អតីតនាយករដ្ឋមន្ត្រីអង់គ្លេស កាន់អំណាចបានមួយភ្លែតរូបនេះបាននិយាយថា៖ “តៃវ៉ាន់​ជា​សញ្ញា​នៃ​សេរីភាព និង​លទ្ធិប្រជាធិបតេយ្យ។ ខ្ញុំទន្ទឹងរង់ចាំការបង្ហាញសាមគ្គីភាពជាមួយប្រជាជនតៃវ៉ាន់ដោយផ្ទាល់ ចំពោះមុខអាកប្បកិរិយាឈ្លានពានកាន់តែខ្លាំងឡើង និងវោហាសាស្ត្រពីរបបនៅទីក្រុងប៉េកាំង”។

គួររំលឹកដែរថា លោកស្រី Liz កាន់តំណែងជានាយករដ្ឋមន្ត្រីអង់គ្លេស រយៈពេលខ្លីបំផុត​ប្រចាំ​ប្រវត្តិសាស្ត្រ ពោលកាន់អំណាចមិនបាន ២ខែផង ក៏ប្រកាសលាលែងពីតំណែង បន្ទាប់ពី​គោលនយោបាយ​របស់​អ្នកស្រី ទទួលរងការរិះគន់ខ្លាំងពេក។

តាំងពីពេលនោះ លោកស្រីតែងតែនិយាយជាញយដង​នៅជប៉ុន និងអាមេរិកអំពី​ការប្រកាន់​ជំហរ​ ប្រឆាំងជាមួយចិន ហើយអ្នកនយោបាយម្នាក់នេះក៏នឹង​លើក​បញ្ហាដដែល​មក​ជជែកម្ដងទៀត អំឡុងពេល​បំពេញទស្សនកិច្ច​នៅតៃវ៉ាន់ នាថ្ងៃទី ១៧ ឧសភាខាងមុខ៕

The post អតីតនាយករដ្ឋមន្ត្រីអង់គ្លេស គ្រោងធ្វើទស្សនកិច្ចទៅតៃវ៉ាន់នាសប្ដាហ៍ក្រោយ appeared first on .

ប្រភពដដែលបាន​បន្ថែមថា ការលាលែងតំណែងមួយនេះ នឹងធ្វើឲ្យលោកស្រីក្លាយជានាយករដ្ឋមន្ត្រីអង់គ្លេស កាន់តំណែងបានខ្លីបំផុតប្រចាំប្រវត្តិសាស្ត្រ។

ហើយការលាលែងតំណែងរបស់លោកស្រី ធ្វើឡើងបន្ទាប់ពី​អង់គ្លេស​ធ្វើកំណែទម្រង់សេដ្ឋកិច្ច​នយោបាយថ្មី ក្នុងគោលបំណង​កែប្រែ​ស្ថានការណ៍​សេដ្ឋកិច្ច​ដែល​អង់គ្លេស​កំពុង​ជួបប្រទះ ប៉ុន្តែ​វា​បែរជា​មិនទទួល​បាន​ការ​គាំទ្រ​ពី​ប្រជាជន​ឡើយ។

ទន្ទឹម​នឹងនោះ លោក Sir Keir Starmer មេដឹកនាំបក្សប្រឆាំង ស្នើសុំឲ្យ​មាន​ការ​បោះឆ្នោត​មុន​កាលកំណត់ ស្របពេលលោក Sir Graham Brady ប្រធានគណៈកម្មាធិការនៃឆ្នាំ 1922 បានប្រកាស​ថា ការបោះឆ្នោតជ្រើសតាំងនាយករដ្ឋមន្ត្រីថ្មី រំពឹងបញ្ចប់នៅថ្ងៃទី ២៨ តុលា ហើយនាយករដ្ឋមន្ត្រីថ្មីនឹងចូលកាន់តំណែងនៅថ្ងៃទី ៣១ តុលា៕

The post Breaking News: លោកស្រី Liz Truss ប្រកាសលាលែងតំណែងជានាយករដ្ឋមន្ត្រីអង់គ្លេស ក្រោយកាន់តំណែងបាន ៤៥ ​ថ្ងៃ appeared first on .

សម្រាប់​ការ​ឡើង​កាន់​តំណែង​ថ្មីថ្មោង​នេះ ស្ត្រី​មាន​ឥទ្ធិពល​ខាងលើ​បាន​បង្កើត​ប្រវត្តិសាស្ត្រ​ថ្មី​ស្រឡាង​មួយ​ទៀត​សម្រាប់​ចក្រភព​អង់គ្លេស គឺ​លើក​ដំបូង​ក្នុង​ប្រវត្តិសាស្ត្រ​ដែល​តំណែង​គណៈរដ្ឋមន្ត្រី​កំពូល​ទាំង ៤ របស់​អង់គ្លេស មិនមាន​បុរស​ស្បែក​ស​ជា​អ្នក​គ្រប់គ្រង​។ នេះ​បើតាម​ការ​ចុះផ្សាយពី Reuters។

ប្រភព​ដដែល​បាន​បន្ថែម​ថា សម្រាប់​តំណែង​កំពូល​បង្អស់​ជា​នាយករដ្ឋមន្ត្រី​គឺ​គ្រប់គ្រង​ដោយ​លោកស្រី Liz Truss ហើយ​លោកស្រី​ក៏​បាន​តែងតែ​លោក Kwasi Kwarteng ជា​រដ្ឋមន្ត្រី​ហិរញ្ញវត្ថុ​ស្បែកខ្មៅ​តំបូង​ប្រចាំ​អង់គ្លេស។

ដោយឡែក​តំណែង​បន្ទាប់​ គឺ​លោកស្រី​បាន​ប្រគល់​ជូន James Cleverly ដែល​បាន​ធ្វើ​ឲ្យ​លោក​ក្លាយជា​រដ្ឋមន្ត្រីការបរទេស​ស្បែកខ្មៅ​ជា​លើក​ដំបូង​ប្រចាំ​អតីត​សមាជិក EU មួយ​នេះ​ផងដែរ។

សម្រាប់​អ្នកស្នងតំណែង​របស់​លោកស្រី​ Priti Patel ជា​រដ្ឋមន្ត្រីមហាផ្ទៃ គឺ​ជា​អ្នកស្រី​ Suella Braverman ដែល​នឹង​គ្រប់គ្រង​លើ​ផ្នែក​អន្តោប្រវេសន្ត​ និង​ប៉ូលិស។

សូមបញ្ជាក់​ដែរថា អស់រយៈពេល​ជាច្រើន​ទសវត្ស​ដែល​តំណែង​សំខាន់ៗ​ប៉ុន្មាន​ខាងលើ​គឺ​តែងតែ​ជា​ទំនួល​ខុសត្រូវ​របស់​បុរស​ស្បែក​ស សម្រាប់​គណៈរដ្ឋមន្ត្រី​អង់គ្លេស ប៉ុន្តែ​សម្រាប់​សតវត្ស​ទី ២១ នេះ​វិញ ការ​រើសអើង​ពណ៌​សម្បុរ និង​ពូជសាសន៍ លែង​ជា​បញ្ហា​ហើយ អ្វីដែល​សំខាន់​គឺ​សមត្ថភាព និង​ចក្ខុវិស័យ​ក្នុង​ការ​ដឹកនាំ​ប្រទេស​តែប៉ុណ្ណោះ៕

The post លើកដំបូងក្នុងប្រវត្តិសាស្ត្រអង់គ្លេស ដែលតំណែងគណៈរដ្ឋមន្ត្រីកំពូលទាំង ៤ មិនមានបុរសស្បែកស appeared first on .

គួរឱ្យដឹងថាលោកស្រី Patel បានប្រកាសពីការសម្រេចចិត្តរបស់នាង នៅក្នុងលិខិតមួយ ដែលផ្ញើទៅកាន់អតីតនាយករដ្ឋមន្ត្រី លោក Boris Jonhson ដោយនិយាយថានាង នឹងមិនផ្តល់ការគាំទ្រដល់លោកស្រី Truss សម្រាប់ការឡើងកាន់តំណែងនេះឡើយ ។

ហើយមិនតែប៉ុណ្ណោះ យោងតាមរបាយការណ៍ ដែលបានចុះផ្សាយកាលពីសប្តាហ៍មុន បានបង្ហាញថា លោកស្រី Patel ត្រូវបានគេរំពឹងថាស្ថិតនៅក្នុងចំណោមមន្ត្រីផ្សេងទៀតរបស់អង់គ្លេស ដែលអាចនឹងត្រូវផ្លាស់ប្តូរតំណែង នៅពេលលោកស្រី Truss ចូលកាន់តំណែងជានាយករដ្ឋមន្ត្រី ហើយចាប់ផ្តើមរុះរើក្រុមរដ្ឋមន្រ្តីថ្មីរបស់ខ្លួន ។

ទន្ទឹមនឹងនេះ លោកស្រី Nadine Dorries ដែលជាសម្ព័ន្ធមិត្តដ៏រឹងមាំរបស់អតីតនាយករដ្ឋមន្ត្រី លោក Jonhson ក៏កំពុងចុះចេញពីតំណែងផងដែរ បន្ទាប់ពីលោកស្រី បានដឹកនាំនាយករដ្ឋានវប្បធម៌ចាប់តាំងពីឆ្នាំ ២០២១ មក ។

បញ្ជាក់ផងដែរថា លោកស្រី Dorries បានពិចារណាបន្តធ្វើជាលេខាធិការវប្បធម៌បន្តទៀត ប៉ុន្តែយ៉ាងក៏ដោយ លោកស្រីបានសម្រេចចិត្តរួមទៅហើយ ក្នុងការលាលែងចេញពីតំណែងនេះ ដើម្បីវិលត្រលប់ទៅសរសេរសៀវភៅវិញ បន្ទាប់ពីការឡើងកាន់តំណែងរបស់លោកស្រី Liz Truss ជានារដ្ឋមន្ត្រីថ្មី ៕

The post រដ្ឋមន្ត្រីជាន់ខ្ពស់អង់គ្លេស ២ រូប​លាលែងតំណែង ក្រោយ Liz Truss ក្លាយជានាយករដ្ឋមន្ត្រីថ្មី appeared first on .

ជុំវិញការរកឃើញមេដឹកនាំថ្មីរបស់ចក្រភពអង់គ្លេសនេះ ឧកញ្ញ៉ាញូវ សូមលើកយកប្រវត្តិខ្លះៗ ពាក់ព័ន្ធជាមួយលោកស្រី Liz Truss មកធ្វើការបង្ហាញដូចតទៅ ៖

លោកស្រី Mary elizbeth Truss ឬស្គាល់ថា Liz Truss បានកើតនៅថ្ងៃទី ២៦ ខែកក្កដា ឆ្នាំ ១៩៧៥ នៅទីក្រុង Oxford ប្រទេសអង់គ្លេស ដែលមានឪពុកឈ្មោះ John Kenneth ធ្លាប់ធ្វើការជាសាស្រ្តាចារ្យផ្នែកគណិតវិទ្យា នៅសាកលវិទ្យាល័យ Leedsនិងម្តាយឈ្មោះ Priscilla Mary Truss ធ្លាប់ធ្វើជា​គិលានុបដ្ឋាយិកា​ និងជាគ្រូបង្រៀន ។

Liz ទទួលបានការសិក្សាផ្នែកនយោបាយ ទស្សនវិជ្ជា និងសេដ្ឋកិច្ចនៅមហាវិទ្យាល័យ Nerton នៃទីក្រុង Oxford ហើយនៅមុនពេលប្រឡូកចូលក្នុងឆាកនរយោបាយ លោកស្រី ធ្លាប់បានធ្វើការនៅក្នុងឧស្សាហកម្មថាមពល និងទូរគមនាគមន៍ អស់រយ:ពេល ១០ ឆ្នាំ ក្នុងនាមជាអ្នកគ្រប់គ្រងពាណិជ្ជកម្ម និងជានាយកផ្នែកសេដ្ឋកិច្ច ។

ទោះបីជាបានកើតចេញពីក្រុមគ្រួសារមានទំនោរទៅខាងឆ្វេងនិយមក៏ដោយ ប៉ុន្តែផ្ទុយស្រឡះ លោកស្រី Liz ត្រូវបានគេមើលឃើញថាជាអ្នកនៅខាងស្តាំនិយមទៅវិញ ដោយចូលរួមជាមួយគណបក្សអភិរក្សនិយម ហើយលោកស្រីត្រូវបានគេបោះឆ្នោតជ្រើសរើសជាសមាជិក ក្រុមប្រឹក្សា នៅ Greenwich ក្នុងឆ្នាំ ២០០៦ មុនពេលក្លាយជាសមាជិកសភា សម្រាប់មជ្ឈមណ្ឌលបោះឆ្នោតអង់គ្លេស Southwest Norfolk នៅក្នុងឆ្នាំ ២០១០ ។

ចាប់តាំងពីនោះមក លោកស្រី Liz បានក្លាយជារដ្ឋមន្ត្រីក្រសួងអប់រំ រដ្ឋលេខាធិការក្រសួងបរិស្ថាន លេខាធិការយុត្តិធម៌ ប្រធានលេខាធិការរតនាគារ និងជារដ្ឋលេខាធិការសម្រាប់ពាណិជ្ជកម្មអន្តរជាតិ និងជាប្រធានក្រុមប្រឹក្សាពាណិជ្ជកម្ម ក៏ដូចជារដ្ឋមន្ត្រីក្រសួងកិច្ចការនារី និងសមភាពផងដែរ ។

នៅក្នុងនាមជាអគ្គលេខាធិការ លោកស្រី Liz ត្រូវបានប្រគលភារកិច្ចឱ្យឃ្លាំមើលហិរញ្ញវត្ថុសាធារណា: និងការជំរុញផលិតភាព ក្នុងសេវាកម្មសាធារណ: ។ លោកស្រី បានធ្វើដំណើរទៅកាន់ប្រទេសជាច្រើន ដូចជា ជប៉ុន កូរ៉េខាងត្បូង ប្រេស៊ីល និងឈីលី ដើម្បីមើលពីរបៀប ដែលប្រទេសនៅជុំវិញពិភពលោក កំពុងជំរុញលើកំណើនសេដ្ឋកិច្ច ការគ្រប់គ្រងហិរញ្ញវត្ថុសាធារណ: និងការផ្តល់សេវាសារធារណ:លំដាប់ពិភពលោកផងដែរ ។

លុះដល់ខែកក្កដា ឆ្នាំ ២០១៩ លោកស្រី Liz បានក្លាយជារដ្ឋលេខាធិការសម្រាប់ពាណិជ្ជកម្មអន្តរជាតិ និងជាប្រធានក្រុមប្រឹក្សាភិបាលពាណិជ្ជកម្ម ហើយរហូតដល់ខែកញ្ញា ឆ្នាំ ២០២១ លោកស្រី Liz ត្រូវបានបន្តតែងតាំងជារដ្ឋលេខាធិការក្រសួងការបរទេស និងទទួលបន្ទុកលើកិច្ចសហប្រតិបត្តិការ និងការអភិវឌ្ឍន៍ រហូតដល់ពេលបច្ចុប្បន្ន ។

ដោយឡែក សម្រាប់ការចូលកាន់តំណែងជានាយរដ្ឋមន្ត្រីថ្មី ជំនួសលោក Boris Jonhson លោកស្រី Liz Truss បានធ្វើការសន្យាថា នឹងចាត់វិធានការភា្លមៗ ចំពោះការស្តារសេដ្ឋកិច្ចរបស់ចក្រភពអង់គ្លេសឡើងវិញ ជាពិសេសគឺការដោះស្រាយទៅលើការកើនឡើងនៃតម្លៃថាមពល ។

មិនតែប៉ុណ្ណោះ បើយោងតាមលោក Chris Mason និពន្ធនាយកផ្នែកនយោបាយ របស់កាសែត BBC បានអះអាងថា លោកស្រី Truss បានធ្វើការលើការដោះស្រាយលើបញ្ហាថាមពល អស់ជាច្រើនសប្តាហ៍មកហើយ ដោយផ្អែកលើការពិភាក្សាជាមួយប្រទេសអ្នកផលិតប្រេង និងឧស្ម័ន ស្របពេលលោកស្រី ក៏គ្រោងនឹងផ្តល់ការកាត់បន្ថយពន្ធចំនួន ៣០ ពាន់លានផោន តាមរយៈថវិកាសង្គ្រោះបន្ទាន់នៅចុងខែនេះ ដើម្បីជំរុញដល់ការវិនិយោគអាជីវកម្ម និងផ្តល់កំណើនសេដ្ឋកិច្ច ។

បញ្ជាក់ផងដែរថា ការឡើងកាន់តំណែងនេះ បានធ្វើឱ្យលោកស្រី Liz Truss ក្លាយជានាយករដ្ឋមន្ត្រីស្រីទី ៣ ក្នុងប្រវត្តិសាស្រ្តចក្រភពអង់គ្លេស បន្ទាប់ពីលោកស្រី Margaret Thatcher ធ្លាប់កាន់តំណែងពីឆ្នាំ ១៩៧៩ ដល់ឆ្នាំ ១៩៩០ និងលោកស្រី Theresa May ធ្លាប់កាន់តំណែងពីឆ្នាំ ២០១៦ ដល់ឆ្នាំ ២០១៩ ៕

The post ប្រវត្តិនាយករដ្ឋមន្រ្តីអង់គ្លេសថ្មី ដឹងក្តីក្នុងគ្រួសារគាំទ្រលទ្ធិឆ្វេងនិយម appeared first on .

យោង​តាម​ការ​ចុះផ្សាយ​ពី CNA បាន​ទម្លាយ​ឲ្យ​ដឹង​ថា បេក្ខភាព ២ រូប​ចុងក្រោយ​នឹង​ត្រូវ​ប្រកាស​នៅ​ម៉ោង ១៥:០០ (ម៉ោង​ក្នុង​ស្រុក) ដែល​ត្រូវ​នឹង​ម៉ោង ២០:០០ នៅ​កម្ពុជា ខណៈ​នេះ​គឺ​ជា​ការ​ប្រកួត​ដ៏​ស្វិតស្វាញ​រវាង​រដ្ឋមន្ត្រីការបរទេស Liz Truss និង Penny Mordaunt ស្របពេល​លោក Rishi Sunak គឺ​ជា​បេក្ខភាព​ជួរមុខ។

អតីត​រដ្ឋមន្ត្រី​ហិរញ្ញវត្ថុ Sunak គឺ​នៅខ្វះ​តែ ២ សំឡេង​ប៉ុណ្ណោះ ដើម្បី​ធានា​កៅអី​ជុំ​ចុងក្រោយ ខណៈ Truss ត្រូវការ ៥ សំឡេង ស្របពេល Mordaunt ខ្វះ​តែ ៦ សំឡេង។

សូមជម្រាប​ដែរ​ថា ក្នុង​កាលៈទេសៈ​មួយ​នេះ ចក្រភពអង់គ្លេស​អាច​នឹង​មាន​ប្រវត្តិសាស្ត្រ​ថ្មី ដ្បិត​បើ​សិន​ជា​លោក Sunak ជាប់ឆ្នោត នោះ​លោក​នឹង​ក្លាយជា​នាយករដ្ឋមន្ត្រី​អង់គ្លេស​កាត់​អាស៊ី​តំបូង​បំផុត ខណៈ​បើ Truss ឬ Mordaunt ជាប់ឆ្នោត​ នោះ​អង់គ្លេស​នឹង​មាន​នាយករដ្ឋមន្ត្រី​ជា​ស្ត្រី​ទី ៣ ក្នុង​ប្រវត្តិសាស្ត្រ៕

The post បេក្ខភាព​ ២ រូប​ចុងក្រោយ​ សម្រាប់​ការបោះឆ្នោត​នាយក​រដ្ឋមន្ត្រី​អង់គ្លេស​នឹង​សម្រេច​នៅ​យប់នេះ appeared first on .