ក្នុងការប្រកួត​វគ្គផ្តាច់ព្រ័ត្រ​ដ៏​ស្វិតស្វាញ និង​ពិធីបិទការប្រកួតបាល់ទាត់ Soccer League លើកទី៧ ឆ្នាំ២០២៤ នេះ មានការអញ្ជើញ​ចូលរួម​ពី​លោក ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជា​ប្រធានសហភាពសហព័ន្ធយុវជនកម្ពុជា (ស.ស.យ.ក), លោកអភិសន្តិបណ្ឌិត ស សុខា និងលោក សាយ សំអាល់ ឧបនាយករដ្ឋមន្ត្រី និងជា​អនុប្រធាន ស.ស.យ.ក ព្រមទាំង​ថ្នាក់ដឹកនាំ​យុវជន និង​ទស្សនិកជន​ជា​ច្រើន​នាក់។

ក្រោយ​រក​ឃើញ​ម្ចាស់​ជើងឯក លោក ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជា​ប្រធាន ស.ស.យ.ក បាន​​ផ្តល់កិត្តិយស​ប្រគល់​រង្វាន់ដល់ក្រុមជ័យលាភីលេខ១ ដែលបានទៅលើក្រុម KHMER UNITED ខណៈដែល​លោកឧកញ៉ាបណ្ឌិត គីម ហ៊ាង និង​សមាជិក​ក្រុម បាន​ទទួល​ដោយ​ផ្ទាល់​ដៃ យ៉ាង​រំភើប​រីករាយ។

Soccer League លើកទី៧ ឆ្នាំ២០២៤ ជាពានរង្វាន់បាល់ទាត់ដ៏ធំមួយនៅកម្ពុជា ដែលរៀបចំដោយ សហភាព​សហពន្ធ័យុវជន​កម្ពុជា ឬហៅកាត់ថា ស.ស.យ.ក ក្រោមការដឹកនាំ​របស់​លោក​អភិសន្តិបណ្ឌិត ស សុខា អនុប្រធាន​សហភាពសហព័ន្ធយុវជនកម្ពជា និងជាប្រធានគណ:កម្មការ Soccer League។

សូមជម្រាបថា បច្ចុប្បន្ន​លោកឧកញ៉ាបណ្ឌិត គីម ហ៊ាង គឺជា​នាយកប្រតិបត្តិរបស់ក្រុមហ៊ុន ខ្មែរ រៀល អ៊ីស្ទេត (Khmer Real Estate Co., Ltd) ដែលធ្វើអាជីវកម្មផ្នែក ទិញ លក់ ជួល និងវាយតម្លៃអចលនទ្រព្យ​គ្រប់​ប្រភេទ។ លោកឧកញ៉ា ក៏ជា​នាយកប្រតិបត្តិរបស់បុរី វិមានសំណាង (Borey Vimean Samnang) ដែលជា​លំនៅដ្ឋានលំដាប់អភិជន លើផ្ទៃដី ២៥ហិកតា មានជិត ៤០០វីឡា ខាងជើងក្រសួងដែនដី ២៥០០ម៉ែត្រ។

លើសពីនេះ លោកឧកញ៉ាបណ្ឌិត ជា​នាយកប្រតិបត្តិរបស់ KW Cambodia ដែលមានប្រភពមកពីអាមេរិក មាននៅលើ ៥ទ្វីប ជាង ៥២ប្រទេស និងមានក្រុមការងារជាង ២សែននាក់នៅលើពិភពលោក ព្រមទាំង​មាន​តួនាទីជា នាយកប្រតិបត្តិរបស់បុរី ខេអេស រ៉េស៊ីដេន (Borey KS Residence) ដែលជាលំនៅដ្ឋានសម្រាប់​គ្រួសារវ័យក្មេងកម្ពុជា ស្ថិតនៅកៀនស្វាយ ខាងកើតស្ពានច្បារអំពៅ ១០គីឡូម៉ែត្រ។

ទទឹមនឹងនេះ លោកឧកញ៉ា​បណ្ឌិត គីម ហ៊ាង ក៏ជា​ស្ថាបនិក ប្រធានក្រុម និងជាខ្សែប្រយុទ្ធលេខ១០ របស់​ក្រុមបាល់ទាត់ Khmer United។ ក្លិបបាល់ទាត់ Khmer United FC ជាក្លិបបាល់ទាត់ពាក់កណ្តាលអាជីព ដែល​បានបង្កើតឡើងតាំងពីឆ្នាំ២០១១ ដោយ​ឧកញ៉ាបណ្ឌិត គីម ហ៊ាង ហើយកំពុងត្រៀមចូលលេង​លីកកំពូល​កម្ពុជា​ក្នុងថ្ងៃអនាគត៕

The post អបអរសាទរ! ក្រុម Khmer United របស់ឧកញ៉ាបណ្ឌិត គីម ហ៊ាង លើកពានរង្វាន់ Soccer League 2024 appeared first on .