស្វាយហាក់មានវីតាមីន C ទាបជាងក្រូចបន្តិចពោលគឺ មានចំនួន ៣៦mg/១០០g។

5/ផ្លែឃីវី

ជាមួយរសជាតិជូរអែម ឃីវីមានផ្ទុកនូវវីតាមីន C រហូតដល់ ៩៣mg/១០០g ហើយវាក៏ជាផ្លែឈើល្អបំផុតសម្រាប់ទ្រទ្រង់ប្រព័ន្ធភាពស៊ាំផងដែរ។

6/ផ្លែល្ហុង

ផ្លែល្ហុងក៏ជាផ្លែឈើមានជាតិវីតាមីន C ខ្ពស់បំផុតដែរ ដោយមានចំនួន ៦២mg/១០០g ហើយបន្ថែមពីនោះ ការទទួលទានល្ហុងទុំអាចជួយដល់ចរន្តឈាមឲ្យដំណើរការបានល្អ និងការពារជំងឺមហារីកពោះវៀនថែមទៀត៕

ប្រភព: timesofindia

The post មិនបាច់ចាយលុយទិញថ្នាំវីតាមីន C សាកផ្លែឈើ ៦ មុខនេះសំបូរវីតាមីន C បំផុត ណែនាំពីគ្រូពេទ្យ appeared first on .

អន្តរជាតិ

ចំណាត់ថ្នាក់ទីក្រុង ដែលគួរឱ្យចង់រស់នៅជាងគេបំផុតលើពិភពលោកទាំង១១ ឆ្នាំ២០២២

រដ្ឋាភិបាលកម្ពុជា បើកឡើងវិញការផ្តល់ទិដ្ឋាការពេលមកដល់ សម្រាប់អ្នកដំណើរអន្តរជាតិ

ដាច់ភ្លើងញឹកញាប់ពេក ឥណ្ឌាផ្តល់កម្ចីឥណទាន ៥០០ លានដុល្លារ ទៅឱ្យប្រទេសស្រីលង្កា ទិញប្រេងឥន្ធនៈ

​ថ្លៃ​ជាង Rolls-Royce ទៅ​ទៀត រថយន្ត​ McLaren ស៊េរី​ឆ្នាំ ៩៥ ដាក់​ដេញថ្លៃ​លក់​ បាន​ថ្លៃ​បំផុត​ជា​ប្រវត្តិសាស្រ្ត

នាវា​ចំណាស់​ប៊ិះ​​វៃ​ចេញ​ជា​​អេតចាយ​ ឥឡូវនេះកំពុង​ប្រែក្លាយ​បន្តិច​ម្តងៗ​ ជា​សណ្ឋាគារ​ទំនើប

មួយ​ថ្ងៃ​បាន​ជិត ៦ លាន​ដុល្លារ មូលនិធិ​ជួល​យន្តហោះ​ដឹកជម្លៀស​ជនជាតិ​អាហ្គានីស្ថានចេញពីដៃ​តាលីបង់

តារា​ចម្រៀង​សញ្ជាតិកាណាដា The Weeknd ទើប​ទិញ​បាន​​ភូមិ​គ្រឹះតម្លៃ​​ ៧០ លាន​ដុល្លារ ​នៅ​តំបន់ Bel Air

មិន​បាច់​ចាយ​លុយ​ទិញ​​ថ្នាំ​វីតាមីន​ C សាក​​ផ្លែឈើ ៦ មុខ​នេះសំបូរវីតាមីន​ C ​បំផុត ណែនាំ​ពី​គ្រូពេទ្យ

ថ្លៃជាង Rolls-Royce ទៅទៀត រថយន្ត McLaren ស៊េរីឆ្នាំ ៩៥ ដាក់ដេញថ្លៃលក់ បានថ្លៃបំផុតជាប្រវត្តិសាស្រ្ត

នាវាចំណាស់ប៊ិះវៃចេញជាអេតចាយ ឥឡូវនេះកំពុងប្រែក្លាយបន្តិចម្តងៗ ជាសណ្ឋាគារទំនើប

មួយថ្ងៃបានជិត ៦ លានដុល្លារ មូលនិធិជួលយន្តហោះដឹកជម្លៀសជនជាតិអាហ្គានីស្ថានចេញពីដៃតាលីបង់

តារាចម្រៀងសញ្ជាតិកាណាដា The Weeknd ទើបទិញបានភូមិគ្រឹះតម្លៃ ៧០ លានដុល្លារ នៅតំបន់ Bel Air

មិនបាច់ចាយលុយទិញថ្នាំវីតាមីន C សាកផ្លែឈើ ៦ មុខនេះសំបូរវីតាមីន C បំផុត ណែនាំពីគ្រូពេទ្យ