យោងតាមការចុះផ្សាយពីសារព័ត៌មាន The Fortune បានបង្ហាញថា នេះគឺជារឿងកម្រមួយ ដែល IRS ចេញមុខមកសុំទោសបុគ្គលម្នាក់ជាសាធារណៈ បន្ទាប់ពីមហាសេដ្ឋីម្នាក់នេះ បានដាក់ពាក្យប្ដឹងក្រសួងរតនាគារអាមេរិក ជុំវិញការបញ្ចេញព័ត៌មានផ្ទាល់ខ្លួនរបស់លោកកាលពីចុងខែធ្នូ។

“សេវាកម្មប្រាក់ចំណូលផ្ទៃក្នុង សុំធ្វើការសុំទោសចំពោះលោក Kenneth Griffin និងប្រជាជនអាមេរិករាប់ពាន់នាក់ទៀត ដែលត្រូវបានបញ្ចេញទិន្នន័យផ្ទាល់ខ្លួន ទៅកាន់សាធារណៈ”។ នេះបើតាមអត្ថន័យនៃលិខិតសុំទោសពី IRS។

សូមជម្រាបដែរថា ការសុំទោសរបស់ IRS កើតឡើង ក្រោយអតីតបុគ្គលិកម្នាក់មានឈ្មោះថា Charles Littlejohn ត្រូវបានតុលាការកាត់ទោសឲ្យជាប់ពន្ធនាគារ រយៈពេល ៥ឆ្នាំ ពីបទបញ្ចេញក្រដាសពន្ធខុសច្បាប់ និងទម្លាយព័ត៌មានផ្ទាល់ខ្លួនលោក Griffin ទៅកាន់អង្គការក្រៅរដ្ឋាភិបាល ProPublica៕

The post IRS ចេញលិខិតសុំទោសមហាសេដ្ឋីអាមេរិកម្នាក់ ក្រោយបែកធ្លាយទិន្នន័យបង់ពន្ធផ្ទាល់ខ្លួន appeared first on .