លោកស្រី Kimberly ដែលបានបម្រើការជាប្រធានទីភ្នាក់ងារសេវាសម្ងាត់អាមេរិក ចាប់តាំងពីខែសីហា ឆ្នាំ២០២២ មកនោះ បានប្រឈមមុខទៅនឹងការរិះគន់យ៉ាងខ្លាំង រហូតឈានដល់ការស្នើឲ្យលាលែងចេញពីតំណែង ជុំវិញការ​អសមត្ថភាព​ដែលបណ្តោយឲ្យខ្មាន់កាំភ្លើងម្នាក់ អាចចូលទៅជិតបេក្ខជនប្រធានាធិបតីរបស់គណបក្សសាធារណរដ្ឋ នៅឯការប្រមូលផ្តុំយុទ្ធនាការស្វែងរកសម្លេងឆ្នោតបាន។

ដោយមានការរិះគន់ខ្លាំងៗបែបនេះ លោកស្រី Kimberly​បានសម្រេចចិត្តដាក់លិខិតលាលែងពីតំណែង ទៅកាន់សភាអាមេរិក និងថែមទាំងបានទទួលខុសត្រូវទាំងស្រុង ចំពោះការចន្លោះប្រហោងផ្នែកសន្តិសុខទៅលើករណីនេះ។

ជម្រាបជូនផងដែរថា ក្រោយការលែងលាពីតំណែងរបស់លោកស្រី Kimberly នេះ លោក Ronald Rowe ដែលជាអនុប្រធានទីភ្នាក់ងារសេវាសម្ងាត់ នឹងឡើងកាន់តំណែងជាប្រធានបណ្តោះអាសន្ន ខណ:ពេលដែលលោកមានបទ​ពិសោធ​ធ្វើការឲ្យទីភ្នាក់ងារនេះអស់រយៈពេល ២៣ឆ្នាំ៕

The post ប្រធានទីភ្នាក់ងារសេវាសម្ងាត់អាមេរិក ប្រកាសលាឈប់ពីតំណែង ក្រោយបរាជ័យការពារលោក ត្រាំ appeared first on .