សារព័ត៌មាន CNBC ចុះផ្សាយថា កាលពីខែកក្កដានោះ រថយន្តប្រភេទថាមពលថ្មី លក់បានខ្ទង់ចំនួន៥១% នៃរថយន្តដឹកអ្នកដំណើរសរុបបានលក់ក្នុងប្រទេសចិន ខណៈក្នុងនោះរបាយការណ៍ចុងក្រោយបានបង្ហាញថា រថយន្តអគ្គិសនីសុទ្ធ មានប្រៀបលក់ដាច់ច្រើនជាងរថយន្តកូនកាត់។

ទោះបីជារបាយការណ៍បង្ហាញយ៉ាងដូច្នេះមែន តែតួលេខពីការលក់ និងការដឹកជញ្ជូនប្រចាំខែរបស់បណ្តាក្រុមហ៊ុនផលិតរថយន្ត BYD, Li Auto និងក្រុមហ៊ុនរថយន្តផ្សេងៗទៀត បានបង្ហាញថា អ្នកប្រើប្រាស់ក្នុងប្រទេសចិនកំពុងតែមានការពេញចិត្តជាខ្លាំងចំពោះរថយន្តកូនកាត់ ដែលដើរដោយថាមពលអគ្គិសនីផង និងឥន្ធនៈផង។

ម្យ៉ាងវិញទៀត ថ្វីត្បិតថាការលក់រថយន្តអគ្គិសនីច្រើនជាងរថយន្តកូនកាត់ក៏ពិតមែន ប៉ុន្តែបើផ្អែកទៅតាមទិន្នន័យទាំងមូលវិញនោះ សមាគមរថយន្តដឹកអ្នកដំណើរចិន បានឲ្យដឹងថា ការលក់រថយន្តគ្រប់ប្រភេទទាំងអស់ មានការធ្លាក់ចុះ២,៨% មកនៅត្រឹម ១,៧២លានគ្រឿងក្នុងខែកក្កដា ក្នុងនោះការលក់រថយន្តថាមពលថ្មីមានការកើនឡើង៣៧% ដល់ចំនួន ៨៧៨ ០០០គ្រឿង។

គួរឲ្យដឹងផងដែរថា រដ្ឋាភិបាលចិនតែងតែខ្នះខ្នែងគាំទ្រដល់ឧស្សាហកម្មរថយន្តថាមពលថ្មីក្នុងស្រុកអស់រយៈពេលជាងមួយទសវត្សមកហើយ រាប់ទាំងការឧបត្ថម្ភធន និងគោលនយោបាយពាណិជ្ជកម្មផ្សេងៗជាដើម៕ គោលនយោបាយពាណិជ្ជកម្ម របស់រដ្ឋាភិបាលចិនទាំងនោះ គឺជំរុញឲ្យមានការប្រើប្រាស់ និងផ្តោតជាសំខាន់ដល់អតិថិជនទិញរថយន្តថាមពលថ្មី ថានឹងទទួលបានអត្ថប្រយោជន៍គាំទ្រច្រើនបំផុត៕

The post ជាលើកដំបូង ចិនលក់រថយន្តថាមពលថ្មី ដាច់ច្រើនជាងរថយន្តចំហេះក្នុង appeared first on .

យោងតាមការចុះផ្សាយពីសារព័ត៌មាន Reuters បានបង្ហាញថា រថយន្តអគ្គិសនីដែល Li Auto គ្រោងនឹងផលិតខ្នាតធំនោះ គឺនឹងបំពាក់មកជាមួយនូវបច្ចេកវិទ្យាសាកថ្មលឿន ដើម្បីដោះស្រាយនូវបញ្ហារបស់អតិថិជន។

បច្ចេកវិទ្យាថ្មីដែល Li Auto គ្រោងនឹងបំពាក់ជាមួយយានយន្តរបស់ខ្លួន គឺមានសមត្ថភាព​សាកថ្ម​រយៈពេល ១២នាទី អាចបើកបរបានរហូតដល់ចំងាយ ៥០០គីឡូម៉ែត្រ ខណៈតម្លៃវិញគឺ​ទាបជាង ៦០០ ០០០យ៉ន់ ឬប្រមាណ ៨២ ៨០០ដុល្លារ។

សូមជម្រាបដែរថា តាំងពីបង្កើតក្រុមហ៊ុនក្នុងឆ្នាំ២០១៥ Li Auto មានរថយន្តតែ ៤ប្រភេទប៉ុណ្ណោះ សម្រាប់ផ្ដល់ជូនអតិថិជន ប៉ុន្តែពួកគេទទួលបានការគាំទ្រខ្លាំង ពោលកាលពីត្រីមាសទី៣ បានប្រកាសពីប្រាក់ចំណេញប្រមាណ ២,៨២ពាន់លានយ៉ន់ ឬប្រហែល ៣៩០លានដុល្លារ៕

The post Li Auto ប្រកាសផែនការផលិតរថយន្តអគ្គិសនីទ្រង់ទ្រាយធំលើកដំបូង នាឆ្នាំក្រោយ appeared first on .

យោងតាមការចុះផ្សាយពីទស្សនាវដ្ដីនិយាយពីអ្នកមាន Forbes បានបង្ហាញថា លោក Fan បានក្លាយជា​មហាសេដ្ឋីទី ២ នៃក្រុមហ៊ុន Li Auto បន្ទាប់ពីប្រធានក្រុមហ៊ុនលោក Li Xiang ក្រោយ​តម្លៃភាគហ៊ុន កើនឡើងដល់ ៤៥,៨៤ដុល្លារក្នុងមួយហ៊ុន ដែលធ្វើឲ្យ​ទ្រព្យសម្បត្តិ​របស់​លោក​កើនដល់ ១,៩ពាន់លានដុល្លារ។

ដោយឡែក ប្រធានក្រុមហ៊ុន​រថយន្តអគ្គិសនីពេញនិយមបំផុតមួយនៅចិន គឺលោក Li វិញ ក៏មាន​សំងំ​កើបលុយបានច្រើនផងដែរ ពោលគិតត្រឹមថ្ងៃទី ០៤ ខែសីហានេះ ទ្រព្យសម្បត្តិរបស់លោក​មានប្រមាណ ៨,២ពាន់លានដុល្លារ។

គួររំលឹកដែរថា ក្រុមហ៊ុន Li Auto គឺជាក្រុមហ៊ុនលក់រថយន្តអគ្គិសនីពេញនិយមបំផុតមួយ​នៅចិន ខណៈបើមើលពីមូលធនទីផ្សារដែលមាន ៤៨ពាន់លានដុល្លារវិញ គឺអាចប្រជែងជាមួយ​ក្រុមហ៊ុនអាមេរិកធំៗដូចជា Ford និង GM បានយ៉ាងងាយ។

បន្ថែមពីនោះ ក្រុមហ៊ុនចិនមួយនេះក៏ជាប់ចំណាត់ថ្នាក់ទី ១ ៦៩១ ក្នុងចំណោមក្រុមហ៊ុនកំពូល​ទាំង ២ ០០០ ចម្រាញ់ដោយទស្សនាវដ្ដី Forbes ស្របពេលអត្រាលក់រថយន្តនាខែកក្កដា​កន្លងទៅ មានការកើនឡើង ២២៧,៥% ដោយលក់បាន ៣៤ ១៣៤គ្រឿង បើធៀបនឹងឆ្នាំទៅក្នុងរយៈពេលដូចគ្នា៕

The post តម្លៃហ៊ុនក្រុមហ៊ុនរថយន្តអគ្គិសនីឡើងខ្លាំង ធ្វើឲ្យចិនមានមហាសេដ្ឋីថ្មីម្នាក់ appeared first on .