Li keqiang

ដោយសារគាំងបេះដូង លោក លី ខឹឈាំង ទទួលមរណភាពភ្លាមៗ

ឧកញ៉ាសំពៅ — Fri, 27 Oct 2023 02:05:14 +0000

អតីតនាយករដ្ឋមន្ត្រីចិន លោក លី ខឹឈាំង បានទទួលមរណភាព ដោយសារជំងឺគាំងបេះដូងភ្លាមៗ នាថ្ងៃសុក្រ ទី២៧ ខែតុលា ក្នុងវ័យ ៦៨ឆ្នាំ។

បណ្ដាញទូរទស្សន៍រដ្ឋចិន CCTV បានរាយកាណ៍ថា លោក លី ខឹឈាំង បានសម្រាកនៅមន្ទីរពេទ្យមួយកន្លែង នៅទីក្រុងសៀងហៃ មុនពេលលោកគាំងបេះដូងភ្លាមៗ កាលពីយប់ថ្ងៃទី២៦ ខែតុលា ខណៈក្រុមគ្រូពេទ្យព្យាយាមសង្គ្រោះលោក ដោយអស់ពីលទ្ធភាព ប៉ុន្តែមិនជោគជ័យ បណ្ដាលឲ្យទទួលមរណភាពនៅម៉ោង ១២ និង១០នាទី រំលងអធ្រាត ឈានចូលថ្ងៃទី ២៧ ខែតុលា។

គួររំលឹកដែរថា លោក លី ខឹឈាំង ធ្លាប់ជាមនុស្សជំនិតរបស់មេដឹកនាំកំពូលចិន លោក ស៊ី ជិនពីង និងធ្លាប់កាន់តំណែងជានាយករដ្ឋមន្ត្រីចិន រយៈពេល ១០ឆ្នាំ ពីឆ្នាំ២០១៣ ដល់ដើមឆ្នាំ២០២៣៕

The post ដោយសារគាំងបេះដូង លោក លី ខឹឈាំង ទទួលមរណភាពភ្លាមៗ appeared first on .

នាយករដ្ឋមន្ត្រីចិននឹងចុះចេញពីតំណែង ក្រោយលាក់ខ្លួនក្នុងស្រមោលលោក ស៊ី ជិនពីង ១០ឆ្នាំ

ឧកញ៉ាសំពៅ — Mon, 06 Mar 2023 08:49:21 +0000

កាលពីពេលថ្មីៗនេះ លោក Li Keqiang បានបញ្ចប់ភារកិច្ចចុងក្រោយរបស់លោកក្នុងនាមជា នាយករដ្ឋមន្ត្រីចិន ដោយបានបង្ហាញរបាយការណ៍ប្រចាំឆ្នាំក្នុងកិច្ចប្រជុំសភា និងប្រកាសចុះចេញពីតំណែង ដែលនឹងបញ្ចប់នៅក្នុងខែមីនានេះ បន្ទាប់ពីចូលកាន់តំណែងតាំងពីឆ្នាំ ២០១៣។

អស់រយៈពេល ១០ ឆ្នាំ ដែលលោក Li ជាប់ឈ្មោះជាបុរសមានអំណាចបំផុតប្រចាំប្រទេសចិន បន្ទាប់ពីប្រធានាធិបតីមានឥទ្ធិពលបំផុតប្រចាំប្រវត្តិសាស្ត្រចិន ស៊ី ជិនពីង ដែលអាចកាន់អំណាចរហូតដល់ ៣ អាណត្តិ។

មានពាក្យចចាមអារ៉ាមជាច្រើន ជុំវិញការលាលែងតំណែងកំពូលមួយនេះ តែក្នុងនោះអ្នកសង្កេតនយោបាយចិន Steve Tsang បានបង្ហើបថា ភាពមិនស្មោះត្រង់ដែលលោក Li មានចំពោះលោក ស៊ី ជិនពីង អាចជាបញ្ហាដែលធ្វើឲ្យលោក របូតងារជាបុរសមានឥទ្ធិពលបំផុតទី ២ ប្រចាំប្រទេស។

នាយកវិទ្យាស្ថានចិននៃសកលវិទ្យាល័យ London University of Oriental and African Studies បានបន្ថែមទៀតថា មួយរយៈកាលចុងក្រោយលោក Li មិនសូវបង្ហាញមុខនៅវេទិកាធំៗឡើយ ដោយផ្អែកតាមការបញ្ជាពីមេធំ។

សូមជម្រាបដែរថា ឥទ្ធិពលរបស់លោក Li ត្រូវបានកាត់បន្ថយបន្តិចម្ដងៗ តាំងពីប្រធានាធិបតីចិនប្រកាសរុះរើគណៈរដ្ឋមន្ត្រីក្នុងឆ្នាំ ២០១៨ ដោយផ្ដល់សិទ្ធអំណាចក្រុមប្រឹក្សារដ្ឋ និងគណៈរដ្ឋមន្ត្រី ទៅកាន់សមាជិកជាន់ខ្ពស់នៃបក្សកុម្ម៉ុយនីស្ត៕

The post នាយករដ្ឋមន្ត្រីចិននឹងចុះចេញពីតំណែង ក្រោយលាក់ខ្លួនក្នុងស្រមោលលោក ស៊ី ជិនពីង ១០ឆ្នាំ appeared first on .

នាយករដ្ឋមន្ត្រីចិន នឹងធ្វើដំណើរមកដល់កម្ពុជានៅថ្ងៃទី ០៨ ត្រៀមចូលរួមកិច្ចប្រជុំកំពូលអាស៊ាន

ឧកញ៉ាសំពៅ — Fri, 04 Nov 2022 09:28:00 +0000

កិច្ចប្រជុំកំពូលអាស៊ានលើកទី ៤០ និង ៤១ ដែលកម្ពុជានឹងធ្វើជាម្ចាស់ផ្ទះ នឹងប្រារព្ធធ្វើពីថ្ងៃទី ១០ ដល់ទី ១៣ ខែវិច្ឆិកាខាងមុខ ដោយមានការអញ្ជើញចូលរួមពីបណ្ដាសមាជិកអាស៊ាន និងភ្ញៀវកិត្តិយសដូចជា ប្រធានាធិបតីអាមេរិក ចូ បៃឌិនជាដើម។

ក្នុងនោះផងដែរ នាយករដ្ឋមន្ត្រីចិន Li Keqiang នឹងធ្វើដំណើរទស្សនកិច្ចមកកម្ពុជាពីថ្ងៃទី ០៨ ដល់ថ្ងៃទី ១៣ ហើយលោកក៏នឹងចូលរួមកិច្ចប្រជុំកំពូលអាស៊ានមួយនេះ ជាមួយសមាជិកអាស៊ាន ហើយក៏នឹងយកកម្ពុជាជាវេទិកាជួបជជែករវាងចិន ជប៉ុន និងកូរ៉េខាងត្បូងផងដែរ។ នេះបើតាមការចុះផ្សាយពី Reuters។

បន្ទាប់ពីកិច្ចប្រជុំកំពូលអាស៊ានលើកទី ៤០ និង ៤១ នេះ លោក Li Keqiang ក៏នឹងចូលរួមកិច្ចប្រជុំកំពូលអាស៊ីបូព៌ាលើកទី១៧ ដែលកម្ពុជាក៏នឹងធ្វើជាម្ចាស់ផ្ទះដូចគ្នា ខណៈកិច្ចប្រជុំមួយនេះធ្វើឡើងនៅពាក់កណ្ដាលខែវិច្ឆិកា៕

The post នាយករដ្ឋមន្ត្រីចិន នឹងធ្វើដំណើរមកដល់កម្ពុជានៅថ្ងៃទី ០៨ ត្រៀមចូលរួមកិច្ចប្រជុំកំពូលអាស៊ាន appeared first on .