Lenovo

ចំណូលក្រុមហ៊ុន Lenovo បន្តធ្លាក់ចុះរយ:ពេល ៣ ត្រីមាសជាប់ៗគ្នា

ឧកញ៉ាសាមញ្ញ — Wed, 24 May 2023 10:55:00 +0000

ថ្មីៗនេះ ក្រុមហ៊ុន Lenovo Group របស់ប្រទេសចិន បានធ្វើការរាយការណ៍អំពីការធ្លាក់ចុះប្រាក់ចំណូលរបស់ខ្លួន រហូតដល់ទៅ ២៤% សម្រាប់ត្រីមាសគិតពីខែមករា ដល់ខែមីនា ដោយសារតែតម្រូវការកុំព្យូទ័រផ្ទាល់ខ្លួន (PCs) បន្តធ្លាក់ចុះខ្លាំង។ នេះបើតាមការចុះផ្សាយពីសារព័ត៌មាន CNA ។

ក្រុមហ៊ុនផលិតកំព្យូទ័រដ៏ធំបំផុតមួយរបស់ពិភពលោកមួយនេះ បាននិយាយថា ប្រាក់ចំណូលនៅត្រីមាសទី៤ របស់ខ្លួន ទទួលបាន ១២,៦៣ពាន់លានដុល្លារ ពោលគឺបានធ្លាក់ចុះ ២៤% បើធៀបនឹងរយ:ពេលដូចគ្នា កាលពីឆ្នាំមុន ខណ:នេះ គឺជាការធ្លាក់ចុះ ៣ ត្រីមាសជាប់ៗគ្នាហើយ គិតចាប់តាំពីឆ្នាំមុនមក ។

គួរឱ្យដឹងថាការផ្ទុះឡើងនៃជំងឺកូវីដ-១៩ បានជួយជំរុញយ៉ាងខ្លាំង ដល់ការលក់គ្រឿងអេឡិចត្រូនិក ដោយសារតែអ្នកប្រើប្រាស់ និងក្រុមហ៊ុនជាច្រើន តម្រូវឱ្យបំពេញការងារពីផ្ទះ។ តែទោះជាយ៉ាងណាក៏ដោយ ប្រាក់ចំណូលរបស់ក្រុមហ៊ុនលក់គ្រឿងអេឡិចត្រូនិក បានចាប់ផ្តើមធ្លាក់ចុះមកវិញ កាលពីឆ្នាំមុន ដោយសារតែតម្រូវការចាប់ផ្តើមធ្លាក់ចុះ នៅពេលជំងឺរាតត្បាតធូរស្បើយ។

ជាលទ្ធផល សម្រាប់រយ:ពេលពេញមួយឆ្នាំ គិតត្រឹមខែមីនា ប្រាក់ចំណូលសរុបរបស់ក្រុមហ៊ុន Levono បានធ្លាក់ចុះ ១៤% ដែលជាការធ្លាក់ចុះប្រចាំឆ្នាំលើកដំបូងបំផុត ចាប់តាំងពីឆ្នាំ ២០១៩ មក ៕

The post ចំណូលក្រុមហ៊ុន Lenovo បន្តធ្លាក់ចុះរយ:ពេល ៣ ត្រីមាសជាប់ៗគ្នា appeared first on .

Lenovo ប្រកាសការខាតបង់តំបូងបំផុត ក្នុងរយៈពេល ១០ ត្រីមាសចុងក្រោយ

ឧកញ៉ាសំពៅ — Thu, 03 Nov 2022 08:51:00 +0000

កាលពីពេលថ្មីៗនេះ ក្រុមហ៊ុន Lenovo Group បានប្រកាសពីប្រាក់ចំណូលប្រចាំត្រីមាសរបស់ពួកគេ ហើយវាក៏ជាការខាតបង់តំបូងបំផុតដែលក្រុមហ៊ុនបានជួបប្រទះក្នុងរយៈពេលជាង ២ ឆ្នាំចុងក្រោយ។

យោងតាមការចុះផ្សាយពី CNA បានបង្ហាញថា ចំណូលត្រីមាសទី ៣ របស់ក្រុមហ៊ុន Lenovo ទទួលបាន ១៧,០៩ ពាន់លានដុល្លារ ថយចុះ ៤% បើធៀបនឹងឆ្នាំទៅក្នុងរយៈពេលដូចគ្នា ហើយវាក៏ជាការខាតបង់តំបូងបំផុតគិតតាំងពីដើមត្រីមាសទី ២ នៃឆ្នាំ ២០២០ មកម៉្លេះ។

ដោយឡែក មូលហេតុដែលក្រុមហ៊ុនជួបការខាតបង់បែបនេះ គឺដោយសាររដ្ឋាភិបាលចិនរឹតបន្តឹងវិធានការទប់ស្កាត់កូវីដ ១៩ ចំពេលកង្វះខាតបន្ទះឈីបសកលក៏កំពុងធ្វើឲ្យក្រុមហ៊ុនបច្ចេកវិទ្យាជាច្រើនព្រួយបារម្ភផង។

ក្រៅពី Lenovo ក្រុមហុនផលិតកុំព្យូទ័រផ្សេងទៀត ក៏ទទួលរងការខាតបង់គួរសម ដោយសារកង្វះខាតបន្ទះឈីប និងវិធានការទប់ស្កាត់កូវីដ ១៩ នៅចិនផងដែរ ដូចជា HP និង Dell សុទ្ធតែសម្លឹងឃើញទិន្នន័យលក់ប្រចាំឆ្នាំរបស់ពួកគេធ្លាក់ចុះជាង ២០%៕

The post Lenovo ប្រកាសការខាតបង់តំបូងបំផុត ក្នុងរយៈពេល ១០ ត្រីមាសចុងក្រោយ appeared first on .

មេធំ Lenovo និយាយច្បាស់ៗថា ទោះក្រុមហ៊ុនគ្មានឈ្មោះក្នុងផ្សារហ៊ុនសៀងហៃ ក៏មិនប៉ះពាល់ជំនួញដែរ

ឧកញ៉ាសំពៅ — Fri, 05 Nov 2021 07:42:06 +0000

កាលពីខែមុន ក្រុមហ៊ុនបច្ចេកវិទ្យា Lenovo បានដកលុយប្រមាណ ១០ ពាន់លានយ័ន ឬ ១,៥៦ ពាន់លានដុល្លារអាមេរិកពីផ្សារហ៊ុនសៀងហៃទាំងអស់។ នេះបើតាមការអះអាងពីប្រធានក្រុមហ៊ុន Yang Yuanqing និយាយកាលពីថ្ងៃទី ០៤ វិច្ឆិកា។

ដោយឡែក បើទោះជាដកខ្លួនចេញពីផ្សារហ៊ុនសៀងហៃក៏ពិតមែន តែក្រុមហ៊ុនយក្ស Lenovo មិនបានប្រកាសចាកចេញពីផ្សារហ៊ុនហុងកុងឡើយ។

“បើទោះជាគ្មានឈ្មោះនៅផ្សារហ៊ុនសៀងហៃ ក៏វាមិនផ្លាស់ប្ដូរមុខជំនួញរបស់ Lenovo ដែរ ព្រោះពួកយើងមានមូលដ្ឋានពាណិជ្ជកម្មច្បាស់លាស់”។ នេះបើតាមការលើកឡើងពីលោក Yang។

“ពួកយើងនឹងបន្តធ្វើការវាយតម្លៃស្វែងរកឱកាសពិសេសៗ ដើម្បីទ្រទ្រង់ការផ្លាស់ប្ដូរមុខជំនួញ និងជាយុទ្ធសាស្ត្រទីផ្សារហិរញ្ញវត្ថុ រយៈពេលវែងដ៏ទូលំទូលាយរបស់ពួកយើង”។

បញ្ជាក់ដែរថា បច្ចុប្បន្នមូលធនទីផ្សារសរុបរបស់ក្រុមហ៊ុនផលិតកុំព្យូទ័រធំបំផុតលើលោកមួយនេះ គឺមានប្រមាណ ១២,៨៤ ពាន់លានដុល្លារអាមេរិក ខណៈតម្លៃភាគហ៊ុនក្រុមហ៊ុននេះនៅលើផ្សារហ៊ុនហុងកុងគឺ ៨,៣០ ដុល្លារហុងកុង ឬ ១,០៧ ដុល្លារអាមេរិក៕

ប្រភព: CNA

The post មេធំ Lenovo និយាយច្បាស់ៗថា ទោះក្រុមហ៊ុនគ្មានឈ្មោះក្នុងផ្សារហ៊ុនសៀងហៃ ក៏មិនប៉ះពាល់ជំនួញដែរ appeared first on .

Lenovo

ចំណូលក្រុមហ៊ុន Lenovo បន្តធ្លាក់ចុះរយ:ពេល ៣ ត្រីមាសជាប់ៗគ្នា

Lenovo ប្រកាសការខាតបង់តំបូងបំផុត ​ក្នុងរយៈពេល ១០ ត្រីមាសចុងក្រោយ

មេ​ធំ Lenovo និយាយ​ច្បាស់ៗ​ថា ទោះ​ក្រុមហ៊ុន​គ្មាន​ឈ្មោះ​ក្នុង​ផ្សារហ៊ុន​សៀងហៃ ក៏​មិន​ប៉ះពាល់​ជំនួញ​ដែរ

Lenovo ប្រកាសការខាតបង់តំបូងបំផុត ក្នុងរយៈពេល ១០ ត្រីមាសចុងក្រោយ

មេធំ Lenovo និយាយច្បាស់ៗថា ទោះក្រុមហ៊ុនគ្មានឈ្មោះក្នុងផ្សារហ៊ុនសៀងហៃ ក៏មិនប៉ះពាល់ជំនួញដែរ