ទីភ្នាក់ងារសារព័ត៌មាន AP បានឲ្យដឹងថា ក្នុងការបោះឆ្នោតនៅព្រឹទ្ធសភាកាលពីថ្ងៃទី១៨ មិថុនា គឺមានការយល់ព្រមពីសមាជិកចំនួន ១៣០សំឡេង ក្នុងចំណោមសមាជិកសរុបដែលចូលរួមចំនួន ១៥២នាក់ ខណៈក្នុងនោះមាន ៤សំឡេងដែលបោះឆ្នោតប្រឆាំង ចំណែកឯ ១៨សំឡេងទៀតអនុប្បវាទ។ បន្ថែមពីនោះ សេចក្តីព្រៀងច្បាប់នេះ នឹងត្រូវការយល់ព្រមពីព្រះមហាក្សត្រ Maha Vajiralongkorn អមដោយការបោះពុម្ពផ្សាយក្នុងសរាចរណ៍រដ្ឋាភិបាលមួយដំណាក់កាលទៀត ដែលនឹងកំណត់កាលបរិច្ឆេទក្នុងរយៈពេល ១២០ថ្ងៃនៅពេលដែលវាចូលជាធរមាន។

សូមជម្រាបថា នៅប្រទេសថៃ ល្បីល្បាញណាស់រឿងប្រជាជនជាច្រើនស្រឡាញ់ភេទដូចគ្នា ប៉ុន្តែទោះបីយ៉ាងនេះក្តីក៏ពួកគេបានតស៊ូអស់ជាច្រើនទស្សវត្ស ចំពោះការប្រឈមមុខនឹងការរើសអើងក្នុងជីវិតប្រចាំថ្ងៃ ទម្រាំរដ្ឋាភិបាលយល់ព្រមអនុម័តទៅលើសេចក្តីព្រាងច្បាប់ ដែលនឹងអនុញ្ញាតឲ្យមនុស្សមានភេទដូចគ្នាអាចរៀបការបានដោយស្របច្បាប់៕

The post ថៃជាប្រទេសដំបូងគេនៅអាស៊ាន អនុញ្ញាតឲ្យមនុស្សស្រលាញ់ភេទដូចគ្នា អាចរៀបការដោយស្របច្បាប់ appeared first on .