នាយករដ្ឋមន្រ្តីប្រកាសនូវភាពបរាជ័យនៃដំណើរការបូមប្រេងជាលើកដំបូងនៅកម្ពុជា ដោយក្រុមហ៊ុន KrisEnergy

ឧកញ៉ាកោះក្របី — Tue, 03 Aug 2021 05:07:39 +0000

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ក្នុងពិធីបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ដល់កុមារនិងយុវជនដែលមានអាយុពី១២ដល់១៧ឆ្នាំ កាលពីថ្ងៃទី១ ខែសីហា បានប្រកាសនូវភាពបរាជ័យនៃដំណើរការបូមប្រេងជាលើកដំបូងនៅកម្ពុជា ដោយក្រុមហ៊ុន KrisEnergy។

សូមចុច Subscribe Telegram oknha_news នឹងទទួលបានព័ត៌មានពីសកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

សម្តេចតេជោបញ្ជាក់ថា៖ “នៅថ្ងៃទី២៩ ខែធ្នូ ឆ្នាំ២០២០ ដែលយើងប្រកាសដំណក់ប្រេងលើកដំបូង ប្រហែលបរាជ័យហើយ។ យើងគ្រោងថា ក្នុងមួយថ្ងៃបូមប្រេងបាន៥,៧០០បារ៉ែល តែទីចុងបំផុតមួយថ្ងៃបានតែ១,០០០បារ៉ែល”។

ឥឡូវក្រុមហ៊ុនហ្នឹងក្ស័យធន ហើយវាបូកថែមទាំងអាកប៉ាល់ដែលយើងបូមប្រេង]ដាក់ហ្នឹង វារត់ចេញទៅបាត់ទៅ ដោយយើងទប់មិនទាន់វាចូលដល់ដីថៃ រួចហើយគេមានមេធាវីរបស់គេ។ ឥឡូវ វាយកទាំងប្រេងទៅបាត់អស់រលីង! បាត់អស់អាប្រេងហ្នឹង។ សម្តេចតេជោថ្លែងបញ្ជាក់បន្ថែម។

គួររម្លឹកជូនថា កម្ពុជាបានផ្អាកដំណើរការបូមប្រេងឆៅទាំងស្រុង បន្ទាប់ពីក្រុមហ៊ុន KrisEnergy ដែលមានមូលដ្ឋាននៅប្រទេសសិង្ហបុរី ប្រកាសក្ស័យធន នាដើមខែមិថុនា ឆ្នាំ២០២១មក។

បើតាមអគ្គនាយកប្រេងកាតនៃក្រសួងរ៉ែ និងថាមពល ថ្លែងអ្នកប្រាប់អ្នកសារព័ត៌មានពេលកន្លងទៅបានឲ្យដឹង ក្រសួងរ៉ែ និងថាមពល កំពុងបន្តនិតីវិធីដោះស្រាយផ្នែកច្បាប់ ជាមួយក្រុមហ៊ុន KrisEnergy ខណៈក្រុមហ៊ុននេះក៏កំពុងដំណើរការរឿងក្ដីនៅតុលាការ ក្រោយប្រកាសក្ស័យធនដោយសារបំណុល៕

The post នាយករដ្ឋមន្រ្តីប្រកាសនូវភាពបរាជ័យនៃដំណើរការបូមប្រេងជាលើកដំបូងនៅកម្ពុជា ដោយក្រុមហ៊ុន KrisEnergy appeared first on .

ក្រសួងរ៉ែ និងក្រុមហ៊ុន KrisEnergy កំពុងរកទីផ្សារលក់ប្រេងដែលផលិតបានពីអណ្ដូងអប្សរា

ឧកញ៉ាកោះក្របី — Tue, 18 May 2021 04:26:35 +0000

ក្រសួងរ៉ែ និងថាមពល និងក្រុមហ៊ុន KrisEnergy កំពុងធ្វើការបន្តជាមួយគ្នាយ៉ាងសកម្មដើម្បីរកទីផ្សារលក់ប្រេងដែលផលិតបានពីអណ្ដូងអប្សរា។ នេះបើតាមមន្ត្រីរាជរដ្ឋាភិបាលប្រាប់ construction-property។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

រូបភាព KrisEnergy

រដ្ឋលេខាធិការក្រសួងរ៉ែ និងថាមពល លោក ម៉េង សក្តិធារ៉ា បានលើកឡើងថា រដ្ឋាភិបាល និងក្រសួងជំនាញបានដឹងច្បាស់ណាស់ពីបញ្ហានេះ ដូច្នេះហើយ ទើបកន្លងមក គ្រប់សេចក្តីប្រកាសរបស់រាជរដ្ឋាភិបាល ក៏ដូចជាក្រសួងជំនាញ បានបញ្ជាក់ច្បាស់ថា ដំណក់ប្រេងដំបូង គឺមិនមានច្រើនទេ ហើយក៏មិនរំពឹងថានឹងផ្តល់ចំណូលថវិកាជាតិធំធេងដែលអាចនឹងកែប្រែទំហំសេដ្ឋកិច្ចកម្ពុជានៅពេលបច្ចុប្បន្ន ក៏ដូចជាអនាគតក្នុងរយៈពេលខ្លីបានដែរ។

បន្ទាប់ពីជួបវិបត្តិហិរញ្ញវត្ថុនៅក្រុមហ៊ុនមេរបស់ខ្លួន និងបញ្ហាកូវីដ-១៩ KrisEnergy ក៏បានប្តូរផែនការមកប្រើអណ្តូងប្រេងសាកល្បងដំបូងចំនួនតែ ៥ អណ្តូងវិញ ដើម្បីតេស្តបញ្ជាក់សមត្ថភាពវិស្វកម្មនៃជម្រកអាងស្តុករ៉ែប្រេងខាងក្រោមដី។

សូមជម្រាបជូនថា ក្រុមហ៊ុន KrisEnergy កាលពីចុងខែមេសា បានរាយការណ៍ថា ផលិតកម្មប្រេងឆៅបូមចេញពីអណ្តូងចំនួន៥ក្នុងប្លុក A ក្នុងបរិមាណជាង ២ពាន់បារែល ទាបជាងផែនការដែលគ្រោងទុកគឺ ៧ ៥០០ បារែលក្នុងមួយថ្ងៃ៕

The post ក្រសួងរ៉ែ និងក្រុមហ៊ុន KrisEnergy កំពុងរកទីផ្សារលក់ប្រេងដែលផលិតបានពីអណ្ដូងអប្សរា appeared first on .