តុលាការអាមេរិកចោទមហាសេដ្ឋីអង់គ្លេស ពាក់ព័ន្ធករណីលួចទិន្នន័យផ្សារហ៊ុន

ឧកញ៉ាសំពៅ — Wed, 26 Jul 2023 03:35:10 +0000

កាលពីថ្ងៃទី ២៥ ខែកក្កដាកន្លងទៅ មហាសេដ្ឋីអង់គ្លេស Joe Lewis ទទួលបានការចោទប្រកាន់ពីសំណាក់តុលាការអាមេរិក ជុំវិញការលួចបន្លំទិន្នន័យផ្សារហ៊ុន ដើម្បីផលប្រយោជន៍ផ្ទាល់ខ្លួន។

យោងតាមការចុះផ្សាយពីគេហទំព័រ CNN បានទម្លាយថា មេធាវីអាមេរិក លោក Damian Williams បានចោទម្ចាស់ក្លឹបបាល់ទាត់ Tottenham Hotspur ថា បានលួចទិន្នន័យផ្ទៃក្នុងនៃផ្សារហ៊ុនចន្លោះឆ្នាំ ២០១៣ ដល់ ២០២១ ឲ្យទៅមនុស្សជិតស្និទ្ធរបស់លោក ដើម្បីឲ្យពួកគេកើបលុយបានរាប់លានដុល្លារពីទិន្នន័យទាំងនោះ។

ការចោទប្រកាន់មួយនោះបានបញ្ជាក់ទៀតថា លោក Lewis បានផ្ដល់ប្រាក់កម្ចីទៅកាន់អ្នកបើកបររបស់លោក ៥០០ ០០០ដុល្លារ ដើម្បីឲ្យពួកគេត្រៀមទិញភាគហ៊ុនក្រុមហ៊ុនមួយ មុនប្រកាសចូលទីផ្សារភាគហ៊ុន ដែលធ្វើឲ្យពួកគេទទួលបានផលប្រយោជន៍ច្រើនពីរឿងមួយនេះ។

សូមជម្រាបដែរថា ក្រៅពីជាម្ចាស់ភាគហ៊ុនធំនៃក្រុមបាល់ទាត់ Tottenham Hotspur មហាសេដ្ឋីអង់គ្លេសមានលុយជាង ៦ពាន់លានដុល្លាររូបនេះ ក៏ជាស្ថាបនិកក្រុមហ៊ុន Tavistock Group ដែលកំពុងវិនិយោគនៅក្រុមហ៊ុនច្រើនជាង ២០០ ទូទាំង ១៣ប្រទេសផងដែរ៕

The post តុលាការអាមេរិកចោទមហាសេដ្ឋីអង់គ្លេស ពាក់ព័ន្ធករណីលួចទិន្នន័យផ្សារហ៊ុន appeared first on .

មហាសេដ្ឋីអង់គ្លេស Joe Lewis មិត្តភ័ក្រ្តអ្នកឧកញ៉ា គិត ម៉េង ធ្លាប់បានមកកម្ពុជា តាមនាវាខ្នាតយក្សដ៏ប្រណីត Aviva

ឧកញ៉ាកោះក្របី — Thu, 07 Jan 2021 08:56:39 +0000

មហាសេដ្ឋីអង់គ្លេស Joe Lewis ម្ចាស់ក្លឹប Tottenham Hotspur ដែលបានមកកម្ពុជា តាមរយៈនាវាខ្នាតយក្សដ៏ប្រណីត Aviva កាលពីឆ្នាំ២០១៩កន្លងទៅ ដែលត្រូវបានទម្លាយឲ្យដឹងថាជាមិត្តភក្ដិអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមហ៊ុន Royal Group។

លោក ម៉ម រស្មី ក៏បានបញ្ជាក់ដែរថា លោក Joe Lewis មកកម្ពុជានាពេលនេះ គឺដោយសារការអញ្ជើញរបស់ឧកញ៉ា គិត ម៉េង។ បន្ទាប់ពីរាជធានីភ្នំពេញ លោក Joe នឹងបន្តដំណើរទៅលេងកោះរ៉ុងផងដែរ។

លោក ម៉ម រស្មី បានបង្ហោះរូបភាពអ្នកឧកញ៉ា គិត ម៉េង និងគ្រួសារ ជួបជាមួយមហាសេដ្ឋីអង់គ្លេសរូបនោះ នៅលើនាវា ដែលកំពុងចតនៅទន្លេចតុមុខ រាជធានីភ្នំពេញ។ លោកបានសរសេរថា៖

“ម្ចាស់នាវាដ៏ធំ គឺមហាសេដ្ឋីលំដាប់ពិភពលោក ឈ្មោះ Joe Lewis និងជាម្ចាស់ក្លឹបបាល់ទាត់ Tottenham Hotspur ត្រូវជាមិត្តភក្តិតរបស់អ្នកឧកញ៉ា គិត ម៉េង បានត្រូវអញ្ចេីញមកលេងទីក្រុងភ្នំពេញ និងកោះរុង ដោយអ្នកឧកញ៉ា គិត ម៉េង ហេីយលោក Joe ក៏បានអញ្ចេីញក្រុមគ្រួសារអ្នកឧកញ៉ា ពិសាបាយថ្ងៃត្រង់នៅលេីនាវានោះយ៉ាងសប្បាយរីករាយរាក់ទាក់ រវាងក្រុមគ្រួសារលោក Joe Lewis និង ក្រុមគ្រួសារអ្នកឧកញ៉ា គិត ម៉េង និងលោកជំទាវ”។

The post មហាសេដ្ឋីអង់គ្លេស Joe Lewis មិត្តភ័ក្រ្តអ្នកឧកញ៉ា គិត ម៉េង ធ្លាប់បានមកកម្ពុជា តាមនាវាខ្នាតយក្សដ៏ប្រណីត Aviva appeared first on .