ពីជនអន្តោប្រវេសន៍ លោកស្រី Lisa Su ក្លាយជា CEO ស្រីដំបូងបំផុត ដឹកនាំក្រុមហ៊ុនកើនតម្លៃទីផ្សារដល់ ១ទ្រីលានដុល្លារ

ឧកញ៉ាសាមញ្ញ — Mon, 05 Oct 2026 07:13:00 +0000

លោកស្រី Lisa Su បានក្លាយជានាយកប្រតិបត្តិ (CEO) ស្រីដំបូងគេបង្អស់ ដែលបានដឹកនាំក្រុមហ៊ុនមួយឱ្យឆ្លងផុតតម្លៃមូលធនទីផ្សារ ១ទ្រីលានដុល្លារ បន្ទាប់ពីក្រុមហ៊ុនផលិតបន្ទះឈីបខ្នាតយក្សរបស់អាមេរិក AMD បានឈានដល់សមិទ្ធផលនេះ ក្នុងអំឡុងពេលនៃការកើនឡើងភាគហ៊ុន ដោយសារវិស័យ AI។

ក្រុមហ៊ុន AMD ឈានដល់កម្រិតតម្លៃនេះជាលើកដំបូងកាលពីថ្ងៃទី២១ ខែកញ្ញា ដោយបានចូលរួមជាមួយក្រុមក្រុមហ៊ុនតូចៗមួយចំនួនផ្សេងទៀតដែលមានតម្លៃលើសពី ១ទ្រីលានដុល្លារ ខណៈពេលដែលវិនិយោគិនបានដាក់ការរំពឹងទុកកាន់តែខ្ពស់លើតួនាទីនៃបច្ចេកវិទ្យាបញ្ញាសិប្បនិម្មិត (AI)។ នេះបើយោងតាមការរាយការណ៍របស់ទីភ្នាក់ងារសារព័ត៌មាន Reuters។

មិនតែប៉ុណ្ណោះ សមិទ្ធផលនេះក៏ជាកំណត់ត្រាដំបូងបង្អស់សម្រាប់ស្ត្រីនៅក្នុងពិភពជំនួញផងដែរ។ ក្រុមហ៊ុនផ្សេងទៀតដែលបានឈានដល់តម្លៃលុយទ្រីលាន រួមមាន Apple, Microsoft, Alphabet, Amazon, Meta និង Nvidia ប៉ុន្តែ AMD គឺជាក្រុមហ៊ុនដំបូងគេដែលធ្វើបានសម្រេច ក្រោមការដឹកនាំរបស់ CEO ដែលជាស្ត្រី។

គួរឲ្យដឹងថា ការផ្លាស់ប្តូរស្ថានភាពក្រុមហ៊ុនឱ្យមានភាពរីកចម្រើនឡើងវិញនេះ បានធ្វើឱ្យលោកស្រី Su ក្លាយជានាយកប្រតិបត្តិស្ត្រីដំបូងគេនៃក្រុមហ៊ុនផលិតបន្ទះឈីប (semiconductor) ដ៏ធំមួយ ដែលមានទ្រព្យសម្បត្តិឡើងដល់កម្រិតមហាសេដ្ឋី ក្នុងឆ្នាំ២០២៤។ គិតត្រឹមថ្ងៃទី៤ ខែតុលា ទ្រព្យសម្បត្តិសរុបរបស់លោកស្រីត្រូវបានប៉ាន់ប្រមាណថាមានចំនួន ៣,៥ពាន់លានដុល្លារ ដែលភាគច្រើនបានពីការកាន់កាប់ភាគហ៊ុន AMD ផ្ទាល់។

ជម្រាបជូនថា លោកស្រី Su កើតនៅកោះតៃវ៉ាន់ ក្នុងឆ្នាំ១៩៦៩ ហើយបានផ្លាស់ទៅរស់នៅសហរដ្ឋអាមេរិកជាមួយគ្រួសារនៅពេលលោកស្រីមានអាយុ ៣ឆ្នាំ។ លោកស្រីបានបញ្ចប់ការសិក្សាថ្នាក់បរិញ្ញាបត្រ អនុបណ្ឌិត និងបណ្ឌិតផ្នែកវិស្វកម្មអគ្គិសនីពីវិទ្យាស្ថានបច្ចេកវិទ្យា Massachusetts (MIT) មុនពេលចូលបម្រើការងារនៅក្រុមហ៊ុន Texas Instruments, IBM និង Freescale Semiconductor ផងដែរ៕

The post ពីជនអន្តោប្រវេសន៍ លោកស្រី Lisa Su ក្លាយជា CEO ស្រីដំបូងបំផុត ដឹកនាំក្រុមហ៊ុនកើនតម្លៃទីផ្សារដល់ ១ទ្រីលានដុល្លារ appeared first on .

CEO ក្រុមហ៊ុនបន្ទះឈីប AMD ក្លាយជាមហាសេដ្ឋីក្នុងវ័យ ៥៤ឆ្នាំ

ឧកញ៉ាសំពៅ — Thu, 08 Feb 2024 06:46:17 +0000

លោកស្រី Lisa Su នាយកប្រតិបត្តិនៃក្រុមហ៊ុនផលិតបន្ទះឈីបខ្នាតយក្ស Advanced Micro Devices Inc ហៅកាត់ AMD ត្រូវបានទទួលងារជាមហាសេដ្ឋីមួយរូប បន្ទាប់ពីទ្រព្យសម្បត្តិរបស់លោកស្រី កើនដល់ចំនួន ១,១ពាន់លានដុល្លារ ខណៈបច្ចុប្បន្នលោកស្រីមានអាយុ ៥៤ឆ្នាំ។ នេះបើតាមការចុះផ្សាយពីគេហទំព័រ Forbes។

Dr. Lisa Su, CEO of AMD unveils the new 64-core Threadripper 3990WX chip during the 2020 International CES, at the Mandalay Bay Convention Center in Las Vegas, Nevada on Monday, January 6, 2020. The long awaited CPU will cost $3,950 when it hits the streets on Feb. 7. Photo by James Atoa/UPI (Newscom TagID: upiphotostwo721643.jpg) [Photo via Newscom]

ការកើនឡើងនៃទ្រព្យសម្បត្តិរបស់លោកស្រី គឺបណ្ដាលមកពីតម្លៃភាគហ៊ុនរបស់ AMD មានសន្ទុះល្អ ហើយបើទោះជាលោកស្រី Lisa មានចំណែកភាគហ៊ុនត្រឹម ០,២% ឬប្រមាណ ៤លានហ៊ុន ក៏វាបានគ្របដណ្ដប់ ៧៥% នៃទំហំទ្រព្យសម្បត្តិសរុបជាង ១ពាន់លានដុល្លាររបស់លោកស្រីផងដែរ។

ជាមួយគ្នា ការក្លាយជាមហាសេដ្ឋីនេះទៀតសោត បានជួយឲ្យលោកស្រី ជាប់ឈ្មោះជា CEO ស្រីដំបូងបំផុតនៅក្នុងក្រុមហ៊ុនបន្ទះឈីបទូទាំងសកលលោក ដែលអាចឈានដល់ចំណុចកំពូល និងជាស្ត្រីមួយរូបដែលប្រឹងប្រែងខ្លាំង រហូតអាចក្លាយជាមហាសេដ្ឋីបែបនេះ។

រំលឹកបន្តិចថា មហាសេដ្ឋី Lisa Su គឺបានកើតនៅកោះតៃវ៉ាន់ ក្នុងឆ្នាំ១៩៦៩ ប៉ុន្តែពេលលោកស្រីមានអាយុ ៣ឆ្នាំ គ្រួសាររបស់លោកស្រីបានចំណាកស្រុកមករស់នៅទីក្រុងញូវយ៉ក សហរដ្ឋអាមេរិក។

មហាសេដ្ឋីជនជាតិអាមេរិករូបនេះ គឺបានសិក្សានៅសកលវិទ្យាល័យ Massachusetts Institute of Technology និងសម្រេចបានដល់ថ្នាក់បណ្ឌិត ផ្នែកវិស្វកម្មអេឡិចត្រូនិកនៅទីនោះ ស្របពេលលោកស្រីមានបទពិសោធន៍ការងារលើវិស័យឌីជីថលយ៉ាងជោគជាំ មុនទទួលបានតំណែងកំពូលនៅក្រុមហ៊ុន AMD៕

The post CEO ក្រុមហ៊ុនបន្ទះឈីប AMD ក្លាយជាមហាសេដ្ឋីក្នុងវ័យ ៥៤ឆ្នាំ appeared first on .