យោងតាមសេចក្តីសម្រេចដែលត្រូវបានចេញផ្សាយនៅថ្ងៃទី៩ ខែកុម្ភៈ ដោយចៅក្រមនៅតុលាការមួយនៅសង្កាត់ West Kowloon ទីក្រុងហុងកុង បាននិយាយថា ៖” បន្ទាប់ពីមានការពិចារណាលើលក្ខណៈធ្ងន់ធ្ងរនៃបទល្មើសរបស់លោក Lai តុលាការបានសន្និដ្ឋានថាទោសអតិបរមាសម្រាប់គាត់ នៅក្នុងករណីនេះ គឺនឹងត្រូវជាប់ពន្ធនាគាររយៈពេល ២០ឆ្នាំ”។

គួរឲ្យដឹងថា លោក Lai បច្ចុប្បន្នវ័យ ៧៨ឆ្នាំ ដែលជាស្ថាបនិករបស់បណ្តាញសារព័ត៌មានដ៏ធំ Apple Daily ត្រូវបានកាត់ទោសនៅក្នុងខែធ្នូ ឆ្នាំ២០២៥ ក្រោមច្បាប់សន្តិសុខជាតិលើបទចោទប្រកាន់ចំនួនពីរគឺ ការឃុបឃិតជាមួយកងកម្លាំងបរទេស និង ការបោះពុម្ពផ្សាយព័ត៌មានបង្កឲ្យមានការញុះញង់។

Apple Daily ដែលបង្កើតឡើងក្នុងឆ្នាំ១៩៩៥ ដំបូងឡើយបានទាក់ទាញអ្នកអានជាមួយនឹងព័ត៌មានដ៏គួរឲ្យចាប់អារម្មណ៍ជាច្រើន ដូចជាការលួចមើលជីវិតឯកជនរបស់តារាល្បីៗ និងករណីឧក្រិដ្ឋកម្មបង្ហូរឈាមជាដើម។ ហើយក្នុងអំឡុងពេលនៃការតវ៉ានៅហុងកុង កាសែតនេះតែងតែរិះគន់ទីក្រុងប៉េកាំង និងរដ្ឋាភិបាលហុងកុងជានិច្ច។

បន្ទាប់ពីច្បាប់សន្តិសុខជាតិរបស់ហុងកុងត្រូវបានអនុវត្ត លោក Jimmy Lai ត្រូវបានចាប់ខ្លួនដោយប៉ូលីសក្នុងខែសីហា ឆ្នាំ២០២០ ដោយសង្ស័យថាបានឃុបឃិតជាមួយកងកម្លាំងបរទេស និងការក្លែងបន្លំ។កាសែត Apple Daily ត្រូវបានបង្ខំឱ្យបិទទ្វារក្នុងខែមិថុនា ឆ្នាំ២០២១ បន្ទាប់ពីប៉ូលីសបានឆ្មក់ចូលទីស្នាក់ការកណ្តាលរបស់ខ្លួន ហើយអាជ្ញាធរហុងកុងបានបង្កកទ្រព្យសម្បត្តិរបស់លោក Lai និងកាសែតនេះផងដែរ។

ជម្រាបជូនផងដែរថា លោក Lai ត្រូវបាត់ទុកថាជាស្តេចត្រាញ់នៅក្នុងវិស័យសារព័ត៌មានរបស់ហុងកុង ដោយលោកត្រូវបានគេប៉ាន់ប្រមាណថាមានចំនួនទ្រព្យសម្បត្តិសរុប ១,២ពាន់លានដុល្លារ៕​

The post មហាសេដ្ឋីសារព័ត៌មានហុងកុង Jimmy Lai ត្រូវបានកាត់ទោសឲ្យជាប់ពន្ធនាគាររយៈពេល ២០ឆ្នាំ appeared first on .

ប៉ុន្តែបើយោងតាមការចុះផ្សាយពី Bangkokpost ថ្មីៗនេះ បានបង្ហាញថា ដោយសារមាន​ការ​តវ៉ា និង​អន្តរាគមន៍​ពី​ប្រទេសលោកខាងលិច ពេលនេះ​តុលាការ​បាន​សម្រេចពន្យារពេល​កាត់ទោស​ស្ដេចត្រាញ់​ហុងកុង រហូត​ដល់​ខែកញ្ញា ឆ្នាំ ២០២៣ ស្របពេល​រដ្ឋាភិបាល​ព្យាយាម​រារាំង​មេធាវី​នៅបរទេស​របស់​បុរសវ័យ ៧៥ ឆ្នាំ ពី​ការការពារ​រូបលោក។

យ៉ាងណាមិញ មុនពេលឈានដល់មានរឿតក្តីក្តាំងទាំងនេះ ឧកញ៉ាញូវ សូមយកយកប្រវត្តិទាក់ទងខ្លះ របស់លោក Jimmy Lai មកចែកជូនប្រិយមិត្តឱ្យបានដឹង ៖

លោក Lai បានកើតនៅទីក្រុងក្វាងចូវ ប្រទេសចិន នៅក្នុងឆ្នាំ ១៩៤៨ នៅក្នុងគ្រួសារមានទ្រព្យស្តុកស្តម្ភមួយ ប៉ុន្តែក្រោយមកគ្រួសារលោក បានបែកបាក់គ្នា ហើយត្រូវបាត់បង់អ្វីៗគ្រប់យ៉ាងវិញ នៅពេលដែលបក្សកុម្មុយនិស្ត បានចូលមកគ្រប់គ្រងអំណាច នៅឆ្នាំ ១៩៤៩ ។

ដោយមានប្អូនស្រីពីរនាក់ នៅក្នុងបន្ទុក នៅទីបំផុត លោក Lai បានសម្រេចចិត្តផ្លាស់ទៅកាន់ទីក្រុងហុងកុង ដើម្បីធ្វើផ្លាស់ប្តូរជីវិត ហើយនៅទីនោះ លោកទទួលបានការងារដំបូង ជាអ្នករត់តុ នៅឆ្នាំ ១៩៦០ ដែលពេលនោះលោកមានវ័យត្រឹម ១២ ឆ្នាំប៉ុណ្ណោះ។ ស្របពេលជាមួយគ្នានោះ លោកក៏ទទួលបានការងារជាកម្មករ នៅក្នុងរោងចក្រកាត់ដេរមួយកន្លែងផងដែរ ដោយអាចបានប្រាក់ឈ្នួលត្រឹម ៨ ដុល្លារ ក្នុងមួយខែប៉ុណ្ណោះ ។

បន្តិចម្តងៗ លោក Lai បានអភិវឌ្ឍសមត្ថភាពការងាររបស់គាត់ ដោយទទួលបានតំណែងជាអ្នកគ្រប់គ្រងរោងចក្រ នៅអាយុ ២១ ឆ្នាំ។ ហើយលុះដល់ឆ្នាំ ១៩៧៥ លោក មានប្រាក់ចំណូលសមរម្យ ដែលគ្រប់គ្រាន់អាចឱ្យគាត់ ធ្វើការវិនិយោគក្នុងទីផ្សារភាគហ៊ុន ហើយទទួលបានផលចំណេញយ៉ាងច្រើន។

នៅទីបំផុត លោក Lai បានប្រើប្រាស់ប្រាក់ចំណូលទាំងនោះ ដើម្បីទិញយករោងចក្រកាត់ដេរខ្នាតតូចមួយ ឈ្មោះថា Comitex ។ ដោយសារអាជីវកម្មចេះតែរីកចម្រើ គាត់បានចាប់ផ្តើមផលិតអាវយឺត ហើយលក់វា ទៅឱ្យហាងលក់រាយធំៗ នៅសហរដ្ឋអាមេរិក ដូចជា Montgomery Ward និង J.C. Penney ។

លុះដល់ឆ្នាំ ១៩៨១ លោក Lai បានបន្តបង្កើតហាងផ្ទាល់ខ្លួនមួយ ឈ្មោះថា Giordano ដែលវាបានក្លាយជាហាងលក់រាយធំបំផុតមួយនៅអាស៊ី ដោយមានសាខារហូតដល់ ២ ៤០០ កន្លែង នៅក្នុង ៣០ ប្រទេស ។

រហូតដល់ទសវត្សរ៍ឆ្នាំ ១៩៩០ លោក Lai បានសម្រេចចិត្តឈប់រកស៊ីលើឧស្សាហកម្មកាត់ដេរ ហើយបានចាប់ផ្តើមបោះពុម្ពលក់ទស្សនាវដ្តី ឈ្មោះថា Next និង Apple Daily ជំនួសវិញ ដែលរួមបញ្ចូលទាំងរឿងនយោបាយ និងរឿងរ៉ាវអាជីវកម្មផ្សេងៗ ។

ជាមួយនឹងភាពល្បីល្បាញលើការបោះផ្សាយរឿងនយោបាយ លោក Lai ទទួលបានភាពជោគជ័យយ៉ាងខ្លាំង ជាពិសេសទស្សនាវដ្តី Next និង Apple Daily ដែលអាចឱ្យគាត់ទទួលបានប្រាក់ចំណូលផ្ទាល់ខ្លួន រហូតដល់ ១០០ លានដុល្លារ នៅក្នុងឆ្នាំ ១៩៩៥ ។

នៅឆ្នាំ ១៩៩៧ ទស្សនាវដ្តី Apple Daily ទទួលបានភាពល្បីល្បាញកាន់តែខ្លាំង ដោយអាចលក់បាន ៤០០ ០០០ ច្បាប់ជារៀងរាល់ថ្ងៃ ដោយនេះធ្វើឱ្យវាក្លាយជាកាសែតធំទីពីររបស់ហុងកុង។ យ៉ាងណាលោក Lai បានមើលឃើញថាកាសែតនេះ ​ជា​យានជំនិះ​សម្រាប់​ការ​និយាយ​ដោយ​សេរី ហើយជាញឹកញយ លោកបានបង្វែការចាប់អារម្មណ៍ទៅលើការចុះផ្សាយទាក់ទងនឹង ឧកញ៉ាក្នុងស្រុក ដោយលាតត្រដាងពីជីវិតផ្ទាល់ខ្លួនដ៏ចម្រូងចម្រាសរបស់ពួកគេ និងទំនាក់ទំនងជាមួយរដ្ឋាភិបាល។

ជុំវិញរឿងរ៉ាវទាំងនេះហើយ បានធ្វើឱ្យលោក Lai មានសត្រូវជាច្រើន ជាពិសេសអ្នកមាននៅក្នុងប្រទេសចិន ស្របពេលការបោះពុម្ពផ្សាយទាំងអស់របស់គាត់ តែងតែត្រូវបានហាមឃាត់ ដោយរដ្ឋាភិបាលថែមទៀតផង ៕

The post ស្ដេចត្រាញ់ហុងកុងប្រឈមការជាប់គុកមួយជីវិត ធ្លាប់ប្រឡូកឆ្អែតឆ្អន់ក្នុងវិស័យកាត់ដេរ និងកាសែត appeared first on .

យ៉ាងណា ដោយសារមាន​ការ​តវ៉ា និង​អន្តរាគមន៍​ពី​លោកខាងលិច​ខ្លាំងក្លា ពេលនេះ​តុលាការ​បាន​ពន្យារពេល​កាត់ទោស​ស្ដេចត្រាញ់​ហុងកុង រហូត​ដល់​ខែកញ្ញា ឆ្នាំ ២០២៣ ស្របពេល​រដ្ឋាភិបាល​ព្យាយាម​រារាំង​មេធាវី​នៅបរទេស​របស់​បុរសវ័យ ៧៥ ឆ្នាំ ពី​ការការពារ​រូបលោក។ នេះ​បើតាម​ការ​ចុះផ្សាយពី Bangkokpost។

ប្រភពដដែលបន្ថែមថា មហាសេដ្ឋី​ខាងលើ​មាន​បំណង​ចង់​ឲ្យ​មេធាវី​ចាស់វស្សា Tim Owen ជនជាតិ​អង់គ្លេស ជា​អ្នក​ការពារក្ដី​របស់​លោក ប៉ុន្តែ​សំណើ​ខាងលើ​ត្រូវបាន​ច្រានចោល​ដោយ​រដ្ឋាភិបាល​ ក្រោម​អំណះអំណាង​ថា មិនអនុញ្ញាត​ឲ្យ​ជនបរទេស​ពាក់ព័ន្ធ​នឹង​សំណុំរឿង​ ដែល​ទាក់ទង​នឹង​ច្បាប់​សន្តិសុខជាតិ។

គួររំលឹក​ដែរថា សេចក្ដី​សម្រេច​ជា​ផ្លូវការ​ជុំវិញ​រឿងក្ដី​របស់ Jimmy Lai គ្រោង​នឹង​ចាប់ផ្ដើម​នៅ​ក្នុង​ខែ​នេះ ប៉ុន្តែ​វា​ត្រូវបាន​លើក​ទៅ​កាន់​ចុងត្រីមាសទី ៣ នា​ឆ្នាំក្រោយ​វិញ​ គឺ​នៅ​ថ្ងៃទី ២៥ កញ្ញា ២០២៣ បន្ទាប់​ពី​មាន​ការ​តវ៉ា​ភ្លូកទឹកភ្លូកដី​ពី​សំណាក់​អ្នកគាំទ្រ​លោក។

សូមជម្រាបបន្ថែមថា ក្រៅពីរងការចោទប្រកាន់ពីករណីឆបោក មហាសេដ្ឋីរូបនេះក៏​ប្រឈម​នឹងការជាប់ពន្ធនាគារមួយជីវិត​ទៀតផង ពីបទ “ឃុបឃិតជាមួយកងកម្លាំងបរទេស” ដែលជា​បទ​ឧក្រិដ្ឋកម្ម ​ក្រោម​ច្បាប់​សន្តិសុខ​ក្រុង​ប៉េកាំង​ បាន​ដាក់​លើ​ទីក្រុង​ហុងកុង​ដើម្បី​បង្ក្រាប​ការ​តវ៉ា​លទ្ធិប្រជាធិបតេយ្យ​ដ៏​ធំ​នៅ​ឆ្នាំ ២០១៩៕

The post តុលាការពន្យារពេលកាត់ទោសមហាសេដ្ឋីហុងកុង រហូតដល់ជិតមួយឆ្នាំ appeared first on .

បុរសវូយ ៧៥ ឆ្នាំ ត្រូវបាន​តុលាការ​រកឃើញ​ថា​ជាប់​ពិរុទ្ធ​ ពី​ការ​បិទបាំង​លើ​កិច្ចសន្យា​ជួលដី​មួយ​កន្លែង ដែល​ធ្លាប់​ជា​ទីស្នាក់ការកណ្ដាល​នៃ​ក្រុមហ៊ុន Dico Consultants Ltd ខណៈ​ម្ចាស់ដី​អះអាង​ថា លោក​បាន​រំលោភ​កិច្ចសន្យា​ជួលដី​នោះ។

រដ្ឋាភិបាល​លោកខាងលិច រួមទាំង​សហរដ្ឋអាមេរិក​ផង​បាន​បង្ហាញ​ការ​ព្រួយ​បារម្ភ​អំពី​សុវត្ថិភាព​មហាសេដ្ឋី​ហុងកុង ដែល​ពួកគេ​យល់ថា​ច្បាប់ការពារ​សិទ្ធមនុស្ស​ និង​សេរីភាព​របស់​ប្រជាជនចិន​មាន​ការ​ចុះខ្សោយ​ខ្លាំង​លើ​ច្បាប់​សន្តិសុខជាតិ។

សូមជម្រាបដែរថា នាយកប្រចាំតំបន់អាស៊ីនៃក្រុមតស៊ូមតិ Human Rights Watch, Maya Wang បាន​ទាមទារ​ឲ្យ​មាន​ការ​ដោះលែង​លោក Jimmy Lai និង​បាន​ថ្កោលទោស​រដ្ឋាភិបាល​ប៉េកាំង​ថា ប្រឆាំងនឹងអ្នកគាំទ្រលទ្ធិប្រជាធិបតេយ្យ និងសេរីភាពសារព័ត៌មាននៅហុងកុង៕

The post តុលាការសម្រេចដាក់ទោសមហាសេដ្ឋីហុងកុងម្នាក់ ជាប់ពន្ធនាគារ ៥ ឆ្នាំ ពីបទឆបោក appeared first on .