អតីតប្រធានក្រុមហ៊ុន China Everbright Group របូតតំណែងនៅគណបក្សកុម្ម៉ុយនីស្តចិន

ឧកញ៉ាសំពៅ — Mon, 09 Oct 2023 09:56:00 +0000

អតីតប្រធានក្រុមហ៊ុនចិន China Everbright Everbright Group លោក Li Xiaopeng ត្រូវបានដកតំណែងពីគណបក្សកុម្ម៉ុយនីស្ត បន្ទាប់ពីរកឃើញថាបានប្រព្រឹត្តបទល្មើសមួយចំនួន។

យោងតាមការចុះផ្សាយពីសារព័ត៌មាន CCTV បានបង្ហាញថា លោក Li ជាប់ពាក់ព័ន្ធនឹងករណីពុករលួយ បន្ទាប់ពីស្ថិតក្រោមការស៊ើបអង្កេតតាំងពីខែមេសាមកម៉្លេះ។

តាមរយៈការស៊ើបអង្កេតបានរកឃើញថា លោក Li បានទទួលការសូកប៉ាន់ គ្រប់គ្រងភាគហ៊ុននៅក្រុមហ៊ុនដែលមិនបានចុះបញ្ជីត្រឹមត្រូវ ប្រើប្រាស់អំណាចខុសច្បាប់ ដើម្បីផ្ដល់ប្រាក់កម្ចី និងរកប្រាក់តាមមធ្យោបាយផ្សេងៗ។

សូមជម្រាបបន្ថែមថា ក្រុមហ៊ុន China Everbright Group គឺជាក្រុមហ៊ុនអចលនទ្រព្យធំបំផុតនៅចិន និងមានបុត្រសម្ព័ន្ធធំៗជាច្រើនដូចជា China Everbright Bank, Everbright Securities និង China Everbright៕

The post អតីតប្រធានក្រុមហ៊ុន China Everbright Group របូតតំណែងនៅគណបក្សកុម្ម៉ុយនីស្តចិន appeared first on .

ពន្លឺថ្មីបន្ថែម! វិទ្យាស្ថានបច្ចេកទេស និងសាកលវិទ្យាល័យមួយចំនួននៅប្រទេសចិន គ្រោងសហការជាមួយវិទ្យាស្ថានតេជោសែន សាធារណការ និងដឹកជញ្ជូន

ឧកញ៉ាកោះក្របី — Thu, 24 Jun 2021 03:31:28 +0000

លោក Li Xiaopeng រដ្ឋមន្ត្រីដឹកជញ្ជូន នៃសាធារណរដ្ឋប្រជាមានិតចិន និយាយថា វិទ្យាស្ថានបច្ចេកទេស និងសាកលវិទ្យាល័យមួយចំនួននៅប្រទេសចិន មានបំណងចង់សហការជាមួយវិទ្យាស្ថានតេជោសែន សាធារណការ និងដឹកជញ្ជូន ដើម្បីធ្វើឱ្យប្រសើរឡើងដល់ការកសាងសមត្ថភាពវិស្វករបច្ចេកទេសកម្ពុជា។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

លោកលើកឡើងដូច្នេះ ក្នុងជួបពិភាក្សាការងារជាមួយលោកទេសរដ្ឋមន្ត្រី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន កាលពីថ្ងៃទី២២ ខែមិថុនា ឆ្នាំ២០២១ នៅស្នាក់ការកំពង់ផែស្វយ័តក្រុងព្រះសីហនុ។

លោកទេសរដ្ឋមន្ត្រី បានស្នើសុំការគាំទ្រ និងជំនួយលើវិស័យក៏ដូចជាមុខជំនាញជាច្រើនពីខាងភាគីចិន ជាពិសេសផ្តល់សាស្ត្រាចារ្យ និងអ្នកបច្ចេកទេសតាមរយៈអនុស្សារណៈកិច្ចសហប្រតិបត្តិការចិនកម្ពុជា ដើម្បីជួយបង្ហាត់បង្រៀនវិស្វករកម្ពុជាឱ្យចេះកសាងផ្លូវ ស្ពាន និងហេដ្ឋារចនាសម្ព័ន្ធជាច្រើនទៀតដូចជា កំពង់ផែ ផ្លូវរថភ្លើង និងផ្លូវក្រោមដីជាដើម។

គួររម្លឹកជូនថា កាលពីថ្ងៃទី៩ ខែមិថុនា ឆ្នាំ២០២១នេះ រាជរដ្ឋាភិបាលកម្ពុជា បានចេញអនុក្រឹត្យតែងតាំង និងសម្រួលភារកិច្ចមន្រ្តីរាជការចំនួន ៤រូបរបស់វិទ្យាស្ថានតេជោសែនសាធារណការ និងដឹកជញ្ជូន នៃក្រសួងសាធារណៈការ និងដឹកជញ្ជូន គឺ លោក ប្រាងហង្ស សេរីរិទ្ធ លោក យិន សេរីវុធ លោកស្រី ប្រសើរ ម៉ូលីកា លោកស្រី ញឹក ច័ន្ទវណ្ណារ៉ា។

ជាមួយគ្នានោះ លោក ហឿន សំនៀង ក៏ត្រូវបានតែងតាំងជានាយកវិទ្យាស្ថាន តេជោសែនសាធារណការ និងដឹកជញ្ជូន តាមព្រះរាជក្រឹត្យ នស/រកត/០៦៤១/៤៦៩ ចុះថ្ងៃទី១២ ខែមិថុនានេះផងដែរ។

សូមបញ្ជាក់ជូនថា វិទ្យាស្ថានតេជោសែនសាធារណាការ និងដឹកជញ្ជូន ជាវិទ្យាស្ថានបណ្តុះបណ្តាលជំនាញសាងសង់ផ្លូវ និងស្ពាន ក៏ដូចហេដ្ឋារចនាសម្ព័ន្ធនានាលើកដំបូងនៅកម្ពុជា។ ក្រសួងសាធារណការ និងដឹកជញ្ជូន បានសាងសង់ និងសម្ពោធជាផ្លូវការនូវវិទ្យាស្ថានតេជោសែន សាធារណការ និងដឹកជញ្ជូនកាលពីថ្ងៃទី២២ ខែមករា ឆ្នាំ២០២១ ក្រោមអធិបតីភាពដ៍ខ្ពង់ខ្ពស់បំផុតរបស់សម្តេចតេជោ ហ៊ុន សែន៕

The post ពន្លឺថ្មីបន្ថែម! វិទ្យាស្ថានបច្ចេកទេស និងសាកលវិទ្យាល័យមួយចំនួននៅប្រទេសចិន គ្រោងសហការជាមួយវិទ្យាស្ថានតេជោសែន សាធារណការ និងដឹកជញ្ជូន appeared first on .