យោងតាមការចុះផ្សាយពីសារព័ត៌មាន Observer បានបង្ហាញថា ទីតាំងដីដែលមហាសេដ្ឋីអាមេរិកដាក់ជួលនោះ នឹងត្រូវយកមកសាងសង់គម្រោងផ្ទះ ១៥០បន្ទប់ នៅទីក្រុង San Jose រដ្ឋ California។

គម្រោងមួយនេះត្រូវបានអនុញ្ញាតដោយក្រុមប្រឹក្សាក្រុង San Jose កាលពីថ្ងៃទី១៧ ខែតុលា ខណៈគេរំពឹងថា វាអាចនឹងបង្កើនគំនិតច្នៃប្រឌិត និងដោះស្រាយបញ្ហាផ្ទះសម្បែងនៅក្នុងតំបន់។

ក្រៅពីដាក់ជួលដីក្នុងតម្លៃត្រឹមតែ ១ដុល្លារក្នុងមួយឆ្នាំ ក្រុមហ៊ុនរបស់លោកក៏នឹងធ្វើការ​បញ្ចុះតម្លៃរហូតដល់ ៣លានដុល្លារ ទៅលើក្រុមហ៊ុនណាដែលចង់មកអភិវឌ្ឍគម្រោងមួយនេះ ស្របពេលតម្លៃនៃការសាងសង់គម្រោងមួយនេះ មានតម្លៃប្រហែល ១៨លានដុល្លារ។

សូមជម្រាបដែរថា លោក Sobrato គឺជាស្ថាបនិកក្រុមហ៊ុន Sobrato Organization ដែលជាក្រុមហ៊ុន​អចលនទ្រព្យ ដែលមានក្រុមហ៊ុនធំៗដូចជា Netflix, Apple និង Amazon ជាដើម សុទ្ធតែជួល​ដីរបស់លោក បើកការិយាល័យ ខណៈទ្រព្យសម្បត្តិរបស់មហាសេដ្ឋីអាមេរិករូបនេះ មានប្រមាណ ៥,៣ពាន់លានដុល្លារ៕

The post មហាសេដ្ឋីអចលនទ្រព្យអាមេរិកមួយរូប ដាក់ជួលដីក្នុងមួយឆ្នាំតម្លៃតែ ១ដុល្លារ appeared first on .