Joe Tsai

Alibaba ប្រកាសតែងតាំងប្រធានក្រុមហ៊ុនថ្មី ផ្អើលអស់បុគ្គលិក

ឧកញ៉ាសំពៅ — Tue, 20 Jun 2023 08:53:00 +0000

ក្រុមហ៊ុនខ្នាតយក្ស Alibaba Group បានប្រកាសតែងតាំងប្រធានក្រុមហ៊ុនថ្មី ចំពេលមានការរង្គោះរង្គើផ្នែកគ្រប់គ្រង ខណៈកំណើនសេដ្ឋកិច្ចមានការងើបឡើងយឺត ស្របពេលកំណើនគូប្រជែងមានច្រើនសន្ធឹក។

យោងតាមការចុះផ្សាយពីសារព័ត៌មាន Forbes បានបង្ហាញថា លោក Daniel Zhang នឹងចុះចេញពីតំណែងជា CEO និងប្រធានក្រុមហ៊ុនAlibaba នាខែកញ្ញាខាងមុខ ខណៈអ្នកដែលនឹងមកបន្តវេនរបស់លោកគឺ សហស្ថាបនិកក្រុមហ៊ុន Joseph Tsai។

ដោយឡែក ចំពោះតំណែងជា CEO វិញ នឹងធ្លាក់ទៅលើលោក Eddie Wu ដែលបច្ចុប្បន្នជាប្រធានគ្រប់គ្រងលើផ្នែក Taobao និង Tmall។

ចំពោះការលាលែងតំណែងរបស់លោក Zhang ដែលកាន់តួនាទីមួយនេះអស់រយៈពេលជិត ៨ឆ្នាំ កើតឡើងក្រោយក្រុមហ៊ុន Alibaba ជួបវិបត្តិជាច្រើនដូចជា ការលក់មានការធ្លាក់ចុះ បើទោះជាសេដ្ឋកិច្ចនៃប្រទេសចិនងើបឡើងវិញ ស្របពេលក្រុមហ៊ុនគូប្រជែង Pinduoduo ប្រើយុទ្ធសាស្ត្រថ្មី អូសទាញអតិថិជនបានច្រើនសន្ធឹក។

យ៉ាងណា លោក Zhang ក៏នឹងទៅកាន់តួនាទីជាប្រធាន និង CEO នៃអង្គភាពថ្មីមួយរបស់ក្រុមហ៊ុន Alibaba ដែលទាក់ទងនឹងបច្ចេកវិទ្យាទំនើប ខណៈអង្គភាពថ្មីនេះគ្រោងចុះបញ្ជីពាណិជ្ជកម្មនាឆ្នាំក្រោយ៕

The post Alibaba ប្រកាសតែងតាំងប្រធានក្រុមហ៊ុនថ្មី ផ្អើលអស់បុគ្គលិក appeared first on .

សហស្ថាបនិក Alibaba ប្រកាសលក់ភាគហ៊ុន តម្លៃជាង ២៦០ លានដុល្លារ

ឧកញ៉ាសំពៅ — Mon, 19 Dec 2022 10:56:00 +0000

កាលពីពេលថ្មីៗនេះ មហាសេដ្ឋី Joe Tsai សហស្ថាបនិក Alibaba បានប្រកាសលក់ភាគហ៊ុន ៨% នៃក្រុមហ៊ុនលក់ទំនិញអនឡាញខ្នាតយក្ស ខណៈលោកក៏ជាម្ចាស់ភាគហ៊ុនធំមួយរូបប្រចាំ Alibaba ផង។ នេះបើតាមការចុះផ្សាយពី Forbes។

ប្រភពដដែលបន្ថែមថា លោក Tsai បានសម្រេចជ្រើសរើសក្រុមហ៊ុន Morgan Stanley សម្រាប់ប្រតិបត្តិការលក់ភាគហ៊ុន Alibaba របស់លោកប្រមាណ ៣ លានហ៊ុននៅលើផ្សារហ៊ុន New York Stock Exchange។

បើសិនជាការលក់ប្រព្រឹត្តទៅរលូន នោះសហស្ថាបនិក Alibaba នឹងទទួលបានប្រាក់ប្រមាណ ២៦៣ លានដុល្លារមុនពេលទូទាត់ពន្ធ ដោយគិតតាមហាងឆេងផ្សារហ៊ុនកាលពីថ្ងៃសុក្រ ដែលពេលនោះតម្លៃហ៊ុន Alibaba មានតម្លៃ ៨៧,៥៥ ដុល្លារ/ហ៊ុន។

សូមជម្រាបបន្ថែមថា Forbes បានអះអាងថា ភាគហ៊ុនសរុបរបស់លោក Tsai នៅក្រុមហ៊ុន Alibaba មានតម្លៃប្រហែល ២,១ ពាន់លានដុល្លារមុនពេលប្រកាសលក់ ខណៈទ្រព្យសម្បត្តិសរុបរបស់លោកមានប្រមាណ ៨,៣ ពាន់លានដុល្លារអាមេរិក៕

The post សហស្ថាបនិក Alibaba ប្រកាសលក់ភាគហ៊ុន តម្លៃជាង ២៦០ លានដុល្លារ appeared first on .

ទម្លាយអត្តសញ្ញាណម្ចាស់ខុនដូតម្លៃ ១៥៧ លានដុល្លារនៅតំបន់ម៉ាន់ហាថាន់ គឺជាសហស្ថាបនិក Alibaba

ឧកញ៉ាសំពៅ — Mon, 26 Jul 2021 07:12:27 +0000

អគារខុនដូនៅតំបន់ម៉ាន់ហាថាន់ ដែលមានតម្លៃ ១៥៧ លានដុល្លារដែលទើបតៃវៃចេញកាលពីពេលថ្មីៗនេះ ត្រូវបានប្រភពមួយទម្លាយម្ចាស់កម្មសិទ្ធិលំនៅដ្ឋានតម្លៃមហាសាលនេះ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព!

ទោះបីមានបិទបាំងអត្តសញ្ញាណបុគ្គលដែលចាយលុយរយៗលានដុល្លារម្ចាស់ខុនដូរ តែតាមទម្លាយឲ្យដឹងពីភ្នាក់ងារលក់អចលនទ្រព្យបានឲ្យដឹងថា ម្ចាស់ខុនដូខាងលើគឺជាសហស្ថាបនិកក្រុមហ៊ុន Alibaba លោក Joe Tsai។

លោក Tsai ដែលជាម្ចាស់ក្រុមបាល់បោះ Brooklyn Nets NBA បានធ្វើការបញ្ជាទិញខុនដូនៅផ្លូវ 220 Central Park Sourth ក្នុងតម្លៃប្រមាណ ១៥៧,៥ លានដុល្លារ។ ស្ថិតិមួយនេះគឺជាតម្លៃលំនៅឋានថ្លៃបំផុតទី ៣ ដែលបានលក់ចេញនៅសហរដ្ឋអាមេរិក ស្របពេលលំនៅឋានថ្លៃបំផុតជាងគេគឺស្ថិតនៅអគារតែមួយ ដែលបានលក់ចេញក្នុងតម្លៃ ២៣៨ លានដុល្លារកាលពីឆ្នាំ២០១៩។

បញ្ជាក់ដែរថា ខុនដូរបស់ សហស្ថាបនិក Alibaba ស្ថិតនៅជាន់ទី ៦០ និង ៦១ ដែលអាចមើលឃើញនៅទិដ្ឋភាពនៃសួន Central Park និងទីក្រុង Manhattan បានយ៉ាងត្រជាក់ភ្នែក។ តែទោះជាយ៉ាងណា អ្នកនាំពាក្យរបស់ Tsai នៅមិនទាន់ធ្វើការបកស្រាយអ្វីនៅឡើយទាក់ទងនឹងចចាមអារ៉ាមខាងលើ ដ្បិតបច្ចុប្បន្នស្ថានភាពនៃក្រុមហ៊ុន Alibaba កំពុងស្ថិតក្នុងស្ថានការណ៍មិនសូវជាល្អប៉ុន្មាន ពោលគឺតម្លៃភាគហ៊ុនធ្លាក់រហូតដល់ ១/៣ តាំងពីខែតុលាមកម៉្លេះ៕

ប្រភព: cnbc

The post ទម្លាយអត្តសញ្ញាណម្ចាស់ខុនដូតម្លៃ ១៥៧ លានដុល្លារនៅតំបន់ម៉ាន់ហាថាន់ គឺជាសហស្ថាបនិក Alibaba appeared first on .

Joe Tsai

Alibaba ប្រកាសតែងតាំងប្រធានក្រុមហ៊ុនថ្មី ផ្អើលអស់បុគ្គលិក

សហស្ថាបនិក Alibaba ប្រកាសលក់ភាគហ៊ុន តម្លៃជាង ២៦០ លានដុល្លារ

ទម្លាយ​អត្តសញ្ញាណ​​​ម្ចាស់​ខុនដូ​តម្លៃ ១៥៧ លាន​ដុល្លារ​នៅ​តំបន់​ម៉ាន់​ហា​ថាន់​ គឺ​ជា​សហ​ស្ថាបនិក​ Alibaba

ទម្លាយអត្តសញ្ញាណម្ចាស់ខុនដូតម្លៃ ១៥៧ លានដុល្លារនៅតំបន់ម៉ាន់ហាថាន់ គឺជាសហស្ថាបនិក Alibaba