យោងតាមការចុះផ្សាយពីសារព័ត៌មាន CNA បានបង្ហាញថា ក្នុងដំណើរទស្សនកិច្ចរបស់ថ្នាក់ដឹកនាំចិន ទៅកាន់ប្រទេសបេឡារុស ប្រទេសទាំង២ បានព្រមព្រៀងគ្នា ពង្រឹងកិច្ចសហប្រតិបត្តិការលើវិស័យជាច្រើនរួមទាំងវិស័យការពារជាតិ ពាណិជ្ជកម្ម និងហិរញ្ញវត្ថុជាដើម។

បន្ថែមពីនោះ ប្រទេសទាំង២ ក៏បានសន្យាជំរុញលើកិច្ចសហប្រតិបត្តិការលើការផ្គត់ផ្គង់ ក៏ដូចជាពង្រឹងបន្ថែមនូវការសម្របសម្រួលពាណិជ្ជកម្មទ្វេភាគី ដើម្បីកាត់បន្ថយការចំណាយឲ្យកាន់តែតិចជាងមុនផងដែរ។

គួររំលឹកបន្តិចថា ប្រទេសចិនគឺជាដៃគូពាណិជ្ជកម្មធំបំផុតទី២លើលោក និងធំបំផុតនៅអាស៊ី របស់ប្រទេសបេឡារុស ដោយទំហំពាណិជ្ជកម្មទ្វេភាគីប្រទេសទាំង២ កាលពីឆ្នាំទៅ សម្រេចបានដល់ ៨,៤ពាន់លានដុល្លារឯណោះ៕

The post ចិន និងបេឡារុស ចាប់ដៃគ្នាពង្រឹងកិច្ចសហប្រតិបត្តិការលើវិស័យការពារជាតិ និងពាណិជ្ជកម្ម appeared first on .

យោងតាមការចុះផ្សាយពីសារព័ត៌មាន Reuters បានបង្ហាញថា ក្នុងដំណើរទស្សនកិច្ចមួយនេះ នាយករដ្ឋមន្ត្រីចិនសម្រេចបានផ្លែផ្កាជាច្រើន ដូចជាការជជែកពីលទ្ធភាព នៃការពង្រឹងភាពជាដៃគូពាណិជ្ជកម្ម និងឱកាសវិនិយោគផ្សេងៗ ដែលផ្ដល់ផលប្រយោជន៍ដល់ប្រទេសទាំង២។

នាយករដ្ឋមន្ត្រីចិន បានប្រាប់បណ្ដាញសារព័ត៌មានថា លោកមានការសន្ទនាគ្នាជាមួយនាយករដ្ឋមន្ត្រីអូស្ត្រាលី លោក Anthony Albanese ជាច្រើន ហើយជជែកគ្នាដោយបើកចិត្តយ៉ាងទូលាយ ស្មោះត្រង់ ស៊ីជម្រៅ និងមានការឯកភាពជាច្រើន។

បន្ថែមពីនោះ នាយករដ្ឋមន្ត្រីចិនរូបនេះក៏បានសង្កត់ធ្ងន់ទៀតថា ប្រទេសទាំង២ នឹងជំរុញកិច្ចសហប្រតិបត្តិការជាច្រើន ជាពិសេសលើវិស័យថាមពល ការជីករ៉ែ និងវិស័យផ្សេងៗទៀត ខណៈចិនបានផ្ដល់ទិដ្ឋាការរយៈពេល ៥ឆ្នាំ សម្រាប់ជនជាតិអូស្ត្រាលី ដែលមានបំណងទៅវិនិយោគ និងធ្វើដំណើរកម្សាន្តទៅកាន់ប្រទេសចិនថែមទៀត៕

The post ដំណើរទស្សនកិច្ចរបស់នាយករដ្ឋមន្ត្រីចិន ទៅកាន់ប្រទេសអូស្ត្រាលី សម្រេចបានផ្លែផ្កាគួរឲ្យកត់សម្គាល់ appeared first on .

ដំណើរមកដល់របស់លោក Li ត្រូវបានស្វាគមន៍តាមបែបប្រពៃណី និងកក់ក្ដៅបំផុត ដោយមាននាយករដ្ឋមន្ត្រី លោក Christopher Luxon និងអគ្គទេសាភិបាល លោកស្រី Cindy Kiro រង់ចាំទទួលលោកនៅក្នុងរដ្ឋធានី Wellington។

ចុះដល់ដីនូវែលសេឡង់ភ្លាម នាយករដ្ឋមន្ត្រីចិនក៏បានប្រាប់ពីគោលបំណងនៃដំណើរទស្សនកិច្ចសារនេះ ដោយបាននិយាយថា៖ ការបំពេញទស្សនកិច្ចរបស់ខ្ញុំលើកនេះ គឺដើម្បីពង្រឹងទំនាក់ទំនងរបស់យើងឡើងវិញ ជំរុញកិច្ចសហប្រតិបត្តិការ ដែលមានផលប្រយោជន៍ទៅវិញទៅមក និងជំរុញការអភិវឌ្ឍន៍រួមនៃប្រទេសទាំងពីរ។

សូមជម្រាបដែរថា លោក Li Qiang នឹងបំពេញទស្សនកិច្ចនៅប្រទេសនូវែលសេឡង់ រយៈពេល ២ថ្ងៃ រួចហើយនឹងបន្តដំណើរទស្សនកិច្ចទៅកាន់ប្រទេសអូស្ត្រាលី ដែលលោកនឹងចំណាយពេលនៅទីនោះរយៈពេល ៤ថ្ងៃបន្ថែមទៀត៕

The post នាយករដ្ឋមន្ត្រីចិន ធ្វើដំណើរទៅដល់ប្រទេសនូវែលសេឡង់ សម្រាប់ដំណើរទស្សនកិច្ចដ៏កម្រ appeared first on .

លោក Li នឹងធ្វើដំណើរទៅកាន់ទីក្រុង Adelaide, Canberra និងទីក្រុង Perth សម្រាប់ដំណើរទស្សនកិច្ចរយៈពេល ៤ថ្ងៃ ខណៈវាគឺជាការបំពេញទស្សនកិច្ចលើកដំបូង របស់នាយករដ្ឋមន្ត្រីចិន ពោលដំណើរទស្សនកិច្ចចុងក្រោយរបស់ថ្នាក់ដឹកនាំចិនទៅកាន់អូស្ត្រាលី កើតឡើងពីឆ្នាំ២០១៧ ដោយគ្រានោះ លោក Li Keqiang នៅដឹកនាំប្រទេសចិននៅឡើយ។

ដំណើរទស្សនកិច្ចរបស់នាយករដ្ឋមន្ត្រីចិន ទៅកាន់ប្រទេសអូស្ត្រាលី នឹងមានការពិភាក្សាគ្នា លើការធ្វើពាណិជ្ជកម្មទ្វេភាគី ពង្រឹងទំនាក់ទំនងឲ្យកាន់តែល្អជាងមុន ក៏ដូចជាជជែកពីគម្រោងវិនិយោគផ្សេងៗ ដើម្បីផ្ដល់ផលប្រយោជន៍រវាងប្រទេសទាំង២ផងដែរ។

គួររំលឹកបន្តិចថា លោក Li Qiang នឹងធ្វើដំណើរទៅដល់ប្រទេសអូស្ត្រាលីនាថ្ងៃទី១៥ ខែមិថុនាខាងមុខ ដោយគ្រោងបញ្ចប់ភារកិច្ចនៅប្រទេសអូស្ត្រាលីត្រឹមថ្ងៃទី១៨ ខែមិថុនា៕

The post នាយករដ្ឋមន្ត្រីចិនគ្រោងបំពេញទស្សនកិច្ចទៅប្រទេសអូស្ត្រាលីជាលើកដំបូង ក្នុងរយៈពេល ៧ឆ្នាំ appeared first on .

ជុំវិញការលើកឡើងរបស់ លោក Li បែបនេះ បានធ្វើឡើងក្នុងអំឡុងកិច្ចប្រជុំជាមួយប្រធានក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូង Samsung លោក Lee Jae-yong នៅទីក្រុងសេអ៊ូល កាលពីថ្ងៃអាទិត្យ ទី២៦ ខែឧសភា កន្លងទៅ ដែលជាថ្ងៃមុនការបើកកិច្ចប្រជុំកំពូលត្រីភាគី រវាងប្រទេសកូរ៉េខាងត្បូង ចិន និងជប៉ុន។

គួរឲ្យដឹងផងដែរថា ដោយត្រូវបានចាត់ទុកជាក្រុមហ៊ុនឈានមុខគេលើវិស័យបន្ទះឈីប និងស្មាតហ្វូន Samsung បានក្លាយជាក្រុមហ៊ុនបរទេសដ៏លេចធ្លោបំផុតមួយ នៅក្នុងប្រទេសចិន ដោយបានបណ្តាក់ទុនរាប់ពាន់លានដុល្លារ ក្នុងរយៈពេលប៉ុន្មានឆ្នាំកន្លងមកនេះ ទៅក្នុងរោងចក្រផលិតគ្រឿងអេឡិចត្រូនិក និងឧបករណ៍អេឡិចត្រូនិកផ្សេងទៀត។

ក្នុងអំឡុងកិច្ចប្រជុំនោះ លោក Li បាននិយាយប្រាប់ទៅកាន់ប្រធានក្រុមហ៊ុន Samsung ថាសហគ្រាសក្នុងស្រុកដែលទទួលបានមូលនិធិពីបរទេស គឺជាកម្លាំងដែលមិនអាចខ្វះបានសម្រាប់ការអភិវឌ្ឍរបស់ប្រទេសចិន ហើយទីផ្សារដ៏ធំរបស់ប្រទេសចិន នឹងបើកចំហជានិច្ចចំពោះក្រុមហ៊ុនណាដែលផ្តល់មូលនិធិពីបរទេស។

លោក Li បានបន្ថែមទៀតថា ប្រទេសចិននឹងចាត់វិធានការ រួមទាំងការពង្រីកចំពោះការចូលទៅកាន់ទីផ្សារ ដើម្បីកែលម្អបរិយាកាសធុរកិច្ច ដើម្បីធ្វើឲ្យក្រុមហ៊ុនបរទេស អាចធានាបានក្នុងការវិនិយោគ និងការអភិវឌ្ឍរបស់ពួកគេ នៅក្នុងប្រទេសចិន៕

The post នាយករដ្ឋមន្ត្រីចិន ប្រាប់ទៅកាន់មេធំ Samsung ថាចិនបើកចិត្តស្វាគមន៍ក្រុមហ៊ុនបរទេសជានិច្ច appeared first on .

ការសម្រេចចិត្តមួយនេះធ្វើឡើងភ្លាមៗ បន្ទាប់ពីសប្ដាហ៍កន្លងទៅ នាយករដ្ឋមន្ត្រីចិន ក៏បានលុបចោលនូវសន្និសីថសារព័ត៌មានមួយ ដែលតែងតែធ្វើឡើងនៅចុងកិច្ចប្រជុំសភាប្រចាំឆ្នាំ។

ក្រឡេកទៅមើលចំណុចសំខាន់នៃកិច្ចប្រជុំ CDF វិញ គឺជាការជួបជជែកទល់មុខគ្នា រវាងនាយករដ្ឋមន្ត្រីចិន និង CEO មកពីក្រុមហ៊ុនបរទេសធំៗ ដើម្បីស្វែងរកកិច្ចសហប្រតិបត្តិការ ក៏ដូចជាបង្កើនការវិនិយោគនៅក្នុងប្រទេស ក៏ប៉ុន្តែសម្រាប់ឆ្នាំនេះ មានការរំពឹងទុកតិចណាស់ ចំពោះលទ្ធផលនៃកិច្ចប្រជុំ ដ្បិតនាយករដ្ឋមន្ត្រីចិនមិនចូលរួម ដូច្នេះធុរកិច្ចជនបរទេសជាន់ខ្ពស់​ទាំងនោះ អាចនឹងខកចិត្ត លុបចោលនូវគម្រោងបណ្ដាក់ទុនជាច្រើន។

គួសជម្រាបដែរថា សេចក្ដីប្រកាសព័ត៌មានមួយនេះ ធ្វើឲ្យក្រុមអ្នកតាមដានសេដ្ឋកិច្ចចិន​បង្ហាញក្ដីបារម្ភថា ការប្ដេជ្ញាចិត្តរបស់រដ្ឋាភិបាលក្រុងប៉េកាំង ក្នុងការអូសទាញវិនិយោគិនបរទេស គឺមិនមានគោលជំហរច្បាស់លាស់ ស្របពេលបច្ចុប្បន្នសេដ្ឋកិច្ចប្រទេសចិន នៅមិនទាន់អាចរីកលូតលាស់បានខ្ពស់ ដូចមុនកើតមានជំងឺរាតត្បាតកូវីដ ១៩ នៅឡើយ។

បន្ថែមពីនោះ ការវិនិយោគពីបរទេស មកកាន់ប្រទេសចិនក៏មានសភាពមិនល្អថែមទៀត ពោលកាលពីខែមករា ការបណ្ដាក់ទុនពីបរទេស មានការថយចុះជិត ១២% មកនៅត្រឹម ១៥,៧ពាន់លានដុល្លារប៉ុណ្ណោះ។ នេះបើតាមទិន្នន័យបញ្ចេញដោយក្រសួងពាណិជ្ជកម្មចិនកាលពីខែមុន៕

The post នាយករដ្ឋមន្ត្រីចិនមិនចូលរួមកិច្ចប្រជុំសំខាន់ ជាមួយធុរកិច្ចជនធំកំពូលៗបរទេសឡើយ appeared first on .

យោងតាមទីភ្នាក់ងារសារព័ត៌មានចិនមួយបានចុះផ្សាយថា លោក លី បានប្រាប់ទៅកាន់គណៈប្រតិភូអាមេរិកថា ការពង្រឹងកិច្ចសហប្រតិបត្តិការសេដ្ឋកិច្ច និងពាណិជ្ជកម្ម គឺជាការផ្ដល់ផលប្រយោជន៍ដល់ប្រទេសទាំង២។

ថ្នាក់ដឹកនាំចិនរូបនេះ ក៏បានបង្ហើបទៀតថា ការរិះរកមធ្យោបាយផ្ដាច់ខ្លួនពីប្រទេសចិន ហើយបង្កើតរនាំងពាណិជ្ជកម្មនោះ គឺមិនស្របតាមគោលការណ៍ ដែលអាចផ្ដល់ប្រយោជន៍ជូនប្រទេសទាំង២ បាននោះទេ។

សូមជម្រាបដែរថា នាសប្ដាហ៍នេះ ប្រធានសភាពាណិជ្ជកម្ម លោកស្រី Suzanne Clark បានដឹកនាំគណៈប្រតិភូអាមេរិក ទៅបំពេញទស្សនកិច្ចនៅចិន បន្ទាប់ពីមហាអំណាចសេដ្ឋកិច្ចទាំង ២ បានយល់ព្រមបន្តកិច្ចសហប្រតិបត្តិការមួយចំនួន ក្រោយពាក់មុខយក្សដាក់គ្នាប៉ុន្មានឆ្នាំនេះ៕

The post នាយករដ្ឋមន្ត្រីចិន ទទូចឲ្យមានការរឹតចំណងទំនាក់ទំនងពាណិជ្ជកម្មជាមួយអាមេរិក appeared first on .

“ពួកយើងមានការប្ដេជ្ញាចិត្តខ្ពស់មែនទែន ក្នុងការបង្កើតកិច្ចសន្ទនាជាមួយប្រទេសចិន ហើយខ្ញុំពិតជាមានក្ដីសោមនស្សរីករាយជាខ្លាំង នៅពេលដែលបានជួបគាត់ (Li Qiang) ម្ដងទៀត ក្រោយកិច្ចប្រជុំនៅទីក្រុងប៉ារីស កាលពីខែមិថុនា”។ អ្នកស្រី Colonna បានលើកឡើងបែបនេះ ទៅកាន់លោក Li Qiang។

អ្នកស្រីបន្ថែមទៀតថា៖ ប្រទេសទាំងពីរគឺជាសមាជិកអចិន្ត្រៃយ៍នៃក្រុមប្រឹក្សាសន្តិសុខ (UN) ហើយពួកយើងមានទំនួលខុសត្រូវជាសកល ក្នុងការស្វែងរកចម្លើយចំពោះបញ្ហាប្រឈមធំៗ ជាពិសេសបញ្ហាប្រឈមនៃអាកាសធាតុ ជីវចម្រុះ និងអ្វីៗដែលអាចបន្ធូរបន្ថយភាពតានតឹងក្នុងពិភពលោក។

សូមជម្រាបដែរថា ចិនគឺជាដៃគូពាណិជ្ជកម្មធំបំផុតទី៣ របស់បារាំង ស្របពេលបារាំងក៏ជាអ្នកនាំចូលផលិតផលដ៏ធំសម្រាប់ចិនផងដែរ ដូចជាស្រាទំពាំងបាយជូរ និងគ្រឿងសំអាងនានា ដូច្នេះបារាំង និងចិន តែងតែព្យាយាមរក្សាចំណងមិត្តភាពមួយនេះ ឲ្យនៅស្ថិតស្ថិរបានយូរ៕

The post ចំពោះមុខនាយករដ្ឋមន្ត្រីចិន អ្នកស្រី Colonna ទម្លាយថា បារាំងប្ដេជ្ញាបង្កើនកិច្ចសន្ទនាជាមួយគ្នា appeared first on .

យោងតាមការចុះផ្សាយពីសារព័ត៌មាន Reuters បានបង្ហាញថា លោក Albanese គឺជាមេដឹកនាំអូស្ត្រាលីដំបូងបំផុត ដែលបានបំពេញទស្សនកិច្ចទៅកាន់ប្រទេសចិន ក្នុងរយៈពេល ៧ឆ្នាំ បន្ទាប់ពីមានជម្លោះការទូត ដែលបណ្ដាលឲ្យកិច្ចប្រជុំប្រចាំឆ្នាំ ត្រូវបានផ្អាករហូតមកទល់សព្វថ្ងៃ។

ដោយឡែក ការធ្វើពាណិជ្ជកម្មរវាងចិន និងអូស្ត្រាលីវិញ ក៏មានដំណើរការប្រសើរបន្តិចផងដែរ ពោលចិនបានបន្ធូរបន្ថយលើការរឹតបន្តឹងផលិតផលនាំចូលពីអូស្ត្រាលី ខណៈលោក Albanese បានបង្ហើបថា លោកគ្រោងជជែកជាមួយនាយករដ្ឋមន្ត្រីចិន ជុំវិញការបន្តការធ្វើពាណិជ្ជកម្មសេរី រវាងប្រទេសទាំង២។

សូមជម្រាបបន្ថែមថា ការនាំចូលទំនិញពីអូស្ត្រាលី មកកាន់ប្រទេសចិនក្នុងខែតុលា បានកើនឡើង ១២% ដល់ចំនួនជិត ១២ពាន់លានដុល្លារ ខណៈគិតពីខែមករា មកដល់ខែតុលា ការនាំចូលរបស់ចិន កើនឡើង ៨,៤% ដល់ចំនួន ១២៨,៧៦ពាន់លានដុល្លារ៕

The post ចិន និងអូស្ត្រាលី ចាប់ផ្ដើមកិច្ចប្រជុំប្រចាំឆ្នាំឡើងវិញ ក្រោយខកខានអស់ ៧ឆ្នាំ appeared first on .

ក្នុងជំនួបរវាងមេដឹកនាំទាំងពីរ នាយករដ្ឋមន្រ្តី លី ឈាង បានវាយតម្លៃខ្ពស់ចំពោះសម្តេចធិបតី ដែលបានកំណត់យកប្រទេសចិន ជាប្រទេសទី១ សម្រាប់ការបំពេញទស្សនកិច្ចផ្លូវការ បន្ទាប់ពី សម្ដេចធិបតី ចូលកាន់តំណែងជានាយករដ្ឋមន្ត្រី ។ លោកបានគូសបញ្ជាក់អំពីសារៈសំខាន់នៃចំណងមិត្តភាពកម្ពុជា-ចិន និងអំពីអត្ថប្រយោជន៍ជាច្រើនដែលប្រជាជាតិទាំងពីរទទួលបាន ជាពិសេសនៅក្នុងរយៈពេល ១០ ឆ្នាំចុងក្រោយនេះ។  

នៅចំពោះមុខនាយករដ្ឋមន្រ្តី លី ឈាង (Li Qiang) សម្ដេចធិបតី ហ៊ុន ម៉ាណែត នាយករដ្ឋមន្រ្តី បានគូសបញ្ជាក់អំពីជំហរនយោបាយរបស់រាជរដ្ឋាភិបាលកម្ពុជាក្រោមការដឹកនាំរបស់សម្ដេចធិបតី កម្ពុជាបន្តរក្សានូវជំហរដដែល ជាពិសេស បន្តអនុវត្តនយោបាយចិនមួយ យ៉ាងខ្ជាប់ខ្ជួន។ កម្ពុជាបន្តគាំទ្រចិន នៅក្នុងក្របខ័ណ្ឌតំបន់ និងពិភពលោក ព្រមទាំងបន្តគាំទ្រនូវគំនិតផ្តួចផ្តើមនានារបស់ចិន។ 

ជាមួយគ្នានេះ សម្ដេចធិបតី បានគាំទ្រ ចំពោះការរៀបចំ គំនិតផ្ដួចផ្ដើមខ្សែក្រវាត់ និងផ្លូវលើកទី៣ និងបានបញ្ជាក់ពីការអញ្ជើញរបស់សម្ដេចធិបតី នាខែតុលា ខាងមុខ។ បន្ថែមពីលើនេះ កម្ពុជាត្រៀមខ្លួនជាស្រេចក្នុងការបន្តអនុវត្តនូវគម្រោងដែលបានព្រមព្រៀងគ្នា និងខិតខំស្វែងរកនូវគម្រោងថ្មីៗ បន្ថែមទៀត ដើម្បីអនុវត្តសម្រាប់ជាផលប្រយោជន៍ជូនប្រជាជនទាំងពីរ ឱ្យបានកាន់តែប្រសើរ។ 

សម្ដេចធិបតីនាយករដ្ឋមន្រ្តី បានស្នើឱ្យសមភាគីចិន ពិនិត្យពិចារណាលើគម្រោងពាក់ព័ន្ធនឹងសន្តិសុខថាមពល ប្រព័ន្ធហេដ្ឋារចនាសម្ព័ន្ធ ការជំរុញ និងការលើកទឹកចិត្តផ្នែកវិនិយោគ ការអនុវត្តគម្រោងកិច្ចសហប្រតិបត្តិការត្បូងពេជ្រ និងការស្តារ និងជំរុញវិស័យទេសចរណ៍។ 

ជាការឆ្លើយតប នាយករដ្ឋមន្ត្រី លី ឈាង បានរីករាយបន្តសហការ និងជំរុញអនុវត្តឱ្យចេញជាលទ្ធផលនូវគម្រោងទាំងនេះ។ លោកបានបញ្ជាក់ជូនសម្ដេចធិបតី ជាថ្មីថា ចិនបន្តគាំទ្រ និងសហការជាមួយកម្ពុជាលើគ្រប់វិស័យ ដោយមិនមានការប្រែប្រួលឡើយ។ 

ជាមួយនឹងស្មារតី និងការប្ដេជ្ញាពង្រឹងចំណងមិត្តភាព និងសាមគ្គីភាព រវាងប្រទេសទាំងពីរឱ្យកាន់តែរឹងមាំ និងប្រសើរឡើង, ប្រមុខរដ្ឋាភិបាលទាំងពីរបានឯកភាពគ្នា បន្តជំរុញកិច្ចសហប្រតិបត្តិការជាមួយគ្នា និងបន្តគាំទ្រ ព្រមទាំងជួយជ្រោមជ្រែងគ្នាទៅវិញទៅមក ក្នុងក្របខ័ណ្ឌតំបន់ និងសកលលោក។

បន្ថែមទៀតនោះ ប្រមុខរដ្ឋាភិបាលទាំងពីរក៏បានប្ដេជ្ញាចិត្តបន្តគាំទ្រគ្នាទៅវិញទៅមក នៅក្នុងក្របខ័ណ្ឌតំបន់ និងក្របខ័ណ្ឌអន្តរជាតិ ដើម្បីផ្ដល់ជាផលប្រយោជន៍ជូនប្រជាជននៃប្រទេសទាំងពីរ។

ជាសក្ខីភាពនៃចំណងមិត្តភាព និងសាមគ្គីភាពដ៏រឹងមាំ នាយករដ្ឋមន្ត្រីនៃប្រទេសទាំងពីរបានធ្វើជាសាក្សីលើការចុះអនុស្សរណៈនៃការយោគយល់គ្នាចំនួន ១៥ ដែលក្នុងនោះមាន ឯកសារស្តីផែនការសកម្មភាព នៃការកសាងសហគមន៍វាសនារួមកម្ពុជា-ចិន ក្នុងយុគសម័យថ្មី ឆ្នាំ២០២៤-២០២៨ ផងដែរ៕

The post ចិនប្រកាសជំហរបន្តគាំទ្រ និងសហការជាមួយកម្ពុជាលើគ្រប់វិស័យដោយមិនមានការប្រែប្រួលឡើយ appeared first on .