ជុំវិញការរំសាយកិច្ចព្រមព្រៀងនេះ ត្រូវបានកើតឡើង ចំពេលដែលក្រុមហ៊ុន iRobot ក៏កំពុងប្រកាសថាខ្លួនឹងធ្វើការបញ្ឈប់បុគ្គលិកប្រហែល ៣៥០ នាក់ ឬប្រហែល ៣១% នៃកម្លាំងការងារសរុបរបស់ខ្លួន ដើម្បីជាផ្នែកមួយនៃការរៀបចំរចនាសម្ព័ន្ធក្រុមហ៊ុនឡើងវិញ។

គួរឲ្យដឹងទៀតផងដែរថា ជាផ្នែកនៃការរៀបចំរចនាសម្ព័ន្ធឡើងវិញ iRobot ក៏កំពុងផ្អាកការផលិតរបស់ខ្លួនទៅលើឧបករណ៍ស្នូលសំខាន់ៗដូចជា ម៉ាស៊ីន​បន្សុទ្ធ​ខ្យល់ និងម៉ាស៊ីនកាត់ស្មៅ ព្រមទាំងបិទការិយាល័យ និងហាងលក់គ្រឿងបរិក្ខារនានា នៅកន្លែងដែលអាជីវកម្មរបស់ខ្លួនមិនសូវដំណើរការផងដែរ។

ការ​ប្រកាស​នេះ​ត្រូវធ្វើ​ឡើង​បន្ទាប់​ពី​កិច្ចព្រមព្រៀងក្នុងការទិញយកក្រុម iRobot របស់ Amazon ក្នុងតម្លៃប្រមាណ ១,៤ ពាន់​លាន​ដុល្លារ​ ត្រូវបានរារាំងដោយ​និយតករ​សហភាព​អឺរ៉ុប ដោយកាលពីខែវិច្ឆិកាឆ្នាំមុន គណៈកម្មការអឺរ៉ុប បាននិយាយថា កិច្ចព្រមព្រៀងនេះហាក់ផ្តល់ការរឹតបន្តឹងខ្លាំង ចំពោះការប្រកួតប្រជែងនៅក្នុងទីផ្សារ។

ជម្រាបជូនទៀតផងដែរថា និយតករអឺរ៉ុបក៏មានការព្រួយបារម្ភទៀតថា​ក្រុមហ៊ុន Amazon អាចនឹងប្រើសិទ្ធិក្នុងការទិញយកនេះ ដើម្បីលុបឈ្មោះ ឬកាត់បន្ថយក្រុមហ៊ុនដែលជាគូប្រជែង ដែលនឹងនាំឲ្យតម្លៃកាន់តែកើនឡើងខ្ពស់ ក៏ដូចជាគុណភាពទាប និងការច្នៃប្រឌិតតិច សម្រាប់អ្នកប្រើប្រាស់៕

The post EU រារាំង Amazon ក្នុងការទិញយកក្រុមហ៊ុន iRobot ក្នុងតម្លៃជាង ១ពាន់លានដុល្លារ appeared first on .