John Lee

EU មិនពេញចិត្តជាមួយលទ្ធផលបោះឆ្នោតនាយករដ្ឋមន្ត្រីហុងកុង ស្របពេលចិនព្រមានហាមលូកដៃ

ឧកញ៉ាសំពៅ — Mon, 09 May 2022 08:50:47 +0000

ការបោះឆ្នោតជ្រើសរើសនាយករដ្ឋមន្ត្រីនៃតំបន់រដ្ឋបាលពិសេសហុងកុងលើកទី ៦ បានបញ្ចប់ ដោយអ្នកទទួលបានជ័យជម្នះគឺលោក John Lee ជាមួយការគាំទ្រដល់ទៅ ៩៩% ឈ្នះដាច់គូប្រជែង។

យ៉ាងណា តំណែងជានាយករដ្ឋមន្ត្រីប្រចាំតំបន់ HKSAR របស់លោក John Lee ហាក់ដូចជាមិនសូវទទួលបានការគាំទ្រខ្លាំងពីសហភាពអឺរ៉ុបឡើយ ពោលអ្នកនយោបាយ EU បានយល់ឃើញថា ការបោះឆ្នោតសារនេះគឺមានបញ្ហា ហើយថែមទាំងចោទចិនជាមេខ្លោងនៃរឿងនេះទៀត។

ជុំវិញបញ្ហាខាងលើ ភាគីខាងចិនបានបង្ហាញការមិនពេញចិត្តជាមួយការចោទប្រកាន់គ្មានគោលជំហរខាងលើជាខ្លាំង និងថែមទាំងបានព្រមានទៅកាន់សហភាពអឺរ៉ុបទៀតថា កុំចូលជ្រៀតជ្រែកបញ្ហាផ្ទៃក្នុងរបស់ចិន រាប់បញ្ចូលទាំងហុងកុងផងដែរ។

ក្រឡេកទៅមើលភាគីខាងអឺរ៉ុបវិញបានចេញសេចក្ដីថ្លែងការណ៍មួយដោយលោក Josep Borrell ជាតំណាងជាន់ខ្ពស់របស់សហភាពអឺរ៉ុបទទួលបន្ទុកកិច្ចការបរទេស និងគោលនយោបាយសន្តិសុខបានអះអាងថា ការបោះឆ្នោតខាងលើគឺជាការរំលោភលើគោលការណ៍ប្រជាធិបតេយ្យ និងពហុនិយមនយោបាយ និងជាជំហានមួយក្នុងការលុបបំបាត់គោលនយោបាយ “ប្រទេសមួយ ប្រព័ន្ធដឹកនាំពីរ”។

ទាក់ទងនឹងបញ្ហាខាងលើ ចិនបានព្រមានទៅកាន់ EU ឲ្យគោរពគោលការណ៍ច្បាប់អន្តរជាតិ និងទំនាក់ទំនងអន្តរជាតិ និងឈប់ជាបន្ទាន់ក្នុងការលូកដៃចូលបញ្ហាផ្ទៃក្នុងរបស់ប្រទេសចិន រាប់បញ្ចូលទាំងហុងកុង ប្រសិនបើមិនចង់ឲ្យទំនាក់ទំនងរវាងចិន និងសហភាពអឺរ៉ុបកាន់តែមានភាពល្អក់កករ។

បញ្ជាក់ដែរថា ក្រៅពីសហភាពអឺរ៉ុប និងគណបក្សប្រឆាំងមួយចំនួន ប្រជាពលរដ្ឋហុងកុង និងបណ្ដាប្រទេសជាច្រើនសុទ្ធតែបង្ហាញក្ដីសោមនស្សរីករាយជាមួយនឹងការឡើងកាន់តំណែងរបស់លោក John Lee ស្របពេលអ្នកតំណាងហុងកុងបានអះអាងថា អ្នកនយោបាយអឺរ៉ុបមួយចំនួនមានចេតនាលាបពណ៌ប្រទេសចិន ដោយខ្ចីដៃហុងកុង និងសំងំយកផលប្រយោជន៍តែឯង៕

ប្រភព: Dailytimes

The post EU មិនពេញចិត្តជាមួយលទ្ធផលបោះឆ្នោតនាយករដ្ឋមន្ត្រីហុងកុង ស្របពេលចិនព្រមានហាមលូកដៃ appeared first on .

មេដឹកនាំហុងកុងថ្មី បញ្ជាក់ច្បាស់ៗថា ការបើកច្រកព្រំដែន គឺជាគោលដៅអាទិភាព ក្រោយចូលកាន់តំណែង

ឧកញ៉ាសាមញ្ញ — Mon, 09 May 2022 06:23:53 +0000

លោក John Lee ដែលជាបេក្ខភាពតែម្នាក់គត់របស់ហុងកុង ក្នុងការក្លាយខ្លួនជាមេដឹកនាំថ្មី បានបេ្តជ្ញាចិត្តថា នឹងបើកច្រកព្រំដែនឡើងវិញ ជាមួយប្រទេសចិន រួមទាំងពិភពលោកទាំងមូល ដែលវាគឺជាគោលដៅអាទិភាព នៅក្រោយការចូលកាន់តំណែងរបស់ខ្លួន ។ នេះបើយោងតាមសារព័ត៌មាន Sout China Morning Post បានចុះផ្សាយ ។

ជាក់ស្តែង លោក Lee ដែលបានឈ្នះឆ្នោត កាលពីថ្ងៃអាទិត្យ បានបញ្ជូនរដ្ឋមន្រ្តីរបស់ខ្លួន ក្នុងដំណើរទៅក្រៅប្រទេស ដើម្បីទាក់ទាញអ្នកជំនួញបរទេស និងអ្នកទេសចរ ឱ្យមកកាន់ទីក្រុង ដែលត្រូវបានគេចាត់ទុកថាជាមជ្ឈមណ្ឌលហិរញ្ញវត្ថុអាស៊ី ។ នេះបើយោងតាមរបាយការណ៍ SCMP បានលើកឡើង ស្របពេលប្រភពដដែលនេះ សង្កត់ធ្ងន់ទៀតថា គោលដៅចម្បងរបស់ លោក Lee គឺដើម្បី ដកចេញនូវឧបសគ្គ ក្នុងការបើកច្រកព្រំដែនរបស់ហុងកុងឡើងវិញ បើទោះបីជាមាន បញ្ហាប្រឈមជាច្រើន ក៏ដោយ ។

មិនតែប៉ុណ្ណោះ ការលើកឡើងរបស់ លោក Lee គឺត្រូវបានធ្វើឡើង បន្ទាប់ពីលោកបានបើកកិច្ចប្រជុំតាមប្រព័ន្ធអ៊ីនធឺណិតចំនួន ២ ជាមួយក្រុមហ៊ុនធុរកិច្ច រួមទាំងសភាអន្តរជាតិ ក្រុមហ៊ុនខ្នាតតូច និងមធ្យម ហើយរួមទាំងក្រុមហ៊ុនឧស្សាហកម្មវាយនភណ្ឌ និងកាត់ដេរ ផងដែរ ។

លើសពីនេះ នៅក្នុងកិច្ចប្រជុំជាមួយក្រុមហ៊ុនធុរកិច្ចនេះ មេដឹកនាំថ្មីរូបនេះ បានសង្កត់ធ្ងន់ថា សកម្មភាពសេដ្ឋកិច្ច ពិតជាមានសារ:សំខាន់ សម្រាប់ទីក្រុងហុងកុង ក្នុងការរក្សាការប្រកួតប្រជែង ដូច្នេះយើង ត្រូវតែធ្វើឱ្យសកម្ម ក្នុងការរក្សាទំនាក់ទំនងរបស់ហុងកុង ជាមួយពិភពលោក និងចិនដីគោក ។

គួរឱ្យដឹងផងដែរថា ទីក្រុងហុងកុង បាននឹងកំពុងបន្ធូរបន្ថយវិធានការទប់ស្កាត់ជំងឺកូវីដ ១៩ មួយចំនួនរួចមកហើយ នៅក្នុងខែនេនះ រួមទាំងការដកបម្រាមលើ អ្នកដំណើរដែលមិនមែនជាអ្នកនៅក្នុងទីក្រុងហុងកុង ចាប់ពីថ្ងៃទី ១ ខែឧសភា ខណ:ពេលដែលករណីឆ្លងប្រចាំថ្ងៃ នៅហុងកុង បានធ្លាក់ចុះមកនៅត្រឹមប្រហែល ៣០០ នាក់ ពីចំនួនខ្ពស់បំផុតជាង ៥០ ០០០ នាក់ ។

បន្ថែមពីនេះ លោក Lee បាននិយាយថា រដ្ឋាភិបាលបច្ចុប្បន្ន បាននឹងកំពុងព្យាយាមស្វែងរកតុល្យភាពរវាងអាជីវកម្ម និងកង្វល់សុខភាពសារណ: សម្រាប់ប្រជាជនហុងកុង ៕

ប្រភព: Bloomberg

The post មេដឹកនាំហុងកុងថ្មី បញ្ជាក់ច្បាស់ៗថា ការបើកច្រកព្រំដែន គឺជាគោលដៅអាទិភាព ក្រោយចូលកាន់តំណែង appeared first on .

John Lee

EU មិន​ពេញ​ចិត្ត​ជាមួយ​លទ្ធផល​បោះឆ្នោត​នាយករដ្ឋមន្ត្រី​ហុងកុង ស្របពេល​ចិន​ព្រមាន​ហាម​លូកដៃ

មេដឹកនាំហុងកុងថ្មី បញ្ជាក់ច្បាស់ៗថា ការបើកច្រកព្រំដែន គឺជាគោលដៅអាទិភាព ក្រោយចូលកាន់តំណែង

EU មិនពេញចិត្តជាមួយលទ្ធផលបោះឆ្នោតនាយករដ្ឋមន្ត្រីហុងកុង ស្របពេលចិនព្រមានហាមលូកដៃ